جاسم الناصر ( صباح الليل )

الكاتب : فيصل العجمي | المشاهدات : 3,261 | الردود : 32 | ‏22 يوليو 2009
  1. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    صباح يوم امس قرأت بيان للسيد جاسم الناصر رئيس اتحاد البترول جاء فيه مايلي :

    [​IMG]

    يا أخ جاسم اليس من باب أولى ان تهتم بشؤون القطاع النفطي والذي أنت رئيس أتحاد عماله ؟؟
    ليش ماصرحت عن المستشفى ؟
    ليش ماصرحت عن الكادر المنقوص ؟
    ليش ماصرحت عن مشكلة التأمين الصحي؟
    ليش ماصرحت عن كادر مهندسي القطاع النفطي؟
    ليش ماصرحت عن الاختلاسات في القطاع النفطي؟
    ليش وليش وليش !!!!!!!

    يعني عقب ماتوصلت الحكومه لحل لقضية المسرحين من القطاع الخاص جاي تظهر بمظهر البطل ؟؟ مع العلم انهم لا يتبعون للقطاع النفطي وان القطاع الذي انت تمثل عماله فيه الكثير من القضايا والمشاكل العالقه والتي تحتاج وقفه صادقه منكم كإتحاد .

    كتبنا عدة مقالات حاولنا من خلالها بث الحياة من جديد في اتحاد البترول ولكن يبدوا اننا ننفخ في قربه مقضوضه .
     
  2. سياسي محنك

    سياسي محنك بـترولـي نشيط جدا

    بعض العالم على بالهم يقصون على خلق الله , السبب في تحرك الاخ جاسم الناصر على شان لاقالوا الاخ جاسم

    يقولون الرجل المناسب في المكان المناسب كافي انه سعى في سالفة المسرحين , لكن نقول للأخ جاسم الناصر

    وبالخط العريض .

    الـــــــــــــــــــــــــعـــــــــــــــــــــــــــــــب غـــــــــــــــــــــــــــيـــــــــــــــــــــــرهــــــــــــا :d
     
  3. Workers

    Workers إدارة المنتدى

    7,767
    30
    48
    ذكر
    الكويت
    طيب شنو اهمية هالتصريح طالما ان اعضاء الأمة مهتمين في هالقضية وراح يحلون المشكلة .. !!

    طيب ليش ما تطبق هالكلام وتحل جميع قضايا القطاع النفطي العالقة ..! وانت معطيها skip .. !
     
  4. AD-01

    AD-01 بـترولـي خـاص

    1,040
    2
    38

    الاخ العزيز بوعبدالله

    بداية لك كل الشكر على تبني هذا المنتدى اللى يعتبر متنفس للعمال وساحه طيبه للتعارف ولم الشمل

    اخوي انت دأبت الفترة الماضية بقوه على ذم الاتحاد والطعن في رئيسه واتهامه بالتخاذل والتهاون وتحط اللوم دايما عليه مع اني اعرف انك قريب من النقابات وكنت اتصادف معاك بمقر اتحاد العمال في الايام اللى كنت اتواجد فيها بداية الدورة النقابية الحالية.. واتوقع بتواجد وحضورك هذا انك ملم بالاحداث اللى صايرة بين النقابات ومايخفى عليك شي من الوضع (الزفت) اللى صاير .. وهذا الشي يخليني استغرب هجومك على الاتحاد!

    مرت فتره على القطاع النفطي ابان فترة الوزير السابق ما كان فيها انجازات تذكر والسبب كان طناش الوزير وانت ادرى بهذى الامور اكثر منا بحكم قربك من النقابات، وهذا غير الامور السياسية من حل مجلس امه مرتين خلال السنه النقابية الحالية والشلل السياسي اللى حل بالبلاد وما يخفى على احد اللى صار.

    وايضا وضع الاتحاد مع الاسف انه ما يسر لا القريب ولا البعيد والسبب تفرق اعضاءه ال15 وماهم على قلب واحد

    كنت اتمنى انك تنصح وتشد على ربعك (البترول الوطنية) اللى خذت دور انعزالي عن الاتحاد والسبب (ما اخذنا الرئاسة) !!

    كنت اتمنى ان نقابة البتروكيماويات تكبر عقلها شوي وتطلع بدور ايجابي بدل ما تكون تابع للبترول الوطنية (يمين يمين شمال شمال)

    حتى نقابة نفط الخليج انشقت وصارت جماعتين وبدا الاختلاف واضح بينهم ..

    تجي لنقابة ايكويت ... اغلب القرارات الصادره من المؤسسة ما تنطبق عليها لانها اقرب للقطاع الخاص من النفطي فلا تشد الحيل فيهم !!

    من بقى مع جاسم غير نفط الكويت ؟؟ الناقلات فقط .. ترا اتحادك بهذي التشكيله ضعيف وما تلوم جاسم الناصر اذا تأخر في التصريحات مع العلم ان الواضح انه قايم بواجبه و ماتخاذل بالمواقف ابدا ...


    اضراب البترول الوطنية كان معاهم من اول يوم ورئيس نقابة البترول كان مختفي !!

    مشاكل نفط الخليج مشى فيهم وحضر اغلب اجتماعاتهم مع المؤسسة ومع الوزير وتقدر تسالهم

    نفط الكويت متبع قضاياها ووهو احد اعضائها ..

    اوسكو .. ما انضمت للإتحاد ومع هذا الاتحاد يسعى في مطالبهم بدون طلب من نقابتهم .. كافي ان موظفين اوسكو منزلين مناشده للوزير بالصحافة من جيبهم الخاص ونقابتهم نايمه

    نقابة المؤسسة .. فيها شوية روح ومجتهده والله يعطيهم العافيه ولهم تنسيق مع الاتحاد ونقابة نفط الكويت

    المستشفى .. راجع التصاريح الصحفيه وراجع الكتب الموجوده في الاتحاد تلقاها اهم ماده تم مناقشتها مع سعد الشويب والوزير مع العلم ان محاضر اجتماعات نقابة نفط الكويت تزخر بالصياح والنجرة مع ادارة الشركه وانا اطلعت عليها

    الكادر المنقوص.. اسال على عامر الهاجري اللى وعد الاتحاد انه راح يحل المشكله مع ديوان الخدمه وطنش .. و حاليا احدى النقابات رافعه قضية تطالب بالكادر المنقوص واتوقع انك سمعت فيها..

    التأمين الصحي تم اعتماده من لجنة الاعضاء المنتدبين وحاليا في المناقصات وهذا كلام نقابة نفط الكويت

    كادر المهندسين موجود في المحاكم وفي نقابات قايمه بالموضوع ..

    انا مو بصدد الدفاع عن جاسم ويعلم الله ان تكلمت معاه شخصيا وتكلمت مع غيره من اعضاء النقابات بان الوضع الحالي من التفرق بين النقابات غير صحيح وخطأ وقاعد يأخر الانجازات ولازم يكون فيه توحيد للكلمه بدل الخلاف .. لكن للأسف ان بعض النقابات لا حول لها ولا قوه وتدار من الخارج ولها مصالح خاصه ابدى من مصالح العمال..


    اتمنى منك يا بوعبدالله انك ماتحط جاسم شماعه لأي خطأ واذا في كلام المفروض يكون لتوحيد الكلمة بين النقابات المختلفة .. لان توحدها من صالحنا كعمال

    اشكر لك رحابة صدرك



    للعلم ماتربطني بالاخوة في النقابات والاتحاد الا كل ود واحترام وماني متحامل على احد او مع احد ... النقابات اول وتالي نتاج اختيارنا نحن العمال ونتمني نكون عون لها وسند لان قوتها واتحادها من قوة العمال


    ودمتم سالمين .. وانشوفكم بالكويت باذن الله :)

     
  5. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    السلام عليكم ورحمة الله وبركاته

    الاخ العزيز Ad-01 , اشكرك بداية على كلامك الطيب واسلوبك الراقي ,

    ويعلم الله انه لا تربطني أي علاقة بالاخ جاسم الناصر لا حسنه ولا سيئه ولا لي اي مصلحه من نقده الا محاولة اعادة الحياة من جديد في اتحاد البترول وايقاضه من سباته العميق .

    انت لما تقول ان الاتحاد متشتت ومو على قلب واحد فهذا الكلام بحد ذاته ادانه لجاسم الناصر لانه هو رئيس الاتحاد ويجب ان يوحد الصفوف ويلم الشمل , وبعيدا عن التصريحات والمطالبات نريد شيئ منها تحقق على أرض الواقع , فهل تفيدنا جزاك الله خير؟؟

    واعتقد توقيعك ادانه له :)

    وعلى العموم الكثير من نقابات القطاع النفطي نايمه في العسل ومحتاجه انتفاضه من الموظفين لعمل تغيير جذري في التركيبه النقابيه
     
  6. AD-01

    AD-01 بـترولـي خـاص

    1,040
    2
    38
    عليك السلام ورحمة الله بو عبدالله

    انت راعي الاوله وعسى الله يعطيك على قدر نيتك ( وعلى نياتكم ترزقون) ما عندي فيك شكه انك تبي الصالح العام وهذا اللى كلنا نسعاله ونجتهد علشانه.

    المشكله ما يحلها جاسم الناصر ... وما قدر يحلها خالد الهملان ولا محمد مساعد ولا حتى حمد شافي قبلهم ..

    المصيبه في بيوت النقابات نفسها ... اذا كانت السيطره لناس تبي مصالحها الخاصه فتوجهه ممثلين النقابة في الاتحاد يكون نفس نقابتها وهذا الوضع اللى حاصل.

    انا للامانه قلت الكلام اللى اعرفه عن كل نقابة وشنو مشكلها ... صعبه انك تبلش رئيس الاتحاد بحلها .. هذى مشكله ازليه قديمة عانى منها كل رئيس اتحاد.

    الحل بسيط وسهل ... الاصلاح يكون من النقابة نفسها ... ومحد يصلح النقابة الا اعضاء جمعيتها العمومية
    اذا انا شايف ان اعضاء النقابة (نواطير) او (مسيرين) او (ذنب) لتكتل معين او شخص متنفذ .. فبهذي الحاله انا مطالب (من باب الامانه) بالتغيير

    وعلى الانجازات ان شاء الله انك بتشوف شي طيب دام بوعبدالله وزيرنا (عسى ما يصير استجواب ويشيلونه :D )

    وعلى توقيعي ترا انا من اشد المطالبين بالفرقيه :) وان شاء الله راح يجيبونها بحكم محكمه وبقوة قضائنا العادل


    ودمتم سالمين يا اهل المنتدى النفطي :)
     
  7. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    السلام عليكم ورحمة الله وبركاته

    الله يعز مقدارك ويطولي عمرك على الكلام الطيب

    ولكن انت قلتها بنفسك , جاسم الناصر مايقدر يحلها , طيب يتنحى عن المنصب ويترك غيره يعمل اذا هو مو قادر

    وبالنسبه للأسماء التي ذكرتها لو ان المنتدى موجود على وقتهم كان جاهم ماجاه:)
     
  8. brilliant

    brilliant المـراقب الـعـام

    8,477
    0
    0
    Engineer
    Kuwait
    اثاري عندنا اتحاد وانا مادري :D
     
  9. AD-01

    AD-01 بـترولـي خـاص

    1,040
    2
    38
    بو عبدالله ترا توك مسلم علي :) وعليكم السلام


    دام الموضوع على الشغل فالرجل يعمل للامانه لكن كان ناتج العمل راح يكون افضل لو بعض اعضاء الاتحاد اشتغلوا معاه نفس ما يشتغلون (لتكتلهم)

    ونفس ما قتلك لو يترك المنصب اللى بعده راح يواجهه نفس المشكله ... فالحل مو بترك المنصب .. الحل المؤقت الحالي انك تجتهد وتسوي اللى عليك دامك رئيس اتحاد وهذا اللى قاعدين نشوفه من الاخ جاسم الناصر

    وانا ذكرتلك في اول رد شنو اللى صار على الامور اللى سالت عنها (بحكم تواصلي مع النقابه) ونتمنى انها تدخل حيز التنفيذ باقرب وقت وعلى راسها (التأمين الصحي)
     
  10. AD-01

    AD-01 بـترولـي خـاص

    1,040
    2
    38

    تبادل ؟؟ نقابتكم باتحادنا ;)
     
  11. ابوراشد

    ابوراشد بـترولـي نشيط جدا

    303
    2
    18
    ايييييه

    يالله كلها كم شهر وكل شي متغير ان شاءالله

    بس لو خاتمينها بشي ينفع العمال مو احسن من التصريحات الخرطي
     
  12. القعقاع

    القعقاع بـترولـي نشيط جدا

    345
    0
    0
    ياجماعه سامحوه هالمره...يالله ياجاسم الناصر لاعاد تعيدهاا ****
     
  13. المنجنيقي

    المنجنيقي بـترولـي خـاص

    1,966
    0
    36
    السلام عليكم ورحمه الله وبركاته

    الأخ العزيز / بوعبدالله ,,,

    طول عمرك سباق في كتابه المواضيع المهمه ولا قصور في الربع الباقين

    وتعليقي في الموضوع أني أشبه الأتحاد بـ مجلس الأمه ,, ومجلس الأمه ما منه فايده

    يعني بالعربي كلهم مامنهم فايده

    قسم بالله يا جماعه الوضع صاير بالقطاع النفطي من " جفره إلى دحديره " يعني ( من أردى إلى أردى )

    الله يسهل ويزين الأمور
     
  14. طارق الدوسري

    طارق الدوسري بـترولـي جـديـد

    36
    0
    0
    السلام عليكم ورحمة الله وبركاته
    الى الأخ العزيز\ جاسم الناصر
    ارجو من الأخوة العاملين في جميع النقابات ان يهتموا بموضوع كادر المهندسين ويجعلوه نصب أعينهم كما فعلوا بالسابق مع المشاكل اللتي مروا بها من السابق مثل كادر القطاع النفطي والأب قريد وبدل الأثاث وعدم احتساب يوم الجمعة من الأجازة والكورسات وغيرها من الأمور..................
     
  15. طارق الدوسري

    طارق الدوسري بـترولـي جـديـد

    36
    0
    0
    دنيا غريبة

    تحدث بما يعنيك واترك بما لايعنيك
     
  16. s3od_9800

    s3od_9800 بـترولـي جـديـد

    14
    0
    0
    جبتهاااااااا عالجرح
     
  17. VIP OIL

    VIP OIL موقوف

    802
    0
    0
    إتحاد لايصرح بلم الشمل ولا حتى يحاول يجتمع باجتماعات خاصه معاهم ويزيد لحمتهم حتى بل يزودها فرقه وتقولون الاتحاد يشتغل واخرتها مطنش قضايا القطاع النفطي

    وبعد ما اشتغلوا مجلس الامه بقانون المسرحين - طمرت يالحبيب تقول انا واقف معاهم وراح نوقف شي مضحك ومبكي

    مضحك عليه ومبكي على اتحاد العمال الذي يمثله ومن خلفه الذين لا يغيرونه .نواط؟ أذن؟ .....والزمن لايرحم والتاريخ يسجل.. ومفهوم كلامي يا اتحاد باشا
     
  18. ابوراشد

    ابوراشد بـترولـي نشيط جدا

    303
    2
    18
    ياجماعه والله انه اضعف رئيس اتحاد على مر التاريخ مسك اتحاد البترول

    احترمه كشخص وابن عائله كريمه ولكنه يفتقد الى مقومات النقابي , رجل لا يستطيع ان يقول كلمتين على بعضهم

    الشرهه على اللي مرشحينه رئيس
     
  19. Eng.Vampire

    Eng.Vampire بـترولـي خـاص

    للأسف رئيس الاتحاد أثبت انه غير مؤهل لقيادة دفة اتحاد البترول
     
  20. AD-01

    AD-01 بـترولـي خـاص

    1,040
    2
    38
    ردود

    لا تحاتي موضوع الكادر في قضايا مرفوعه من النقابات والفال لجمعية المهندسين تنفذ وعد (بلفور) و ترفع قضية للكادر ترا صار لها سنتين تقول .. والمهندسين المساكين ينطرون ههههههههههه
    طبعا بما اني مهندس (بقراطيسي) فيحقلي اتابع قضية الكادر معاكم والا ما يصير بعد ؟؟

    ليش يا حبيبي زعلان ؟؟ هذول اخوانك وربعك مسرحينهم ومنهم شباب تسرحوا من مقاولين في القطاع النفطي ليش ما يوقف معاهم لو بتصريح .. الاتحاد العام صرح والاتحاد الحكومي صرح ومجلس الامه مشعلل السالفه .. الاتحاد يطلع بالشينه اذا تجاهلهم حتى لو بتصريح ...
    بس يعجبني اهتمامك :)

    والله يا اخوي الاتحاد عجز يلم الشمل وربعنا عجزوا يصالحون بعض والمفروض ان الواحد منهم مو صغير علشان ينطر احد يصالحه مع غيره .. سهله ينظر لمصلحة العمال قبل مصالحه الخاصه ( الشغله تبي شوية ذمه وامانه)
    لكن مع الاسف ان الوضع من زفت الى ازفت .. وكل واحد يشوف روحه (راس) وهو لو تلحقه تلقاه يا تابع (كتله) والا له (مصالح خاصه)
    فلا تعيش الدور وتحاول تبلش رئيس الاتحاد بتوجهات غيره يا باشا .. في ناس عوجان لو شنو ما تنصحه ما يرد عليك!
    اخر اثنين احترم فيكم روح الكفاح ومحاوله الطعن على اي شي بمجرد انه شخص مو من ربعكم او مو من قائمتكم اللى رشحتوها ...
    بعدين بمقارنه بسيطه بينه وبين اللى كان نازل رئاسه ضده ... اتوقع الرئيس الحالي وايد افضل من واحد مختفى وقت اضراب نقابته :)
    استغرب ان الواحد يقول كلام ويشهد شهاده ويحطها بذمته وهو ما يعرف الرجل ... الشخص متكلم وعنده قدره على الاقناع ويقدر يمشي الشغل بروحه بعد :)
    اذا عندك سالفه عدله قولها والا لا توزع حسناتك على الناس :)

    والسلام ختام
     
جاري تحميل الصفحة...

مشاركة هذه الصفحة