ألف ألف ألف مبروك

الكاتب : سيف | المشاهدات : 2,086 | الردود : 20 | ‏30 يوليو 2009
  1. سيف

    سيف بـترولـي نشيط

    115
    0
    0
    و صلت البشاره من النقابة يا شباب

    ألف مليون مبروك
    اقرار هيئة التحكيم ان القانون الكويتي هو القانون الواجب التطبيق


    ألف مبروك
    هيئة التحكيم رفضت بدل الطريق لأن المستحق هو بدل الايفاد و السفر وتحتاج الى مفاوضات جديدة مع الشركة او قضية جديده
     
  2. SonMubarak989

    SonMubarak989 بـترولـي خـاص أعضاء الشرف

    2,062
    98
    48
    يعني قضيه ثانيه
    زين تجي بأثر رجعي ولا شووو



    :)
     
  3. kgoc__job

    kgoc__job بـترولـي جـديـد

    4
    0
    0
    بيان التحكيم يا شباب واااصل

    هذا البيان الواصل بالايميل من النقابة


    [​IMG]

    [​IMG]




    يا شبببببباب

    ترقبوا المفاجأة يوم الأحد
     
  4. KGOC_Khafji

    KGOC_Khafji بـترولـي نشيط

    124
    0
    0
    Mechanical Engineer
    أولا : نشكر النقابة على تواصلها وجهودها المتميزة
    ثانيا : بصراحة انا شايف إن كل ما قيل إلى الآن عبارة عن إجتهادات شخصية في تفسير الحكم الصادر من المحكمة العمالية
    ثالثا : بدل سفر أوما يسمى ببدل إيفاد أو تمثيل .... عليه علامة استفهام يجب توضيحها بدقة
    رابعا : المفاجئة اللي يتحدث عنها البعض بصراحة أتوقع إنها تكون غير سارة وخصوصا بعد تصريح الوزير من جم يوم إن العامليين بالخفجي لديهم رواتب ومميزات مجزية من الجانب السعودي والكويتي

    وهذي بصراحة كبيرة إذا الوزير ينظر لنا بهذه الطريقة فالأمل ضعيف إن لم يكن ضعيف جدا في الحصول على حقوقنا الثابتة

    بالنهاية : الحمدلله على كل حال أنا من الناس اللي بصبر لما تتضح الرؤية عدل بعد ذلك لازم أقيم موقفي من الإستمرار في العمل بالخفجي من عدمه بصراحة صارت السالفة ما تسوى نشتغل بالخفجي وربعنل اللي بالكويت رواتبهم الله يزيدهم أكثر منا
     
  5. demos

    demos بـترولـي جـديـد

    22
    0
    0
    مهندس
    الكويت
    اسئلة مشروعة

    اولا: بيان النقابة مؤرخ بتاريخ 29 اغسطس؟!!!!!
    ثانيا: لماذا لم يتم اضافة بدل السفر او الغربة الى المطالب الاخرى في القضية من الاساس؟
    ثالثا: تحت اي بند يحصل الاخوة المعارين من الشركة الام الى عمليات الخفجي على السبعين او الثمانين دينار يوميا بالاضافة الى رواتبهم؟؟؟؟ (لا حسد يا اخوان ولكن لابين ان القانون اعوج)
    رابعا: لماذا رفضت المحكمة بدل الطريق ان كان العاملون بالخفجي يتبعون قانون المؤسسة؟؟


    شكرا
     
  6. kgoci

    kgoci بـترولـي جـديـد

    36
    0
    0
    رفض باقي الطلبات

    رقم 5 - رفض باقي الطلبات.

    لماذا يتم تجاهل تفسير هذا البند؟
     
  7. HaSTa

    HaSTa بـترولـي جـديـد

    44
    0
    0
    ألف مبروك على شنو ؟

    أنا ودي أفهم ألف مبروك على شنو بالضبط فلوس و ماكو على شنو مبروك, مبروك على اجازة طارئة يبا نقدر نستأذن من المسؤول من الأول فاليش مبروك عليها, مرافقة مريض يبا عندنا اجازة مرافقة مريض بس زيادة أيام مو مشكلة ناخذه اجازة دورية, مبروك انا نتبع الجانب الكويتي أوكي شنو نستفيد ياليت واحد اوضحلي. الشي المهم كان بدل الطريق و كل الموظفيين حاطيين أمالهم فية بالنهاية ماكو شي أن غيرة الا بدل سفر يبا من الأول غيرو المسمى نطرنا اسنين عشان بدل الطريق أخر شي ماكو و أنا شخصيا أشوف السالفة فيها ضحك على الذقون فا ياليت الواحد لما اقول مبروك اقولها لما مطالبنا كموظفيين بالخفجي تتحقق
     
  8. أبو العلاء المعري

    أبو العلاء المعري بـترولـي نشيط

    72
    0
    0

    عزيزي معاك حق .. الواحد يبي شيء محسوس .. بس مشكلة نفط الخليج أن من يشرع لك لا يستفيد مثلك الإدارة العليا ينطبق عليها قانون ونظام يختلف عنك في الخفجي ...

    لكن الان اصبح القانون واحد ... يعني بداية النهاية .. ايام معدودة وتنكشف الحقيقة التي حاولت الشركة تغطيتها 6 سنين !!! وان غدا لناظره قريب
     
  9. SonMubarak989

    SonMubarak989 بـترولـي خـاص أعضاء الشرف

    2,062
    98
    48
    الله يسمع منك ونتمنى التطبيق الفعلي ومعرفه الامتيازات التي نستحقها
    ونتمنى نشووفها ملموسه وتذكرها النقابه وتبين لنا ماهو لنا وعلينا بناء على الحكم
    لانه الا الان الحكم غير معروووف وغير واضح ليش بدل الطريق غير مطبق علينا مع العلم الوفره لهم بدل طريق
    زين ابي اعرف اكو موظفين يجون عن طريق المكتب الرئيسي هل له بدل طريق ولا لا
    نبي توضيح اكثر
     
  10. أبو العلاء المعري

    أبو العلاء المعري بـترولـي نشيط

    72
    0
    0

    باختصار شديد ..... مسألة بدل الطريق فيها خلاف كبير حتى في محكمة التمييز ،،،، ونحترم القضاء ... لكن بدل

    التمثيل وبدل السفر والايفاد اضن أنها واضحة وضوح الشمس 66.600 × 22 = 1465.200 ألف واربعمائة وخمس وستين دينار

    لكن .... المطلوب مفاوضات مباشرة وطرق باب وزير ومن ثم القضاء .......... والله أكبر ومؤسسة البترول معترفة أن عمال الخفجي موفدين للعمل فقي منطقة العمليات بالخفجي ما تبيلها حجي ..
     
  11. Minagish

    Minagish بـترولـي نشيط

    اذا كان مبلغ بدل الطريق أقل من بدل السفر بكثير وانرفض

    اتهقون راح نحصل على بدل السفر
    بالنسبة لي السالفة منطقيا مو راكبة
     
  12. bumaryoom

    bumaryoom بـترولـي نشيط

    55
    0
    0
    حجي فاظي

    والله انا اقول النقابه قاعده تضحك عالموظفين و احنا غلاابه اي شي نصدق و نبارك و نصفق على خال بلاش و اتحدى التقابه تسوي لقاء مفتوح مع الموظفين لشرح الموضوع بالتفصيل و امام الملاء احسن من اسلوب الايميلات و التعاطف
     
  13. interkw

    interkw بـترولـي جـديـد

    31
    0
    0
    ياجماعه مالوم النقابه بشي ترا النقابه موظفين حالهم حالنا اذا اخذنا بدل طريق بياخذونا معانا
    وانا اشوف ان النقابه ماقصرت الى الان حاولت في التفاوض مع الشركة ولا حصلت شي ولما احالت القضيه الى القضاء حصلنا على بعض المطالب والباقي بيحاولون فيه انشالله
    بالعكس لازم نوقف معاهم لاني اتوقع انهم راح يحصلون مضايقات في عملهم
    بعدين هذي اول دوره نقابيه لهم واذا خلصت نحكم عليهم اذا شفنا منهم تقصير غيرنا هم واذا شفنا النتائج طيبه ها واخذنا بدل صاعقه قصدي بدل ( طريق و جوازات وسفر وعطلة الربيع و بهذله ) لا والله بنجدد لهم و انا اول واحد بصوت لهم مع العلم اني للحين ماسجلت بالنقابه :)
     
  14. عبدالله النيباري

    عبدالله النيباري بـترولـي نشيط

    142
    0
    0


    يابو مريوم ... هدي أعصابك .... خل تطلع الحيثيات وتالي أطلق حكمك ... ترى الإساءة موزينة بعدين تحتد على الاعتذار والتأسف .... ماله داعي ... التثبت صفة زينة ... والحكم واضح من منطوقه ... القانون الكويتي ولوائح نفط الخليج تنطبق على عمال الخفجي صدقني وما أبالغ أذا قلت لك طحنا على كنز !!!!!!!!!!!!!!!!!!!!!!!!!!!!!!!!!!!!
     
  15. العوضي

    العوضي بـترولـي خـاص

    1,054
    3
    0
    راح يبين مفعول الحكم مع الايام اليوم الخبر بفلوس باجر يصير ببلاش .
     
  16. SonMubarak989

    SonMubarak989 بـترولـي خـاص أعضاء الشرف

    2,062
    98
    48
    ليش ما تعقد النقابه جمعيه عموميه لبيان موضوع الحكم بدلا الاحتمالات اللي نتوقعها
    علشان نعرف اللي لنا واللي علينا
     
  17. Workers

    Workers إدارة المنتدى

    7,767
    30
    48
    ذكر
    الكويت
    اعتقد بدل السفر راح يكون نفس المطبق في المؤسسة وشركاتها 100 دينار عن اليوم الواحد

    سبحان الله هالشركة كثر ماهي ممتنعه من اعطاء الموظفين حقوقهم وتتحايل بكل الطرق في تقليلها ايضاً
    رغم استحقاقها للموظفين !!
    راح تدفع اضعاف اضعافها ويتمنون قبول جميع مطالب العمال السابقة بدل مايسمى بدل سفر ( حنفيه خير للموظفين )

    واتوقع من الشركة ان تفعل المستحيلات وبأي طريقة تراها لمصلحتها .. وهو الخروج من مأزقها الحالي ( بدل السفر )
    اللي طلع لهم بدون مايحسبون له حساب ..

    والله يوفقكم يا اخوان والحمدلله نقابتكم إن شاء الله راح تحصل عليها بالقضاء .. وانتبهو من اغراءات الشركة وتوقيعكم على اتفاقيات .. وتروحون فيها :)
     
  18. SonMubarak989

    SonMubarak989 بـترولـي خـاص أعضاء الشرف

    2,062
    98
    48
    الله يرزقنا قولوا امين
    و ع طاري الاتفاقيات نتمنى من النقابه عدم عقد اي اتفاقيه تكبل حقوقنا
    وراضين انه نتبع قرارات المؤسسه بجميع قراراتها حلوها ومرها
     
  19. ابوصقر

    ابوصقر بـترولـي نشيط

    86
    4
    8
    موظف
    الخفجي
    الله يكتب مافيه خير للموظفين
    .
    الله يوفق نقابة الخير
     
  20. kgoci

    kgoci بـترولـي جـديـد

    36
    0
    0
    دور الجمعية العمومية


    لا يجب تهميش دور الجمعية العمومية و نحذر ممثلي النقابة من توقيع أي إتفاقيات مع الشركة بدون الرجوع للجمعية العمومية و الأخذ برأي الأغلبية.
     
جاري تحميل الصفحة...

مشاركة هذه الصفحة