تكفى منو معطيك ليسن !!!!!!

الكاتب : انوار | المشاهدات : 3,123 | الردود : 76 | ‏26 يوليو 2009
  1. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين





    اليوم حبيت أغير شوي من روتين المواضيع الجدية ، و حبيت أكتب موضوع خفيف و يلامسكم كلكم ...

    وذلك بناءا على نصيحة أحد الأعضاء ، و الذي يزعجه كلامي النحوي ، فهالمرة و لأول مرة راح اكتب موضوع

    في العامي ..... وان شاء الله تتقبلوني في اللوك اليديد .....................





    موضوعي اليوم عن التاكسي

    " أغشم الكائنات الحية "


    دمار شامل حايش الشوارع والسبة اهمه


    نص الحوادث الي بالديرة من سبتهم



    مادري اشلون ما خذين " لياسن "





    وانت ماشي بأمانة الله بطريقك ، مالك شغل بأحد ، تلقاه دايس بريك بويهك :eek:

    لا و المشكلة مافي أحد جدامه :( انزين ليش دايس بريك :mad: قولي ليش تكفى



    و لا مشيت وراه ، و يشوف واحد واقف بالشارع .......برررررررررررررررررررررررريك من قلب ( تحس ريله طلعت


    بره السيارة ) ، لا و المشكلة الشخص الواقف ما اشر له :(




    لا تعليق


    صراحة مشكلة كبيرة و تحتاج حل سريع ........... لي متى يا التكاسي باطين جبودنا !!!:mad:




    سؤال :

    لو حطوك أو حطوج وزير للداخلية يوم واحد ، اشراح تسوي فيهم ؟؟؟



    و دمتم بود
     
  2. MAB12

    MAB12 بـترولـي مميز

    موضوع جميل واشكرج عليه

    اول قرار اتخذه .....

    اسحب كل سواقين التاكسي الاجانب واخلي اخوانا البدون والخليجيين هم اللي يستفيدون من هالتاكسي
    ( طبعاً كل شخص وحريته اذا يبي يتقدم ويحصل على رخصة التاكسي )

    اللي قاعد يصير عندنا من الحوادث اغلبيته من السواق الاسيويين اللي ما يعرفون يسوقون

    تقبلي مروري
     
  3. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين


    العفو أخوي ، و فعلا انا مع رايك بدال هالبطالة الي عايشينها اغلب الاخوان

    البدون في ديرتنا ، مساكين يبون يتكسبون رزقهم من لقمة شريفة حطوهم حق التكاسي ارحم من

    هالهنود الي ذبحونا في الشوارع


    أشكر مرورك
     
  4. Q8_KJO

    Q8_KJO بـترولـي نشيط جدا

    410
    0
    0
    b9araa7ah ma laaah 7ag el 3o`6oooo :mad:

    law kent mkanah kent 7a6eet 7ad le 3adad el makateb beddeeerah o 3adad mo7addadmen esseyyarat lkel maktab

    3ala fekra hatha el qanoon bas mo mo6abaq

    el tekasee + el drivers + el banat...... lazem edda`7eleya tshoof lehoom 7aaal
    ...........................
    elli ynarfez bel taxi wel driver enna lamma ylef 3aleek o y`3ale6 ysawee roo7ah ma yshoofek wenta m3a9eb o y6ale3 seda :mad:..... marrat t`6-6ar ta7thefah b shai 3ashan ylef wayha 9obek o tbarred 7arretek

    yeslamoo 3almaw`6ooo3.....

    bas soorrrry.... maw`6ooo3ech wayed shooort..... ma mdaneee aqraa shai 3ala 6oool `7ala9t

    :mad:
     
  5. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين


    والله ارضاء الناس غاية لا تدرك هذيج المرة تقول مواضيعج طويلة و

    قرقة ، و الحين تقول وايد قصيرة يعني ما عرفنالك الصراحة :mad: بس انا مو معاك لما حطيت البنات

    بخانة الغشم ترى مو كل البنات انا عن نفسي و بدون غرور قيادتي للسيارة افضل من وايد شباب

    مستهترين .


    المهم لا نطلع بره الموضوع فعلا هذا حل ثاني ان يقلصون من عدد سيايير التاكسي و المكاتب .


    و أشكر مرورك
     
  6. Q8_KJO

    Q8_KJO بـترولـي نشيط جدا

    410
    0
    0
  7. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين
    شكرا على مرورك للمرة الثانية
     
  8. Q8_KJO

    Q8_KJO بـترولـي نشيط جدا

    410
    0
    0
  9. الصايغ

    الصايغ بـترولـي خـاص

    هههههههههههه
    طريقه الموضوع وااايد كيووووت
    يعطيج العافيه
    انا اقولج شنو بسوي
    اول شي الغي شي اسمه تكسي وباصات
    شفيها لو انسوي سكك مواصلات بخط كهربائي
    مثل الي موجود الحين في دبي
    او في اوربا
    طبعا بعد مانوفر الكهرباااء
     
  10. عبدالله

    عبدالله بـترولـي نشيط

    110
    0
    0
    Q8
    والله البنات هم اللي يسببون الحوادث......

    كلا سرعه عل الفاضي لا وراها يهال ولاوراها بيت بس مسرعة...

    لا والحين صارو يركبون سبورت....

    برايي الشخصي للهنود ارحم وايد من البنات. :)
     
  11. Salem J

    Salem J بـترولـي نشيط جدا

    226
    0
    0
    Eng
    Kuwait
    بالعكس البنات مو متهورين مثل الرجالة :)

    تدري ان المرأة ممكن تكلم بالتلفون و تسوق و تقعد عيالها و اهي مشغله المسجل و لا تدعم :)

    نفس الشي بالمطبخ ممكن تتابع مسلسل و تطبخ و تكلم بالتلفون و تمسك طفلها بدون اي خطأ :)
     
  12. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين
    أشكر مداخلتك يا الصايغ ، بس هذيج اسمها دبي .


    و مرورك اهوه الكيوت
     
  13. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين


    هههههههههههههههه ، الشباب بدوا يتطنزون علينا . اصلا البنات

    اكثر الكائنات الي في الكويت ملتزمة بقوانين المرور :) بس ما جاوبتني لو كنت وزير للداخلية ليوم

    واحد شنو الاجراءات الي راح تتخذها بحق التكاسي الي ودرونا بالشارع



    شاكرة مرورك
     
  14. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين


    ترى الي كاتبة موضوع بنية الي اهية آنا . ما راح ارد عليك عن

    موضوع البنات لأن هذا رايك الشخصي بس انا كان عندي سؤال للنقاش ، لو كنت وزير الداخلية ليوم واحد

    شنو الاجراء الي تتخذه بحقهم . لأن موضوعي ما كان عنوانه منو الأفضل بقيادة السيارة البنات و لا الهنود :

    :mad: كان عن التكاسي و بس


    شاكرة مرورك
     
  15. فهد شموه

    فهد شموه المـراقب الـعـام

    2,712
    24
    38
    ذكر
    Production Engineering Mechanics
    ☀Q8 دار الفخــر والعــز☀
    الله يخلّي الواسطة... اللي تسوي من واحد كان يركب على ظهر "فيل" بديرته, إلى سائق تاكسي, لا تقول شلون؟
    بس هذا اللي صاير بالكويت الأسيويين تارسين الشوارع يمينك يسارك مسوين زحمة...
    ولا شرطتنا حدث ولا حرج تلاقيهم هم سبب الزحمة...!!! الشكوى لله
    وبالنسبة للسائقين من الإناث فهم أقل تسبباً في الحوادث وأكثر إتباعاً لقوانين المرور من السائقين الذكور
     
  16. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين


    صح لسانك ، هذا المشرف و شهد لنا ان احنا الأكثر اتباعا للقوانين المرورية في البلد ، و تكفيني شهادته جان زين الهندي كان يركب على ظهر فيل ، هذاك الزقرتي بس الي ايونا تلاقيه كان يركب على ظهر و لد عم الحصان . بس كان في سؤال للنقاش ، لو كنت وزير للداخلية ليوم واحد ، شنو الاجراءات الي بتتخذها بحق التكاسي .


    أسعدني مرورك
     
  17. كويتيه ماركه

    كويتيه ماركه بـترولـي خـاص أعضاء الشرف

    يسلموو حبيبتي عالموضوع الحلو والله ابتلشنا بهالكاسي مره كنت سايقه رايحه اودي امي ولا هذاك التكسي الي دعمنا وانحاش والله شي ينرفز ويضايق لو انا داعمته لوووول سوالي سالفه والله مايتحرك



    لا والمصيبه انا اخوي بالمرور يقولي هالتكاسي السياره يتناوبون عليها 3 واحد الصبح والي العصر والي بليل واليسن بأسم واحد لوول واذا سوا حادث على طول يسوي نفسه مغمى عليه عشان لما نوديه المستشفى هالبنغاليه الي يشتغلون لوول سالفتهم سالفه هذيل لول مانخلص منهم يطلعونهم كل واحد يطلع ربعه وهذي حالتنا


    بالنسبه لي اقترح ان يردون التكاسي البرتقاليه الي يسوقونها الشياب واايد احسن
     
  18. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين

    الحمدلله انج ييتي ليش تأخرتي ، نقذيني بعض الشباب الي دشوا

    موضوعي تطنزوا علينا لين قالوا بس و اتهمونا بان احنا سبب الحوادث في الديرة يا معودة ساعديني على

    هالحملة الشرسة ضدنا ، عموما هذيلا هنود لازم يسوون افلام هندية ، بس فعلا الشق الثاني من

    مداخلتج يعتبر كارثة ، ثلاثة يسوقون بليسن واحد لا الله يخلف علينا عيل .

    و بالنسبة لا قتراحج انا معاج 100% .

    اسعدتني مداخلتج الحلوة /COLOR]
     
  19. فهد شموه

    فهد شموه المـراقب الـعـام

    2,712
    24
    38
    ذكر
    Production Engineering Mechanics
    ☀Q8 دار الفخــر والعــز☀

    عزيزتي "انوار"
    هناك لائحة جزاءات تطبق حسب مخالفة السائق لقوانين المرور... ولا يمكنني حتى لو كنت وزيراً للداخلية أن أستخدم غير ما نصت عليه لائحة العقوبات بالنسبة لقائدي المركبات المقيمين حيث هناك حقوق الإنسان تراقب الوضع في الكويت بشكل مركز لوجود شكاوي من قبل المقيمين على أمر الإبعاد والتسفير ما يتسبب لفقدانهم حقوقهم في الكويت ووظائفهم وإلغاء إقاماتهم في حال تجاوز الإشارة الحمراء وما قد يسببه من حوادث جسيمة... لكننا في النهاية نجد بعض من يقف مع هؤلاء الغير مؤهلين لقيادة أجلكم الله حتى "الح --ـــار" والقصص كثيرة عن فقد رب أسرة مسن وعائلة كويتية بأكملها والسبب... سائق أسيوي يحمل رخصة قيادة كويتية أصلية رسمية ومصدقة لكنها أُخذت للأسف الشديد بدون تراي ((بالواسطة)) !!!
     
    آخر تعديل: ‏27 يوليو 2009
  20. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين


    الحمدلله انج ييتي ليش تأخرتي ، نقذيني بعض

    الشباب الي دشوا موضوعي تطنزوا علينا لين قالوا بس و اتهمونا بان احنا سبب الحوادث في الديرة يا

    معودة ساعديني على هالحملة الشرسة ضدنا ، عموما ارجع لمداخلتج هذيلا هنود لازم يسوون افلام

    هندية ، بس فعلا الشق الثاني من مداخلتج يعتبر كارثة ، ثلاثة يسوقون بليسن واحد لا الله يخلف علينا

    عيل .

    و بالنسبة لا قتراحج انا معاج 100% .

    اسعدتني مداخلتج الحلوة
     
جاري تحميل الصفحة...

مشاركة هذه الصفحة