مشكلة الإجازات في ميناء الأحمدي

نشكر ابو صالح على تفاعله السريع مع مشاكل اخوانه , اما بالنسبه للاجازات السنويه اعتقد حلها ان يعملون مثل المصافي الاخرى بأن يكون كل شفت الشباب الي فيه ينسقون بينهم بحيث لايكون هناك اي اختلاف او نقص بالشفتات

 

نشكر للاخ الكبير ابو صالح تفاهمه وتعاونه معنا

وهذا مو بعيد منه

 

نشكر بو صالح ................. بس المشكله راح تستمر
وإحنا مستمرين في شكر أبو صالح !!!!!!!!!!!!!!!1

 

شنسوي مالك الا الصبر ويش وداك له على قولة ابن فطيس بس قولهم في حريق ولا في تسريب تلقى كل شي يتبدل بأحسن وجه

 

...

 

السلام عليكم و رحمة الله و بركاته

اشكر كل الشكر على هذا الموضوع و اتمنى ان ادارة مصفاة ميناء الاحمدي ان تحل هذه المشكله لاننا نحن الموظفين ما زلنا نعاني من عدم قدرتنا على تنسيق اجازتنا كيف نشاء و هذا ظلم واقع على الموظف . ولكن في نفس الوقت نقدر جهود بعض الموظفين في تقدير ظروف الموظفين و اعطائهم اجازات خارج الجدول الموضوع في بداية السنه و لكن نحن نريد تنسيق الاجازه من بداية العام لرفع الاحراج عن رؤساء الاقسام في اعطاء الاجازات القصيرة . واتمنى من ابو صالح ان ينظر في مأساتنا و يساوينا بالمصافي الاخرى .

وشكرا

 

ابشركم اليووووم سكشن هيد مبلغ الشباب انه المنجر مانع اي اجازه فيها اوفر تايم يعني انسىىىى الزعل .. ويقولون في موظف بال Rmp لاغيين اجازته عقب مااندزت شؤوون الموظفين وردووها ابرووووووفد يعني ردوله النسخه الحمره ... وازيدكم من الشعر بيت في موظف مبدل اجازته ثلالالالالاث مرات هالسنه وباجي الشباب لو بيبدلون عقب تاريخ 15-1 يقولون لهم ممنووووووووووع .. وسلمووولي على بوصالح

 

والله لو يبي السكشن هيد يمشي الاجازه حتى لو انها مو قانونيه ان يمشيها غصب ولو الاجازه مايبي يمشيها مايمشيها يعني الدعوه مزاجيه يااخوان لاتقولون قانون ولا بطيخ واذا يبي يرفض الاجازه يطلع لك مية الف عذر وكله على ظهر ابوصالح ومقولة احد رؤوساء المناطق اذا جيته في شي قال بوصالح مانع بو صالح رافض وابو صالح نزل قانون وبوصالح موصينا وبو صالح محذرنا والله يعينك يابوصالح على هالناس الي ماتقدر تدير ابسط الامور

 

النقص سبب شح الاجازات

 

( كل ما يتم كتابته في المنتدى يعبر عن رأي كاتبه فقط, ولا تتحمل إدارة منتدى العاملين بالقطاع النفطي الكويتي أدنى مسؤولية )


بسك تبووووووولش يا صاحب المنتدى

 

( كل ما يتم كتابته في المنتدى يعبر عن رأي كاتبه فقط, ولا تتحمل إدارة منتدى العاملين بالقطاع النفطي الكويتي أدنى مسؤولية )

بسك تبووولش يا صاحب المنتدى وتقبل (الراي الاخر) وما لا داعي انك تمسح الرد وهذا رايي وكل واحد من حقه ينتقد ويقول رأيه

 

شكرا للأخ مناور على التفاهم لحاجتنا لهذه الاجازات
ولكن ليش مايكون لنا حق مشروع في الاجازات متى مانريد من غير مانلجأ لمسؤول
وبعدين شنو راح تكون آلية تقديم الاجازه لأبوصالح وشنو يضمن لنا انها راح توصل له وانه رفضها او ولا؟؟


ياليت يكون كل شهرين يحق للموظف اجازه بأيام معينه ونرتاح جسديا ونفسيا

والشكر لأبوعبدالله لنقل معاناتنا للمسؤولين
واحب اقول لأبو عبدالله واثق الخطوه يمشي ملكا وماعليك من اللي يتكلم

 

ياشبــــاب الاكيـــد والاهمـــ ان احوالنـا تعيســـه في ميناء الاحمـــدي بالذات ..
للأســف مايسـوى علينــا جيتنـا لمينـاء الاحمـــدي .. الغالبيــه نادمـه اشـد الندمــ
الامـور كلها متعســره عندنـا .. مافيــه شي يعمــل لصـالح الموظفيــن .. ابداً

الله يعيــنا ويصبــرنا ..

 

أفشل نظام نظلم القروبات

تعبت وانا انطر اجازتي لا والمصيبه ماني مستفيد منها شي

لانها وقت دوامات ومدارس !!

يعني انا اللي اعرفه ان الاجازات تعطي الواحد رفرش


اسافر بروحي يعني

 

تصدقون انا واحد من الناس عندي 58 يوم وماقدر اطلع هالسنه

ليش انهم في سنه من السنين ماطلعوني بسبب النقص ,, والحين يقولون انت طلعت قروبك ومانقدر نطلعك مره ثانيه لانه مافيه بديل

يبه سكروا النقص وفكونا افتحوا باب التوظيف

 

بوراشد مادام هم عندهم نقص أشرط عليهم يشترون الرصيد الاجازات