حقوق الموظفين

الكاتب : brilliant | المشاهدات : 1,039 | الردود : 15 | ‏17 نوفمبر 2007
  1. brilliant

    brilliant المـراقب الـعـام

    8,477
    0
    0
    Engineer
    Kuwait
    السلام عليكم

    اخواني حبيت انشارك جميعنا في هالموضوع والي من خلاله نظع حقوق الموظف لدى الشركة والي تقريبا بتكون متشابهه في جميع الشركات

    هناك الكثير من الحقوق اطوفنا من غير لا نستفيد منها لجهلنا فيها وعدم الاطلاع

    انا بظع بعظ هالحقوق واتمنا اتكون مشاركاتكم اما قانون او حق او ميزه ربما الكثير منا يجهلها

    وانا ببلش بهالكم ميزه ربما تكون معروفه لكم لكن ربما يجهلها الكثير



    -----------------------------------

    اجازة 3 ايام للرجل في حالة الله رزقة مولود جديد

    ----------------------------------

    تامين شامل لكل موظف في حالة اصابتة اي اصابة او كسر او جرح في العمل

    ---------------------------------

    راتب مجاني واجازة اسبوع للعريس الجديد

    -------------------------------

    بدل ايجار اظافي 150 دينار لدرجة 13 ومافوق

    ------------------------------

    بدل الاثاث يصبح 2500 دينار لدرجة 13 ومافوق

    -----------------------------

    عند السفر بالخارج عالج من اي مستشفى واخذ منهم الفواتير وقدمها على قسم التعويضات ينظرون لموضوعها ويعوضونك حسب الحاله

    ----------------------------

    عند الحاجة للعلاج بالخارج وتاخرت وزارة الصحة في الاجراءات قدم على العلاج بالخارج في مستشفى الاحمدي وبيسون لجنه ينظرون في الحالة ويرسلونك على حساب الشركة

    ---------------------------

    لكل شركة نادي خاص لموظفينها
    مثلا الـ KPC نادي راس البحري
    الـ PIC نادي بوبيان
    الباجي مادري شنو نواديهم

    -------------------------

    يحقلك تظيف اخوانك يعالجون في مستشفى الاحمدي في حالة انت الي تعيلهم ونفس عنوانك

    --------------------------

    هذا الي قدرت اتذكره واتمنى منكم المشاركة بالي تعرفونه من مميزات لتعم الفائدة للكل
     
  2. fqallaf

    fqallaf بـترولـي نشيط

    68
    0
    0
    Snr. Computer Operator
    Kuwait


    هذه الشروط تنطبق على الموظفين الذكور فقط؟؟

     
  3. صخرة رسوبية

    صخرة رسوبية بـترولـي خـاص

    1,270
    0
    0
    بالنفط
    الكويت
    انا اقترح اجازة حق الي تتعب نفسيته
     
  4. brilliant

    brilliant المـراقب الـعـام

    8,477
    0
    0
    Engineer
    Kuwait
    تنطبق على الاناث في حال عدم تمتع الزوج بالميزة من دوامة
     
  5. fqallaf

    fqallaf بـترولـي نشيط

    68
    0
    0
    Snr. Computer Operator
    Kuwait


    آنا توني سائلة في مستشفى الKOC بالنسبة لفتح ملف لأخوتي، قالولي الوالد والوالدة فقط إذا كنت أنا المعيلة لهم ومقيمة في نفس العنوان.


     
  6. brilliant

    brilliant المـراقب الـعـام

    8,477
    0
    0
    Engineer
    Kuwait
    تسالين قسم شؤون الموظفين عن الاجراءات بس مادري يوافقون في حالة وجود الوالد
     
  7. فيصل الكندري

    فيصل الكندري نـقـابـة نـفـط الـكـويـت أعضاء الشرف

    386
    0
    0
    مهندس مشاريع
    شركة نفط الكويت

    مشكور اخوى على الفايده والله يجزاك خير

    بالنسبه لبدل الاثاث اذا استلمته مثلا على الدرجه 12 بدل الاثاث فيها 1000 دينار .. ورقوك للدرجه 13 ما يعطونك الفرقيه




    بالنسبه للأخوان ما تقدر تضيفهم حتى لو كنت معيل ... بس الاب والام ويكونون معاك بنفس العنوان
     
  8. المشاكس

    المشاكس بـترولـي خـاص أعضاء الشرف

    998
    1
    0
    بالنسبه للأجازات يحق لك 10 ايام بالسنه إذا دخل أي واحد من افراد الأسره المستشفى لاقدر الله

    الوالد - الوالده - الزوجه - الأولاد .... طبعاً تحسب من دخولهم المستشفى حتى الخروج

    إجازة بدون راتب لمدة 28 يوم ... في حالة أستنفذت جميع رصيدك من الإجازات

    إجازة الحج لمدة 28 يوم مرة واحده خلال الخدمة
     
  9. الناهض

    الناهض بـترولـي خـاص

    2,144
    0
    0
    شركة نفط الكويت
    السلام عليكم
    مشرفا اشلونك؟؟
    حبيت اظيف جم حق من حقوقنا يمكن مايكون علي بال احد
    في عندنا قرض ممكن يحصل عليه الموظف من الشركه ويكون كل 5 سنوات مره وحده
    وممكن يكون علي سنتين او سنه ((بدون فوائد))
    ويتراوح علي حسب معاشك ممكن دبل ونص او دبلين
    ملاحظه;
    لايعطي القرض للموظف الذي خدمته اقل من 5 سنوات

    في حق بعد الى اهو انك تقدر تاخذ من راتبك مقدما قبل لاينزل الراتب عن طريق المحاسبه
    يعني مفلس اخر الشهر مر المحاسبه وقولم ابي من راتبي جزء ويعطونك علي طول
    هم ملاحظه:
    يعطي جزء من الراتب كل شهر
    ويعطي بحسب ايام عملك كل مازاد ايام عملك زاد الجزء
    اتمني اكون فتكم بشئ بسيط
    لكم الشكر....
     
  10. الناهض

    الناهض بـترولـي خـاص

    2,144
    0
    0
    شركة نفط الكويت
    لحظه لحظه شباب باقي جم شغله بعد
    لو ابوك او امك فيهم سكر لاسمح الله ممكن يحصل علي جهاز فحص السكر مجانا من المستشفي
    ولو نظرهم تعبان هم يعطونك قيمت النظاره يطلبون انك تفصلها ويعطونك فلوسها
    ناسف للازعاج ياشباب...
     
  11. فيصل الكندري

    فيصل الكندري نـقـابـة نـفـط الـكـويـت أعضاء الشرف

    386
    0
    0
    مهندس مشاريع
    شركة نفط الكويت
    المستشفى يطلب هويه الموظف + البطاقات المدنيه للموظف والوالدين (لازم نفس العنوان) .. ويفتحون لهم ملف ... وما يحتاج اثبات انك معيل لهم ..

    اما الاخوان فما يقدر الموظف يفتح لهم ملفات ...
     
  12. brilliant

    brilliant المـراقب الـعـام

    8,477
    0
    0
    Engineer
    Kuwait
    يقدر الموظف يفتح ملف للاخوان في حالة وفات الوالد وانت الي تعيلهم ولها اجراءات وطلبات
    يكونون نفس العنوان ويطلبون ورقه من المختار وشهادات من التامينات انهم غير موظفين
     
  13. Shoomy

    Shoomy بـترولـي خـاص

    مشكوووور وماقصرت يا مشرفنا بريليينت

    ومشكورين يا باقي الاعضاء على اظافاتكم للموضوع

    تقبل مروري

    تحياتي
     
  14. Green Tea

    Green Tea بـترولـي مميز

    514
    0
    0
    خوووووووووووووووووووش موضوووع
    :)
     
  15. pehasan

    pehasan بـترولـي جـديـد

    29
    0
    0
    ياجماعه انا بال كي او سي
    عندهم نادي صحي الي بفندق كراون بلازا سعر اشتراكه 270 بالسنه يعني 22 ونص بالشهر
    اذا رحت ودفعت هناك اطلب منهم ورقه حق الكي او سي
    والشركه تنزلك 108 دنانير بمعاشك لان عندهم عرض وشذيه يطلع اشتراكك بالسنه 162بالسنه يعني بالشهر 13 ونص

    انا مشترك والنادي الصحي اكثر من ممتاز حمام سباحه في صالات مفصوله للرجال والبنات وفي صالات مكس حق الي بيشترك مع اهله
    والي يشتغلون هناك اكثر من روعه والجميل بالنادي انه راح يتوسع وبيصير الاضخم بالكويت خلال ثلاث شهور
    تدرون من حظي اشتركت بالفتره سنه والنادي عطوني 6 اشهر زياده يعني عندي اشتراك 18 شهر بسعر 162يعني اشتراكي 9 دنانير بالشهر شراااااااااااااايكم :) والى مومصدقني يروع مبنى الحبارى يسال هناك او يروح النادي الصحي الي بكراون بلازا ويسال عن عرض الكي او سي
     
  16. نفطي كويتي

    نفطي كويتي بـترولـي خـاص أعضاء الشرف

    2,016
    12
    38
    مشكوووور وماقصرت يا مشرفنا
     
جاري تحميل الصفحة...
مواضيع مشابهة
  1. المحرر النفطي
    الردود:
    1
    المشاهدات:
    898
  2. رأي آخر
    الردود:
    15
    المشاهدات:
    2,200
  3. المحرر النفطي
    الردود:
    0
    المشاهدات:
    2,479
  4. المحرر النفطي
    الردود:
    0
    المشاهدات:
    7,576
  5. المحرر النفطي
    الردود:
    0
    المشاهدات:
    7,432

مشاركة هذه الصفحة