العباية المخصرة

الكاتب : انوار | المشاهدات : 4,423 | الردود : 76 | ‏29 يوليو 2009
  1. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين
    السلام عليكم

    اشلونكم / شخباركم




    بدش بالموضوع على طول و بدون مقدمات ،،،،





    العباية المخصرة قمنا نشوفها بشكل كبير في الآونة الأخيرة ، و للأسف اصبحنا نحذو حذو الغير ...

    و أصبحنا نرتدي ثوبا غير ثوبنا ، و تخلينا عن الكثير من عاداتنا و تقاليدنا و قيمنا



    عندما نسمع كلمة عباية يتبادر الى اذهاننا ، اللبس المحتشم ، و لكن عند رؤيتنا لمفهوم العباية في

    يومنا هذا يتبادر الى اذهاننا سؤال واحد ( هل يا ترى هذه العباية لبستها الفتاة للعرض ام للاحتشام )



    يؤسفني الوضع الذي وصلت اليه بعض السيدات و الفتيات وبالذات اللاتي أصبحن لا يفرقن بين العباية التي

    تلبس بالمجمعات والأماكن العامة و العمل و بين العباية التي تلبس في زيارة أو مناسبة خاصة للنساء



    والذي جعلني أتطرق لهذا الموضوع دون سواه ، هو المنظر الملفت لبعض الأخوات في المجمعات و اماكن

    العمل و الدوائر الحكومية و غير الحكومية بلا استثناء بحيث ان العباية التي يرتدينها لا تناسب المكان ، ولكن

    لا انكر بان البعض الاخر من الأخوات يتقيدن بالعباية الاسلامية التي تخفي اكثر مما تظهره و لكن للأسف

    اصبحن قلة ، مقارنة مع اللاتي تلبسن العباية الضيقة (المخصرة) ، التي تظهر اكثر مم تخفي ، لقد

    شوهن اسم العباية . و حاليا اتجهن لعباية السمكة .... والله يستر علينا من الموديلات الياية .




    أخواني الأعضاء ، اخواتي العضوات أتمنى أن تشاركوني آرائكم بالموضوع الذي طرحته و نتناقش بالنقاط

    التالية :



    أولا : ما هو الهدف من لبس هذه العباءة في الأماكن العامة ، و أماكن العمل تحديدا ؟



    ثانيا : ما هي نظرتك ايها الشاب ، و أيتها الفتاة تجاه الفتاة او السيدة التي ترتدي مثل هذه العباءات ؟
     
  2. بن عامر

    بن عامر بـترولـي خـاص

    1,159
    0
    0
    k.o.c
    kuwait
    موضوع حلو /

    أنا أشوف أن بعض البنات للأسف يستخدم العباية كوسيلة إغراء و عرض مفاتن بعكس الهدف الأساسي للعباية لدرجة أنها تبرز مفاتن المرأة التي من المفترض أنها لبست العباية لأخفائها .
     
  3. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين


    فعلا العباية تشوهت بهذا الزمن من بعضهن ، و ادعو البنات و السيدات اللاتي يلبسن العبائات المخصرة الى الحشمة .


    أشكر مرورك يا بن عامر و اكيد مداخلتك هي الاحلى
     
  4. Costa

    Costa بـترولـي نشيط جدا

    185
    0
    0
    والله انوار اكيد طبيعة المراة جذابة
    بمفاتنها وخصوصا من ناحية المكياج واللبس سواء عباية ولا غييرها
    واذا شاف الشاب هذي البنت بهذا العباية المخصرة اكيد بتجذبة وبتلفت نظرة
    وهذي الظاهرة منتشرة بمجتمعنا
    وصارت موضة وشي عادي عند اغلب البنات
    وشاكر مواضيعج المتميزة انواروووووو :)
     
  5. bo-saleh

    bo-saleh بـترولـي مميز

    صدق رسول الله صلى الله عليه وسلم عندما قال ان اكثر اهل النار هم من النساء


    شكرا ياختي الفاضله على طرحج لهذا الموضوع الذي يهم اخواتنا من المسلمات والذي قمنا نعاني مما نراه من هذه الظاهره الفاسده في مجتمعنا

    للأسف
     
  6. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين


    فعلا صارت موضة و لكن موضة ما تناسب عاداتنا و تقاليدنا ، و حلاة البنت بحشمتها ............


    أشكر مداخلتك المميزة
     
  7. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين

    وهذا تحذير من الرسول صلى الله عليه و سلم للنساء ، فالنشتري

    يا اخواتي آخرتنا ، و لا نتبع هوى النفس ، حلاة البت في حشمتها و حيائها ................


    أشكر مرورك
     
  8. كندريه

    كندريه بـترولـي نشيط جدا

    315
    0
    0
    باحثه اجتماعيه
    انا اشوف ان العبايه صارت مثل الدراعه بس تختلف بالون ونسو عبات الراس إلي إهي العبايه إلي تستر مفاتن المراه وصارو ييقولون إلي تلبس عيايه الراس مثل العجوز مع انها العباءه الإسلاميه إلي تحشم المراه من الراس إلى القدم من دون ما تضهر مفاتنها ولو تدرين حتى عباة الراس قامو يتفننون فيها وتكون صوب الكتف والجموم ضيجه وتكون طايحه على الجسم يعني تكون قصه وحده بس العباءه الصحيحه إلي تكون بو قصتين ماتكون ضيجه بل العكس تكون فضفاضه وساتره والحمد لله انا ما اطلع إلا بهذي العبايه بو قصتين وصدقوني إنها استر من بوقصه ولو اتعرفون هذي عباية امهاتنا قبل وبعد ودي اتكلم عن النقاب إلي هابين فيه الحين إلي امطلعين نص الوي ومخلين النص الثاني والمكياج بعد لا تقولين امغطين نص الوجه والعين ملفته من المكياج والنص الثاني مغطى حتى النقاب العبو فيه لا ومرات اتشوفين النقاب طوله حد الحنج بس يعني امغطيه الوي حضرتها يعني يا يلنسون النقاب عدل ولا يفصخونه ابرك والله ما ادري ليش صايرين جذي بناتنا وما اقول إلا ان الله يهديهم ويتحشمون عدل


    شاكره موضوعج المفيد
     
  9. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين

    أشكر اضافاتج المفيدة للموضوع ، و أسأل الله تعالى ان يجعلها بميزان حسناتك ، فعلا اصبح للعباية

    موديلات و ألوان و مسميات عجيبة ، وحتى عباة الراس الفضفاضة تفننوا بها و اصبحوا يضيقنها ناحية الكم

    وهذا غير تزيينها بالشوارفسكي و اقصد عباة الراس .

    أسأل الله تعالى ان يهدي الجميع
     
  10. Export_Doc's

    Export_Doc's بـترولـي خـاص أعضاء الشرف

    2,561
    0
    0
  11. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين


    مداخلتك هذي تغني عن اي تعليق


    شكرا لمرورك مشرفنا
     
  12. الصايغ

    الصايغ بـترولـي خـاص

    والله يااختي العزيزة انوار
    انا الي قاعد اشوفه ان العبايه مخصرة ولا غير مخصرة نفس الشي
    مدام ان بعضهن يستعرضون المفاتن سواااااء بالعبايه ولا من غيرها
    وبعدين يمكن غارووو من الدشداشه المخصرة الي يلبسونها شبابنا
    قامو اخترعووو العبايه المخصرة
    :):):)
    وبعدين ودي اقول كلمه وين ابوها وين امها وين اخوها وين وين من يشوفون الشي هذا علي بناتهم ومايتكلمون ولا ينصحون
    او ان يشوفون وماودهم يزعلون الدلوعه بنتهم
    الله يستر من بعدين لا توصل العبايه لغايه الركبه ويقولون حشمه هذا العبايه
     
  13. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين
    اهلين بولد الدسمة :

    لووووووووووووووووول ، انا ضد التخصر سواء للبنت او الشاب ، و

    بعض الأهالي ما قاموا يقدرون على بنتهم على قولتك الدلوعة لأن دلوعة اليوم راسها يابس .


    أسعدني مرورك بو حمود:)
     
  14. كويتيه ماركه

    كويتيه ماركه بـترولـي خـاص أعضاء الشرف

    يعطيج العافيه حبيبتي على هالموضوع والله الوضع الحين صاير حده فوضه لان الشي زاد عن حده وصارو البنات يتنافسون منو الي عبايتها امخصره اكثر من الثانيه وانا احب اضيف عن كلام بعض الاخوان الي يقولون وين اهلها انا توني متخرجه وكنت اشوف البنات الي معاي بالمعهد بما انا احنا بنات والله تدخل المعهد اول شي تفصخ العبايه ويكون تحتها عبايه مخصره ةالاهل ياغافيلن لكم الله يشوفون بنتهم مافي احسن منها والبنت تطلع وتتمشى وترد بعدين تلبس عبايتها وقت الطلعه والله هالضاهره كانت منتشره حيل يعني الوضع طبيعي اليوم هبينا بالمخصره والله يستر من الي ياي :(
     
  15. الصايغ

    الصايغ بـترولـي خـاص

    خل اكلمج باسلوب العيايز امهاتنا قبل
    والله يايمه ان ناظرت بنيتنا ولا وليدنا
    مو محترمين التقاليد والعادات الي تربينا عليهااااا
    اقعدهم يمي واتكلم معاهم وافهمهم وان خذو بالكلام زين علي زين يمه
    واذا لا عادي راس البنت الدلوعه يتكسر والصبي يتعلق بالسدرة الكنار ويتأدب
     
  16. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين
    لا حول و لا قوة الا بالله ، صح بعض البنات جدام اهلهم ماكو احسن منهم في

    الحشمة و الحياء و اشدد على البعض ، مجرد لي ما تبتعد شوي عن اهلها تطبق المثل القائل لي غاب

    القطو العب يا فار


    يعطيج العافية على المداخلة يا ماركة
     
  17. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين


    لوووووووووووووووووووول ، هذا كلام قبل لما كان الولد و البنت ما يقدرون يحطون

    عينهم بعين اهاليهم مو الحين ...................... الحين مو روس الي تتكسر مثل ما كانوا القدامى

    يسوون بعيالهم الحين للأسف بعض التقاليد تكسرت .


    أسعدني مرورك
     
  18. الصايغ

    الصايغ بـترولـي خـاص



    هههههههههه
    والله ذكرتوني شنو كنت اسوي بالفئه هذي الي دش الجامعه من البوابه الاماميه محتشمه بالعبايه وتطلع من البوابه الثانيه غيييييييير
    هههههههههه
    كنت اخذ العبي مالوتهم واخشهم عنهم
    واشوف الدموع اربع اربع وبعدها اسلمهم لهم
    والله شقاوة دسماوي
    :):):)
     
  19. كويتيه ماركه

    كويتيه ماركه بـترولـي خـاص أعضاء الشرف

    مشكوره حبيبتي اي وبعد حبيت ازيد شي كانو هابين فيه بالشتا بس مادري اذا بيرد الحين او لاء ان البنات كانو يلبسون تحت العبايه تنوره قصيره والعبايه تكون مفتوحه وتحتها بوت عزكم الله شسالفه وين قاعدين ولا الي تلبس لاقنز ( استرج ) تحت العبايه وفوقه بوت والله مره كنت طالعه من المعهد ولا يمرني اخوي ورحنا مجمع يم معهدي ولا يشوف البنات جان يضحك ويقولي شسالفه شفيهم كل وحده مضيعه حصانها لووول بس ماقول عسى الله يستر على بنات المسلمين :(
     
  20. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين
    يا مجرم ، بس زين تسوي فيهم عشان يتأدبون ............. و ما يسوون شي من ورى اهلهم ...

    و ما يشوهون العباية ... للاسف صارت لدى البعض مثل ستار لها لا نعلم اتختبئ به ام تخبئ به ماذا
     

مشاركة هذه الصفحة