عامل حفر

الكاتب : فهد الحريّص | المشاهدات : 13,615 | الردود : 36 | ‏23 يوليو 2009
  1. فهد الحريّص

    فهد الحريّص بـترولـي جـديـد

    7
    0
    0
    السلام عليكم ورحمة الله وبركاته

    اخواني عندي استفسار في عقود المقاولين طالبين وظيفة عامل حفر لشهادة الثانويه للكويتيين
    حبيت اعرف شنهو طبيعة العمل ومكان العمل وكم الراتب والدوام جم يوم وتابع اي دائره باختصار ابي اعرف مميزات الوظيفه وعيوبها قبل لا اقدم اوراقي
    ابي نصيحة اخواني اللي عندهم خبرة وسابقيني بهالمجال
    ومشكورين
     
  2. Workers

    Workers إدارة المنتدى

    7,767
    30
    48
    ذكر
    الكويت
  3. فهد الحريّص

    فهد الحريّص بـترولـي جـديـد

    7
    0
    0
    اخوي انا شهاتي ثنويه عامه ماعندي دبلوم وهشغله مساعد حفار غير عن عامل حفر
     
  4. DSM

    DSM بـترولـي جـديـد

    38
    0
    6
    DRILLING SUPERVISOR
    KUWAIT
    اول شي , هناك ثلاث شركات حفر , برقان (حمد الحمد) , Kdc الشركه الكويتيه لحفر الابار و سنتافيه

    اول شي هذي الوظيفه تحتاج الي مجهود شاق , يعني الدوام كرف والدوام فيها شهر دوام وشهر اجازه , او اسبوعين دوام في اسبوعين اجازه , او يمكن اسبوع في اسبوع ,, حسب القعد , ويكون الدوام 12 ساعه , في 12 ساعه اجازه , ومايصير تطلع من برج الحفر , لازم تنام مناك .
    طبعا اهناك تدرج بالوظايف , يعني تبتدي عامل عادي , وتترقي الي فلور مان Floorman بعدين ديرك مان (هذا الي يكون متعلق فوق في برج الحفر ) بعدين مساعد حفار , بعدين حفار بعدين نايت تولبشر بعدين سينير تولبشر .

    طبعا الخبره اهني الي راح تكتسبها وخاصه لمن توصل الي نايت تول بشور راح تقدر تتوظف في شركات كبيره في القطاع النفطي ويكون راتبك اعلى من رواتب المهندسين مناك .


    الله يوفقك
     
  5. فهد الحريّص

    فهد الحريّص بـترولـي جـديـد

    7
    0
    0
    تسلم ياقلبي على المعلومات بس ماشرحت لي طبيعت العمل
     
  6. AL-HADAD

    AL-HADAD بـترولـي نشيط

    84
    0
    0
    KOC
    KUWAIT
    بالتوفيق يالغالي
    بس مانصحك لانك كويتي مايحترمونك
    يبون هنود
    او بعدين اذا انت مسلم مانصحك اتروح لان الاذان ممنوع
    راتبك 480 +361 دعم العماله
    بدون اوفر تايم لايحطولك الشمس بيد والقمر بيد
    انا كنت موظف طيران قبل لا اروح
    قالولي كلام غير الي شفته
    راتبك بالعربي شهريا صافي 811 دينار كويتي فقط لا غير
    او مافيها مميزات
    فرق راتبي عن المطار89 دبنار
    على الحسبه الاولى قالولي 1300 غير دعم العماله شهر والشهر الثاني راتب كامل
    الصحيح ولد عمي انه شهر 960 ينزلك غير دعم العماله والشهر الي بعده بس دعم العماله
    والله يوفقك ياخوك احنا كويتيين فينه الخير على ديرتنا بس للاسف محد يفتحلنا المجال
     
  7. AL-HADAD

    AL-HADAD بـترولـي نشيط

    84
    0
    0
    KOC
    KUWAIT
    لا وزيدك من الشعر بيت طلعوني من دوامي او قعت 3 شهور بطالي علشان الحبابيب مايدرون وين الله قاطهم
     
  8. Assistant driller

    Assistant driller بـترولـي خـاص أعضاء الشرف

    كلامك عدل بس على فكرة الشغله هذي متعبه بس تستفيد منها خبرة و مستقبلها وايد حلو لا تقول مايرقون كويتيين أنا أقول 1000% يرقون كويتيين ، الا اذا هذا الكويتي مايشتغل أو علاقته مع مسئولينه مو مظبوطه أو دوامه مو مضبوط انا عن نفسي لي زملاء ولله العظيم ماعنده شهاده وصارله يمكن سنتين ونص تقريباً بالشركة اللي وصل ديرك مان واللي فلور مان واللي واللي بس ولله اهم يرقونك بسرعه ، نفذ اللي يقولك عليه مسؤولك وسو شغلك وحتى لو صرخ عليك قوله انشالله صدقني لازم تترقى ماتقعد على حالك رست أباوت بعد بس هم أرد وأقول الواسطة لها نسبة 60% علشان تترقى بس ولله في ناس وصلوا من غير واسطة و أرد وأقول ترى مستقبلها حلو بس تعب حيل تعب ومن ناحية معاش معاش قوي بصراحه مع احترامي لكل وجهات النظر اللي تفضلتوا فيها وكلامي هذا مو دفاع عنهم بس هذا الواقع واللي صاير من ناحية في ذل في طولت لسان هذا موجود بس شتسوي قول انشالله علشان لايمسكون ممسك عليك وصدقني لي سويتوا هذا كله اهو من نفسه مسؤولك سواء كان هندي أو مصري أو اي كانت جنسيته راح يحبك ويرقيك من نفسه والشغله الاخيرة والاهم لاترافج كويتيين وايد هناك طيح مع الهنود والمصريين والاجانب :) استحمل ريحتهم و وصاختهم وبالاخير راح تحصد كل اللي سويته بالخير وسلامتكم :)
     
  9. AL-HADAD

    AL-HADAD بـترولـي نشيط

    84
    0
    0
    KOC
    KUWAIT
    مشكور على المشاركه وحترم رايك
    بس هذا عيبكم يالكويتيين
    ماعندكم مصداقيا كلش لامع الحكومه ولا مع الكويت الي رزتكم او عزتكم بفضل الله ثم ال صباح الكرام الله لايغير علينا
    قولو امين
    مايقول ويه الكويتين ايد وحجده اشتغل احلل معاشي
    او العمل عباده
    لا يقول اتجمل المسؤولين الي موكويتين على شان اترقه انت ماتبي تصعد بذراعك تبي بالتعجف
    خل افيدك بشي الرزق من الله واذا الله ارادك بخير فلا ممسك رحمته او اذا اراد بضر فلا كاشف عن ضره
    بالعربي من جد وجد ون زرع حصد
    مو الهندي ولا المصري ولا الكويتي يرقني الله سبحانه يرقيني
    ان اراد شيئ فيكون له كن فيكون
    قول لا نسالك رزقن بل نحن نرزقك
    نبسط الرزق من نشاء
    ياعمري انت مافهمت كلامي قبل لا تكتبلي
    انا قصدي انه الديره مو لنا انت مو مسنانس انك كويتي
    روح سافر اي دوله بالعلم من غير ان اذكر اسم دول
    تفلسف اذا مايقمتونك ماعرف شي
    وانت بالكويت حتى ابدينك يناشبونك او نفس الجماد
    ولا كلمه
    هههههههههههههههههههههههههههه
    يمعود روح الله يستر عليكنا يمعود
    تقبل مروري
     
  10. Assistant driller

    Assistant driller بـترولـي خـاص أعضاء الشرف

    الله يهداك شفيك صرت علي بوعيده ترى الكلام هذا اهو الواقع لازم تسايس مسؤولك حتى لو كان بنغالي أو اي كان لان اهو بيده كلشي بعد الله سبحانه وبعد الواسطة طبعا ، وبعدين أنا قاعد أكلمك عن الترقيه بالحفريات اذا ولله تبي تطنش بمسؤولك علشان انه هندي أو مصري هم غلط ولازم تتنازل عن شغلات بسيطه لاتاخذ الأمور بصعوبة خلك زقرت واذا حاجتك عند ....... قوله سيدي :) لان الشغله هذي بالذات ماينفع فيها اللي جذي اما اذا شغله ثانية بالنفط مو مشكله تترقى عادي بس بالذات فهلشغله ماتييي الترقية الا بالجمبزة

    تقبل مـــروري
     
  11. AL-HADAD

    AL-HADAD بـترولـي نشيط

    84
    0
    0
    KOC
    KUWAIT
    ههههههههههههههه
    انت مو فاهم انا مافرق الهندي يمكن يكون احسن من الكويتي
    انا اقول ديرتنا اشفيهم الكويتيين
    ليش مايكون 50 % كويتين بس تطفيش مافي شي
    حبيبي انا موظف 10 سنوات
    كنت عسكري وزارق الدقاع مو ظابط عسكري خيوط لا هي عيب ولا هي حرام ولاهي فشله
    كنت مدني الحين انا عسكري شنو المسخره هذي يهودي يمنع الاذان بالرق واشتكي عند المسؤولين يقولن شنو تبينه انسوي الله واكبر محد يمنعها لا اهوه ولا اكبر واحد بالدنيا كلها مو بس بالنفط
    ثاني شي اطلب شهادة راتب يقولي خلاص خذيتها يالله اطلع بره
    ههههههههههههههههههههههههههههههههههههههههههههههههه
    طبله بخوش واحد منتهي على قولتهم بايع من الاخر
    وشخط فيه
    وخلي نفس الحشره ولا كلمه لان يته مو بسلوب العنتره والطق لا لا لا
    انا اكبر من جذي مكبر عقلي عن الاشكال هذي بس قتله بعد التشخيط
    قتله انا ماعرف كويتي ولا مو كويتي انت محترم احترمك مو محترم ما احترمك
    انت المدير اهني مو انا لو تقولي اي شي تبي اسوي لو شغل مو شغلي ماراح اقولك لاء بس تكلم عدل
    انت كلمه وجده منك تعطيني بور اشتغل او كلمه وحده اتخليني راد ارد عليك ولا على الي اكبر منك
    حلوه هذي بالعسكريه محد قالي اطلع بره هل مره الفلو هذا
    بعد العسكريه المطار مظيف ارضي
    ياحلات المسؤولين من الجنسيه الهنديه عسل والله
    انا ماتكلم عن الهنود كلهم اتكلم عن الي منع الاذان
    بس الشرهه مو علي على المسؤولين حسبنا الله ونعم الوكيل
    والدعوه مستجابه برمضان اذا كثر الاذان كثر الخير واذا قل الاذان قل الخير
    اللهم احفظ الكويت اللهم احفظ الكويت اللهم اخفظ الكويت
    مشكلتي كويتي بطن او ظهر ماده الاولى علشان جذي مارضه اشوف غلط ابديرتي واسكت
    هل مره ديني لا ياحبيبي فيها دم ؟؟؟؟؟؟؟
     
  12. AL-HADAD

    AL-HADAD بـترولـي نشيط

    84
    0
    0
    KOC
    KUWAIT
    اقول على البدليات هذي مالومه
    هههههههههههههههههههه
    بالعفايه عليك البدليات بس قاعد اكتب على السريع بس انشالله تكون وصلتلك المعلومه
    وانشالله راح اسير مدير الحفر
    وفنش اي واحد موكويتي وحط بداله ولد ديرتي من عزوتي او ناسي كويتي
    كويتي وفتخر
    والله العظيم ضحكتو علينا العالم
    الله يعز الكويت بس صامدون من اجل الكويت
     
  13. Assistant driller

    Assistant driller بـترولـي خـاص أعضاء الشرف

    كلامك عدل ولله .... وبدلياتك هم على راسي كلش ولا الدين خط أحمر
     
  14. Assistant driller

    Assistant driller بـترولـي خـاص أعضاء الشرف

    عيل ليش اشتغلت الشغله هذي اذا مو عاجبتك :) صج انها تعب بس بعد فترة ترتاح من ناحية المعاش ومن ناحية الصحة يمكن انت ماكملت سنه بالحفريات علشان جذي تتكلم عنها بالطريقه هذي بس لو قاعد فيها 3 سنين على الاقل صدقني بالترقى غصبن عليهم وهذا طبعاً إذا علاقتك زينه مع زملائك ومسؤولينك وتنفذ شغلك بالظبط واذا انت مسوي كلشي مظبوط وقاعد فيها 3 سنين وما رقوك هذي بصراحه استحاله لان احنا كلنا قاعد نترقى ولله انا الحين ديرك مان مو مساعد حفار هذا بس نك اسيستن دليلر صرت ديرك مان بظرف سنتين وراتبي مع دعم العماله 1150 د.ك شهرياً وفي ناس ترقت بواسطة ماقولك ماكو في وايد ترقو بواسطة وفي ناس معانا مايترقون لأنهم مالهم خلق يشتغلون وبعدين يقولون احنا ليش مانترقى ويحطون دوبهم دوب الهنود عدل ياهداد :)
     
  15. AL-HADAD

    AL-HADAD بـترولـي نشيط

    84
    0
    0
    KOC
    KUWAIT
    انت الحين فاهمني ياقلبي
    خلك من دعم العماله
    ابيك تقولي عن الترقييات
    انا صارلي بالحفريات
    من 1 /6 /2009
    ابي اعرف انا الحين رست اباوت 480 دينار كل ترقيه جم عليها
    يعني انت الحين جم يعطونك بدون دعم العماله دعم العماله كل واحد غير الي يحسبها مع الزوجيه الي مع الاطفال
    ابي كل ترقيه تكتبلي او جم ابي دافع ابي بور ابي فلووووووووووووووووووس
    ابي اشوف الهندي كويتي
    هههههههههههههههههههههههههههههههههههههههههه
    اوكيك ناطر منك ياعمري
    على الاقل لي نايت بوشر
     
  16. AL-HADAD

    AL-HADAD بـترولـي نشيط

    84
    0
    0
    KOC
    KUWAIT
    او ابي اعرف الشركات جم معشاتهم انا سمعت ان في شركات يعطون رست ابواوت 650 دينار
    او في شركات دواماتهم 14 في 14 والله حلوه سبوعين بسبوعين
     
  17. Assistant driller

    Assistant driller بـترولـي خـاص أعضاء الشرف

    ههههههههههههههههههههههههه ماكملت سنه يعني كلامي صح وشفيك الله يهداك لعنت ابو اسلافهم عيل اقرى كل اللي بقولك عليه وركز وياي تقفه تقفه تقفه علشان لما اخلص كلامي لا تصير مذيع سكوب :) تيييك السالفة ========>
    أول شي بالنسبه لسؤالك في شركات تعطي 650 هذا حق اللي عنده شهادة خبرة في هلمجال لا تقل عن 4 سنوات تقريباً وبالنسبه للترقيات يعتمد على حسب شغلك صدقني اسألني أنا وعلى حسب تعاملك مع مسؤولين كثر ماتخليهم يحبونك يرقونك بأسرع وقت ولا تبينلهم انك رافع خشمك علشان انك كويتي هذا أكبر غلط اعتبر حالك هناك مثل الهندي والمصري والباكستاني مثل ماسويت انا بالظبط ، طبعا الفترة اللي تكون فيها الترقيات كل 9 شهور تقريبا أو سنة ونص أول ترقيه طبعا تصعد إلى فلور مان تاخذ عليها تقريباً 130 دينار وبعدين تصعد إلى الدريق مان وطبعا الدريق مان سبب في نحشة بعض العاملين من الشركة وأكثرهم كويتيين لأن الشغله هذي لازم تطلع فيها نص جسمك بره وفي ناس طاحت من فوق طبعا مو وايد لاتخافون وهم الدريق مان زيادتها 120 تقريباً وبعدين مساعد حفار متدرب زيادتها مادري جم بالظبط لأن انا حالياً دريك مان ومن عقب مساعد حفار متدرب إلى مساعد حفار وبعدين حفار طبعا الحفار اعتقد له بدلات خاصه صدقني اتعب شوي بس وراح تذكر كل كلامي هذا بالأخير وقول ماقتلك وفيها مميزات بس مو الحين بعد فترة يعني بالعربي عقب مايشوفونك انت قد المسؤوليه وصاملها هنيي تحس انك كويتي لوووووووول على قولتك بس ولله فيها مستقبل وايد حلو انت الحين توك اقعد 3 سنين بس وشوف العز اللي راح تكون فيه ....... والخبره اللي راح تكتسبها كبيره كبيره وراح تفهم شغلات مايفهما المهندس ولله العظيم انا اول مادشيت ماعرف البترول من البيبسي الحين ماشالله عندي خبرة مهندس كلشي هناك بالخبرة مو بالشهاد شفايدة الشهادة من غير خبره وطبعا الخبره تغلب الشهادة هذا المثل ينطبق على شركات الحفر وماشابه من باب التوضيح وسلامتك يا بوهدهد :)
     
  18. Assistant driller

    Assistant driller بـترولـي خـاص أعضاء الشرف

    انا الحين استلم 785 دينار + 361 دينار دعم عماله وعليك الحساب يا بوهدهد
     
  19. rig

    rig بـترولـي نشيط جدا

    177
    2
    0


    اخوي بالنسبه حق الرواتب للكويتين

    الميكانيكي والكهربائي الكويتي : 515 دينار

    الرست اباوت الكويتي:480

    الفلور مان الكوبتي : 515

    الديرك مان الكويتي : 580

    مساعد الحفار الكويتي : 720

    الحفار الكويتي : 815

    التولبوشر الكويتي : 910

    سينير تولبوشر الكويتي : 1,045


    ريق سوبر انتيند : 1,210

    طبعا هذا بالنسبه حق الاساسي للكويتين من غير دعم العماله
     
  20. rig

    rig بـترولـي نشيط جدا

    177
    2
    0


    السلام عليكم شلونك خيي شخبارك

    تقبل الله طاعتك

    طبعا انا عرفت كل هالمعلومات من كثر اهواشي معاهم بالشركه وبالريق ودايمن يسكتوني بمعلومه فعلشان جذي عندي خلفيه كل ما احاول ادورلي ثغره يصيدوني بس استفيد منهم معلومه :)

    عموما الله يوفقك انشالله وترا الكويتي ما يطول علي الديرك لانهم يخافون عليه فيرقونه مساعد حفار علي طول ما يطول فوق

    وبيني وبينك ساعات اقتنع بكلامك وان الوظيفه مستقبلها حلو لكن دايمن افكر بشغله اهي لي متي بقعد بوظيفه دوامها شهر بشهر

    وهالحاله ما تغير الا اذا صرت تيم ليدر وشوف عقب متي يعني بطحس طول عمري شهر بشهر

    انا الحين داش بالسنه الرابعه وليلحين رست اباوت عيل متي بصير تيم ليدر ( حامض علي بوزي ) :)
     
جاري تحميل الصفحة...

مشاركة هذه الصفحة