موظفي العمليات ( كوماندوز شركة البترول )

الكاتب : فيصل العجمي | المشاهدات : 4,308 | الردود : 42 | ‏16 يونيو 2009
  1. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    السلام عليكم ورحمة الله وبركاته

    من المعروف ان دائرة العمليات في شركة البترول الوطنيه هي عصب الشركه , وموظفي هذه الدائرة هم أكثر موظفي الشركه تعب وكرف سواء صيف شتاء رمضان مو رمضان في جميع الأوقات شغالين واذا صار حالة طارئة تشوف الواحد يكرف 8 ساعات دون توقف , يعني فعلا ينقال لهم معاشهم حلال ( طبعا ماطعن في باقي الدوائر ولكن لأبيّن ان دائرة العمليات هي اكثر الدوائر تعب في الشغل ) .

    للحين الكل بيقول كلام صحيح وهم لهم علاوات ولهم درجات غير باقي الدوائر وفرص الترقيات متاحه لهم , اقول نعم صحيح , ولكنهم محرومون من شغلات كثيره , موظف العمليات لما يدخل المصفاة كأنه داخل معتقل .. التلفون النقال ممنوع والجرائد ممنوعه والإنترنت ممنوع والراديو ممنوع والولاعه ممنوعه والأكل من برى ممنوع وتبدأ المعاناة منذ دخوله مع البوابه وفي وجهه العسكري اللي يرمقه بنظرات غريبه وكأنه مشتبه فيه وان سلمت عليه مارد عليك السلام ولا حتى طالعك , وان طحت في واحد غثيث فتشك حتى الجوتي الله يكرمك ينزله ويشوف خاف خاش شي داخل الجوتي , عقبها تأتي المعاناة الثانيه وهي انتظار الباص واذا كان زام صبح فهنا المشكله عشرين واحد وياك وخمسين عامل نظافه لان شركتهم مو موفره لهم باصات فيركبون معانا , ومرات عمال الصيانه اللي تبع المقاول اذا كانوا مظبطين سايق الباص يوصلهم معانا وريحه الله لا يوريك وماتوصل الوحده الا عقب طلعة الروح , تجي عاد تدخل الوحده واذا كنت تشتغل برى يعني ( فيلد اوبريتر ) عندك شلتر مترين في متر ونص كأنه محكر فيه اثنين او ثلاثه على حسب الوحده اللي انت شغال فيها ومافيه لا ثلاجه ولا مايكرويف ولا مكيف نفس الناس ولا براده نفس الناس واذا حر المكيف ماتلحق واذا برد تموت من البرد لان الشلتر خشب عادي ومن كل صوب يدش البرد , وماتترك مكان عملك الا يكون شخص مكانك حتى لو كنت في حاله حرجه , يعني فعلا كأن الواحد داخل معتقل مو دوام , وفوق هذا كله يشتغل في الحر والمطر والبرد وفي مكان شديد الخطوره , حياته معرضه للخطر في كل يوم يدخل فيه المصفاة , والشواهد كثيره , كل يوم انفجار وحريق .

    نجي عاد للمسؤلين , من كنترولر ورئيس قسم وتيم ليدر , يدخل بتلفونه ويتصفح الإنترنت لمدة ثمان ساعات ويدخل بسيارته وفي مكتبه في البراد مو مظطر انه يكرف في الوحده ثمان ساعات متواصله واذا عنده موعد طبيب او مراجعه دق سيارته سلف وراح , وانت اذا عندك شغل مهم قالو لك لا مايصير لازم بديل , واذا موعد طبي قالوا لازم تقدمه قبلها بأسبوع وتاخذ 4 ساعات فقط وترجع الدوام , يعني مايدرون بمعاناة الكويتيين في المستشفيات وزحمتها ؟ والحبيب اذا عنده موعد ماداوم اليوم كله اصلا ,

    يعني انت يالمسؤول عندك التزامات وعندك اهل وموظف العمليات ماعنده شي ؟؟ انت تحتاج الانترنت 8 ساعات الموظف مايحتاجه ساعتين على الاقل؟ ليش الظلم والتفرقه في هذا الموضوع .

    واذا تكرم ومرك في الوحده يوم في الشهر يكلمك من راس خشمه تقول شوي ويعضك وكأنك ذابح احد من عياله , وفي نهاية السنه الماليه لما يجي التقييم السنوي يقوم السوبر فايزر بتقييمك ورفع ملفك لرئيس القسم والتيم ليدر , وعلى طول ينزل النسبه ( يقولك فلان مايشتغل ) طيب انت شدراك انه مايشتغل ؟ انت مقابله كل يوم وتشوف شغله ؟؟ ولا تنزل من فلان علشان تعطي ربعك ؟ وكل سنه نفس المشكله شكاوي في الاداره وفي النقابه بخصوص العلاوات السنويه وعدم وجود عداله في اعطاء الناس حقوقهم من ناحية العلاوة السنويه .

    في مثل هذه الأيام من كل سنه يتم توزيع البونص السنوي ( انا اسميه الشرهه السنويه ) طبعا من دخلت الشركه ماعمري شفته بس اسمع فيه , يجي عاد رئيس القسم والتيم ليدر يوزعون شرهاتهم على ربعهم المقربين ومعارفهم وعلى جواسيسهم والناس اللي تقلقس عندهم , لا عدل ولا مساواة في توزيع البونص , ناس سنويا تاخذ بونص وناس لها اكثر من 20 سنه ماشمته ولا شافته ولا تدري عنه .

    شخص شغال في وحده انا ماسميها وحده لانها صغيره حيل مافيها شي ويطلبون منه يستلم وحده اكبر ويرفض ومع ذلك يعطونه بونص , وشخص لا يفقه في العمل شيء ولكنه في الحضور ميه ميه وياخذ بونص كل سنه , وشخص تسبب في تعطيل وحده مهمه في عمليات الأحمدي وعرض حياة الموظفين للخطر علاوته السنويه 9 وماخذ بونص .

    يا إداره يا نقابه خافوا الله فينا , أقسم بالله ان موظفي العمليات يستحقون أكثر ويستاهلون يكون لهم معاملة خاصه وتقدير عند المسؤولين وعند الإدارة , مايكفي دوام الشفتات بحد ذاته ؟

    نجي حق المكتب الرئيسي , شهر خاصمين عليك بالغلط وشهر ناسين الاوفر تايم لا ينزلونه وتدق تلفون اسبوع كامل محد يرد , تكلم الادمن في دائرتك يقول مو شغلي روح راجعهم , ياجماعه هذي غلطة منو؟؟ انا شذنبي يالمسكين اللي اداوم شفتات وكرف وفوق هذا اتحمل اخطاء الغير واروح اراكض وراهم ادور حقي ؟؟ مفروض يكون فيه خط ساخن لا ستقبال شكاوي موظفي العمليات بشكل خاص وموظفي المصافي بشكل عام , وخصوصا في المحاسبه .

    كل يوم ماشاءالله هناك مسابقات تقوم بعملها الشركه وندوات ومعارض وشغلات حلوه تقدمها لنا العلاقات العامه , بس لما تدش موقع الشركه تشوف الفائزين في هذه المسابقات كلهم موظفي المكتب الرئيسي ,, ليش طيب ؟؟ لانهم 24 ساعه مقابلين الكمبيوتر ومافيه مسابقه مايشاركون فيها ,, طيب انا يالمسكين اللي ماعندي كمبيوتر في الشلتر او في غرفة التحكم كمبيوتر واحد عليه 20 ماسكين دور , شلون اشارك في المسابقات ؟؟
    ماشاءالله مسابقات عديده وكثيره وجوائز قيمه , ليش تحرمونا منها يا مدراء العمليات وتمنعون الكمبيوترات عن الموظفين ؟

    ندوات ومعارض شبه اسبوعيه تقام في المكتب الرئيسي ,, طيب موظفي المصافي المساكين اللي الشركه قائمه على الله ثم عليهم مالهم شي ؟؟ ان جا الصيف وعروض الصيف وخصومات الصيف مادرينا عنها وكل اللي مستفيدين منها هم موظفي المكتب الرئيسي والاداريين في المصافي , وان جا الشتاء والمخيم الربيعي كله ايام مفتوحه لهم , يوم مفتوح للعلاقات العامه ويوم مفتوح للمحاسبه ويوم مفتوح لمادري شنو , وفوق هذا يقولك ماراح تلقى احد في الاداره اذا فيه شي مهم دق على هاتف نقال رقم كذا ,, والله زين هادين عملهم ورايحين يوم مفتوح ,, وموظف في عمليات الاحمدي ترك الوحده رايح الحمام وانتم بكرامه لمدة خمس دقايق ومر وقتها رئيس القسم مالقاه عطاه انذار , يقول ليش مابلغت انك بتروح الحمام ؟ ياسبحان الله :) والله امر مضحك وغرائب عجيبه في شركة البترول الوطنيه الكويتيه .

    والله ان في راسي مشاكل كثيره وهموم أكثر ولكن انا أحمل هنا في المركز الأول مدراء العمليات في المصافي الثلاث المسؤوليه الكامله للوضع المتدهور لموظفي العمليات وحالة الرعب اللي عايشينها الموظفين ( كل شي ممنوع )

    والمسؤوليه ايضا تقع على عاتق نقابتنا العزيزه اللي اغلبهم موظفين عمليات ويعرفون مشاكل العمليات.

    وفي النهاية اوجه تحيه لكل موظفي العمليات وأقولهم الله يعطيكم العافيه ومالكم الا الصبر عسى الله يحنن قلوبهم علينا ويفتحها علينا شوي .

    لي رجعه قريبه ان شاءالله .
     
  2. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    الله يعين العاملين على ظروف العمل الصعبة في كل المنشآت


    ظروف العمل صعبة أصلا في الظروف الجوية صيفا و شتاء

    فما بالكم بالعمل أمام وحدات و أفران عالية الحرارة

    و في جو ملوث و خطر و أمام اجهزة قياس و بيان و مع كم هائل من المعلومات و المعطيات ؟


    الوطن يستاهل التضحية من العاملين و هم قدها إن شاء الله و ما راح يبخلون


    و أيضا ، فمتابعة و حل معاناة العاملين شيء مطلوب ممن بيده


    الأمر و السلطة من الإخوة الكرام مسؤوليهم.


    لنبث روح الفريق الواحد في كل إدارة و كل منشأة و لننبذ الإهمال و الظلم
     
  3. كنبس

    كنبس بـترولـي مميز

    814
    0
    0
    وعليكم السلام
    اخوى بو عبدالله كلامك عين العقل ولمست جروح مو بس جرح
    ولك حق وللاخوان بالعمليات هم لهم حق ولهم كل الشكر على التعب وقوه التحمل
    وانا اضم صوتى معاك طول الخط لانى حاس فيهم
    ولكن واخ من كلمه لكن
    المسؤلين وخصوصا مدير العمليات ماتوصله كل المعلومات والمشاكل حتى لو كانت صغيره مادام تمس العامل فى مهمه
    وهم التيم ليدر ورءيس القسم فى العمليات لهم المسؤليه الكبرى فى راحه الموظف
    لكن وينهم من الموظف ومشاكله
    اولا ماتوصلهم المشاكل دايم يخشونها عنه اذا كان فعلا يسال او يهمه راحه موظفينه
    او تلقاهم يقولون كل شي تمام لا مشاكل
    والمشكله بل الطامه الكبرى بالاجتماعات الشهره المسمى بالتواصل وللاسف ماتوصل لهم هالمشاكل ليش!!!
    كل مايخلص الاجتماع وياكثر اجتماعاتهم هالمسؤلين كله باجتماع شدعوه هذا الشغل بس
    يقول المسؤل فى شي ثانى للى معاه يقولون له ( كل شي تمام وحسب الاصول )
    مع العلم يعرفون المشاكل بس مايبون يوصلونها او يكدرون خاطر المسؤل
    وان اشتكى هالموظف ووصل لرئيس القسم او التيم ليدر يطلعون له اعذار وبلاوى انت وا نت وانت وانت ... وروح من هالسوالف
    يطلع الموظف يضرب بكفه على خده ويطلع غلطان بالنهايه راكبه الحق
    انا اسالكم شفتو مره مسؤل او تيم ليدر بالاخص ينزل للوحده ويدش شلتى ويقعد عالكراسي مع الاوبريتر ؟؟؟
    هل شفتو تيم ليدر سال عن موظف او قال لاوبريتر عظم الله اجرك فى وفات احد اقربائه(ابسط شي ) ؟؟؟
    ولا بس يركض من اول مايداوم حق المسؤلين الى مثله وفوقه اما يتعنى يروح له او يتصل عليه والاوبريتر ماله الا ربك
    طبعا ولا تيم ليدر يعرف منو الى معاه من تحت الكنترول روم اوبريتر للاسف مايعرف جم واحد عنده وشنو اساميهم . والله عيب
    واذا تكرم التيم ليدر ونزل للوحده او دش للشلتر تلقى عيونه تدور : جريده مو لابس سيفتى ليش اكو ريوق ليش قاعدين و و و و
    مايقول الا الله يعطيكم العافيه وزين اذا طلعت منه بعد
    ولا ازيدك شي وهى طامه كبرى
    اكثر الاوبريتر ماشاف التيم ليدر ومايعرفه لو يشوفه عباله مهندس ولا موظف ومايدرى ان هم التيم ليدر ماله !!! عجباااااا
    لانه اللوم والمسؤليه اولا واخيرا على التيم ليدر ورئيس القسم ومن فوقهم الى مايسالون عنهم
    ولا بعد المضحك المبكى عندهم المضخه ( البمب ) أهم من الف اوبريتر!!!
    مو حرام . مو بشر . مو مسلمين . مو كويتييييييين الاوبريترز ؟؟؟؟؟؟؟؟؟؟؟؟؟؟
    خافو ربكم بس كافى حرام عليكم
    وراح تسالون عنها (( يوم لارجعه فيه فتذكر قدرة الله عليك))
    فتذكرو كلامى هذا اذا طلعت تقاعد يامسؤل فى احد يتصل عليك . والله ماراح احد يذكرك بكلمه طيبه وراح تنسي مثل غيرك
    اما بالنسبه للنقابه
    يهمها اولا مصلحتها ثم مصلحه المسؤلين
    واذا كلمت احد منهم الرد جاهز :(( محد اشتكى )) عدل ولا لا اظن سمعتو هالعذر كثير منهم مع العلم معظمهم من العمليات وللاسف
    فيا اخ بوعبدالله
    جزاك الله كل خير وبيض الله وجهك وكلامك لمست جروح ومعاناة اخوانك من العمليات
    لكن هل نسمع او نرى حل؟؟؟ طبعا لا والف لا
    لانه هذى العمليات وهذى نوعيه المسؤلين وين تلقى الفرج
    اطلب ربك سبحانه وتعالى ان يخفف ويحافظ على هالنعمه نعمه البشر الى تكرف ليل ونهار
    واسف عالاطاله مع انى ماعطيت العمليات حقها من الكلام مهما قلت وكتبت
    سلام
     
  4. محمد الشيباني

    محمد الشيباني بـترولـي نشيط جدا

    306
    0
    0
    السلام عليكم و رحمة الله و بركاته

    سلمت يداك على هذا الموضوع والله انه يلامس كثير من المشاكل اللتي يعاني مبها الموظفين و خصوصا (( ميناء الاحمدي )) قسم العمليات خصوصا . المشكله الثانيه ان مدير العمليات كان واحد من الناس اللي يعانون هالمعاناه و هو ادرى بمعاناتنا و فيه مشكله ثانيه و هي جدول الاجازات اللي يخليك تحت تصرف ادارة الشركه و الاجازه اجازتك و انت ما لك اي حق في تغييرها نهائيا و لو عندك اي ظرف ما احد يقدرك و يوافق لك على الاجازه

    شكرا شكرا على هذا الموضوع
     
  5. q8i-2008

    q8i-2008 بـترولـي نشيط جدا

    332
    9
    18
    السلام عليكم

    اخوي كاتب الموضوع
    اتفق معاك في كثير من الكلام اللي قلته وابي اوضح لك بعض الكلام اللي ما اتفق معاك فيه
    ناخذها من البدايه .
    موظف الامن لا تلومه ان قام بواجبه هذا شي مفروغ منه وكل واحد اسلوبه مع الناس يحكمه تربيته اما شغله ما نلومه.
    الباصات مكتوب عليها لموظفين البترول فقط ومن حقك تنزل اي راكب غير موظف البترول.
    قضية الشلاتر مو من امس صارلها فوق ال 25 سنه.
    الانتر نت بالنسبه للمسؤول تأكد انه خدم في الشركه اكثر من 25 سنه يالله حصل على هالميزه والسياره وغيره فشي طبيعي انه يستانس فيها باقي عمره بالشركه مع اني ادري انهم داينصورات ماراح يطلعون.
    البونص والتقرير السنوي كلها انا معاك وباقي الخدمات اللي في الشلتر والكلام الباقي.
    ومو دفاعا عنهم لا والله بس هذي حقيقه اقولها وتأكد اني من الناس اللي لو اقول اللي في قلبي ماراح يكفيني يوم كامل أكتب
    لكن الشكوى لغير الله مذله وانا ماحب أذل نفسي لاي كان
    وللاسف فيه ناس ترزهم الكراسي مو هو اللي يرز الكرسي.

    ويعطيك الف عافيه عالموضوع.
     
  6. feed gas

    feed gas بـترولـي خـاص

    كلامك طبيعى وقاعد يصير من زمان ويتراوالى مالحقت علا ايام تسوى الشاى والقهوه علا خطوط البخار... كل شى وله ثمن وانتم اليوم احسن من غيركم ... وكل شى وله ثمن تدفعه بالمقابل .. شد حيلك ان شالله توصل لمستوى افضل والصبر مفتاح الفرج
     
  7. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    أخوي بو عبد الله

    كلامك للأسف كله صحيح

    الموضوع له تفسيرين لا ثالث لهم

    اما حسد وهذا نستبعده
    أو انه لايوجد تواصل حقيقي لمعرفة المشاكل التي تواجه موظفين العمليات

    والحل هو جلسة مصارحة بين المسؤولين ومدراء العمليات مع الموظفين والبحث لحل هذه القضايا
    فهذه مشاكل أزلية لم تحل منذ سنوات .. ولم يأتي الى الآن الفرج للموظفين


    لكن هل سيأتي اليوم الذي تحل فيه مشاكل موظفين العمليات الذين هم عصب المصفاة والنظر لحقوقهم بعين الاعتبار

     
  8. MAB12

    MAB12 بـترولـي مميز

    يعطيك العافية وسلمت يداك على الكلام الصريح

    اقسم بالله العظيم انك تكلمت بلسان حال جميع المشغلين في المصفاة ولمست جميع جروحنا اللي نعاني منها خلال تواجدنا في المصفاة ومازالت هذه الجروح الى الآن تدمي ولا اظن انه ستتوقف لأن لا يوجد شخص من المسؤولين الكبار وضع يده على هذي الجروح واوقفها

    اتمنى ان راسئلتك توصل الى جميع مدراء المصافي ....

    واذا هناك وقت فراغ عند السيد فاروق الزنكي اتمنى ان توصله هذه الرسالة

    تقبل مروري
     
  9. نسناس

    نسناس بـترولـي جـديـد

    37
    0
    0
    السلام عليكم ورحمة الله وبركاته
    نعم كلامك صحيح 100% وانا احد موظفي العمليات في ميناء الاحمدي وبخصوص موضوع الشلتر الماي ينقطع علينا تخيل مره قعدنا 5 ايام بدون ماي في الشلتر شلون الواحد يتوضأ؟؟ ونكلمهم ويقولون حنا كلمنا اليوتيليتي وعندهم خبر
    بس عمك اصمخ محد اهتم ولا فكر اصلا
    واما البونص فنحن لانستحقه لأنا مو من قبيلة السيكشن هيد ولا من اتباع السوبر فايزريه اللي يتبعون السيكشن هيد والحمدلله انا مو من اتباعهم لأنهم*******
    وانا بصراحه الامور مستويه معي وماعندي شي اخسره وراح اتكلم براحتي
    انا وربعي في الدائره ربي ابتلانا بسيكشن هد مراهق وايقدر احد واللي براسه يسويه وطبعا عندنا سوبر فايزر انا اعتبره هو السيكشن هيد الحقيقي لأنه يتدخل في كل صغيره وكبيره من حقه مسيطر
    تسليم المتدربين يتدخل فيه
    الشت داون يتدخل فيه
    التقييم السنوي يضبط ربعه او بالاخص قبيلته
    البونس مدري عنه بصراحه بس يمكن دعائه مستجاب عشان كذا كل سنه ياخذ بونص:d

    تصدقون التيم ليدر صار لي سنتين ماقابلته ولا مره؟؟
    انا اعترف اني مقصر معه مارحت له في مكتبه وسلمت عليه
    تصدقون في واحد من الشباب في اسبوع واحد تم نقله الى 3 شفتات؟؟؟؟
    يمكن خبره تعتقدون؟؟
    يقول لي صاحبنا الخبره انا اعرف لماذا تم نقلي بهذه الطريقه لأن الاداره تريد تطفيشه لأنه تكلم مع السيكشن هيد بخصوص تقييمه السنوي اللي منزلينه عن السنه اللي طافت وتناقش معه بخصوصه وذكر للسكشن هيد انك تسترت على ابن قبيلتك في خطأ كبير جدا كلف الشركه اعتقد كم مليون دولار لا وبعد ذلك بفتره تم منح هذا الموضف كتاب شكر وبونص كعادة السنويه طبعا واعتقد الموضوع اللي فوق كنتوا تقصدون هذا الشخص


    احب اقول للسيد مناور المطيري ان المسؤولين في دائرة العمليات في المنطقه الاولى عاثوا في الخلق ظلما
    وارجوا من المشرفين عدم مسح مقالي

    احب ان اقول ان الموظفين في تلك الدائره يقولون لقد بلغ السيل الزبى ولن نسكت على ذلك ولو تتحول قضيتنا الى قضيه سياسيه في مجلس الامه

    نحن نتوسم خيرا في مدير العمليات ولكن نقول له اننا احرارا ولا نرضى بالمذله والسيكشن هيد المقصود يمارس المراهقه الاداريه بحقنا ولايعدل بيننا
    ما معنى ان ابناء قبيلة السيكشن هيد هم اللي ياخذون 9 وياخذون بونص؟؟
    على مستوى السوبر فايزر والبانيل والفيلد اوبيريتر؟؟
    وتقدر تأكد من كلامي تقدر تشوف انهم خلال 3 سنوات متصدرين القائمه
    باقي سنه وياخذون كأس العالم
    ولتعلم يا اخ مناور المطيري انه قريبا ستصلك نسخه من شكوى الموظفين موجهه الى النقابه واذا لم يساعدونا في مشكلتنا سنتوجه الى اعضاء مجلس الأمه وتعرف ان اعضاء مجلس الامه يريدون قضيه

    واذا كان التيم ليدر يعلم بالمشاكل ولم يتدخل سيكون مسؤولا عن كل الفساد في الدائره
    ارجوا منكم ان لاتعتبروا كلامي تهديدا انه مجرد مانشيت لما حصل مع الموظفين في المنطقه الاولى وانا احدهم ولايهمني ان عرفوا من اكون

    حكمه وصلتني من الايميل
    (من الغباء ان تتحدى شخص لايوجد عنده مايخسره)


    اعذروني جنحت قليلا عن الموضوع الاصلي بس حبيت انتهز الفرصه وابين لكم مايحصل معنا داخل المصفاه

    نحن نعاني التقدير من المسؤولين اذا لم يكن لك من يلمعك لن تكونا موظفا مثاليا اصبح مقياس الاداره للموظف المثالي هو الحضور والانضباط في الطبيات واما الكفاءه لامجال لها في عالمنا وتعتبر الكفاءه مرض ويجب معالجته
    وبصراحه نظام الاجازات فاشل هل معقول ان بداية كل سنه يكون جدول مقسم على الموظفين طيب فرضا انا طلعت اجازه شهر 7 والسنه الجايه تكون مجموعتي شهر 11 يعني اقعد سنه و 3 شهور ما اطلع اجازه؟؟
    وتقولون ليش تاخذون طبيات؟؟ ليش مو كل 3 شهور يحق للموظف اجازه لو اسبوع خل يرتاح ويريح اعصابه

    اذا تذكرون العمره اللي سوتها الشركه طبعا دزوا لنا ايميل بأسماء الموظفين اللي راح يروحون
    طبعا 70% منهم قريد 18 وفوق
    طيب يابو 18 راتبك ماشاء الله فوق ال 5000 ليش تزاحم الموظف اللي راتبه 1000
    كفايه عليك كورس النمسا وامريكا عطونا مكه نبي ندعي والا خايفين ندعي عليكم؟؟
    والله شي يضحك


    على العموم انا طولت وفي خاطري كلام اكثر من اللي كتبته بس اخاف اتطرق للأسماء مع اني بينت واللي يبي يعرف يسأل


    وشكرا لكم
     
  10. KuwaitA

    KuwaitA بـترولـي نشيط جدا

    242
    0
    0
    لله يكون في العون
     
  11. TOWER

    TOWER بـترولـي جـديـد

    41
    0
    6
    السلام عليكم ورحمة الله وبركاته
    والله الجماعه ماخلوا شى الصراحه كلامكم صحيح 100%
    بس حبيت اضيف شى عالموضوع
    الشفت ليدر ماوراهم الا عوار الراس بس يدورون الزله على الموظف
    واذا كلمك عباله وزير وفى منهم مايدرى وين الله قاطه وفى ليدر فى مينا الاحمدى الكل يكرهه وماعنده شى الا أذيةالناس
    ومن كثر مايدعون عليه راح يلقاها انشالله
     
  12. الهاجري

    الهاجري بـترولـي جـديـد

    13
    2
    3
    السلام عليكم يخصوص البونص صراحه انا واحد من الناس الي انظلم في هالشغله وثاني شي الزياده السنويه التقييم المسؤلين مايعرفون يقيمون يساومون فيك بالي عنده سكات فيك وانا الحمدلله بعمري ماخذيت سك والتقييم مايرضيني وانا اناشدكم انكم تشوفون حل حق الظلم هذا وانا موظف في ميناء عبدالله مشغل مظلوم
     
  13. عمليات الشعيبة

    عمليات الشعيبة بـترولـي نشيط جدا

    242
    0
    16
    ذكر
    ccr operator
    مصفاة الشعيبة
    صراحة ماقول الا الله يعيننا على ما ابتلانا
    والحمدلله على كل حال ‏
    والشكوى لغير الله مذله ‏:)
    ]
     
  14. q8i-2008

    q8i-2008 بـترولـي نشيط جدا

    332
    9
    18
    السلام عليكم

    انتوا الظاهر تبون الواحد يبط الجربه
    تدرون شلون انا اقول انه في بعض اللي ينتمون لقبيله معينه حسافه انهم يكونون منها وردا على الاخ اللي كاتب انه في سكشن هيد يعطي ابناء عمومته انا اقولك وانا واحد من اللي السكشن هيد من نفس قبيلتي والتيم ليدر بعد لكن واقفين لي بالبلعوم لا من قريد ولا من زياده ولا من بونص وسلم لي على شارب السكشن هيد مالك اللي مافيه خير لاهله وجماعته مافيه خير للناس
    وازيدك من الشعر بيت واحد عندنا في الاداره محسوب على الاوبريشن من 15 سنه وقاعد ياخذ قريدات لين وصل 14 ومسماه الوظيفي سينير كنترول اوبريتر وياخذ زياده سنويه 9 وهالسنه ماخذ 9 وربع قسما بالله وبونص 200 بالميه وكل هذا موثق وبدلائل

    لكن اللي يحز بالنفس انه المسؤول اللي عنده ماعنده ذره من الاحساس ولولا الملامه لاكون أول من يشتكي عليه مع انه من نفس قبيلتي وامرمطه عند مسؤولينه واروح للعلاقات الصناعيه واخليهم يسحبونه من اذنه هو واللي وراه على التجاوزات.
    لكن ماهي من شيمنا نقطع ارزاق.
    وعسى الله لا يوفق كل من ظلم.
     
  15. المارد

    المارد بـترولـي جـديـد

    31
    0
    0
    منا الى المسئولين بالشركه اللي ما يحبون الظلم انا أناشدهم انهم يوقفون رئيس القسم العنصري عند حده واناشد السيد مناور المطيري انه ياخذ اجراء ويدقق على البونص والزياده السنويه ب A-1 وما اقدر اقول الا حسبي الله ونعم الوكيل .
     
  16. كاتب

    كاتب بـترولـي نشيط

    133
    13
    18
    كان الله في عون الأخوان اهل العمليات
    ناس والله يستاهلون اكثر
    ومهما تكلمنا عنهم مانوفيهم حقهم
    وفعلا اللي داخل المصفاة كأنه داخل سجن مو دوام
    والشرهه صراحه على النقابه
    اغلبهم موظفين عمليات ليش ماينقلون معاناة ربعهم ؟
     
  17. F-KeY

    F-KeY بـترولـي نشيط

    119
    0
    0
    والله يا جماعه الخير انا اقول لو الاعضاء المنتدبين للمؤسسه ومدراء شركه البترول

    واعضاء الحكومه مجتمعين يحججون موظفين العمليات على ظهورهم ما يوفونهم حقهم

    ها المشغل المغلوب على امره يستحق ماهو افضل لانه بكل بساطه هو الافضل
     
  18. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    السلام عليكم ورحمة الله وبركاته

    اشكر كل من شارك وابدا رأيه في هذا الموضوع

    واعجبني كثيرا مشاركة الأخ الكريم F-KeY

    ومازلنا ننتظر اي ردة فعل سواء من الإدارة الممثله بمدراء العمليات او من اخواننا في النقابه .

    الوضع أصبح لا يطاق في المصافي بشكل عام وفي العمليات بشكل خاص .
     
  19. نسناس

    نسناس بـترولـي جـديـد

    37
    0
    0
    اخي الكريم

    ياليتك مابطيت الجربه على قولتك

    واسمحلي اقول لك انت ماتختلف عن السكشن هيد اللي عندنا دام فكرك هالشكل
    شلون اللي مافيه خير في اهله وجماعته مافيه خير؟؟؟؟
    الاهل والجماعه في البيت والديوانيه مو بحلال الدوله واذا انت تقول السيكشن هيد مالك ومن ربعك وماعطاك بونص وانت ما تستحقه انا اقول لك سلم لي على شاربه لأنه يخاف الله ويعدل بين الناس
    قال تعالي (واتقوا يوما ترجعون فيه الى الله)
    الحين نتكلم عن مشكلة التحيز والتعنصر في المسؤولين تجاه اقاربهم وفصيلتهم وتقول سلم لي على شاربه؟؟

    الله يصلحك بس
     
  20. ابوراشد

    ابوراشد بـترولـي نشيط جدا

    303
    2
    18
    السلام عليكم

    صراحه موضوع رائع

    يحكي معاناة مشغل الحقل كان الله في عونه

    انا اقول الشرهه على رؤساء الأقسام ورؤساء الفرق

    مايخافون الله في الناس ولا عندهم عدل وللأسف المدير مو فاضي لكم

    عنده اجتماعات وعنده سفرات مو فاضي الأخ

    انا اقول لازم نحط كل مشاكلنا ومطالنا ونسوي اضراب
     
جاري تحميل الصفحة...

مشاركة هذه الصفحة