معاناة مستشفى الاحمدي

الكاتب : GhaReB | المشاهدات : 1,435 | الردود : 17 | ‏18 نوفمبر 2007
  1. GhaReB

    GhaReB بـترولـي نشيط

    89
    0
    0
    Instrument
    KOC
    السلام عليكم
    عندي موضوع ودي اقوله واتمنى القى له حل ويمكن البعض تكلم فيه من قبل

    بالنسبه لمستشفى الاحمدي
    الشركه ماقصرت حطت لنا مستشفى ويمكننا العلاج فيه مجانا بدون اي مبلغ ندفعه
    ولكن بالنسبه لي وللبعض المستشفى حيل بعيد
    يعني لو كنت وقتها تعبان او مريض لازم اطلع من المنطقة الي انا ساكن فيها (الرحاب) الى المستشفى (الاحمدي) لا وموقعها داخل داخل الاحمدي يعني تطلع الروح كل هذا راح ياخذ مني مابين الـ40 الى 60 دقيقه تقريبا
    يعني بموت وانا ماوصلت المستشفى في حال اذا كنت حيل تعبان


    والدخول للدكتور لازم تنطر دور مو اقل من ساعه ومرات وصلت معاي اكثر من ساعه
    :) يعني بكل الحالات ميت


    وفوق هذا اذا بسوي تحليل دم طبعا لابد من الدخول للدكتور العام وطلب منه التحويل للمختبر
    ومايقصرون النتيجة بصراحه تطلع بسرعه لكن للاسف اذا بعرف النتيجة لازم ارد ادخل للدكتور العام واطلب منه النتيجة

    والي يقهر انه مواعيدهم بعيده حيل يعني الخاص ابرك واسرع


    شفت مافي فايده من الروحه لمستشفى الاحمدي قمت اروح اي مستشفى خاص ثاني قريب من البيت وادفع العلاج مابين ال40 الى 70دك


    اتمنى يشوفون لنا حل اما يسوون لنا خصم بالمستشفيات الخاصه او يسوون مستشفى قريب حتى يسهل لنا العلاج
    وياريت لو يسون طريقه سهله حق نتايج التحليل بدل ما انك تنطر دور ساعه او اكثر علشان ورقه اتمنى يتم ارسال نتيجة التحليل عبر الايميل خصوصا وان الشركة متطوره في مجال خدمه الشبكه

    بهالطريقتين ممكن يحلون مشكله الازدحام بالمستشفى
    وشكرا:)
     
  2. م.محمد

    م.محمد بـترولـي خـاص

    خلها على الله

    وقول الله كريم

    بس شكلك مهموم
     
  3. dehen_3ood

    dehen_3ood بـترولـي خـاص أعضاء الشرف

    يطول الكلام بهالموضوع ..

    تفضل اخوي دش على هالرابط سبق وتطرقنا لنفس الموضوع

    وما اطولك يا ليل .. متى تشرق الشمس ونشوف مستشفى يليق بالقطاع النفطي؟

    http://www.q8ow.com/vb/showthread.php?t=132
     
  4. ضميان للصحاري

    ضميان للصحاري بـترولـي جـديـد

    29
    0
    0
    مشرف
    الكويت
    نحن نشاطرك الراي فلو جعلو العلاج بأي مستشفى خاص وحسب مصاريف محدده أو تأمين صحي لكل موظفي القطاع النفطي لتم تخفيف الضغط على مستشفى الشركه وأستفادت شريحه أكبر من ذلك ودمتم
     
  5. mohammed

    mohammed بـترولـي نشيط جدا

    496
    0
    0
    الله يكون في عونك وعينا كلنا
    ومشكوره اختي دهن عود حطت الرابط الي يتكلم عن مستشفى الشركه
    وهذي معاناه يبيلها حل يجذري
    ويبيلها شخص صاحب قرار
    لانا الموضوع مو صعب خصوصا انا كثير من شركات النفط الخليجيه تتبع هذي الطريقه
     
  6. الشقااوي

    الشقااوي بـترولـي نشيط جدا

    237
    0
    0
    الاعمار بيد الله

    ونتمى ان المستشفى يتطور و يتحسن
     
  7. ابو فاطمة

    ابو فاطمة بـترولـي خـاص

    1,204
    0
    0
    senior security
    في قلب عيالي
    الحل بعمل مستشفى جديد اكبر وكذلك افرع له من 3 الى 4 موزعين بارجاء الكويت او اعتماد التعاون مع المستشفيات الخاصة
     
  8. أبو خالد

    أبو خالد بـترولـي نشيط

    129
    0
    0
    محاسب
    الكويت
    المفروض يسمونه مستشفى القطاع النفطي
    مو مستشفى نفط الكويت، اللي كان بعزه قبل
    على الاقل التسمية الجديدة تلوق عليه .. مستشفى القطاع النفطي .. عشان يضيع بالطوشة

    مو تسمونه مستشفى الكي او سي ... وهذي سواته ومصايبه!!!!
     
  9. Shoomy

    Shoomy بـترولـي خـاص

    اول شي اسم الله عليك
    ثاني شي في خصومات بالمستشفيات الخاصه مثل الهادي ... دار الشفاء .. وغيره

    دهن العود ماقصرت حطتلك الرابط ... ادخل وشوف بنفسك

    تحياتي
     
  10. ابومحمد

    ابومحمد بـترولـي نشيط جدا

    196
    0
    0
    حسبنا الله ونعم الوكيل .....حتى صحة الناس بعد فيها منة ومساومة!!!
    بدال ما يقطون افلوسنا برا (لا وياليت يبين بعينهم بعد) :mad: اهل الديرة مو اولا:(
    ((كلكم راع وكلكم مسؤولن عن رعيتة......الحديث)).
     
  11. زهرة التوليب

    زهرة التوليب بـترولـي خـاص

    هذي المشكله اللي تعاني منها

    المستشفى بعيده عن بيوتنا في الاحمدي

    وحتى العياداة اللي تتبع لداوامتنا بعيده ؟؟

    الي بشعيبه والا مينا عبدالله واللي بالاحمدي ؟

    المفروض يحطون مستوصف حق موظفين الشركة يخفف العبأ عن المستشفى وبنفس الوقت يكون قريب حق اللي بيوتهم بعيده عن الاحمدي

    يعني الواحد بروحه تعبان ومهدود حيله ومريض يطق درب لي الاحمدي علشان طبيه ؟؟
    واذا يبي تحويل طبي او فورمه يراجع فيها في المستوصف القريب من بيتهم لازم يروح دوامه اللي اهو اساسا بالاحمدي او أبعد ؟؟
     
  12. GhaReB

    GhaReB بـترولـي نشيط

    89
    0
    0
    Instrument
    KOC
    ممكن يكون في خصم بالمستشفيات الخاصه
    بس سالت بمستشفى دار الشفاء قالو لي ماكو الا حق النقابه
    :)
    وجم الخصم؟
    10%؟ ترى يفشل والله عيب
    شركه لها سمعتها وكبيره باسمها
    واهم مصدر بالنسبه للديره
    10%؟
    !!
    واتمنى من الي عندهم خبر عن باقي الخصومات يكتب لنا جم وباي مستشفى علشان الكل يستفيد
     
  13. alaslamy

    alaslamy بـترولـي نشيط جدا

    258
    0
    0
    اخوي هذى المشكلة يعاني منها الجميع :mad:
    الله يكون في العون
     
  14. ahmadia

    ahmadia بـترولـي جـديـد

    5
    0
    0
    السلام عليكم
    تدرون ان المستشفى يديره اجانب من فتره-سوريين وفلسطينيين والكويتيين مغلوبين على امرهم او محاربين
    تدرون الاداره السابقه رجعت مسووله من اصل فلسطيني بعد ماتم تجميدها بسبب السرقات والتجاوزات اللي اكتشفها ديوان المحاسبه وايضا واحد مساعد مدير من اصل فلسطيني حطوه مدير بالوكاله لاعب بالمستشفى لعب
    شوفوا الخدمات حق ناس وناس --------الله يعين ابناء البلد ويرحمنا برحمته
     
  15. كويتي

    كويتي بـترولـي نشيط جدا



    ممكن دلائل على هالكلام الخطير ؟ حتى لو برايفت و لا عليك أمر؛​
     
  16. ahmadia

    ahmadia بـترولـي جـديـد

    5
    0
    0
    اللي يدير المستشفى سوري واثنين من اصل فلسطيني وعليهم علامات استفهام يعرفها الكل
    والكويتيين مغلوبين على امرهم

    اللهم ارحمنا برحمتك وكن معنا ولا تكن علينا
     
  17. ahmadia

    ahmadia بـترولـي جـديـد

    5
    0
    0
    والله العظيم المعلومات اكيده واسالوا اي واحد يعمل في المستشفى
    ولا حول ولا قوة الا بالله
     
  18. عامل نفطي غيور

    عامل نفطي غيور بـترولـي نشيط جدا

    402
    10
    18


    طيب و ين نقابة نفط الكويت وأعضائها من هل الامور هل هي تبادل مصالح على ظهور العاملين علما ان الامور من اسؤ الى اسؤ و نما الى علمي بان احد المدراء في المستشفى و نسيبه صفوا المخازن وحتى عزكم الله الحفاظات لم تسلم منهم
     
جاري تحميل الصفحة...

مشاركة هذه الصفحة