غــرائــب وصــفــات الــشعــب الــكــويــتــي ...؟؟!

الكاتب : المنجنيقي | المشاهدات : 925 | الردود : 10 | ‏16 يوليو 2009
  1. المنجنيقي

    المنجنيقي بـترولـي خـاص

    1,966
    0
    36

    بصراحه .... راعي الإيميل ما كذب





















    هل من المنطق انه تضحي بنص معاشك لمدة 15 سنه علشان تركب سياره تقز فيها

    ( يعني انت تشتغل نص السنه علشان سياره تخيل دربك كل يوم الدوام والمغثه تسوى علشان هالشي ) ؟




    --------------------------------------------------------------------------------









    من المنطق انه تشرب قهوه بدينارين بكوفي شوب وما عندك الا جم دينار تقزر فيهم لي اخر الشهر

    ( بتموت يعني اذا ما شربت قهوه شفيه النسكفيه)




    --------------------------------------------------------------------------------





    في شعب بالعالم يسافر باقساط ؟




    --------------------------------------------------------------------------------





    في شعب اغلب البنات ما يطلعون الا بمكياج ولبس عالآخر

    ( كل العالم ما عدا الخليج ما يحطون مكياج الا للحفلات والسهرات والطلعات الخاصه اللي من سنه لي سنه )




    --------------------------------------------------------------------------------



    في شعب بالعالم يلبسون قحفية تحت الحجاب لووووول






    --------------------------------------------------------------------------------



    في شعب بالعالم البنت فيه تروح الصالون 9 ايام بالاسبوع

    ( لا وتلقينها بالغصب تنبلع )




    --------------------------------------------------------------------------------





    في شعب بالعالم يتجمع كله بمجمع واحد بيوم واحد لوول

    ( اذا عندك احد مضيعه او مو لاقيه او تطالبه فلوس وما يرد عليك روح المرينا يوم الخميس تلقاه)




    --------------------------------------------------------------------------------



    في شعب بالعالم كل فرد فيه عنده خبره بالسياسه والانتخابات والبورصه والرياضه والموضه والسيارات وما عنده أي خلفيه علميه عن أي شي ثاني






    --------------------------------------------------------------------------------



    في دوله بالعالم شعبها كله يسافر بالصيف وتصير صخه

    ( ويقولون ما اكو احلى من ديرتنا)






    --------------------------------------------------------------------------------

    في شعب بالعالم لمن يرد من السفر كل البنات على خشمهم لزقه ومسوين عمليات

    ( جنه الختم مو عالجواز عالخشم)


    --------------------------------------------------------------------------------





    في شعب بالعالم ما يلبس الا ماركات وكل اللي الناس لابسينه يقول عنه تقليد ؟




    --------------------------------------------------------------------------------





    في شعب بالعالم الشباب كلهم مجسمين ؟






    --------------------------------------------------------------------------------





    في شخص بالعالم يجسم خلال شهر ويقولك انا ما اخذ كورس ابر ولا حبوب وشغلي طبيعي ؟




    --------------------------------------------------------------------------------







    في شعب بالعالم الكل يكره فيه بعض

    ( اتمنى اشوف احد يبتسم للثاني)




    --------------------------------------------------------------------------------





    في شعب بالعالم كل ما تهاوشت مع واحد فيهم قالك اوديك ورى الشمس انت ما تدري قاعد تكلم منو

    ( شنو الديره كلهم واصلين )؟




    --------------------------------------------------------------------------------





    في شعب بالعالم ثلاث ارباع بناته باقل من سنه صارو يتكلمون مثل حليمه وتقولك انا من زمان جذيه ؟




    --------------------------------------------------------------------------------





    في شعب بالعالم بناتهم يختفي حرف الراء عندهم فجأه على ابو دلع ؟




    --------------------------------------------------------------------------------





    في شعب بالعالم البنات يقولون الشباب مو كفو الشباب يقولون نفس الحجي ؟




    --------------------------------------------------------------------------------





    في شعب بالعالم مافي احد يعرف يسوق سياره الا واهوا يتكلم تلفون ؟






    --------------------------------------------------------------------------------





    في شعب بالعالم يهدون بيوتهم وتصير مهجوره بالشتى ويعيشون بالبر!!!!!!!!




    --------------------------------------------------------------------------------





    اكو شعب بالعالم كل بيت فيه يمه طراد وبانشي وسيكل وجت سكي ؟






    --------------------------------------------------------------------------------



    في شعب بالعالم بالمرحله الابتدائيه ما عندهم سقوط ونجاح ؟






    --------------------------------------------------------------------------------





    في شعب بالعالم عندهم شهاداة ثانويه وجامعية و ما يعرفون انجليزي ولا لغه عربيه




    --------------------------------------------------------------------------------





    في شعب بالعالم اللي يقطونه بالزباله اكثر من اللي ياكلونه ؟






    --------------------------------------------------------------------------------



    في شعب بالعالم تسأله شنو هوايتك يقولك يا كل شي او مادري ؟




    --------------------------------------------------------------------------------



    في شعب بالعالم نسبة الطلاق فيه اكثر من 55% ؟






    --------------------------------------------------------------------------------





    في صبي تسأله شلون تبي مرتك يقول ستايل وتعرف تلبس وعندها موتر ( تبي تتزوج ولا تصور فيديو كليب؟)




    --------------------------------------------------------------------------------





    في شعب بالعالم يتطنزون على بعض كثرنا ؟




    --------------------------------------------------------------------------------



    في شعب بالعالم كل ما شاف واحد ضغطه ؟




    --------------------------------------------------------------------------------



    في شعب بالعالم مخالفاته كل شهر اغلى من قسط سيارته ؟




    --------------------------------------------------------------------------------



    في دوله بالعالم من اكبر الدول المصدره للنفط وما عندها كهرباء

    ( نبيه اخضر الظاهر الوزير عرباوي) !


    --------------------------------------------------------------------------------







    إي في ....





    -

    الشعب الكويتي



    *** الله يهدينا ويصلحنا ***





     
  2. trebuchet

    trebuchet بـترولـي جـديـد

    8
    0
    0
    عمرك شفت شعب
    لا جيت عند الاشارة الساعة ثنتين الفجر تلقاهم واقفين وراء بعض والسايدات الباقية فاضية
     
  3. ANACONDA

    ANACONDA بـترولـي مميز

    687
    0
    0
    الحمدلله على نعمه
    والحمدلله كل ما شفت الظلم فى العالم
    اسجد لربى واقول
    الحمد لله خلقتنى كويتى

    فالله يهدى الجميع اللهم امين
     
  4. انوار

    انوار موقوف

    2,241
    0
    0
    اقص بصل و اغسل صحون
    أول لفة يمين
    ههههههههههههههههه والله طايحيله طنازة ................ انا البس قحفية على قولتك تحت الشيلة بس ترى اسمها طاقية او قبعة ............. بعد هذي الموضة و عشان لا يطلع الشعر ويطير لي بره ............ وبالنسبة للباجي فالناس في الكويت مرفهين وكل واحد و كيفه و شكرا على الموضوع
     
  5. سنفور

    سنفور بـترولـي نشيط

    111
    0
    0
    كلامك كله صح وما عليه اي خلاف لأن الشعب الكويتي هو الشعب الوحيد من الشعوب الخليجيه مترف ويحب الفشخره وما اقول الله يهديهم كلهم

    بالنسبه للقحفيه لا تعلق عليها لأنها لتغطية الشعر كاملا علق على سنام الجمل إلي على راس البنات الكويتيات إلي كل وحدة تقول كلش اتحسب هذا جمال الي نهانا عنها الرسول الكريم سبحان الله يتنافسون على حجم رفعة الشيله ونص الشعر من وره طالع والمصيبه ان اخوانهم وازواجهم يشوفونهم بس عادي عندهم لأن هذي موضة الحجاب الحين والله يستر من إلي جاي

    اما بالنسبه للشباب طالعيلي طلعه الحين باللبس والشعر اتقول اسكت الحين ماشي على الموضه ونسو اللبس الكويتي الأصيل لا ويتمشى مثل البنات اتمنى ان نتطرق لهذي المواضيع اكث ونتناقش فيها


    واسفه على الطواله ويعطيك العافيه
     
  6. يادنيا

    يادنيا بـترولـي مميز

    هههههههه



    عجبي موضوعك

    الله يطيك اعافية
     
  7. المنجنيقي

    المنجنيقي بـترولـي خـاص

    1,966
    0
    36


    هههههههههههههههههههههههههه

    مو منهم من الفراغ اللي فيهم

    يعني الساعه ثنتين الفجر أكيد فاضين ماعندهم شغل
     
  8. المنجنيقي

    المنجنيقي بـترولـي خـاص

    1,966
    0
    36

    الحمد لله عل هالنعمه

    أنا معاك بس كل شعوب العالم فيهم عيوب وقفلات ,, ويا كثر قفلات الكويتيين
    :D
     
  9. المنجنيقي

    المنجنيقي بـترولـي خـاص

    1,966
    0
    36
    العفو وعلى فكره ترى كلها نفس الشي طاقيه ولا قبعه ولا قحفيه
     
  10. المنجنيقي

    المنجنيقي بـترولـي خـاص

    1,966
    0
    36
    الله يعافيك

    وكل الشكر على الإضافه القيمه وكلامك عين العقل
     
  11. المنجنيقي

    المنجنيقي بـترولـي خـاص

    1,966
    0
    36


    الله يعافيك يالغالي ونورت الموضوع
     

مشاركة هذه الصفحة