حرام عليكم -- اتقوا الله في انفسكم

الكاتب : Toxic | المشاهدات : 939 | الردود : 8 | ‏9 يوليو 2009
  1. Toxic

    Toxic بـترولـي جـديـد

    29
    0
    0
    السلام عليكم

    انا احد موظفي شركة البترول الوطنيه و اعمل كمشغل حقل

    - اول شي دوامنا شفتات و مقطوعين عن الناس و اذا صار اي ايميرجنسي او شغل بالصيف و بهالحر نتبهذل .. و نيي وقت الغدا ولا العشا و تعال شوف الاكل :

    اول شي الطلبات كلها غلط ؟؟

    ثاني شي الاكل مو نظيف ؟؟ انا لاقي ذبان و شعر بالاكل و لما كلمت مسؤول المطعم يقولي مافي فايده من الشكوى ما
    راح توصل حق شي .. و دزلي 3 قواطي نخي حاط فيهم جلي .. يعني بيراضيني ؟؟

    ثالث شي : حاشني تسمم من اكل المطعم .. وين اروح اقدم الشكوى ؟؟ دلوني على مكان .. مستعد اسوي تحاليل و فحوصات تثبت ان التسمم من مطعم الشركه

    يا شباب الله يرحم والدينكم .. ما نبي الشركه تدفع عنا ولا فلس على شان الوجبات خل يحطون لنا مطعم فطاير داخل الشركه و شغال 24 ساعه بشرط يكون احد المطاعم المعروفه مثل فطوره و القبقب و بهار و غيرهم .. و احنا مستعدين نطلب على حسابنا بس اكل نظيف و منوع

    والله مادري شقول ؟؟ اكل وصخ و بارد و مو مطبوخ عدل و نداوم شفتات و ماكلين خرا .. اخر شي البونص يروح حق الي يقلقس حق المسؤل او حق الي من نفس قبيلته او طائفته .. و العلاوه السنويه ينخفس فيك على بو انك مو من ربع التطبيل ؟؟

    شنسوي ؟؟ ما في احد ينصفنا ؟؟؟ حق منو نروح ؟؟؟

    و هذا غير الاب قريد الي انذلينا عليه و ليلحين اوراقنا ما اندزت

    الوضع الي احنا فيه مصـــــــــــــــــخره و نقابتنا نايمه بالعسل .. انصفونا و اسعو لنا ترا هالموضوع برقبة كل واحد يقدر يساعدنا و يتكلم بلسانه و ساكت

    هالامور كلها في مصفاة ميناء عبدالله
     
  2. النوخذه

    النوخذه بـترولـي مميز

    517
    0
    0
    مراقب
    الكويت
    الله يلوم الي يلومك
    اما من ناحية المطعم الصراحه حده زباله لان المشكله بشركتنا العقود تتغير والعماله والمعدات نفسها والعقود الجديده تضبط نفسها بالاداره والاماكن الي فيها مسؤلين وبالحفلات الي يسونها بس الموظفين الله يرحم حالنا واشتكينا ومحد قادر يسوي شي لان المسولين يشوفون ان المطعم زين ومافيه شي
    ولكن ياريت تعزمونهم يوم في وقت العشا وخلهم ياكلون
    ( والحل الصحيح مثل ماتفضلت مانبي مطعمهم خل يحطون مكان حق هالمطاعم يفتحون فروع عندنا )
    يعني المسؤلين مايشوفون سيارات المطاعم عند الباب بكل شفت !!! بس يصدون ومايبون يفتحون باب
    ومنا الي النقابه والى الرئيس مباشره يا بومساعد لاتسكتون شوفوا حل
    والسلام عليكم
     
  3. Toxic

    Toxic بـترولـي جـديـد

    29
    0
    0
    الله يرحم والديك

    مانبي تعجيز ... حماية الشخصياة في احد الاماكن عندهم بوفيه مفتوح من ميس الغانم .. احنا راضين بفطاير او اي مطعم نظيف و على حسابنا
     
  4. أبـو سعــــــــــود

    أبـو سعــــــــــود بـترولـي جـديـد

    33
    0
    0
    ياشبـــاب والله تعبنـــا من كثر الشكــاوى ..
    هل فيــه شي تغيــر ؟

    والله مالنــا الا حــل واحـد فقــط ..
    الدعــاء في اوقات الاستجــابه على كل ظالمــ في هـ المؤسسه ..
    والله محـد راح ياخذ حقنا او يلتفت للظلمـ الواقع عليـنا في شتى الامــور الى مدبر الامــور سبحــانه ..
     
  5. ابوعامر

    ابوعامر بـترولـي نشيط

    74
    0
    0
  6. بو عيدة

    بو عيدة بـترولـي جـديـد

    20
    0
    0
    الله يصبركم ويعطيكم العافيه ترى حالنا من حالكم بس الصبر زين مالنا الا النقابه هى تتدخل
     
  7. مشغل سياسي

    مشغل سياسي بـترولـي مميز

    568
    0
    16
    ذكر
    kuwait
    الحل في وضع اعلان شكوى في الجرايد الرسميه وفي الصحف الاولى واذا كانت مانشيت افضل لكي يراها الناس وبعدها المسوؤلين يحسون بدمهم ويغيرون لنا المطعم
     
  8. q8savvy

    q8savvy زائر

    الظاهره ينطرون مصيبه وبعدين يهتمون
     
  9. Petrolawe

    Petrolawe بـترولـي جـديـد

    49
    0
    0
    Kuwait
    اخواني اعيد واكرر..وصلو هالشكاوي للمسؤولين كلٌ بتخصصه..واذا عمك اصمخ فمالنا الا الصحف مثل ما تفضل اخي سياسي,
    ترى الصحف لها دور كبير في تغيير مجرى امور وخاصة اذا اظطلع عليها مسؤولين كبار في الدولة او شريحة كبيره من الشعب فينقشع الغبار وتبان الرؤية وعندها...وين بيفكون روحهم من حلوج الناس...وانا اعتقد هذه الخطه 4-4-2 راح تنفع بإن الله عزل وجل,ودمتم سالمين


    (حيلكم فيهم)
     
جاري تحميل الصفحة...

مشاركة هذه الصفحة