مواقف خاصة للموظفات في مصفاة ميناء عبدالله

الكاتب : سالم الخالدي | المشاهدات : 3,321 | الردود : 32 | ‏17 يوليو 2009
  1. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    على اثر الشكوى المقدمة من مجموعة من الموظفات في مصفاة ميناء عبدالله الى نقابة البترول لما يلقونه من

    معاكسات سواءا من الموظفين أو من عمالة العقود قامت النقابة بمناقشة الأمر مع مدير مصفاة ميناء عبدالله

    السيد :-


    محمد غازي المطيري


    وقد تقرر تخصيص أول موقفين الأقرب للمصفاة ليكون خاص بالموظفات

    وعلى هذا فقد بدأ العمل لتنفيذ الاقتراح

    [​IMG]

    اللجنة الاعلامية لمنتدى القطاع النفطي



     
    آخر تعديل: ‏17 يوليو 2009
  2. brilliant

    brilliant المـراقب الـعـام

    8,477
    0
    0
    Engineer
    Kuwait
    الشعيبه فيها هالشي منزمان
     
  3. Euro

    Euro بـترولـي نشيط

    99
    0
    0
    صراحه هذا شي فيه نوع من عدم المساواه .. لان هذا صار شي يا جماعه متعب حيل حق المشغلين ..

    يعني البنات كلهم جم موظفه .. والاوبريتريه ماكلينها ماكلينها .. احنا يوم كانت المواقف مفتوحه مو محصلين مكان الحين المواقف مسكره ما يصير يا جماعه المشغلين قاعد يداومون صبح عصر ليل ... مكروفين كرف والحمددلله البنات عالمكاتب قاعدين .. صراحه ماكو داعي الي قاعد يصير .. يعني بالسوق فراره وعلى مواقف مو قادرين ..

    .. حتى المواقف صارت عائلات ؟؟؟

    يعني صراحه قرار ماله داعي .. يا تحطونلهم بوابه خاصه ولا بلاش هالحركه البايخه الي احنا قمنا نوقف سياراتنا فوق الرصيف .. لا وساعات نلاقي مخالفات ؟؟؟؟

    او انتاخر واحنا ندور موقف .. والرليف ينطر .. على الاقل اهم ما عندهم رليف .. بعد هالقرار هل راح يتكلف الاخ مدير المصفاة بدفع او منع الخصومات علينا ؟

    واظن كثير من المؤيدين لي ..

    وهذي راح تكون شكوى رسميه باذن الله

    شاكرلك اخوي
     
  4. Euro

    Euro بـترولـي نشيط

    99
    0
    0
    والمعاكسات شي مو صحيح على فكره ...

    احنا مداومين وما شفنا هالشي
    ولا شفنا هالمعاكسات
     
  5. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    بصراحة أخوي يورو أنا أؤيدك وبقوة

    لأن المواقف قليلة بالنسبة لعدد الموظفين

    واذا تم حجز المصافط الأولية للموظفات فقد تفاقمت المشكلة على المشغلين

    خصوصا أن المشغلين يعملون بنظم الورديات فكيف يتم حجز هذه المواقف ولا يتمتع بها أحد في فترة العصر والليل



    وهناك حلول كثيرة بتصوري غير هذا الحل يمكننا مناقشتها مع السيد محمد غازي أفضل من هذا الحل
     
  6. MAB12

    MAB12 بـترولـي مميز

    يعطيك العافية يالوسام على نقل الخبر

    اولاً موضوع التحرش بالموظفات ( حجي ماخوذ خيره ) زادوا بالكلام عشان يتم الموافقة على الموضوع ( يمكن تصير بعض الحالات بس قليلة ومستبعده تكون من اوبريتير )

    ثانياً مادام اشتغلوا بالمواقف واصبح القرار نهائي لا رجعه فيه وعلى قولتكم بمباركة النقابة اتمنى من الادارة بالمصفاة ان المواقف تكون مفتوحه لزام العصر والليل ( يارب بوافقون )

    ثالثاً اقتراح بسيط وادري متأخر حيل ومستحيل انهم يوافقون عليه بس المفروض كان من الاول

    اقتراحي ( من الاحسن ان يتم تخصيص المواقف الموجوده امام العيادة للموظفات و يتم تخصيص لهم باص ينقلهم الى ادارتهم )

    تقبل مروري
     
  7. مشغل سياسي

    مشغل سياسي بـترولـي مميز

    568
    0
    16
    ذكر
    kuwait
    والله من الي له خلق يتحرش في هالبنات من صباح الله خير اذا علشان هالشغله اخذو مواقف خاصه بكره شنو بيقولون علشان توفر لهم الشركه بعدين ليش دائما الشر يعم ترى نحن متزوجين ونخاف الله وهذه الشكوى من وراها غايه ماقول الا الله يهدينا ويهديهم الى الصراط المستقيم
     
  8. WaRiO

    WaRiO بـترولـي مميز

    والله يا اخوان انت ناس على خلق وتربيه بس الصراحه .... في معاكسات وانا واحد من الناس شفت بعيني من زميل لس وانا طالع من الدوام .. من زام الليل ( هذا الي فاضي ) ...

    وبخصوص المصافط .... اعتقد يجب حصر عدد الموظفات الي يداومون داخل المصفاه لأنه اعتقد عددهم اقل من انهم ياخذون 4 حارات .. واذا القرار رسمي ( اخوكم باجازه وللحين مايدري عن شي ) يبا كلها شارع الفرق ومشي 3 دقايق من ابعد نقطه بالمصافط مابيها شي :)

    وزام العصر اصفط على راحتك .... انزين شلون بيعرفون هذي سيارة موظفه ولا موظف راح يحطون ستيكر ولا شي معين ؟؟؟؟
     
  9. Euro

    Euro بـترولـي نشيط

    99
    0
    0
    نعم اخواني انا معاكم بس مو بكل النقاط ..

    يا جماعه الموضوع يعني انتي يا موظفه لما تروحين السوق ليش مافيه معاكسات يعني ؟

    او اب اي مكان بالكويت .. موجوده بكل مكان .. بعدين يعني لما تصفط قريب نفس الشي البوابه والممرات هيه هيه يعني هم اذا كان فيه معاكسات ماراح تنتهي ..

    جان حطو مصافط جدام سوق شرق ولا الرينا مول ولا اي سوق كان خاصه للحريم !!! يا جماعه مو حجي هذا
    وقرار مو سليم وما ياخذه اي احد حتى لو كان بلا عقل مع احترامي للجميع هذا مو حل .. بل هذي مشكله ثانيه .. \

    وانا انشاء الله اول المشتكين اذا تم تجميع تواقيع ..

    ياخي انا اخاف اصفط بعيد شلون ؟
    اخاف يخطفوني الهنود بعد :) ليش مو بني ادم ؟

    ياجماعه اكرر واعيد الكلام هذا قرار (فاشل) نفس المقوله الي تقول .. ( ليت معور عيونك كسره ) ..

    اشوف احنا اللي نكرف 24 ساعه نشغل وانطفي هم ماكو فايده .. نبي شغلات بسيطه نبي حقوقنا .. اشوف حتى وانتو بكرامه حمامات ما عندنا .. الواحد يروح بالشتا يبي يتوضأ يطق درب 500 متر عشان يتوضأ وعلى ما يرجع الشلتر الا حايشته انفلونزا .. واذا اخذ طبيه .. طشرتوه وقفتو قريداته وعلاوته بالقاع .. ويوم تكلمو قالو مصافط ( يعني مناقصه ) يعني مو اقل من 10 الاف دينار وانا اتحدى اذا اقل من هالمبلغ هذا اذا مو اكثر .. بيوم وليله صار ؟

    انزين ليش احنا مو اوادم .. ؟
     
  10. بوسلمان

    بوسلمان بـترولـي نشيط جدا

    261
    20
    18
    ذكر
    مشغل
    الكويت
    بصراحة شئ غريب وغير منطقى وغير مقبول هالتفرقه !!!


    احنا بالعمليات ننطر على البوابة 15 دقيقه شبه يومى ننطر الباص ومحد شاف موضوعنا ولا أحد درا عنا

    هالكلام قمة العنصرية وبعدين لما يصفطون أقرب موقف ماراح تصير معاكسات على قولتهم كلام فاضى


    الا مايبون يفترون مثلنا يدوروون مصفط حاسين ان على راسهم ريشة :) طبعا مو الكل اللى طالبت بهالموضوع


    هدا رايى وبكيفكم !!!!!
     
  11. TOWER

    TOWER بـترولـي جـديـد

    41
    0
    6
    طولوا بالكم شباب مهما يكون هذيل خواتنا
     
  12. WaRiO

    WaRiO بـترولـي مميز

    لحين منو قال بس موضوع معاكسات ....

    البنت لمن تصفط آخر المصافط تمشي بالهوا والعج ومع نزلت العمال المقاول .... ترضونها يعني

    واليي يقول الفنار والمرينا ..... هناك احنا مالنا شغل فيهم لأنه بالمجمع يروح العاقل والسفيه ... هني في قانون عمل .. محد قاعد يتكلم على الاسوقه .....


    وللحين الي يبي يجمع تواقيع والي يقوول حقوق ... ترى كلها مصافط ... يعني مترين ولا ثلاث ... عطها اختك وافتك ... لا تنسووون بار راح يكون عندكم بنات وارح يداومون بالمعاهد ولا بالجامعه ما اعتقد ترضى على بنتك تمشي وتنزل من مكان ينزلون منها العماله الي ماندري شنو مذهبهاااا ....
     
  13. brilliant

    brilliant المـراقب الـعـام

    8,477
    0
    0
    Engineer
    Kuwait
    من وجهة نظري انه هالقرار سليم مع بعض التعديل

    لان البنت ظعيفه بكل الاحوال ولها الاولويه في انها تكون قريبه من البوابه

    اما سالفة المعاكسات فهالكلام غلط ولا نشك في ربعنا اهل المصفاه

    المفروض حصر عدد الموظفات الكويتيات واعطائهم مصافط خاصه بعددهم فقط ولا يزيد عليه شي وهالشي يكون الصبح فقط وبعدها تصير عامه
     
  14. feed gas

    feed gas بـترولـي خـاص

    اولا لو افترضنا صحه الخبر.. مو يقولون الكويتيات يدورون المساواة مع اخوانهم الرجال الكويتين..ّّ!! طيب الى يبى المساواة ليش الحين قام يدور علا الامتيازات والتفرقه ؟؟؟؟ شنو يعنى بنات ؟؟؟ ودام هم دشو وضايقو الرجال فى الوضايف ليش ما يتحملون الى يصير لهم؟؟ يعنى لو بغوها مساواة وصارت علا كيفهم قالو نبيها مساواة ولو ما بغوها قالو يغازلون ويضايقونا بله انتو شايفين احد له خلق وطالع من دوام 16 ساعه له خلق يطالع منو الى يمه؟؟؟ لا وياليت عاد فيه بنات .. الله يزيد النعمه ... اقول ماله داعى التدلع الى تبى تشتغل بين رجال زين يصير فيها وهذا الشى من لقافتهم البنات........... ااااال ايه ااااااال بنات يااااااا معوعووووو
     
  15. بوسلمان

    بوسلمان بـترولـي نشيط جدا

    261
    20
    18
    ذكر
    مشغل
    الكويت



    ؟؟؟؟ صح ؟؟؟؟؟




    والله شئ يرفع الضغط يبا والله مايبون يفترون تبى ست الحسن والدلال تصف على طول عبالها مديرة دائرة



    وانا سمعت بعد ان المواقف راح تكون للسوبر فايزر مو للبنات عشان مايدشون بسياراتهم المصروفه من الشركة داخل هل صحيح هالكلام
     
  16. frfosha

    frfosha بـترولـي مميز

    753
    0
    0
    بوجهة نظري انه معاكسات هذا كلام ما يدخل العقل الان الكل زملاء بهذا المكان واشلون يتجرأ ويبدي يغازل الا اذا كان في تصرف غير لايق من قبل بعض الفتيات هذا اولا وثانيا ايضا نحن نتمنى من جميع مدراء المصافي النظر بالمواقف المؤديه الى المصافي وذلك بسبب عدم توفر مواقف كافيه وعدد الموظفين الجدد بازدياد لذا نتمنى من النقابه أنها تشد حيلها معانا وتطالب بزيادة المواقف بطريقة ما ووضع بوابه دخول وخروج بكرت ممغنط حتى لا يسمح لأحد من الخارج استخدام هذه المواقم أو حتى العبث بها وانشالله يكون كلامنا مسموع عند النقابه ويطالبولنا بهالشي
     
  17. بوسلمان

    بوسلمان بـترولـي نشيط جدا

    261
    20
    18
    ذكر
    مشغل
    الكويت
    عين العقل يا فرفوشة


    ولو انى مو شايف مشكلة كبيرة بالمواقف الدعوة كلها بالزايد 100 متر


    وماشاء الله الموظفين بازدياد


    ياليت يحلون المشاكل اللى أكبر وأهم عند الموظفين
     
  18. wal3li

    wal3li بـترولـي نشيط

    116
    0
    0
    مع احترامي الى كل الردود بس المفروض يكون لهم المصفط الاخير عند مكتب التصاريح بعيد عن الموظفين وياخذهم باص من بره ويدخلهم عبر المدخل الرئيسي مثل ماهو معمول بالشركه يعني باص ينطرهم بره وبلا حريم وبلاخوات ولا تسونها لووووويه

    اما انك تاخذ المصفطين الجدام مافيها انصاف يعني زام العصر والليل يحرم عليهم
    الله يهديهم

    اي والله على قولت صاحبنا مشكلتنا مع الباصات محد حلها ننطر فوق الربع ساعه ماكوا باص
     
  19. النوخذه

    النوخذه بـترولـي مميز

    517
    0
    0
    مراقب
    الكويت
    [=wal3li;286337]مع احترامي الى كل الردود بس المفروض يكون لهم المصفط الاخير عند مكتب التصاريح بعيد عن الموظفين وياخذهم باص من بره ويدخلهم عبر المدخل الرئيسي مثل ماهو معمول بالشركه يعني باص ينطرهم بره اما انك تاخذ المصفطين الجدام مافيها انصاف يعني زام العصر والليل يحرم عليهم
    الله يهديهم


    السلام عليكم
    كلامك مضبوط وهذي خوش فكره والفكره الثانيه اذا بنات وخايفين عليهم من لوية وازدحام العمال عطوهم تصاريح ويدشون بسياراتهم او بالسيارات الصغيره كلهم جم بنت وخل يصفطون سياراتهم بالبراحه وياخذهم باص لي اقسامهم
    لان حتى المصافط الجريبه نفس الشي ونفس العمال كلهم باتجاه البوابه والزحمه نفسها ونفس الباب
    نرجوا من المسؤلين بالشركه يجدون احد الحلول المرضيه للبنات وللموظفي بس احتكار المصافط الاولى خطا
    لاتنسون قبل كم سنه كانوا بيحجزونه حق المهندسين وحطوا حواجز وبعدين فتحوه مره ثانيه
    ويعطيكم العافيه
     
  20. WaRiO

    WaRiO بـترولـي مميز

    ليش ما يفتحون او يسوون بوابات ثانيه ؟!
     
جاري تحميل الصفحة...

مشاركة هذه الصفحة