مطالبات للإداريين فقط

الكاتب : Al-Hammadi | المشاهدات : 978 | الردود : 9 | ‏10 يونيو 2009
  1. Al-Hammadi

    Al-Hammadi بـترولـي نشيط

    148
    0
    16
    1- (Upgrade) : بخصوص الوضع اللي حاصل لإعادة تقييم الدرجات لأنه شمل أغلب الوظائف الفنية على سبيل المثال لا الحصر ( ملاحظ ، كبير ملاحظين ، مراقب ، مشغل 1، مشغل 2 ، معاين آبار إلخ إلخ ...) ، ماعدا الإدرايين واللي اشوف فيه إجحاف وتهميش لدور الإداري في الشركة لذلك سوف نطالب لإعادة تقييم مستوى الدرجات للإداريين في جميع الإدارات.

    2- (بدل شاشة) : بحكم طبيعة عمل الإداريين في الشركة والتي تعتمد بشكل كبير على استخدام الكمبيوتر لفترات طويلة ومالة من تأثير سلبي على الموظف لذلك سوف نطالب ببدل شاشة إسوة بالموظفين الإداريين في القطاع الحكومي.

    * وعلشان جذي نبي نكون على قلب واحد ونتحرك كمجموعة وحدة لتحقيق مصلحة الإداريين لذى نرجوا منكم تعبئة المرفق بالرابطين بالاسفل من جميع الإداريين الكويتيين في إدارتكم وإرسالها مره أخرى على الخاص.


    مطالبه بدل الشاشه

    http://www.4shared.com/file/110911531/f7060a6e/___online.html

    مطالبه تقييم الدرجات

    http://www.4shared.com/file/110911533/19086b42/___online.html

    [/center]
     
  2. ناطر التقاعد

    ناطر التقاعد بـترولـي جـديـد

    6
    0
    0
    قواك الله على الموضوع .. صج احنا الاداريين مظلوميين ولك منى راح اوقع وانشرها بأدارتي وارد ادزها لكم

    وانشالله يقرونها
     
  3. jambi

    jambi بـترولـي نشيط

    105
    0
    0
    اي والله انا مجابل ال excel 7 ساعات!! أرد البيت انام أتحلم فيه!!
     
  4. net1

    net1 بـترولـي نشيط جدا

    229
    0
    16
    زين على الاقل انت تدري انك اداري شرايك بوظيفه للحين ما يدرون هوو اداري ولا فني وكل يوم يقطونه مكان يوم يقولون له انت فني ويوم يقولون له انت ادراي !؟
     
  5. Al-Hammadi

    Al-Hammadi بـترولـي نشيط

    148
    0
    16
    الله يعينك ، بس شنو مسماك ؟
     
  6. iFreeze

    iFreeze بـترولـي جـديـد

    1
    0
    0
    الله يعطيك العافية على طرح هالموضوع الي يهم الكثير من الأداريين لان لازم يكون فيه مساواة بين الأداريين و الفنيين برفع القريدات.

    و هم لازم يكون فيه مساواه بين الموظفين الأداريين داخل و خارج الشركة و هم لان الموظفين الأداريين يجابلون شاشات الكمبيوتر ما يقارب 7 ساعات. فا موظفينا يستحقون هالبدل, اتعبت عيوننا من شاشة الكمبيوتر, صار الFocus بعيوني غلط P:

    فا انا ارجو من كل اداري يقرأ هذا الموضوع انه يطبع الجداول و يعبيها بتواقيع زملائه الأداريين و يرسالها مثل ما سويت انا و زملائي الأداريين و لان الموضوع هذا جداً مهم...
     
  7. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    فعلا يا الحمادي

    صار الفرق بين الدرجات gap أكبر بسبب إعادة تقييم الفني و ترك الإداري

    مع العلم بوجود إرتباط و إتصالات و تنسيق في معظم الوظايف بين الإداري و الفني

    فمن غير الطبيعي إن يقيم فني بوظيفة و زميله الإداري اللي يكمل شغله يظل

    في نفس الدرجة ،

    المفروض يظل الفارق بين الدرجات متوازي نفس قبل التقييم

    مثال :

    فني درجته 15

    إداري درجته 14

    بعد التقييم :

    الفني درجته 16

    الإداري يجب ان يرفع ل 15
     
  8. Al-Hammadi

    Al-Hammadi بـترولـي نشيط

    148
    0
    16
    كلامكم عدل والله بس كنت متوقع ردت فعل اكبر على الموضوع وإن شاء الله الأيام الياية تكون في ردود اكثر مع التواقيع اللي طلبناها ، مع إني جسيت نبض النقابة ووعدوني خير وإنه راح يكون في أعادة تقييم للوظائف الإدارية ، بس هذا ما يمنع ان يكون في تحرك من صوبنا.
     
  9. net1

    net1 بـترولـي نشيط جدا

    229
    0
    16

    ونسيت اقولكم انه لا ماخذ مميزات الفني ولا مميزات الادراي صاير بالنص :confused:

    لما تصير مميزات حق الفني يقولون له انت اداري ولما تصير مميزات للاداري يقولون له انت فني وعلى هل الحال
     
  10. wed

    wed بـترولـي جـديـد

    43
    0
    0
    أخيرااااا حصلنا احد بياخذ حقنا حالنا حال الفنيين

    لاهنت على هالفكره وانشاء الله انها تتحقق
     
جاري تحميل الصفحة...

مشاركة هذه الصفحة