متى موعد التقديم للوظائف ؟؟؟؟

الكاتب : kiiwii14 | المشاهدات : 2,848 | الردود : 16 | ‏29 يونيو 2009
  1. kiiwii14

    kiiwii14 بـترولـي جـديـد

    15
    0
    0
    السلام عليكم

    متى اعلان الوظائف حق شركة ايكويت ؟؟؟ انا خريج حديث من جامعة الكويت لهندسة الكمبيوتر... وبغيت اعرف متى اقدر اقدم عليهم ؟؟

    ويعطيكم العافية
     
  2. KuwaitA

    KuwaitA بـترولـي نشيط جدا

    242
    0
    0
    يمكن بعد اسبوعين
     
  3. kiiwii14

    kiiwii14 بـترولـي جـديـد

    15
    0
    0
    هل راح يحطون خبر بالجرايد ؟؟ ووين اقدر اقدم عليهم؟؟ سمعت ان عندهم مكان جديد بالسالمية، بس وين صاير؟؟؟


    واخوي KuwaitA هل انت تشتغل عندهم؟؟؟

    وياليت لو تقدر تفيدنا اكثر عنهم (اذا كنت تشتغل عندهم)...

    ويعطيك العافية اخوي، مشكور وماقصرت
     
  4. KuwaitA

    KuwaitA بـترولـي نشيط جدا

    242
    0
    0
    مكانهم بمبنى الاولمبيه اليديد الي صاير جدام المركز العلمي على البحر

    تقدر تجيك في موقعهم www.equate.com

    لا حبيبي انا موشغال فيها بس اذا تبي شي اقدر ادقلك على واحد من الشباب ويفيدك انشالله
     
  5. kiiwii14

    kiiwii14 بـترولـي جـديـد

    15
    0
    0
    اي والله اخوي،

    بغيتك تسألي اياه عن طبيعة شغل مهندسين الكمبيوتر عندهم... ووين يشتغلون، وجم معاشاتهم؟؟؟ وشلون الترقيات عندهم، هل في بونص عندهم وله لا؟؟ وهل ينصحني اني اشتغل عندهم، ودوامهم متى.؟؟

    للعلم:
    انا انسان طموح ابي اكرف علشان احصل على وظيفة حلوة ومعاش زين، يعني ابي الي يقدرني...

    ويعطيك الف عافية اخوي على مساعدتك... بانتظارك
     
  6. kiiwii14

    kiiwii14 بـترولـي جـديـد

    15
    0
    0
    للرفع وبانتظارك.........
     
  7. EQUATE 2 THE BONE

    EQUATE 2 THE BONE بـترولـي جـديـد

    17
    0
    0
    أخوي كيوي، أنا سألت الشباب عندنا ، ويقولون ان إيكويت مالها وقت للإعلان مثل الشركات النفطيه ، بس متى ما صار في شاغر يرجعون للطلبات اللي عندهم بالداتا بيس اللي تطابق الوظيفه وإذا ما لقوا ينزلون إعلان بالجرايد. وتقدر تمر المبنى الرئيسي وتقدم.
    شركات القطاع النفطي ممثلة بال KPC نزلوا أعلانهم ومفتوح إلى 31 / 7
    http://www.kpc.com.kw/index2.htm
     
  8. kiiwii14

    kiiwii14 بـترولـي جـديـد

    15
    0
    0
    يعطيك العافية اخوي Equate 2 The Bone ....

    انا راجعت مقر الشركة وقالوا لي للاسف مايبون هندسة كمبيوتر، بس يبون الحين(متوفر) هندسة كيميائية وصناعية فقط...

    وقالوا لي شيك السايت ، اذا نبي راح نحط فيه... بس السايت شيء والي موجود شيء الثاني... مثلا حاطين بالسايت بس كيميا ، ويوم رحت لهم لقيت كيميا وصناعية ومحاسبة وتمويل و...الخ، فيعني السايت شيء والواقع شيء...

    وبغيت اسأل اخوي، شنو الوظيفة الي يقدر يحصل عليها مهندس الكمبيوتر عندكم ؟؟ شنو الاقسام الي اقدر اشتغل فيها ، وجم المعاشات ؟؟

    ويعطيك العافية اخوي، بانتظارك
     
  9. EQUATE 2 THE BONE

    EQUATE 2 THE BONE بـترولـي جـديـد

    17
    0
    0
    ال It هي الإداره الوحيده اللي توظف هـ. كمبيوتر على حد علمي.
    طبيعي ان كل إدارات نظم المعلومات في أي شركه يكون فيها اكثر من قسم ، ال Sap هو داتا بيس مثل الأوراكل.
    الحين بعطيك خبرتي في التقديم على الوظائف :) واتمنى ان كلامي يكون خفيف عليك

    أي شركه تبي توظف احد ، هي اللي تحدد وظيفتك مو الشخص المتقدم ، احنا الحين نعيش طفح من المهندسين بس اللعبه هي قبول أفضل المهندسين (وهذا ينطبق على كل الشهادات طبعا) ، وكمهندس كمبيوتر لازم تسوي سيرش على الsap وما تسأل أحد يا كيوي لأن حط مكانك مكان اللي بيقابلونك ، تقولهم أعرف ان الشركه تستخدم Sap وماتعرف شنو هو وشهادتك تسهل عليك انك تعرف خفايا هالأبلكيشن. ترا الكلام هذا انا نفسي طحت فيه بالأول والمشكله ان محد يقولك شتسوي أو شتقول أو شلون تحرك ايدك بالمقابله

    الله يوفقك وانشالله الله يسهل عليك ونشوفك كيويه في الit

    تبي شي ثاني أسأل هني :)
     
  10. kiiwii14

    kiiwii14 بـترولـي جـديـد

    15
    0
    0
    يعطيك العافية اخوي، بس مافهمت النقطة الي قاعد تتكلم فيها عن خبرتك بالوظائف... يعني هل قصدك اني اتعلم واعرف شنو وظيفة ال sap واقولهم بالمقابلة اني اعرف استخدم هالبرنامج وله شنو ؟؟

    ياليت توضح اكثر، وهل اهوا صج اسمه sap ؟؟؟ لان انا ترى شيرته ومو ذاكر الاسم عدل :)
     
  11. EQUATE 2 THE BONE

    EQUATE 2 THE BONE بـترولـي جـديـد

    17
    0
    0
    آسف على التأخير
    اللي قصدته ، في أي مقابله لازم تكون محضر نفسك ، على الأقل شايف السايت مال الشركه اللي بيقابلونك ، واللي يفيدك زياده انك سألت عن الشركه وتعرف السيستم اللي يستخدمونه كداتا بيس ، وبما انك مهندس كمبيوتر فالأحلى انك تكون قاري عنه وتعرف بعض المعلومات

    بعني ياما ناس معدللاتهم فوق ال 3.5 بس سطحيين ، يعني كاروف دراسه ولا يعرف شي عن اللي حوله ولاحتى يعرف يتصرف إلا بالدراسه ، وطبعا هذا الشخص يكون أفضل أكاديميا وليس عمليا
     
  12. kiiwii14

    kiiwii14 بـترولـي جـديـد

    15
    0
    0
    يعطيك العافية اخوي equate 2 the bone مشكور وماقصرت

    وباذن الله راح اكون قد المقابلة واجتازها(اذا دقوا علي ، والله سهل)...

    وياليت تحمسنا اكثر عن الشركة وتعطينا نبذة عنها وعن امتيازاتها للموظفين وشلون طبيعة عملهم ، هل ممتع وافضل من غيرها من الشركات... لان انا من كلام الشباب فضلتها على غيرها واتمنى اني اكون موظف فيها... لان وايد ناس يمدحونها...


    فياليت تعطينا نبذه عنها، ويعطيك العافية مرة ثانية
     
  13. EQUATE 2 THE BONE

    EQUATE 2 THE BONE بـترولـي جـديـد

    17
    0
    0
    والله يا كيوي شهادتي مجروحه لأن نكي متحيز حتى النخاع ، بس خلني أقولك اني كنت أشتغل في إحدى شركات القطاع النفطي ، والفرق واضح جدا جدا جداااااااااا

    وعندا نظامين مافي منهم بالكويت ، نظام التقييم السنوي ، اللي فيه تتفق مع مديرك على الأهداف والوقت واللي مطلوب منك في اول السنه ، ويراجع في منتصف السنه ويقفل آخر السنه

    ونظام خطه التدريب ، يتبع تقريبا نفس الطريقه ولكن كل ثلاث سنوات

    أكتفي باللي قلته.​
     
  14. cba_accountant

    cba_accountant بـترولـي نشيط

    61
    0
    0
    ترا بالسايت في تقديم الحين انا توه جيكت ..
     
  15. ACCOUNTANT.GIRL

    ACCOUNTANT.GIRL بـترولـي نشيط

    90
    0
    0
    looking for a JOB !<---MISSION DONE
    الكويت
    انا اليوم قدمت متى اتوقع يدقون علي علشان المقابلة ؟

    انت دقو عليك ؟
     
  16. ACCOUNTANT.GIRL

    ACCOUNTANT.GIRL بـترولـي نشيط

    90
    0
    0
    looking for a JOB !<---MISSION DONE
    الكويت
    ثاني مره اقدم عليهم ولا حس ولا خبر
    الظاهر ماكو أمل
     
  17. EAST ASIAN

    EAST ASIAN بـترولـي جـديـد

    12
    0
    0
    لا تحاتون وايد انا قدمت على الشركة شهر 12-2009 و بلغوني باختبار اللغة الاإنجليزية اخر شهر 4-2010 , و بس عقبها ما أدري عن شي , أهم إجراءاتهم تاخذ وقت طويل , حرام عليهم و الله ناس تتأمل خير من إيكويت و تطوف فرص بأماكن ثانيه أحسن و بالأخير يرفضون أو يماطلون
     
جاري تحميل الصفحة...

مشاركة هذه الصفحة