مطالبات وشكاوي مشغلي حقل؟؟؟؟؟

الكاتب : q8y-knpc | المشاهدات : 1,803 | الردود : 20 | ‏3 يوليو 2009
  1. q8y-knpc

    q8y-knpc بـترولـي جـديـد

    5
    0
    0
    بسم الله الرحمن الرحيم أما بعد....

    تم وضع الموضوع ليتم فيه مطالبات مشغلي حقل وشكاويهم وأهم لأن مشغلي حقل هو العنصر الأساسي ولم يتلقى اي دعم او بكلمة (( شكرا )) ولماذا لم يتم وضع اشياء ترفيهيه لمشغلي حقل



    فأرجوا من جميع مشغلي حقل وضع اهم مطالباتهم وجميع شكاويهم


    وتقبلوا مني التحية
     
  2. مشغل سياسي

    مشغل سياسي بـترولـي مميز

    568
    0
    16
    ذكر
    kuwait
    والله يااخي نحن محرومين من ابسط شغله وهي الشلاتر يااخي شلاترنا تقول محكر حمام مو غرفه نبي من المسؤلين يوفرون لنا شلاتر جديد وتكون سوبر ديلوكس يعني فيها جميع سبل الراحه نبي الموظف يشتغل واهو مرتاح
     
  3. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    السلام عليكم ورحمة الله وبركاته

    اخي الكريم موضوعك مهم جدا ولكن لا حياة لمن تنادي

    وانا حاولت سابقا ان الخص المشاكل في مقال سريع ومختصر على هذا الرابط

    http://www.q8ow.com/vb/showthread.php?t=20388
     
  4. مشغل سياسي

    مشغل سياسي بـترولـي مميز

    568
    0
    16
    ذكر
    kuwait
    ماقصرت يابوعبدالله خابر موضوعك انت اكثر واحد يحس فينا ليتك مسؤول علينا
     
  5. Toxic

    Toxic بـترولـي جـديـد

    29
    0
    0
    اول طلب : تغيير المطعم و تبديله بمطعم وجبات سريعه او فطائر و مستعدين نطلب على حسابنا ما نبي الشركه تدفع عنا شي

    و الاسباب وايد .. قذارة المطعم .. ادخل المطعم و شوف قذارة الطباخين و قذارة المكان الي يطبخون فيه ..

    ثاني طلب : تمييز موظفين المصافي عن غيرهم .. مو بس في المعاش .. حتى بالمعامله .. دائما موضفين المصافي يطحنون و يتبهذلون و اخر شي المسؤول يطلع بالصوره الزينه ؟؟ و شغلنا وين راح ؟؟؟

    ثالث طلب : يتم اجتماع مدير المصفاة مع سوبر فايزر و ابوبريتر من كل وحده على الاقل اربع ايام بالشهر .. كل يوم مع شفت محدد و يسمع مشاكلهم

    رابع طلب : تغيير عمال النظافه الغير مسلمين .. تبهذلنا لازم نغسل من وراهم .. ليش شالو المسلمين و يابو غير مسلمين ؟؟؟؟

    خامس طلب : ولا تدرون شلون كافي هالاربعه خل نشوف في احد يقدر يساعدنا و يتحرك بهالامور ولا لا ؟ و اذا شفت ان في نتيجه بعطيكم لسته طويييييله بشغلات غلط بالمصافي و راح تسبب كارثه بيوم من الايام


    ان الله مع الصابرين "الله على الظالم"
     
  6. F-KeY

    F-KeY بـترولـي نشيط

    119
    0
    0
    والله يا اخوان نظام الشفتات هذا مبهذل حياتنا برا

    شكثر نعاني اذا صار عندنا معاملات او مراجعات

    لو يوفرون مناديب لقطاع العمليات بصراحه يكون شي غايه في الرقي و التفهم
     
  7. WorkSafe

    WorkSafe بـترولـي نشيط

    77
    0
    0
    والله ياجماعه مانبي شي بس وانتم بكرامه الحمام ياجماعه الحمام يبعد تقريبا 600 متر عن الشلتر موو سالفه والله والماينتاننس عافسينه فوق تحت ومكسر و حشاكم وصخ لي درجه موطبيعيه والشلت مكسر ورايح فيها انا اتكلم عن اليونيت Sru بمصفاة ميناء الاحمدي ال Rmp
     
  8. البايعها

    البايعها بـترولـي جـديـد

    19
    0
    0
    والله انا اقول مشغلي الحقل داخل الحقل يستاهلون والله..والله يعينهم

    اقتراح مساواتهم مع الkoc

    لايعطونهم بدل طريق نفس نفط الكويت ولكن خل يساوونهم على الاقل او يعطونهم حقهم.

    بدل شفت ليش 70؟ الkoc شفتاتهم احلى و الشغل فيها اريح واقل وياخذون 200 اذا ما خاب ظني كبدل شفت.
    بدل طبيعة عمل ليش 150؟ خل يروحون يشوفون نفط الكويت جم ياخذون وشلون الوضع عندهم...المفروض اعلى بواجد ..بس للأسف شركتنا كلا نطلب منهم يساوونا بنفط الكويت...ولا مره شفت موظفين نفط الكويت يطالبون انه يساوونهم فينا..مع العلم بأن اخيس وظيفه بالكويت وظيفة مشغل الحقل.

    اتمنى من الاداره اتخاذ قرار يصب في مصلحة الموظفين والشركه.
     
  9. mtm

    mtm بـترولـي نشيط جدا

    419
    0
    0
    بصراحة مشغلي الحقل ناقصهم اشياء كثيره

    لكن محد سأل عنهم

    وهذا سبب تذمر الاغلبية من الدوام

    وكثرة الطبيات

    وكثرة الاستقالات والتسرب الوظيفي

    -
    ومن ابسط الطلبات ان يكون عندنا شلتر (غرفة) سنعه ونظيفة مو شلتر خشب ومكسر ومبني سنة 1983


    نبي وسائل الحياة مثل ثلاجة ومكروويف


    وياليت تقل قائمة الممنوعات اللى لها اول وما لها اخررر


    والله يعينا صار الدوام سجن يومي مافي اي وسائل الحياة الكريمة
     
  10. البايعها

    البايعها بـترولـي جـديـد

    19
    0
    0

    قتلتني بكلمة وسائل الحياه:)
    الله يعينكم
     
  11. TOWER

    TOWER بـترولـي جـديـد

    41
    0
    6
    كلامك 100% صح والله يعينكم
     
  12. AD-01

    AD-01 بـترولـي خـاص

    1,040
    2
    38
    الله يهداك قاعد عند الجماعه وتشير عليهم :)

    بدل الشفت 70 بنفط الكويت وبالبترول تم توحيده

    وبدل طبيعة العمل اربع فئات معممه على كل القطاع النفطي

    وبدل الطريق له تعريف وطريقه تنصرف مو عطيه ... ركز الله يهداك هذا وانت مهندس وجذي سوالفك

    مشغلي الحقل يستاهلون بس تعاطف معاهم بطريقه عدله مو قاعد توزع اخبار ومعلومات اي كلام :D
     
  13. البايعها

    البايعها بـترولـي جـديـد

    19
    0
    0
    wallah ya e5ook etha kent `3al6an abi wa7ed e9ale7 lee men elkoc..atmana etkoon bel koc? ana wallah wa7ed qayel lee 200 ya5thoon bel koc...oo tara ana mo malzoom a7lef...etha fee chetheb..falchetheb men elsha59 elle bel koc mo meni....oo arja3 oo aqoolek ena eloperator bel knpc yestahel akthar men mowathaf elkoc 7ata lau ena dawam elkoc ab3ad.
     
  14. AD-01

    AD-01 بـترولـي خـاص

    1,040
    2
    38
    عزيز وغالي ... بس انا بنفط الكويت وصححتلك كلامك وحطيتهم على 3 نقاط بعد علشان تفهمها بسرعه :rolleyes:

    الشفت يستلم 70 دينار (حاله من حال البترول الوطنية) ما عندنا 200 دينار بدل شفت

    ومو كل شي تسمعه تقوله .. الحديث يقول :" كفى بالمرأ كذبا ان يحدث بكل ما سمع"

    اشرايك فيني اذا بغيت استشرف ؟ :D


    بعدين ليش تكتب جذي ؟؟ ترا كبرنا على MIRC ;) والا انت من ربع Mac Chicken يا باش مهندس
     
  15. النك تحت الصيانه

    النك تحت الصيانه بـترولـي نشيط جدا

    350
    0
    0
    مشغل حقل
    kuwait
    اذا فيه مجال يحطون تلفزيونات ال سي دي ولا مانبيهاااا ودي في دي والاشرطه علينااا

    والله كل يوم ادوام ياجماعه مو حاله هذي حنا بسجن المركزي ولا مصفاه حتي السجن يمكن فيه تلفزيون والله النفسيه اتعبت
     
  16. s3od_9800

    s3od_9800 بـترولـي جـديـد

    14
    0
    0
    مسااكم الله بالخير يا جماعه انا الحين متدرب لوظيفة مشغل حقل ......... ومن خلال اللي سمعته من آراءكم واللي سامعه من قبل حبيييت اعرف اذا في استجاابه للي تقوولوونه ولا لا ..................... وشكرا
     
  17. TOWER

    TOWER بـترولـي جـديـد

    41
    0
    6
    السلام عليكم
    بالنسبه للشلاتر انا سمعت من القدامى فى مشروع الغاز trains
    ان اول ماخلص المشروع 1978 ماكان فى شلاتر .... تخيلوا الدوام بالحر والبرد اشلوووون ؟؟؟؟
    بالنسبه للحمام اجلكم الله لازم يخبر الكنترول روم وبعدين يروح الكنترول روم يقضى حاجته ويرجع بسرعه
    الله اعلم جم سنه بدون شلاتر وبعدين نزلت رحمه الله وسووا شلاتر لهم
     
  18. k.n.p.c_man

    k.n.p.c_man بـترولـي جـديـد

    3
    0
    0
    مساكم الله بالخير جميعاً يا جماعه انا عندي أستفسار وياريت احد يفيدني
    أنا قاعد أدرس بكلية التكنلوجيا بتخصص تكنلوجيا تشغيل مصافي أبي أعرف تشغيل المصافي أهو نفسه مشغل حقل ولا
    غير عن بعص ومشكورين
     
  19. فـ@ـد

    فـ@ـد بـترولـي نشيط

    111
    0
    0
    نحن محرومين من ابسط شغله وهي الشلاتر
     
  20. q8w

    q8w بـترولـي جـديـد

    47
    0
    0
    نعم اخوي نفسه
     
جاري تحميل الصفحة...

مشاركة هذه الصفحة