نقابة نفط الكويت تنتقد الهجوم على الوزير

الكاتب : AD-01 | المشاهدات : 1,105 | الردود : 11 | ‏27 يوليو 2009
  1. AD-01

    AD-01 بـترولـي خـاص

    1,040
    2
    38
    هذا موقف جديد لنقابة نفط الكويت مع وزير النفط اللى ما اخذ فرصه ليلحين ودشوله النواب عرض !!

    في تعسف باستخدام الادوات الدستوريه ونتمنى فعلا من اعضاء مجلس الامه الركاده شوي :)

    رابط التصريح الصحفي :

    http://www.alwatan.com.kw/Default.aspx?tabid=205&article_id=524992


    ودمتم
     
  2. بلبل عنقريزي

    بلبل عنقريزي بـترولـي خـاص

    2,187
    0
    0
    هههههههههه الله يعينج ياكويت
     
  3. علميني الحب

    علميني الحب بـترولـي نشيط جدا

    365
    0
    0
  4. كاتب

    كاتب بـترولـي نشيط

    133
    13
    18
    اقول خل يهتمون بالمستشفى احسن

    او بمطالب عمالهم بدال التطبيل للوزير

    يعني تبيون تقنعوني يا اعضاء النقابه ان الاسأله اللي وجهها السادة نواب مجلس الأمه كلها غير صحيحه او لا دخل له فيها ؟؟

    كل العقود على وقته مافيه شي جديد وكل شي يمر من تحت عينه .

    بدال التطبيل ياجماعه طالبوا بمستشفى جديد

    هالبيان يذكرني في بيانات السيد رئيس الاتحاد حفظه الله واطال في عمره
     
  5. AD-01

    AD-01 بـترولـي خـاص

    1,040
    2
    38


    يا الطيب هدي السليتر شوي ..

    الوزير مع العمال والدليل انه اعتمد اجازة يوم الجمعه ورفع سقف الراتب الى 750 ووافق على رفع الجامعيين الى الدرجه 17 ومواعد الاتحاد بالتامين الصحي وبدل اثاث والخير جاي .. فالوزير مع العمال وهذا مدح مو تطبيل للوزير واعضاء مجلس الامه ما وراهم الا ..... (خلنا ساكتين لا نكفر فيهم بعد ههههه )

    بس حبيب ادردش معاك على ردك اللى كتبته ..

    من اول سطر مبين انك ما تدري عن مطالب النقابة وتصاريحها واجتماعاتها حول موضوع المستشفى ..

    ومن ثالث سطر ومبين انك مو قاري التصريح ;)

    ومن رابع سطر مبين انك ما تعرف العقود اشلون ماشيه بالقطاع النفطي لان الوزير ما يوقع عقود وما يطل فيها :)

    ومن اخر سطر مبين انك ما قاري كلامي بتصريح السيد رئيس الاتحاد حفظه الله واطال في عمره (على قولتك)

    فاقرا كلامي بهالرابط وخلك حبيب وكل شي راح يتم باذن الله بس بدها صبر طال عمرك

    http://www.q8ow.com/vb/showthread.php?t=21159

    شوف المشاركه الرابعه :)
    اركد قبل ما تشتط ترا الركاده زينه وانا اخوك :rolleyes:
     
  6. Petrolawe

    Petrolawe بـترولـي جـديـد

    49
    0
    0
    Kuwait
    ادينا حتت لحمة..ادينا 120 :(
     
  7. دسمان

    دسمان بـترولـي نشيط

    141
    0
    0
    ياأخ عبدالله الزعبي
    يانقابة شهالتصريح الي كله عجاف من أوله لي آخره ليش يبا انتو الموظفين انتخبوكم للمطالبه بحقوقهم مو لدفاع عن الوزير؟؟؟؟؟؟؟؟؟؟؟؟؟؟؟ بعدين يأخي شوفو الي قاعد يصير بشركتكم من مشاكل وتكلمو عنه الله واكبر...... شوفو قسم الأمن عندكم شمسوي بالأوسكو و مشاكل المستشفي ومواعيد بعد 6 اشهر والناس ذبحه وانت ادافع عن الوزير.... حتي لو الوزير زين له من يدافع عنه انت شكو ,,,, يعني هلحين بعد ماطلع ديوان المحاسبه بلاوي شركة النفط وتجاوزاتها شموقفكم والله حرام نقابة اهم شركه بالقطاع هالشكل,,,,,,,,,,,,,,,,,,
     
  8. طارق الدوسري

    طارق الدوسري بـترولـي جـديـد

    36
    0
    0
    شهادة حق

    بصراحة ياجماعة الحق حق الوزير\ الشيخ أحمد العبدالله الصباح
    من الوزراء الأكفاء والنزيهين والشفافية بكل مايعمل والله يجزاه خير ويعينه على أعضاء مجلس الأمة ....وبصراحة أعضاء مجلس الأمة الأغلب منهم منافقين تدرون ليش ,,,,لأن بعض الأعضاء إما أنه رفضت واسطته من قبل الوزير أو أنه يكون له مصلحة مع بعض الرؤساء التنفيذيين لتمرير بعض المصالح والعقود وغيرها فلذلك إذا كان الوزير إصلاحي ويريد فعل بعض الأنجازات والمشاريع ويريد كشف الألاعيب وعيرها من الخمالة فلذك يلجأ بعض أعضاء مجلس الأمة يحاول أن يعمل شوشرة في المجلس ويريد الحديث عن الوزير..............لا أريد أن أطيل عليكم وين أعضاء مجلس الأمة يوم كان الوزير غير الوزير الحالي وكان اللعب والدمار بالقطاع النفطي والكل ساكت ولا كلمة .........وخير الكلام ماقل ودل..........الوزير الحالي الله يوفقه وفعلا يتمتع بالنزاهة
     
  9. AD-01

    AD-01 بـترولـي خـاص

    1,040
    2
    38
    الرد:


    صبحك الله بالخير اخ دسمان

    يا اخوي عجزنا انفهم خلق الله واحد واحد .. وكل شوي طالع واحد (متنح)

    لا تحاتي مشاكل الشركه.. نقابتنا متابعتها واذا ( انت موظف بشركة نفط الكويت) عندك مشكله دق على اي واحد من اعضاء النقابة وابشر بالفزعه واذا لك حق بتآخذه.

    والوزير اهو الخير والبركه ... الرجال فاتح ابوابه لنقابة نفط الكويت ومتعاون معاهم ويبي يحل مشاكل العمال .. ليش ما يدافعون عنه دامه حقاني ويهمه مصلحه العمال وبادي يعطيهم مطالبهم ؟!!

    قسم الامن فجميع مشاكل موظفينه اللى بنفط الكويت محتواه بالنقابة وفي تواصل بين القسم وبين النقابة .. واخو عبدالله الزعبي رئيس فريق الامن بشركه نفط الكويت واذا في مشاكل فالنقابة مفتوحه ابوابها للعمال .. وهالشي حنا نقوله لاني شخصيا اشوفه بعيني والربع في النقابة مو مقصرين.

    وموظفين اوسكو عندهم نقابة تدافع عنهم وتطالب لهم ومو من الادب ان نقابة نفط الكويت تشيل مشاكلهم والاخوان بنقابتكم موجودين حتى لو الاخوان باوسكو يشتغلون على حماية منشآت شركة نفط الكويت... هذي ادبيات واظن ان نقابة نفط الكويت ما تقبل ان نقابة البترول الوطنية تحل مشاكل قسم من اقسامها !! والا اشرايك ؟

    المستشفى ومشاكله مطروحه في مناقشات نقابتنا واتحادنا مع الادارة والوزير وفي تأمين صحي راح يتطبق على الكل والبركه بنقابتنا واتحادنا يعجلون فيه .. غير هالكلام ما فيه حل ثاني وكلنا عانينا من قرار فتح المستشفى لجميع القطاع النفطي والى كان مخصص فقط لعلاج عمال شركة نفط الكويت.

    اخر شغله اللى مادري شتقصد فيها .. تجاوزات ماليه او ادارية بنفط الكويت وقاعد يحقق فيها ديوان المحاسبه .. المخطي يتعاقب وفي ناس تحولوا تحقيق وفي اكثر من 20 شخص كويتي تفنش من الشركة بعد ما ثبت تجاوزاتهم ... شنو المطلوب من نقابة نفط الكويت ؟؟

    الوزير متعاون مع النقابة و يستاهل الفزعه من العمال ومن ممثلينهم ( النقابات) وعسى الله يطرح فيه وفيهم البركه وشغلها فوق الزين وعاجب ناس كثيرة بالشركة.

    نصيحه اخ دسمان .. حركوا نقابتكم النايمة وخلوها تقوم بحقوقكم بدل ما تبلشون ربعنا !! واترك نقابتنا بحالها لان لها من يحاسبها غيرك (لو تكرمت)

    والسلام ختام

     
  10. دسمان

    دسمان بـترولـي نشيط

    141
    0
    0
    والله مافيه متنح غيرك
    انت منت عارف شقاعد تقول بس تبي ادافع عن النقابه............
     
  11. AD-01

    AD-01 بـترولـي خـاص

    1,040
    2
    38


    اول شي .. مشكور على ردك الطيب

    ثاني شي .. لا تضايق وانا اخوك انا اساسا متوقع ان ما عندك شي جديد يستاهل تقوله عقب كلامي :)

    ارد واقولكم الله يعينكم يا اهل اوسكو على حقوقكم الضايعه وعلى نقابتكم النايمة

    عموما انا متنح وادافع عن نقابتي و رايتها بيضه ويشرفني هالشي طال عمرك وما شفنا منهم قصوررولا تهاون باي مشكله ولله الحمد والله يكثر من امثالهم.

    اشكر مرورك الكريم .. !
     
  12. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    مطلوب إمهال الوزير

    و يرجى الإلتفات للقضايا المختلفة في الشركة و كلنا نعرفها جيدا
     
جاري تحميل الصفحة...
مواضيع مشابهة
  1. المحرر النفطي
    الردود:
    0
    المشاهدات:
    1,319
  2. المحرر النفطي
    الردود:
    0
    المشاهدات:
    7,867
  3. المحرر النفطي
    الردود:
    1
    المشاهدات:
    5,246
  4. المحرر النفطي
    الردود:
    0
    المشاهدات:
    2,479
  5. المحرر النفطي
    الردود:
    0
    المشاهدات:
    8,014

مشاركة هذه الصفحة