ماذا بعد الزيادة يا مهندسين ؟

الكاتب : Q8_oil | المشاهدات : 1,889 | الردود : 24 | ‏17 نوفمبر 2007
  1. Q8_oil

    Q8_oil بـترولـي خـاص

    1,387
    0
    0
    السلام عليكم

    تم بحمد الله إقرار الزيادة لجميع عاملي القطاع النفطي المظلوم و الله و لكن بحمد الله فرج الله علينا جميعا و الكل يستاهل الزيادة على الكراف إللي قاعدين نسوي

    و لكن ...

    هل هذه الزيادة ستكون بديل لكادر المهندسين ؟؟

    قبل ما أقولكم رأيي اللشخصي و إللي أنا أشوفه هو المفروض إللي يصير بقولكم كم شغلة عن مهندسي القطاع الحكومي :

    مهندسي وزارة الكهرباء و الماء + النفط

    من 2004 و يمشي لهم كادر المهندسين يصل إلى 200 دينار و حاليا يطالبون بكادر خاص و هو طار الطاقة و كادر الطاقة سيكون لجميع موظفي الوزارة أي بالنهاية المهندس هناك سيحصل على كادرين ( كادر المهندسين و كادر الطاقة )

    و هذا أيضا نفس الإسكان و البلدية و الجميع ...

    فهل من وجهة نظركم أن مهندسي القطاع النفطي لا يحتاجون إلى كادر ؟؟

    و خصوصا إن زملائهم و بنفس الشهادة و بدوام أقل و لود أقل و عدد ساعات أقل ياخذون كادرين ؟؟

    و شكرا ...
     
  2. فيصل الكندري

    فيصل الكندري نـقـابـة نـفـط الـكـويـت أعضاء الشرف

    386
    0
    0
    مهندس مشاريع
    شركة نفط الكويت
    اخوى مهندس البورصه .. صبحك الله بالخير

    اذا لنا حق راح نآخذه باذن الله .. وربك كاتب الارزاق محد راح يآخذ غير المقسوم

    كادر المهندسين يبدى من 415 دينار مو من 200 دينار .. واذا في شى لمهندسين وزارة الكهرباء فانتمى لهم الخير والله يزيدهم ..

    بالنسبة لموضوع ما بعد الزياده .. ودنا نتكلم بشموليه اكثر

    احنا يهمنا ان المرشحين لانتخابات النقابات يكون عندهم معرفة بمطالب الموظفين داخل القطاع النفطي عشان يكون لهم اجنده واضحه بهذى المطالب ... هذى المطالب لازم تتكلم فيها الناس ولازم تنسمع من جميع القوائم. واليد الوحده ما تصفق

    ودنا من اللى يمثل العمال او عموم الموظفين يكون له هدف واضح وهو الارتقاء بمستوى القطاع نحو الافضل ... مو كل شى بالفلوس والمطالبات الماديه بس في جوانب ثانيه لازم ننتبه لها .. ودنا نتميز عن غيرنا بكل شى
     
  3. kandaaa

    kandaaa بـترولـي نشيط جدا

    158
    0
    0
    حسب معلوماتي ان زيادة النفط راح تفرغ الكادر من محتواه حيث ان الزياده تحتوي علي كل بدلات الكادر وبنفس القيم تقريبا وحسب قانون ديوان الخدمه لايجوز الجمع بين بدلين متشابهين ولذلك لن يكون تطبيق الكادر ذو اثر ولكن يجب المطالبه ببدلات الكادر من شهر 7 2006 الي تاريخ اقرار الزياده .(اي 14 شهر)

    بدل الخطر في الكادر 150 في الزياده 100
    بدل مسمي غير موجود بالزياده ولكن اتوقع هو نفس بدل الوظائف النادره(100-750)
     
  4. فيصل الكندري

    فيصل الكندري نـقـابـة نـفـط الـكـويـت أعضاء الشرف

    386
    0
    0
    مهندس مشاريع
    شركة نفط الكويت
    مشكور اخوى على الافاده الحلوه

    كلامك صحيح وما يجوز الجمع بين البدلات المتشابهه ..

    بدل طبيعة عمل بالكادر 100 وعطونا بالزياده 100 ..

    بدل وظائف نادرة راح يعطونه للاطباء والبعض التخصصات الجيولوحيه وفي احتمال انه للشهادات العليا فقط وما راح تكون للمهندسين

    اللي بقى لنا من الكادر شيئين بس .. بدل مسمى .. وبدل موقع
     
  5. kandaaa

    kandaaa بـترولـي نشيط جدا

    158
    0
    0
    اخوي بالنسبه حق بدل الوظائف النادره هو بدل سوف يصرف للوظائف التي يوجد طلب كبير عليها بالسوق النفطي وليس من السهل الحصول علي موظف مختص فيها وبما ان اسعار النفط فوق 40 دولار فان جميع الوظائف المتعلقه بالاستكشاف وتطوير الحقول النفطيه سوف تصنف كوظائف نادره وكذلك الوظائف المتعلقه بالانشاءات البتروليه واغلب الوظائف التي تخدم هذه المجالات هم المهندسون.
     
  6. فيصل الكندري

    فيصل الكندري نـقـابـة نـفـط الـكـويـت أعضاء الشرف

    386
    0
    0
    مهندس مشاريع
    شركة نفط الكويت

    عزيز وغالي وكلامك صحيح ... بس المهندسين مو تخصص نادر .. حتى سلفاكيا قامت تخرج مهندسين كويتيين :)

    انا الكلام اللى قلته عن هالفئة : "بعض تخصصات الجيولوجيا مثل الجيوفيزيكس والاطباء واحتمال كبير الدراسات العليا" منقول عن الاخ/ سعد الشويب .. وتقدر تتأكد من Job Evaluation Team راح يقولون لك نفس كلامي
     
  7. Q8_oil

    Q8_oil بـترولـي خـاص

    1,387
    0
    0
    أكيد الرزق و كل شيء من الله تعالى , و لكن إذا كان لنا حق مو معناته راح نقدر ناخذه بالسهولة إللي إنت تظنها و لكن مدابج و لوية .

    أما عن النقابة إللي تتكلم عنها أخوي ف 99% من الناس إللي بالنقابة همهم الأول و الأخير هم المصلحة الشخصية فقط و هناك أكثر من دليل على سببيل المثال بدل الأثاث إللي راح علينا على بو كنا متزوجين على جريد 12 !!
     
  8. Q8_oil

    Q8_oil بـترولـي خـاص

    1,387
    0
    0
    إحنا إللي ناقصنا بدل موقع و بدل مسمى فقط

    لازم يمشون لنا هالزيادات عشان نتساوى مع إخوانه إللي بالحكومة
     
  9. صخرة رسوبية

    صخرة رسوبية بـترولـي خـاص

    1,270
    0
    0
    بالنفط
    الكويت
    اذا الي عنده ماجستير يعتبر تخصصه تخصص نادر عيل انا بكمل من الكورس الياي
     
  10. Q8_oil

    Q8_oil بـترولـي خـاص

    1,387
    0
    0
    لووووووووووووووول

    مو كل ماجستير بكون تخصص نادر

    أول شي خنشوف شنو هم التخصصات النادرة و بعدين الله كريم
     
  11. السنيارى

    السنيارى بـترولـي جـديـد

    15
    0
    0
    ياأخى ..........المهندسين مهضوم حقهم بالقطاع النفطى ..........لكن شوفهم بقطر والأمارات تدرى بقطر حديث التخرج

    28000الف ريال يعنى 22000دينار من غير السكن والسيار ه وووووو..............!!!!

    الله المستعان الظاهر كل مازاد سعر النفط زادت معاناتنا!!!

    بالنسبه للماجستير انا سمعت ان التعيين على درجه 14

    وهل تخصص ادارة مشاريع يعتبر تخصص نادر:d
     
  12. فيصل الكندري

    فيصل الكندري نـقـابـة نـفـط الـكـويـت أعضاء الشرف

    386
    0
    0
    مهندس مشاريع
    شركة نفط الكويت

    الله يزيدهم وحكومتهم مرهيه عليهم ولو ان ارقامك مو دقيقه ... واحنا ولله الحمد عقب الزياده راح نصير قريب منهم اذا مو نفسهم ..

    الماجستير ما يعتد فيه بالقطاع النفطي ولا له اهميه ولا له ميزة انه يعينك على درجه 14 ... يمكن يرفعك بالرانكنج اذا كنت من الناس اللى مصنفين تحته ..

    وادارة المشاريع مو من ضمن التخصصات اللى تطلبها شركه النفط الا اذا كانت تحت تصنيف المهندس المدنى ... وحتى المهندس المدنى صارلهم الحين 4 دفعات جامعيين ما يطلبون مهندس مدني ... فكلش مو تخصص نادر :)
     
  13. فيصل الكندري

    فيصل الكندري نـقـابـة نـفـط الـكـويـت أعضاء الشرف

    386
    0
    0
    مهندس مشاريع
    شركة نفط الكويت
    رواتب المهندسين في ارامكو (حديث التخرج) بمعدل 8000 ريال الى 9000 ريال شهريا بدون بدل السكن وبدون اى ميزه.. لهم حسبه معينه يصير راتبه مع العلاوات وبعدخصم التأمينات عنهم تقريبا 11000 ريال (الريال =74 فلس) على الدرجه 11 عندهم .. يعنى حديث التخرج في ارامكو معاشه تقريبا 830 دينار ..

    هذا لنك لجدول رواتب ارامكو السعوديه

    http://www.khayma.com/m3lomat/Salery_aramco.htm


    بالنسبه لرواتب المهندسين في "قطر للبترول" .. وهذى مو الكل يتعين فيها فلها مميزات ورواتبها اكثر من اللى انت قلت ويوصل المهندس فيها ل 32000 ريال (يعنى 2400 دينار) الله يزيدهم ... اما عموم المهندسين في قطر فتقريبا نفس رواتبنا بعد الزياده الحاليه ...
     
    آخر تعديل بواسطة المشرف: ‏18 نوفمبر 2007
  14. المشاكس

    المشاكس بـترولـي خـاص أعضاء الشرف

    998
    1
    0
    مع ان هالموضوع مايخصني لأني مو مهندس بس أقول دامكم كويتيين واهل البلد تستاهلون كل خير
     
  15. Q8_oil

    Q8_oil بـترولـي خـاص

    1,387
    0
    0
    الله يهداك بس يا الكندري وين صيرنا يمهم

    أبو ظبي الجامعي أول ما يتوظف مو المهندس الجامعي يستلم عن 2200 دينار !!

    إحنا المهندسين أول ما يتظفون بالنفط يستلمون بعد الزيادة قول 1050 - 1100 و تقولي صيرنا نفسهم تقريبا !!
     
  16. فيصل الكندري

    فيصل الكندري نـقـابـة نـفـط الـكـويـت أعضاء الشرف

    386
    0
    0
    مهندس مشاريع
    شركة نفط الكويت
    صاج يا مهندس البورصه .. بس موظفين ادنوك ما شملهم قرار الزياده هذى (انا اتكلم عن شركات النفط) وكذلك الجيش والشرطه (العسكريين) وفى كذا شريحه مو مشموله بالقرار

    وبعدين قرار حكومة ابوظبى كان خاص بموظفينها ومواطنينها الاماراتيين فقط وكانت الزياده 100% من الراتب للعاملين في القطاع الحكومي في امارة ابوظبي ... وفي كلام انه راح يتعمم على باجي الامارات .. وهم بعد صايره عندهم ضجة على هالشغله وصاير عندهم تسرب كبير من القطاع النفطي (شركة ادنوك) ...

    هذا الكلام من منتدياتهم ... صارلى فتره احوس فيها :)



    اقرا الرد اللى عقب راح تلقى معاشات المهندسين في ارامكو وفي قطر للبترول ...
     
  17. سمو الموظف

    سمو الموظف بـترولـي جـديـد

    25
    2
    0
    اخوانى مهندسين النفط

    ترى الذى حصلنا عليه كافى ونعمه لانصير طماعين ترى احنا الصراحه مو قاعدين ننتج كلا سوالف وسفرات وكورسات واذا داومنا واجتماعات 90% منها عالفاضى و انترنت ونراقب البورصه 0دشينا الشركه اكثرنا كحيا نين ماديا وصرنا نستلم الاف الدنانير من المعاشات وسيارات اخر موديل وتذاكر وبونص ومكافاة وعلاج ومميزات كثيره والصج الشغل كل على المقاول والاجانب خلونا ان نكون واقعيين شوى هل رواتبنا على قدر انجازاتنا لا والله ترى اذا كثرناها يعطونا خازوق فيجب ان لا ننغر بنفسنا كثيرا ترى اغلبيتنا مو عارف كوعه من بوعه وقت الشغل ومثل ما قال الاخ فيصل مو كل شى فلوس فى امور كثيره نحتاجها ومطلوبه منا اتجاه الكويت الحبيبه مثل الهمه والنشاط والا نجاز وتطوير انفسنا
    والاخلالالالالالاص والالتزااااااام فى العمل لاجل الكويت مو نا يمين وكسلانين وبس نبى بدون لانعطى

    ارجو كم بدووون زعل لانه فى الاول والاخير راى الشخصى مع احترامى للجميع 00000
     
  18. فيصل الكندري

    فيصل الكندري نـقـابـة نـفـط الـكـويـت أعضاء الشرف

    386
    0
    0
    مهندس مشاريع
    شركة نفط الكويت
  19. صخرة رسوبية

    صخرة رسوبية بـترولـي خـاص

    1,270
    0
    0
    بالنفط
    الكويت
    سمو الموظف.. اذا انت تدش البورصة و كله مجابل الانترنت ترى في ناس قاعدة تكرف..يعني لا تحط نفسك كمقياس
     
  20. Q8_oil

    Q8_oil بـترولـي خـاص

    1,387
    0
    0
    أحوي إذا إنت مو قاعد تنتج مو معناته إن القطاع كله مو قاعد ينتج
     
جاري تحميل الصفحة...
مواضيع مشابهة
  1. عرين الأسد
    الردود:
    2
    المشاهدات:
    663
  2. كاتب
    الردود:
    3
    المشاهدات:
    601
  3. المحرر النفطي
    الردود:
    3
    المشاهدات:
    7,741
  4. المحرر النفطي
    الردود:
    1
    المشاهدات:
    1,013
  5. المحرر النفطي
    الردود:
    0
    المشاهدات:
    999

مشاركة هذه الصفحة