نتيجة تصويت على قرار القروض وزيادة 50 دينار والراتب التقاعدي

الكاتب : AD-01 | المشاهدات : 2,161 | الردود : 20 | ‏11 يونيو 2009
  1. AD-01

    AD-01 بـترولـي خـاص

    1,040
    2
    38
    مساء الخير

    هذا تصويت الاعضاء على مقترح استعجال النظر في 5 قوانين . ..
    هذي القوانين هي :
    1- تقسيط فوائد القروض
    2-زيادة 50 دينار للي معاشه اكثر من 1000
    3- زيادة راتب المتقاعدين 30 دينار كل 3 سنوات
    4-5- وقانونين اقل اهمية

    اول 3 قوانين المفروض انها تمس الشعب وان كل اعضائنا يصوتون معاها .. واللى صار..

    الحكومة رفضت ..
    نواب الليبراليين ارفضوا ..
    الاسلاميين منقسمين ..
    مطير العوازم والعجمان والرشايدة موافقين
    الشيعه منقسمين
    دميثير .. متوقع منه هذا الموقف
    التكتل الشعبي موافق
    مبارك الوعلان مريض ومعذور
    موقف محمد المطير غريب (اول مرة يصوت بعيد عن النائب خالد السلطان )
    موقف القلاف مشرف ( زين طلع منه شي حلو)

    لكن ..

    الصدمة بالثلاثة اللى محسوبين على (...) وتصاريحهم (قبل الانتخابات وبعدها) كانت مع الشعب وتدعم اسقاط الفوائد والخمسين وغيرها من المطالب الشعبية .. وهذا رابط تصاريح واحد منهم :

    http://www.q8ow.com/vb/showthread.php?t=20217

    لكنهم مع الاسف وقت التصويت طلعوا من القاعه

    الظاهر ماهم مستعجلين على التصويت ويبونه يآخذ حاصله من الدراسه والشرح :)

    الله يغربل ابليسهم ههههههه





    [​IMG]
     
  2. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    السلام عليكم ورحمة الله وبركاته

    صراحة لا اعلم ان كانوا الثلاثه اللي ذكرتهم كانوا حاضرين الجلسه من الأساس او انهم طلعوا وقت التصويت

    مع العلم اني ماني مستغرب منهم التصويت ضد القوانين لو كانوا حاضرين

    ولكن خاب أملنا في الكثير من النواب مادري صراحة اذا كانوا ناخبي الدوائر اللي نجحوا منها النواب اللي رفضوا القوانين عايشين معاناة غالبية الشعب ولا لا؟؟؟

    صراحه انا استغرب نائب يصوت ضد قرارات تخدم المواطنين ولا فيها تكلفه ماديه كبيره ,, الليبراليين للأسف صاروا حكوميين اكثر من الحكومه
     
  3. AD-01

    AD-01 بـترولـي خـاص

    1,040
    2
    38
    انا شفت واحد منهم في المجلس قبل بدأ الجلسة

    هذى المواقف محد ينساها سواء للثلاثة او لغيرهم

    اتمنى يكون عندهم عذر مقبول
     
  4. brilliant

    brilliant المـراقب الـعـام

    8,477
    0
    0
    Engineer
    Kuwait
    في مثل هالمواضيع يبين الصحيح وقت الافعال وليس الاقوال

    اتمنى من المواطن ان يقيس الناس بمثل هالامور ارقام وحقائق ويترك منه المحاظرات والندوات والكلام الزايد

    هذا الي استفدناه من الليبراليين

     
  5. ]printer

    ]printer بـترولـي نشيط جدا

    180
    0
    0
    accountant
    الكويت
    الله العالم الحكومة ماتبي القانون يمشي فقايلة حق هالثلاثة لا تصوتون ومساومتهم على شوفو شنو :rolleyes:



    عاد والله اني كتبت هالكلام بدون ماشوف تصويت موافق وغير موافق يوم شفت الحكومه رافضة عرفت اني فاهمه وفلته زماني
    ماشالله علي


    جان اسوي تحرير واعدل ( ماشالله علي ) صج اني وحده فاهمه:rolleyes:
     
  6. جابر

    جابر قــلــم بــتــرولــي أعضاء الشرف

    يعطيك العافيه Ad-01

    لى شوية ملاحظات :
    أولا : هذا تصويت على إستعجال النظر فى القوانين وليس الموافقه عليها أو رفضها ..وعليه ليس كل من وافق على الأستعجال ...معناته إنه راح يوافق عليها ;)

    ثانيا : كتلة الثلاثى اللى أختفت أو (ماحضرت) ..كانت تقول إنه فيه تنسيق مسبق بينهم فى مواقف سابقه ..وعليه صدفه (غريبه) إنهم ما يكونون ثلاثتهم موجودين :rolleyes:

    ثالثا : على فرض إن من وافق على طلب الأستعجال راح يوافق عى القوانين ..
    أعتقد إن تصويت (السلطان والعمير مع القانون ...غريبه)
    وايضا تصويت (سيد عبدالصمد ضد القانون أغرب)

    رابعا: الليبراليين ..إما حكوميين ميه ميه أو إن أصواتهم غالبا يأخذونها من ناس (ميسورين الحال) وبالتالى هالقوانين ليست متطلب شعبى بالنسبه لهم ..وبالتالى مو مستغرب

    عتبنا على الثلاثى ..لأجلهم ...إذا مانزلوا خبرخلال هاليومين إبراء ذمه ..راح نبدأ نشك بجد ;)
     
  7. AD-01

    AD-01 بـترولـي خـاص

    1,040
    2
    38
    حياك الله اخوي جابر

    انا خابر انه استعجال علشان جذي بررت لهم موقفهم باخر سطرين من موضوعي :D

    كانوا يتناقشون ويتكتكون برا واخذهم الوقت ههههه

    السلطان هو اللى مقترح قانون شراء الفوائد الجديد ... راجع الجرايد قبل كم يوم تلقاه مقترح القانون معاه المطير والعمير بعد ... بس غريب ان المطير شط عنهم

    سيد عدنان ما يهرول عبث ما عليك

    خل اسيل بكيفها ... يا حلاتها واهى تسولف (واحد متحطم) اما الباقين من قلب راح يصوتون ضد القانون هذا اللى ناقص بعد (احنا انطاوع البدو وانصوت معاهم على فلوس وفسفسة حلال الاجيال القادمه) قمت افهم منطقهم


    واذا على الثلاثي ابشر بالترقيع (اسمعوك) ... حسين الحريتي قلب على جابر الخالد .. تتوقع الثلاثي راح تطوفهم هالسالفه وما يرقعونها؟؟؟

    اقولك الله يغربل ابليسهم مو متفاهمين على الجمبزة :) يبيلهم دورة عن بو دميثير والا القلاف


    الله يستر من التبدع ... عسى ينجح العدوة ويبتلش اللى خبري مع العميد اللى طاقه لوووووووووووول
     
  8. k.p.c

    k.p.c بـترولـي نشيط جدا

    صورهم موجوده بالجرايد واولهم سعدون حماد



    وتقولون مو موجودين !!!!!!!!!



    الظاهر زعيمهم طردهم من الجلسه :)



    وما نقول الا حسبي الله ونعم الوكيل



    خافوا الله باللي عطوكم اصواتهم



    خافوا الله بأهل الدائره الخامسه



    والله فشلتونا



    اعضاء الدائره الخامسه جميعهم وافقوا الا ( سعدون - دليهي - بادي )



    واعضاء الدائره الرابعه كلهم صوتوا بالاجماع



    الا مبارك الوعلان لغيابه عن الجلسه اساسآ



    وبتشوفونها بالانتخابات الجايه إن شاء الله




    وبيض الله وجه اعضاء مطير والعجمان والرشايده والعوازم وكل من صوت على مواقفهم المشرفه دائمآ


    وجزاهم الله كل خير



    اخي الكريم جابر ..


    استعجال النظر بالقوانين لهدرجه مو مهم عشان ما اصوت عليه ؟؟؟


    ياخي لا تحاول ترقع لهم يرحم والديك


    وخلهم يواجهون الناس ويبررون عدم مشاركتهم بالتصويت


    وحتى عذرهم اقبح من ذنبهم اللي ارتكبوه



    لا حول ولا قوة الا بالله وربي شي يحز بالخاطر
     
  9. جابر

    جابر قــلــم بــتــرولــي أعضاء الشرف

    إنت أثبت ... بس للعلم ..:)
    ( على فرض طبعا ..اللى موافق على الأستعجال راح يوافق على القانون ) :)
    حسب ما أذكر ..بالنسبه للقانون اللى عرض ب 2006
    كل الأخونجيه و التجمع السلفى (المطير محسوب على التجمع) ..صوتوا كتل ..كانوا رافضين ..بعنف .. :rolleyes: يعنى المطير للحين ..ثابت على قناعاته (مهما إختلفنا معاه) ... :D

    بس تعال ...خلف دميثير ..كان موافق2006 ...شللى عفسه هالحين ;)


    بالنسبه لأخونا k.p.c
    مانتعذر لأحد ..لكن كل الخيارات مطروحه ..ومايدان شخص بسبب موقف للحين مو واضح
     
  10. aL- raSy

    aL- raSy إدارة المنتدى

    2,714
    0
    36
    اعتقد بأن التصويت على استعجال النظر في القوانين ماهو بالمحك الاساسي لمواقف النواب ( ولسه بدري على الحكم عليهم ) وفلنفرض لو ان الثلاثي ( لأجلهم ) موجودين ولنفرض لو النائب الفاضل الوعلان الله يشفيه كان موجود هل راح يتغير شي... طبعا لا وسيكون عدد الموافقين 31 بلمقابل عدد الرافضين 33 .. وحتى لو طرح موضوع التصويت على قانون شراء الفوائد في وقته اعتقد انه ماراح يتغير شي وماراح يمشي القانون ولا عزا للمواطن البسيط ....
    لو الله يفكنا من البصامين و التجار النواب والنواب المحسوبين على التجار حنا بخير..
    نحن محتاجين لحكومة احساس احساس احساس اولا واخيرا تحس بآلام المواطن..

    شكرا على موضوعك اخوي ad-01 ..
     
  11. AD-01

    AD-01 بـترولـي خـاص

    1,040
    2
    38
    لا تتحرش بمطير ترا جماعتي ما ارضى عليهم حتى لو اخونجيه وسلفجية لوووووول

    دميثير زعلان ... يقول الوطن غلطانين انا كنت موافق وطالبهم باعتذار :) ما يندرى عنه

    اتوقع واحد من الثلاثة شاف روحه (مطروح) قال خلني (اعتاش) قبل ما افارق المجلس ... الله يعينه على العميد ههههه ( ترا مجرد خيال لحد يطنقر ;))
     
  12. جابر

    جابر قــلــم بــتــرولــي أعضاء الشرف

    ماشى كلامك :)
    :D :D بالنسبه لخلف الأغلب إنه صاج ...والوطن خابصين الدعوه ..مو غريبه.....لأنه (أظن) خلف زعلااااان حيل على الحكومه ..وهو يوم كان راضى عليهم موافق على القروض ..شلون يصف وياهم هالحين ..:)

    أما الدكتور ...ما أظنه يدش مكتب بوزارة الداخليه ويتهاوش ..الا إذا إنقالت له كلمه (تجرح) ..وزعل وتهور ...
    وإن صح هالحجى ...تحسب له كرجال ..وتحسب عليه كعضو ...يعنى تعادل :D

    والرجال اللى كرامته فوووق مصلحته ...الناس تظن فيه الخير ;)

    الحكم على الثلاثى لسسسسسسسسسسسسسسسه بدرى عليه :D:D
     
  13. mas7oor

    mas7oor بـترولـي نشيط

    115
    0
    16
    مانبي منت النواب

    دخل الحكومة اجتماع مجلس الوزراء المقبل وهي تعيش حالة من الضغط القديم الجديد على خلفية ما تراه من تصعيد نيابي باتجاه استهداف بعض النواب لبعض وزرائها بدءاً بتقديم استجواب لوزير الداخلية الشيخ جابر الخالد والتلويح باستجوابات أخرى لوزراء آخرين.

    وعلمت 'الجريدة' من مصادر موثوق بها أن الحكومة قررت أن تبادر خلال اجتماعها الأسبوعي الاثنين الى تقديم مبادرات جديدة على طريق التعاون مع مجلس الأمة من أجل إطفاء نار الاستجوابات في هذه المرحلة.

    ويتضمن جدول أعمال الاجتماع، الذي يترأسه رئيس مجلس الوزراء سمو الشيخ ناصر المحمد مناقشة الآلية الجديدة لصندوق المعسرين مع وزير المالية مصطفى الشمالي الذي سيقدم تقريره كاملاً حول المشروع الجديد للصندوق والحالات الجديدة التي ستدخل ضمنه، فضلاً عن مدة الأقساط طويلة الأجل التي يحصل عليها المواطنون المتعثرون عن سداد ديونهم. إذ قالت المصادر إن آلية التعديلات الجديدة للصندوق ستشمل كافة حالات المتعثرين عن السداد وتعمل كبديل حقيقي لمطالبات النواب بإسقاط قروض المواطنين أو شراء الحكومة لمديونياتهم.
     
  14. المصمم

    المصمم بـترولـي نشيط

    58
    0
    6
    ابو ناصر حاكم الكويت هو وبس اللي يقدر ينجز ها القانون ولا تشدون الظهر وايد بالمجلس كل من يبي يوصل عشان الواجهه ومن اول ادليهي
    عفس النقابه ومو غريبه منه ها التصرف وبادي انت راح تطلع من المجلس وراح ايطلعك العدوه قريبا سو شي ابيض وجهك بس مااقول الا حسبي الله فيكم
     
  15. malshalan

    malshalan بـترولـي نشيط

    85
    0
    0

    السؤال:-

    لماذا كل هذا الهجوم على بوسعد ؟؟؟؟؟؟؟؟

    ان لم يعجبك ادائة بالمجلس الي ماصار له الا كم اسبوع فماله داعي الغلط و(( اولهم دليهي و عفس النقابه )). عاد تصدق انه الرجال ما قابلته الا كم مره ينعدون عل اصابع الايد الواحده علشان بس لاتقولون رفيجه .


    لكن صدق من قال لا يقذف الا الشجر المثمر

    اخوك ابوعبدالوهاب معاذ الشعلان
     
  16. AD-01

    AD-01 بـترولـي خـاص

    1,040
    2
    38
    جزاك الله خير اخوي معاذ

    دليهي رجال فزاع وراعي مواقف مشهوده

    مشكلته كانت (بصاحبه) .. الله يوفقه بحياته النيابية
     
  17. بلبل عنقريزي

    بلبل عنقريزي بـترولـي خـاص

    2,187
    0
    0
    شوي شوي علينا هدو الضغط على دكتورنا
    ماعندنا الا واحد وشابين عليه

    الخيل الاصيله تلحق ماعليكم
     
  18. AD-01

    AD-01 بـترولـي خـاص

    1,040
    2
    38


    عين ما صلت على النبي

    نجح ونشب مع العدوة .. وطاق عميد :)


    الله يستر عليه
     
  19. Kuwaite

    Kuwaite بـترولـي نشيط جدا

    344
    0
    16
    Production Operation
    Kuwait
    مشكلة :)


    روى البخاري – بإسناده - عن أبي بكرة رضي الله عنه قال : لقد نفعني الله بكلمة سمعتها من رسول الله صلى الله عليه وسلم - أيام الجمل بعد ما كِدت أن ألْحَق بأصحاب الجمل فأقاتل معهم - قال : لما بلغ رسول الله صلى الله عليه وسلم أن أهل فارس قد ملّكوا عليهم بنت كسرى قال : لن يفلح قوم ولوا أمرهم امرأة )...

    ( اسيل - معصومة - رولا - الجاسر )

    شوفوا تصويتهم الرباعي المرح !!

    الشرهه مو عليهم على اللي صوت لهم :)

    كويتي
     
  20. مستشار

    مستشار بـترولـي نشيط جدا

    400
    9
    18
    وين الثلاثي الكوكباني( لاجلك يا حكومة ) والله الشرهة علىاللي عطوهم الصوت.







    0
     
جاري تحميل الصفحة...

مشاركة هذه الصفحة