شرايكم ياقسم الانتاج

الكاتب : ابو فالح | المشاهدات : 757 | الردود : 4 | ‏23 يوليو 2009
  1. ابو فالح

    ابو فالح بـترولـي جـديـد

    19
    0
    0
    بسم الله الرحمن الرحيم

    شخباركم ياشباب ؟

    فيه موضوع حاب أطرحه اليوم عليكم .. بس ياليت ما أحد يفهم ان طرحي للموضوع فيه حسد أو حسرة على الشباب اللي في دورة أبريتر 2 الآن .. بالعكس الله يوفقهم .. والشغله الثانيه فأنا على وشك التقاعد خلال سنتين ان شاءالله .. بس حبيت أطرح الموضوع لأنه يدل على تخبط الشركة في مسألة التوظيف ..

    من المعروف ان من مغريات العمل في الشركه هو ( الأوفر تايم ) .. فهل تعتقدون أن ادخال دفعات كبيرة من الأوبريتر 2
    فيها تسكير لموضوع الأوفر تايم ؟
     
  2. عبدالله

    عبدالله بـترولـي نشيط

    110
    0
    0
    Q8
    اكيد اهي الشركه دخلت العدد الكبير هذا عشان اتغطي النقص اللي موجود بالسناتر هذا أولا"

    وثانيا" عشان يوقفون الاوفر تايم..... والله اعلم
     
  3. يعطيك العافية اخوي العزيز


    بعد التحية


    في بداية الامر الشركة الان قاعد تكبر مشاريعها و تحتاج الى عمالة وطنيه تكون قادرة ان تتحمل المسؤولية من بعدكم
    انتو اخوانه و اساتذتنه بالشغل و لو ما انكون معاكم ولا احنه ما عرفنه ولا شي من الشغل لانه الشغل العملي بالسناتر اهو الي يعلمنه الشغل مو الدورات النضرية .


    فرق السن بين العمالة الموجودة بالسناتر كبير يعني ناس توها متعينه و ناس علاوشك التقاعد خصوصا ابريتر 2 يعني

    لازم انهيئ صف ثاني للمستقبل .

    و هذا الفرق هي نتيجة لسياسات الشركة قبل سنه 2005 بعدم توضيف و تقليلهم للحد الادنى .


    و الحمد لله انه الشركة قاعده توضف عيالك و عيال الكويتيين يستفيدون من الشركة و تقل عندنه العمالة الهامشيه الي بره .

    يعني يقل او ينقطع الاوفر تايم بس بالمقابل الشركة بعد التعديلات الاخيرة على القريدات و على البدلات الحمد لله معاشاتنه وايد وايد احسن من غيرنه .



    و الاوفر تايم من المستحيل انه العامل يعطي كثر ما يعطي اذا كان ماخذ الراحة كاملة يرد الشفت فرش .

    يعني بالنهايه وايد امور احسن من الفلوس الصحه و توضيف الكويتيين و جودة العمل و سد النقص الشديد و توفير على الشركة فلوس الاوفر تايم
    و اسف على الطوالة ( بيني وبينك صكو علينه الميه و النور كنة متونسين شويه بالاوفر تايم )
     
  4. AD-01

    AD-01 بـترولـي خـاص

    1,040
    2
    38
    ولله مشكله ربعنا مايدرون شيبون! مره نقص عماله ومافي توظيف و مره هذوله رقوا ووظفوا علشان يوقفون الاوفرتايم!
    لاتحاتي يابوفالح .. الرزق مكتوب و عسى الله يوفق الجميع.
     
  5. المشاكس

    المشاكس بـترولـي خـاص أعضاء الشرف

    998
    1
    0
    سؤال حق بوفالح

    حسب ماذكرت إن باقي لك سنتين على التقاعد يعني قديم بالشركة ......

    أول ماتوظفت في أوفرتايم بالطريقة الحاليه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

    يعني الوضع طبيعي بسد النقص بعدد العماله ... لأن هذا المفروض مايكون في نقص بالعماله
     
جاري تحميل الصفحة...

مشاركة هذه الصفحة