مساعد حفار

الكاتب : DRILLER120 | المشاهدات : 9,601 | الردود : 22 | ‏8 يوليو 2009
  1. DRILLER120

    DRILLER120 بـترولـي جـديـد

    2
    0
    0
    اخواني
    في عقود المقاولين طالبين وظيفة مساعد حفار لشهادة الدبلوم للكويتيين
    حبيت اعرف شنهو طبيعة العمل ومكان العمل وكم الراتب وهل الدوام شفت وتابع اي دائره باختصار ابي اعرف مميزات الوظيفه وعيوبها قبل لا اقدم اوراقي علما اني خريج معهد الماء والكهرباء
    و شنهو افضل العمل في محطات الكهرباء او مساعد حفار في عقود المقاول
    ابي نصيحة اخواني اللي عندهم خبرة وسابقيني بهالمجال
    ومشكورين
     
  2. driller-eng

    driller-eng بـترولـي جـديـد

    15
    0
    0
    والله الي اعرفه بقولك اياه ..... تبع دائرة الحفر و صيانة الابار ... دوامك يكون 12 ساعة باليوم .... المعاش مادري جم بالظبط بس خووش معاش !! شغلك يكون بالارياق النفطية يا بالشمال يا برقان حسب وين يقطونك وسلامتك ..... تقريبا اقوى معاش حق خريجين الدبلوم
     
  3. sporty196

    sporty196 بـترولـي نشيط

    105
    0
    0
    اخوي ببساطة تبي دق و شغل بالحر و كرف .... بس خبرة مو طبيعية و فلوس وايد انشالله ....

    و اذا كملت هندسة تصير مطلوب بقوة كمهندس حفر ...

    ببساطة اذا تحب الشغل و العمليات في الحقول قدم و انشالله خير
     
  4. DRILLER120

    DRILLER120 بـترولـي جـديـد

    2
    0
    0
    شكرا اخواني driller-eng & sporty196 على الرد
    بس حبيت اعرف فيه مجال احول KOC ولا مايصير يعني في الشركة وظائف نفس المسمى بس موظف كي او سي
     
  5. driller-eng

    driller-eng بـترولـي جـديـد

    15
    0
    0
    لا لان هذول الشركات يعتبرون مقاولين ل شركة كي او سي فا جميع الارياق الي بالكويت تدفع لهم الشركة يوميا يعني اجار مو ملك كي او سي ...... حبيبي اخذ خبرة عالاقل 5 سنين بعدين تقدر اتحول كي او سي و انت مرتاح لان الخبرة الي ابتاخذها بالوظيفة هذي شي خيالي ...... اذا تبي توظيح اكثر روح حق الشباب الي اب قسم الحفر بالاحمدي واسال الي تبيه
     
  6. عايض مرزوق محمد عايض

    عايض مرزوق محمد عايض بـترولـي جـديـد

    1
    0
    0
    أخي الدوام في الحفر بنسبا للمقاول هو 28 يوم وأجازه 28 الداوم 12 ساعه وتريح 12 ساعه في الكامب أما بنسبه لشغل بدايه في تعب بس أول 3 شهور بس المعاش طيب وأتمنا التوفيق
     
  7. night_busher

    night_busher بـترولـي جـديـد

    13
    0
    0
    السلام عليكم
    اخوي الى تسئل بخصوص هالمجال كل الخبره الحمدالله موجوده وبامكانى اخدمك بالى اقدر عليه
    فى ثلاث شركات حفر ابار
    1-يونايتيد بريزيشين كوربوريشين -----ubdc
    2-برقان لحفر الابار
    3-الكويتية لحفر الابار---kdc
    -------------------------------------------------
    وفى شركات تساعد هالشركات الثلاث بمعمليات الحفر وتحل لهم بعض المشاكل
    يسمونها شركات السيرفيس
    من ظمنهم شلمبرجير
    هاليبيرتون
    بيكر
    نابسكو
    وذر فورد
    وفى غيرهم بعد
    بختصرلك الموضوع ان شاء الله
    الثلاث شركات الاوليين
    دوامك 28 واجازتك 28يوم
    تقريبا اذا قبلوك مساعد حفار فى برقان راح تستلم شهريا 1200 من الشركه زائد دعم العماله ويختلف المتزوج عن العازب
    يعنى الاكيد فوق --1500---
    واذا كنت في بريزيشين راح تستلم --1350---من غير دعم العماله
    واذا كنت فى الكويتيه للحفر راح تستلم--------1280----من غير دعم العماله
    بخصوص طبيعة العمل
    تلف لما يخيب ثناك:)
    تلف بالموقع باليوم الف مره تحوس ترتب كل الشغل وتجهز حق الشغل الى بالمستقبل يحتاجونه
    اذا سامع اغنية ليل وبرد ورعد وريح دنيا بره مجنونه؟؟؟
    بتشوف كل هالتقلبات بالطقس وتحس فيها عن قرب لانها بتمر عليك والشغل مافيه رحمه
    ومسؤوليه كبيره خصوصا شلون تامن للعمال انهم يشتغلون بامان ومحد يتعور وهالخبره ماتجي الا عمليا ودورات
    طبعا انا متعمد اذكرك السلبيات بالاول عشان تكون عايش الوضع عدل
    الحين بذكرلك المحاسن
    1-دوامك معروف متى تداوم ومتى تطلع اجازه يعنى بالاجازه جهز تذكرتك وكل شهر دوله
    2-تكتسب خبره رهيبه تاهلك انك تشتغل بكل مكان بالعالم حتى لو فى بحر الشمال
    3-معاش قوي يلبي رغباتك ويرضي غرورك ومن تطق البطاقه بالمكينه تقوم المكينه تختض تك تك تك تمل من هالصوت وتنطر الفلوس
    لان المكينه تتعب واهى تعدلك المبلغ
    4-فى مجال توصل اعلى واعلى بالترقيات ليما توصل مواصيل حتى الكي يو سي ماتوصلك لها
    5-الشهر الى تداومه نصه بالضبط تقريبا شغل والنص الثاني راحه خصوصا اذا كنت مجهز شغلك ومرتب كل شي
    6-وفي مجال بعد ما تكتسب الخبره تحول للكي يو سي بس طبعا راح يقل المعاش بس تستقر نفسيا
    ===========================
    بخصوص المميزات لك مكان مرتب تنام فيه غرفه بكامب مرتبه كل شي فيها وكل الخدمات متوفره غسيل كوي اكل حلو ناس تخدمك وتحت امرك تنظيف غرف كل شي متوفر
    لك معامله خاصه لانك سوبر فايزر من ناحية التقدير والاحترام
    بخصوص العلاج لك مستشفى خاص تتعامل معاه الشركه يطلعونلك كرنيه باسمك غير مشمول العائله بس انت
    تتعالج مثلا بدار الشفاء وانترناشيونال كلينيك بلالالالاش
    اذا تبي نصيحتى وانا جربت هالمجال صدقنى اتعب سنه ولا سنتين وراح تشوف الخير بعينك
    انا صراحه تعبت من الكتابه اتمنى انك تشوف ردي ولو حبيت تسئل عن اى شي عقب وان شاء الله ماراح اقصر معاك والله يوفقك
    2-
     
  8. Workers

    Workers إدارة المنتدى

    7,767
    30
    48
    ذكر
    الكويت
    بارك الله فيك معلومات تمام التمام

    ههههههههه لالا محد يمل من هالصوت
     
  9. الشكوىى لله

    الشكوىى لله بـترولـي مميز

    773
    0
    16
    القطاَع النفطي الخاص
    الكويت
    night_busher

    أقسم بالله كفـى ووفـى ..
    وكل كلامه صحـــــــــــــــيح
    وقريباَ ..
    بطرح لكم أصور عن الريق والكمب
    اذا مو ممنوع :)

    بالتوفيق
     
  10. DSM

    DSM بـترولـي جـديـد

    38
    0
    6
    DRILLING SUPERVISOR
    KUWAIT
    night_busher كلامك عدل الله يعطيك العافيه


    والشغله هذي كرف ,, بس مستقبلها وايد حلو
     
  11. عبدالله 21

    عبدالله 21 بـترولـي نشيط

    58
    0
    0
    ياشباب تكفه اذا بقدم عالوظيفه هذي متى يفتح التقديم ومنوو يقدر يتوسط لي


    انسحبت من الكليه ظرووفي تجبرني اتوووظف


    اي واحد عنده معلومات يفيدني
     
  12. Assistant driller

    Assistant driller بـترولـي خـاص أعضاء الشرف

    يا اخوي عبدالله تنسحب من الكلية علشان الوظيفة هاذي الكلام اللي انت قريته هذا فوق نصه غلط والصح اللي اهو كرف وشغل تخليك تكره يومك ولله حرام عليك ولا يقولك معاشك 1200 أو 1500 لا وبدون دعم عماله وين قاعدين احنا يبا اصلن معاشاتهم يدوب ويه دعم العماله يوصل 1100 وطبعاً مو من أول شي بعد فترة وبعد اكتساب خبرة تقريبا 4 إلى 5 سنوات والشركات اللي اخوي ذكرهم هذول طلعوا من سنة يدي الا الكي دي سي لأن سنتافيه اللي اهي بريزيشن هذي راحت العراق حالياً وشركة برقان ماتوظف كويتيين والكي دي سي راح تعينك رست أباوت مايصير من أولها مساعد حفار أو حفار لأن الشغله هذي فيها أرواح ناس بحاله توافر شهادة الخبرة اللي يمكن تساعدك في أخذ هذا المكان اللي ابيك تعرفه واذكرها راح تلعن اليوم اللي دشيت فيه الحفريات لأنك راح تذوق اللي ذقناه وبالتوفيج لك اخوي عبدالله
     
  13. عبدالله 21

    عبدالله 21 بـترولـي نشيط

    58
    0
    0
    ماطلعت علشان الوظيفه طلعت بسبب ظروفي تجبرني ادور وظيفه

    وشفت هالموضوع قدامي وحاب ادخل المهم اتووظف بسس

    وين اروح وين اقدم وشسوووي ؟؟ ويقبلوني بسرعه والا انطر ؟؟
     
  14. AL-HADAD

    AL-HADAD بـترولـي نشيط

    84
    0
    0
    KOC
    KUWAIT
    حبيبي انا بالحفريات اسال مجرب ولا تسال طبيب
    معاشك 480 +دعم العماله370 اقل ابدينارين بعد
    اوكي الوضع مخزي صراحه لكويتي مطقوق بنعال هناك مكرم السامع
    الديره صارت ديرت هنود
    انا مافرق كلنا بشر او كلنا اعيال ادم وحوه بس للاسف المسؤولين اهم مقويين الهنود على لكويتيين
    اول شي سبحان الله ممنوع الاذان وانا مسؤول عن كلامي رحت الشركه اشتكيت يقولولي مانقدر نسوي شي
    الله يرحمك ياكويتي الله يستر على الديره اذا الاذان صار ممنوع
    تطفيش ابتطفيش
    بعدين يقولون الكويتي مايشتغل
    12 بالشمس والحر والدخان فوق كل هذا الاذان ممنوع علشان لا ترتاح نفسيا
    واحنا بدوله مسلمه ممنوع تقول الله واكبر
    الله واكبر عليكم يالمسؤولين
    او طبعا ماكو اوفر تايم والقانون العالمين يقول انه بعد ال8 ساعات اوفر تايم
    مايرقون الكويتيين اخذ الجنسيه الهنديه او دش ببتدائي مايحتاج واسطه تسير كومبني مان او معاشك 2000 او تذاكر
    وتقدر تمنع الاذان بعد لا حوله ولا قوه اله بالله
     
  15. al-meshal

    al-meshal بـترولـي جـديـد

    2
    0
    0
    سؤا لو سمحتو ال28 يوم دوام يكون نفسة الي بال28 اجازة ولا نص راتب بالاجازة؟؟؟ وشكرا
     
  16. Assistant driller

    Assistant driller بـترولـي خـاص أعضاء الشرف

    لا نفسه مايتيغر ذاك اول على العقد القديم كان يتغير شوي بس الحين الكي او سي وحدتهم ............. وسلامتك:)
     
  17. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي
    شدعوووووووووووووه عاد الاذان ممنوووووع !!!!؟؟

    لا يبا مو ممنوع ولا شي وفي مسجد تصلي فيه ولااااا اكبر راس يقدر يمنعك من الصلاة .. وعلى فكره ترى الناس اللي بالرق ((( الغير مسلمين )) تحترم جميييييييع الديانات ..!!!



    والوظيفه هذي فيها شغل بس للامانه كمستقبل وااااايد حلوووو والله العظيم .. بس قبل لاتروح تقدم خل >>>>

    >>>> (((( الواسطه ))) تسبقك للمسوؤل على التوظيف !! :)
     
  18. يارب أرزقني

    يارب أرزقني بـترولـي نشيط

    86
    0
    0
    متى التقديم على هالوظيفه؟؟

    واذا عندي واسطه

    اقدم اوراقي واكلم الواسطه

    ولا اخلي واسطتي هي اللي تقدم اوراقي؟؟
     
  19. Assistant driller

    Assistant driller بـترولـي خـاص أعضاء الشرف



    بصراحة أنا معاك كمستقبل وايد حلو بس اللي بدش هناك يبي يستعبط وبعدين يتشكى ويقول ليش يعاملون الكويتيين جذي وجذي وبصراحة هناك أغلب الكويتييين مايشتغلون انا وربي في كوييتين اشووفهم 3 مرات بالشهر اذا مو اقل لا ويبون ترقيه واذا ماخذوا ترقيه قالوا ظلم حاسب نفسك قبل لاتحاسبهم .
     
  20. night_busher

    night_busher بـترولـي جـديـد

    13
    0
    0
    ياجماعه خلونا نتكلم بصراحه اكثر شوي هالشغله متعبه وفيها مخاطر لكن حلوه وتحسسك بوجودك وان لك معنى بالحياة وصدقونى انا عندى كل هالتعب اتحمله مقابل اعيش انا وعايلتى بمستوى حلو من ناحية الماده مرتاح والحمدالله وقاعد اخذ معاش ماياخذه دكتور متخرج من امريكا
    والى موعاجبه يقدر يطلع ويتوظف امن وحراسه او موظف مدنى باى وزاره مع احترامى لكل الوظايف لكن الراتب مايفرح القلب الى بتاخذه منهم بتقطه اقساط وتقعد اخر الشهر ترد حق ابوك بتقوله ابي عشرين دينار او تتسلف عشان تكمل اخر الشهر
    انا براي عندي اشتغل واكرف بالارياق واخر الشهر ملك احسن من طول الشهر مريح ومدنى واقرأ جرايد واخر الشهر اقول لبوى يبه تكفه عطنى عشرين دينار بشترى حفاضات حق الولد يكرم القارئ
    ياجماعه شغلتنا هذى مايدخلها الا المحتاج والى ماعنده شهاده غير هالنوعين اذا يتشكى شنو الى جابره يشتغل فيها
     
جاري تحميل الصفحة...

مشاركة هذه الصفحة