فيدوني الله يجزاكم خير

الكاتب : بنت الكويت | المشاهدات : 994 | الردود : 6 | ‏7 يوليو 2009
  1. بنت الكويت

    بنت الكويت بـترولـي جـديـد

    2
    0
    0
    السلام عليكم ورحمة الله
    راح ابدي بالموضوع على طول....
    انا بصراحه حابه اطور من نفسي وابي راتب قوي فأرغب اني اتوظف بشركة Equate وعندي عشر سنوات خبره بوزارة التربيه
    حاصله على دبلوم حاسب من كلية الدراسات التجاريه
    ومسماي الوظيفي مشغل حاسب آلي

    ابي اعرف على أي درجه يتم توظيفي وشكثر راح يكون الراتب و جم راح آخذ دعم عماله وشنو المميزات إلي احصل عليها وشنو الاقسام إلي ممكن تحتاجني اقصد طبيعة العملي شنو راح يكون

    اتمنى تفيدوني وشاكره لكم
     
  2. KuwaitA

    KuwaitA بـترولـي نشيط جدا

    242
    0
    0
    اول شي قبل لا اجاوبج واتعب نفسي على الفاضي انتي عندج واسطه قويه ؟؟
     
  3. بنت الكويت

    بنت الكويت بـترولـي جـديـد

    2
    0
    0

    والله ياخوي انا قاعده اسعى وان شاءالله خير يارب
     
  4. EQUATE 2 THE BONE

    EQUATE 2 THE BONE بـترولـي جـديـد

    17
    0
    0
    السلام عليكم،

    أخوي KuwaitA ، انت داش إيكويت بواسطه؟

    اختي،
    أول شي انا بنصحج نصيحه لأي وظيفه، المعاش مو كل شي ، ولاتسألين عن الدرجه اللي راح تحصلينها إلا لما تقدمين وتنقبلين وبعدين يصير خير.

    ثانيا: ايكويت تعد شركه تابعه للقطاع الخاص ، يعني في دعم عماله ، والحاسب الآلي يعني اداره نضم المعلومات ، والمميزات ومعلومات زياده:
    - تذاكر سفر كل سنتين (تقريبا ثلاث أضعاف التذكره العاديه السياحيه)
    - تأمين صحي
    - الإجازه 30 يوم وتتغير مع سنوات الخبره
    - دعم العماله
    - بونص ربع سنوي وسنوي على حسب الأهداف الي مطلوب من الموظفين تحقيقها (يعني تقريبا 20%-25% من المعاش السنوي ، يعني معاش شهرين الى شهرين ونص)
    - الدوام من 8 الى 4 بالإداره بالسالميه و 7:30 الى 3:30 بالمصنع بالشعيبه
    - حسب علمي ان نظم المعلومات انتقلوا الى السالميه
    - عمل إضافي (Over Time)

    قبل ما تفكرين بالمميزات فكري بطبيعه العمل في الشركه.
     
  5. KuwaitA

    KuwaitA بـترولـي نشيط جدا

    242
    0
    0
    انا مو بايكويت ولا اتمنى ادش ايكويت ولا حتى يوم واحد ومعنا يالي منهم اوفرين بس انا ماقبلتهم بقيت اقبل واحد منهم بس الحمدلله استخرت وقعد بمكاني واخر شي اقرو الزياده حقنا
     
  6. بـحـــــــــــر

    بـحـــــــــــر بـترولـي نشيط

    110
    0
    0
    EQUATE 2 THE BONE
    حياك الله معنا مشكور على المشاركه والتفصيل وأكيد راح نستفيد من خبرتك ومعلوماتك
    ،kuwaitA
    وسع صدرك وسواء انت كنت بايكويت أو بشركه ثانيه حياك الله أخ وزميل
     
  7. EAST ASIAN

    EAST ASIAN بـترولـي جـديـد

    12
    0
    0
    السلام عليكم ..

    لو تسمحون , أبي أي معلومه ممكن تفيدني : ( الكثير من الاعضاء استفسر و محد رد عليهم بس لا تخلون ولدكم و الله يجازيكم كل خير )
    1- كم يستلم الموظف الاداري الجامعي الكويتي بعد توقيع العقد ؟ (الراتب جم بدون دعم العمالة)
    2- ما هو عدد ايام الاجازات بالسنة ؟
    3- هل يوجد تذاكر سنوية ؟ (يقولون حق لندن)
    4- هل يحصل الموظف على دورات تدريبية بالكويت و الخارج ؟
    5- أي مميزات أخرى للجامعي الاداري ممكن تذكرونها بعد ..
    6- ما هي ساعات الدوام الرسمية ؟
    7- أين تقع المكاتب الادارية للشركة ؟
    إذا ممكن سلم الدرجات الوظيفية مع تحديد درجة الجامعي .. طلباتي تعجيزية لكن من كل واحد معلومه و الكل يستفيد و شكرا جزيلا
     
جاري تحميل الصفحة...

مشاركة هذه الصفحة