عرض الاندية الصحية

الكاتب : ابومشارى^^ | المشاهدات : 1,270 | الردود : 12 | ‏28 يونيو 2009
  1. ابومشارى^^

    ابومشارى^^ بـترولـي جـديـد

    37
    0
    0
    نزلت العلاقات العامة قبل مدة عرض للاشتراك بالاندية الصحية بخصم 50% للموظفين وابنائهم اكبر من 15 سنة بحد اقصى 300 دينار للجميع ...للحين تمام واللة خوش عرض , لكن للاسف لما اتصلنا للاستفسار اكثر قاللنا الموظف انة الابناء لازم يكون عمرهم من 15-18 ..شنهو معقول؟ تأكد شوف التعميم تأكدنا بعدين من المسؤول الاخ باسل الدبوس واكدلنا كلام الموظف وقال احنا مشينا على نفس عروض الشركات النفطية الاخرى . طيب الحين الاندية الصحية اصلا لا تقبل اشتراك العضو الأقل من 18 سنة قانون مافية مجال لازم يكون معدى 18 الا اذا كان الاخوان مفصلين الشروط تفصيل للمسئول اللى ابتدا بهاقرار وباجى الموظفين يلبسون على مقاسة او اذا احسنا النية قلنا انهم ينزلون قرارات بدون دراسة ولا فهم ولا حتى استشارة . انا عندى ثقة فى الاخ باسل الدبوس بمتابعة هذا الموضوع وهو الشخص المتواجد دائما والمتفهم بمتابعة الموضوع مع المسئولين.
     
  2. النوخذه

    النوخذه بـترولـي مميز

    517
    0
    0
    مراقب
    الكويت
    السلام عليكم
    اخوي بو مشاري لاتتعب ولا تكتب ولا تحرق اعصابك اذا ما صار تتدوير او تغيير بالعلاقات العامه ماكو فايده هذا احنا من سنيين ماشفنا منهم شي تبي الحين تشوف روح شوف النادي وروح شوف نوادي غيرنا شوف رحلات العمره الي يسونها النقابه وشوف الي يسوونها الشركه
    خلها على الله فرق السما عن الارض
    الله المستعان بلاوي نشوف ونسمع وما نقول الا انا لله وانا اليه راجعون
     
  3. Neilz

    Neilz بـترولـي نشيط جدا

    242
    0
    0
    شباااااااب ممكن اعرف الانديه الصحيه ...اللي يشملهم العرض
     
  4. بترولي حر

    بترولي حر بـترولـي مميز

    775
    22
    18
    العرض ما فيه شي يشملك انت وعيالك واشتراك اقل من 18 موجود بكل نادي وروح ااندية وشوف متروسة ويا عيالها ,هذا لك

    ولاسرتك والعلاقات العامة بالبترول من انشط اادارات بالقطاع النفطي بشهادة الجميع والنادي مو تبعهم للعلك تبع الخدمات

    الادارية ورحلات عمرتهم متميزة الف مرة عن النقابة مادري يا جماعة الظاهر بغمرة الحماس نسيتوا كل هالمعلومات

    ونستيوا الانصاف لكن كلمة حق لازم تقال
     
  5. النوخذه

    النوخذه بـترولـي مميز

    517
    0
    0
    مراقب
    الكويت
    ا ورحلات عمرتهم متميزة الف مرة عن النقابة مادري يا جماعة الظاهر بغمرة الحماس نسيتوا كل هالمعلومات

    ونستيوا الانصاف لكن كلمة حق لازم تقال

    الله يعطيك العافيه
    خوش محامي
    اولا اخوي فلوس الشركه اكثر من فلوس النقابه وسعر رحلة العمره من الشركه اكثر من سعر النقابه
    الوجبات الي بالفندق الشركه وجبه وحده والنقابه ثلاث وجبات الرحله مع الشركه بهذله من جميع النواحي من المطار لين ترجع مره ثانيه المطار وخاصه بالجناط والمواعيد قاعدين على اعصابنا وما الومك لما ادافع عنهم يمكن من ربعهم او مستفيد من خدماتهم .
    وكل واحد يعمل صح هذا واجبه والي يقصر لازم يعرف وين التقصير مافيها زعل يا خوي
    واشكرك على سعة صدرك
     
  6. Online

    Online بـترولـي نشيط جدا

    374
    0
    16

    صح لسانك
    والله إدارة العلاقات العامه بشركه البترول
    من افضل الاداراة الموجوده بالشركة
    وارد وأقول لا تبخسون الناس أعمالهم
    وجزاهم الله عنا الف خير
     
  7. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    زملاءي بصراحة كلمة حق تقال في هذا القسم. وفي السيد محمد منصور العجمي وكل من رؤساء الفرق

    هم بصراحة من أنشط الأقسام ومتعاونين بكل ما يستطيعون لتحصيل رضا الموظفين فكل الشكر لهم على الجهد ويقومون بدارسة اقتراحات الموظفين بكل جدية
     
  8. واحد من الناس

    واحد من الناس بـترولـي نشيط جدا

    417
    0
    0
    لاوالله من افشل الاقسام قسم العلاقات العامة
    واعتقد السبب يرجع لمدير الدائرة مع احترامي له
    لأنه الفارق مابينه وبين اللي قبله انه كثر العروض لكن من غير فائدة حقيقية او قوية وكأن الهدف البهرجة روحوا شوفوا المعرض الصيفي في المكتب الرئيسي يصرخ مافيه الا البياعين والاسعار مثل ماهي والمشكلة لما سألت الاستقبال وين المعرض قالوا ماندري
    اول مرة نسمع وهو بالطابق اللي تحتهم الصراحة تحت الصفر لكن قيسها مع العلاقات العامة بالشركات الاخرى وشوف الفرق
    انا براي لو يقلل العروض وتكون عروض تسوى احسن من الزحمة في الايميل على كلامي فاضي
    وكفاية انه شركة اوسكو العام كان عرض التخفيض لهلتون المنقف اكبر من شركتنا
     
  9. ابومشارى^^

    ابومشارى^^ بـترولـي جـديـد

    37
    0
    0
    مازيد على كلامك بو عبداللة تحياتى لك.
     
  10. ابومشارى^^

    ابومشارى^^ بـترولـي جـديـد

    37
    0
    0
    اخوى انا اتكلم عن اندية محترمة باشتراكات سنوية مو الاندية اللى تسوى اشتراكات كاراتيية وسباحة حق العطلة ولا اتكلم عن اندية بو طقة ماودك تدشها اللى يقوللك جيب عيالك مع الخصم 7 دنانير . الحين اللة لا يهينك مر بلاتينيوم وقوللة عندى ولد الشهر الجاى يكمل 18 ابى اشركة بيقوللك تعال الشهر الجاى. شكرا لمشاركتك
     
  11. ابومشارى^^

    ابومشارى^^ بـترولـي جـديـد

    37
    0
    0
    هلا اخوى الوسام اسعدتنى مشاركتك وفعلا ياخوى محمد منصور من افضل المسئولين بالشركة باخلاقة ورقية لكن ياخوى اذا مشيت معاك بهالمنطق راح نلغى الفكر والابداع ونعتمد على واللة طيب وخوش ولد
    . تحياتى لك
     
  12. ابومشارى^^

    ابومشارى^^ بـترولـي جـديـد

    37
    0
    0
    برافو واللة وازيدك اللى يشوف عروضهم يقول البترول الوطنية كل موظفينها حريم عطور ومكياج ومليون كلام فاضى والخصم رهيييييب ( طفسة) ومثل ماقال النوخذة فعلا برغم الامكانيات الهائلة عندهم مقارنة بالنقابة بس شوف مزايا رحلة العمرة وقارنها.شكرا لك
     
  13. ناصر جاسم

    ناصر جاسم بـترولـي جـديـد

    30
    0
    0
    انزين ياجماعة انا داش عرض انا بشترك بنادي فلكس فتنس اليديد سنة
    بس حبيت اعرف الأشتراك يشمل المتدربين ولا لأ
    وشكرا لكم واسمحولي عالمقاطعه
     
جاري تحميل الصفحة...

مشاركة هذه الصفحة