الشرطة النسائية و الشارع !!!!

الكاتب : انوار | المشاهدات : 2,327 | الردود : 29 | ‏27 يوليو 2009
  1. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين
    السلام عليكم


    اشلونكم / شخباركم




    بدش بالموضوع على طول بدون مقدمات يا ربي مو متعودة اكتب في العامي ، بس وايد اعضاء طلبوا مني

    هالشي و انا موحابة ارد لهم طلب .




    كلية الشرطة النسائية ، تشتكي من قلة التحاق النسوة في الكلية . و التسجيل فيها هذه السنة و في

    أكثر من دورة قليل و شبه معدوم ...



    وهذا الشي يبشر بالخير ، و يؤكد ان الناس لا زالت تحافظ على عاداتها و تقاليدها وان العسكرية ما تصلح

    للنساء ، لأنها تحتاج قوة و حزم ، و النساء ما يصلحون حق هذي الشغلة ، و عدم تسجيل النساء في

    الكلية يؤكد رفض الأغلبية منهن شي اسمه الشرطة النسائية .



    بالله اشلون شرطية من النساء تتأمر على الريال ، ادري بتردون علي و تقولون عادي في وزارات فيها نساء

    رئيسات اقسام و يتأمرون على الريال الموظف ، ارد عليكم و اقولكم في الوزارات غير ، و في العسكرية

    غير و نظام آخر .



    العسكرية قوة و حزم ، و ما تصلح للمرأة حلاة المرة رقيقة و عاطفية ، اشلون باجر تنزل الشارع و لي

    صارت هوشة في احدى المجمعات بين الشباب اشلون بتفاكك بينهم ، باجر تطلع في الدورية و مالها وقت

    معين ترجع للبيت ، و احتمال يصير لها موقف مع احد اهيه مو قده تنطق مثلا الحين الشرطة الشباب مو

    سالمين و علية ينطقون بالشارع و ينحاش الجاني و المسكين الشرطي ما يقدر يدافع عن نفسه بعض

    المرات بالله اهية اشراح تسوي لي حاشها نفس هالموقف من احد المتهورين والبايعينها . و هذي مرة باجر

    تطلع بدوريتها تزف الشباب او عموم الناس لي بغت تخالف و المرة حلاته صوتها ما يطلع الا بالمعقول مو

    صراخ .



    مثل الموقف الي صار في احدى الادارات الأمنية ، بحيث دخلت شرطية من الرتب و مر عليها شرطي رتبته

    أقل منها ، المسكين نسى يطق لها تحية ما بقى عمره عصبت اختنا الشرطيه و هاوشته امام الكل

    باسلوب مو حلو . ( انت هيي مو شايف الرتبة ) طبعا البعض من الشرطيات الي مصدقين روحهم . وهذا

    الموقف حقيقي و صاير ، بعدين عيب تطول حسها جدام الريال و تهينه جدام ربعه .



    في ناس يعتقدون ان الي يصير في اوروبا و امريكا و بعض الدول ، ممكن يصير في الكويت .



    في النهاية : الموضوع اعلاه يمثل وجهة نظري يمكن تكون مأيدني او معارضني أو مايدني تأييد مو كامل

    ارحب بآراء الجميع .....
     
  2. عبدالله البلوشي

    عبدالله البلوشي بـترولـي نشيط جدا

    164
    0
    0
    خدمة الكويت
    الكويت
    بسم الله الرحمن الرحيم

    احب اشكر الاخت انوار على طرح الموضوع هذا

    وانا عندي راي اتمنى اني اقدر اوضحه للأعضاء

    بالنسبه لالتحاق النساء بسلك العسكريه

    انا ما اشوف فيها عيب ولا حرام بالعكس

    واذا نبي نقول ان العادات والتقاليد ولازم نمشي عليها

    طريقة الكلام واللبس والاكل وكل حياتنا راح تتغير

    مو بس نيي عند السلك العسكري ونقول عادات وتقاليد

    واحب اوضح سبب عدم دخول النساء السلك العسكري بكل بساطه

    بالنسبه لاول دورة تم فتحها للنساء كانت برتبة ضابط وكان القبول على شهاة الثانوية العامه

    اما اللي حصل السنه هذي واهيا تعتبر الدورة الثانية فكانت شروط القبول للضباط اهوا الشهاده الجامعية

    وبالنسبة للحاصلين على شهادة الثانوية العامه فا يقدورن يلتحقون بدورة ضباط صف ( رقباء اوائل )

    والكل يعرف الرقباء الاوائل والتأخير في الترقيات

    والسبب هذا خلى الشباب بعد يبتعدون عن السلك العسكري

    لو نرجع جم سنه راح نشوف ان دورة الرقباء الاوائل قبل كانت توصل الي 600 شاب او اكثر

    و وقت التخريج الميدان يالله يكفيهم

    والحين يتمنون احد يدخل و الدليل قبل جم يوم كان حفل تخرجهم كان بمسرح صغير

    يعني العدد وصل لإقل من النصف

    واليوم بجريدة الرأي العام وبالصفحه الاولى خبر

    فتح باب الترقي الي رتبة ضابط....لضباط الصف والافراد بعد توقف 3 سنوات


    وبالنسبه حق المره تتأمر على الريال انا اشوف انها عاديه

    وليش ناخذها بصيغة امر

    ليش ما نقول ان الشي هذا بمصلحة العمل

    وبعدين احنا للحين ماعرفنا شنو طبيعة عملهم

    واذا سالفة الشرطة ينطقون بالشارع هذي قلة ادب وعدم احترام للقانون

    الصراحه موضوعج وايد طويل وانا حبيت ارد على بعض النقاط

    واهم نقطه اشوفها اهو عزوف النساء عن دخول السلك العسكري

    وشاكر لج اختي حضورج المميز بالمنتدى

    والسلام ختام
     
  3. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين


    أشكر مداخلتك أخوي عبدالله ، و أشكرك على توضيح بعض الأمور

    بالنسبة لي ، مثل ان كلية الشرطة اشترطوا في الملتحقات ضرورة حصولهن على الشهادة الجامعية .

    و فعلا في ناس ما تحترم القانون و تتعرض بالضرب لرجال الشرطة ، و احنا الصراحة نخاف على بناتنا

    يتعرضون للموقف هذا ............ اخ عبدالله انا أؤيد حقوق المرأة بأغلب المجالات ، الا هالمجال لأني

    أشوفه من منظاري الخاص يتعارض مع طبيعتها الأنثوية ، أو يمكن عشان يبيلنا وقت نتأقلم مع هالظاهرة .

    وانا وايد يتهموني الأعضاء بأن مواضيعي طويلة ، وانا هالمرة جد مختصرة موضوعي و انا كنت بضيف شغلات

    أكثر من جذي

    أشكر مداخلتك المميزة و استفتاحية حلوة
     
  4. om_3li

    om_3li بـترولـي جـديـد

    46
    0
    0
    غير مناسب للفتاه الكويتيه ويقلل من انوثه المرأه وانا اطالب بأزاله شرطه البنات
     
  5. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين



    أشكرج على مداخلتج ، يا أم علي ، وعلى ابداء رايج بالموضوع


    تقبلي تحياتي
     
  6. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    مؤيد

    و مو كل شيء في الغرب يصلح لنا

    و لازم نقتنع إن الغرب ليس كامل كما يظن البعض

    قد تنفع المرأة الشرطية لتفتيش النساء في المطار مثلا و إدارات الجنسية و مراكز خدمة المواطن

    و المختبرات و الأمور المماثلة مثلا

    شكرا أنوار
     
    آخر تعديل: ‏27 يوليو 2009
  7. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين
    اذا بهالشغلات الي حددتها انا معاك يعني اماكن معينة ، نحتاج

    فيها وجود الشرطيات ، يعني نحدد اماكن لهم للعمل ، بس الي حاليا بيصير ، بيتوزعون بكل مكان . و انا

    صراحة راح اشفق عليها اذا دخلت المعترك العسكري بشتى مجالاته ، لأنها راح تجني على انوثتها ورقتها .

    و راح تتعرض لمواقف اهيه بغنى عنها . و الحمدلله انت ثاني شخص يأيدني .

    شاكرة مرورك بس اشرايك فيني وانا اكتب بالعامي
     
  8. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني

    إستمري على الأسلوب اللي تشوفينه عامي أو فصحى

    الأهم الفكرة اللي عندج و صوتج و رايج يوصل لنا
     
  9. الصايغ

    الصايغ بـترولـي خـاص

    انا مااشوف ان فيها شي
    بس بشرط انها تكون في موقع مناسب لها
    :):):)
     
  10. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين
    هلا فيك يا الدسماوي ، اي يعني رايك نفس راي مراقبنا ان تكون

    في اماكن معينة نفس المطار و غيره ، بس المشكلة اذا وزعوهم بادارات الداخلية عموما ............


    أشكر مرورك
     
  11. Costa

    Costa بـترولـي نشيط جدا

    185
    0
    0
    انا من ناحيتي مؤيد مدام اقرينا حقوق المرأة
    فلازم نتشارك بكل شي

    وشاكر موضوعج انواروووووو
     
  12. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين
    أحترم رايك يا كوستا ، عاد بكل شي بس يا كوستا المرة ما تصلح

    حق كل شي ، و انا اشوف هالمهنة تخالف انوثتها، الااذا حصرناها بأماكن معينة مثل المطار لتفتيش

    النساء و غيره ، لكن انها تدش كل الادارات الامنية صعبة شوي


    أشكر مرورك
     
  13. كندريه

    كندريه بـترولـي نشيط جدا

    315
    0
    0
    باحثه اجتماعيه
    انا اقول ان الحريم بطبيعتهم ناعمين وقلوبهم ضعيفه وما يصلحون لهذا المجال بتاتا والشرطه بصراحه اهي مهنة الرجال لأنها تحتاج الى قوه وقلب حديد علشان جذي اتمنى من الحريم انهم ما يدشون هذا المجال بتاتا يعني لازم انشارك الرياييل في كل شي
     
  14. كويتيه ماركه

    كويتيه ماركه بـترولـي خـاص أعضاء الشرف

    يسلموو صديقتي عالموضوع وانا من رايي ان اوكي يسون بس اب اماكن معينه مثل ماقالو اخواني بالمطارات او طبعا كلكم سمعتو او شفتو سالفت حريق صالة الافراح الي بالجهرا اعتقد لو كان في شرطه نسايه جان اقدرت ادش واطلع الحريم وكذاك في المدارس مثل لما كنت ايام الثنويه العامه كانو رجال الشرطه ايدشون علينا الثنويه ويسلمون الاختبارات اعتقد هالاماكن الي طرحتها لازم يكون فيها شرطه نسائيه مو رجاليه واسفه عالاطاله :)
     
  15. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين
    صح لسانج يا ماركة ، لا عادي اخذي راحتج بالاطالة تمونين ، و

    فعلا نحتاج الشرطية بالأماكن الي قلتي عنها و بس ، و ماله داعي تقتحم المجال بأكمله لان يتعارض مع

    انوثتها


    شاكرة مرورج
     
  16. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين


    صح لسانج يا كندرية ، فعلا هذي المهنة تتعارض مع انوثتها ، بس

    برايي لا بأس تتوزع بأماكن معينة نفس المطار وغيره . أما ان تقتحم المجال بأكملة الصراحة احس ان مو

    لايق عليها . و بعدين هالشغلة يبيلها حزم و شدة والمرة بطبعها عاطفية ، تخيلي معاي نشوف شرطية

    حامل تخالف بالشارع لووووووووووول حده بيكون شكلها غلط .

    شاكرة مرورج
     
  17. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين


    اوكييييييييييي .
     
  18. Q8_KJO

    Q8_KJO بـترولـي نشيط جدا

    410
    0
    0
    لووويه

    مشكووره
     
  19. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين


    جان علقت على الموضوع . باختصار تأيد الشرطة النسائية و لا لا و ليش ؟
     
  20. Q8_KJO

    Q8_KJO بـترولـي نشيط جدا

    410
    0
    0
    أأيد الشرطه .... بس مو بالشوارع.....

    أأيد انه يكونون مثلا في تفتيش المنافذ ... في السجون النسائيه... أو في أي مكان ما يكون في احتكاك مباشر بينها وبين الشباب أو يكون في عمل عسكري بحت .. مثل سيارات الدوريات... أو التفاتيش.. أو غيره.. ولي أسبابي:

    أولا: انه اللي بيدشون هالقطاع غالبا يكونون شابات ... وزملائهم من شرطه وضباط هم شباب... وطبيعة الشغل العسكري دايم يكون برا المخافر بالدوريات.. وهالشي طبعا يعد خلوه غير شرعيه... خاصة اذا واحد ووحده بروحهم بالدوريه مستلمين شيفت

    ثانيا: الشغل العسكري مو سهل .... متعب جدا خاصة انه الشرطي يكون طوول الوقت بوضع استعداد لأي مجرم أو حرامي.. ممكن يركض ... ممكن يقاوم ... ممكن يدش بمطارده... أو يهاجم أي شخص وغالبا ما تكون في اصابات على الشرطه .. وهم هالشي ما يتوافق مع البنات

    رابعا: الشغل العسكري يبيله تفرغ وقوه بالجسم بإستمرار: والدليل على هالشي انه حتى الشباب ما ينقبلون في هالقطاع الا عقب اختبارات دقيقه لكل عضو في جسمهم عشان تكون جودة عطائهم مضمونه.... والمره بطبيعتها شوي ناعمه + ممكن تحمل + عقب الحمال ولاده + حضانه + زوجها هون ما يبيها تشتغل + انخطبت وخطيبها ما يبيها تشتغل + اغلب البنات عندهم ضروف شهريه ممكن تطيحهم بالفراش مرات .. وغيره وغيره وغيره !!!!!!

    خامسا: الشرطه يبيلها التزام..... يعني البنت عادي يكوون شفتها الساعه 2 و 3 و 4 الفير .....وهالشي كلش مو من عاداتنا كمجتمع محافظ

    سادسا: مو من عاداتنا كمجتمع انه ثلاث اربع بنات يسوون نقطة تفتيش وهاااااااااااااااات يا شباااب !!!!

    سابعا: وأهوه الأهم ................ هل إحنا فعلا محتاجين أنه تكون في بنات شرطيات كل وحده طاقه دوريه... أو مسويه نقطة تفتيش؟؟؟... مجتمعنا وايد صغير (ولله الحمد) وملمووم ...... ما أعتقد انه وجوود الشرطيات راح يضيف شي للأمن الكويتي

    خليتي أقرق غصب وانا نصي نوووم والتركيييز صفر :mad:
     
جاري تحميل الصفحة...

مشاركة هذه الصفحة