سؤال عن مشفل الحقل

الكاتب : Elpriede | المشاهدات : 1,020 | الردود : 13 | ‏22 يونيو 2009
  1. Elpriede

    Elpriede بـترولـي جـديـد

    2
    0
    0
    السلام عليكم ورحمه الله وبركاته

    ابي نصيحه من الناس اللي يشتغلون في المشغل حقل الصراحه انا ما عندي أي فكره عنها وفي احتمال اني ادش هذي الدوره اللي راح تكون بعد فتره بس حبيت ايي اهني واخذ رايكم

    إذا في مجال احد يقول نبذه صغيره جذي عن هذي الوظيفه وشولن طريقتها وشكثر دورتها وشلون تكون طريقه المقابله وشنو المتطلبات اللي تكون عندي عشان ادشها مثل المعدل والشهاده وأي تخصص وسمعت ناس يتكلمون عن الفحم او شي عن قسم الفحم يقولولي دش بس يتمونون اني ما ادش هذا المكان شنو هذا المكان وشنو الأقسام اللي ممكن اني انا اروحلها شلون يقسمونا او شلون يوزعونا احنا اللي بالدوره وحبيت اعرف شكثر يكون معاشي بعد الدوره (راتب ثابت) وشلون طريقه الشفتات او ال اوفر تيم والله انا واحد حاليا حاشتني ظروف وأقدر اني اقعد في الحقل سنه ما ارجع البيت هههه بس حبيت اعرف كل شي عن هذي الشغله قبل اروحله


    وأسفين على الطواله وأرجو من الأخوان يجاوبني بأذن الله ومشكورين
     
  2. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    وعليكم السلام ورحمة الله وبركاته

    شروط القبول تكون موجوده في طلب التوظيف او الاعلان اللي تنزله الشركه

    والدوره مدتها سنه مقسمه قسمين , ست شهور في مركز التدريب وست الشهور في المصفاة اللي راح تكون مكانك الدائم بعد التخرج من الدوره .

    طبعا توزيع المصافي يكون بالقرعه , واذا وصلت المصفاة يوزعونك على حسب النقص في الوحدات

    وبشكل عام عمل مشغل الحقل متعب وشفتات ولكن في المقابل المعاش زين .

    والله يوفقك على كل حال
     
  3. ابو ريتاج

    ابو ريتاج بـترولـي نشيط جدا

    190
    0
    0
  4. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    الراتب بداية التعيين على درجة 7 يكون بحدود 900 دينار

    طبعا لا تنسى المميزات الأخرى
     
  5. ابو ريتاج

    ابو ريتاج بـترولـي نشيط جدا

    190
    0
    0
    زين اخوى اذا داش على اساسه ان عنده دبلوم هندسه ميكانيكيه ومتزوج -- ياليت تفيدنى واى قريد وهل لها ترقيات او شنو مسماه الوظيفى
     
  6. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    ماشاءالله اسألتك بالتقسيط:)

    اذا داش دبوم زيد عليها قريد يصير 8 يعي فرق بحدود 40 دينار

    واذا متزوج زيد عليها علاوة زوجيه بحدود 100 دينار

    والترقيات تكون بهالطريقه

    بعد ست شهور درجه ,, وبعدين كل سنه درجه ماعدى درجة مشغل غرفة تحكم ودرجه السوبر فايزر لازم يكون فيه شاغر
     
  7. ابو ريتاج

    ابو ريتاج بـترولـي نشيط جدا

    190
    0
    0
    ههه --اعذرنى طال عمرك .... من كثر الاقساط اللى علينا صار كل شى بلأقساط حتى الكلام --- على العموم يعطيك العافيه سؤال اخير تكمله للباقى طبعا خدمه 3 سنوات وطفل ياليت تقول لى واكون لك من شاكر ....
     
  8. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    ترى اتغشمر معاك اخوي بو رتاج

    اسأل اللي تبي وانا حاضر

    الطفل زيد 50 دينار

    خدمه 3 سنوات وين ؟؟ برى الشركه يعني؟؟ اذا برى الشركه مالها شغل ,, هذي تنظاف كخدمه في التأمينات حق التقاعد لكن ماتفيدك في الترقيات
     
  9. ابو ريتاج

    ابو ريتاج بـترولـي نشيط جدا

    190
    0
    0
    ادرى والله تغشمر .. بس يعطيك العافيه على طولت بالك-----بالنسبه للخدمه قطاع خاص فى شركه نفط الكويت--والمزايا شنو اللى فيها
     
  10. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    مافهمت سؤالك اخوي ابو ريتاج

    اذا تقصد تبي تتوظف في القطاع الخاص فما عندي فكره

    اذا قصدك عندك خدمه سابقه في القطاع الخاص اتوقع تنظاف لخدمتك في التأمينات اذا كنت مشترك وقتها
     
  11. ابو ريتاج

    ابو ريتاج بـترولـي نشيط جدا

    190
    0
    0
    لا --- انا قصدى ان عندى خدمه فى القطاع الخاص
     
  12. mtm

    mtm بـترولـي نشيط جدا

    419
    0
    0
    الله يوفقك في مبتغاك...

    ومشغل الحقل في المصفاة دوامه تعب يعني يبيله جهد وشغل

    لانه في ناس عندنا ما تحملوا الدوام وتلقاهم على طووول طبيات (مرضيات)

    وفي وحدات حلوه ومريحة وايضا في وحدات صعبه

    بس لا تحاتي اذا ماتبي الصعب تقدر تنقل دامك جديد

    طبعا الوحدات الصعبه معناتها ترقيات اسرع

    والمريحة ترقيات اقل

    وبالنهاية كلها ارزاق من رب العالمين
     
  13. ابو ريتاج

    ابو ريتاج بـترولـي نشيط جدا

    190
    0
    0
    لاهنت mtm على التعليق والله يوفق الجميع ----
     
  14. سعودي محترم

    سعودي محترم بـترولـي جـديـد

    24
    0
    0
    يجيب الله مطر
    السعودية
    السلام عليكم صباح الخير يالغالين عندي استفسار بسيط هل شركة البترول او اي شركة تابعه لها تقبل سعودي شهادته ثانويه والقسم ادبي نسبت 81% والله يوفق من يرد علي
     
جاري تحميل الصفحة...

مشاركة هذه الصفحة