استفسار عن التذاكر السنوية يرجى الافادة

الكاتب : driller-eng | المشاهدات : 1,151 | الردود : 8 | ‏9 يونيو 2009
حالة الموضوع:
مغلق
  1. driller-eng

    driller-eng بـترولـي جـديـد

    15
    0
    0
    يعطيكم العافية .... حبيت استفسر عن التذاكر السنوية متى يوزعونها ؟ وهل تتوزع على الموظفين تذاكر والا فلوس ؟ و الرحلة اتكون حق اي دولة ؟ و كم قيمتها اذا بستلمها فلوس ؟ و اخر شي ابي اعرف اي شهر يوزعونها ؟ وشاكرلكم جميعا
     
  2. الصايغ

    الصايغ بـترولـي خـاص


    التذاكر في شهر 2 من كل سنه
    توزع قيمه التذاكر
    الرحله لمصر
    القيمه التذكرةعلي اسعار الكويتيه
    :)
     
  3. المنصور

    المنصور بـترولـي خـاص أعضاء الشرف

    التذكرة السنوية للموظف والزوجة وأربع اولاد

    تنزل (قيمتها) للموظفين شهر يناير من كل سنة

    وتحسب على قيمة تذكرة الكويت/القاهرة/الكويت

    وبالنسبة للقيمة فـ هي متغيرة من سنة لسنة اخرى وليست ثابته

    قيمة التذكرة تنزل كل سنة للدرجات 10 وما فوق

    وكل سنتين للدرجات 9 وما دون
     
    آخر تعديل: ‏10 يونيو 2009
  4. مرقدوش

    مرقدوش موقوف

    20
    0
    0
    حبيت اضيف ان اللي درجته اقل من 11 كل سنتين ياخذ التذكرة وحق مصر
    واللي درجته 19 لندن ودرجة اولى بعد
    واللي اقل من 11 يشوف ويطالع وتصير عيونه خلاله
    شفتوا الظلم شنو هذا مو فلوس ابوهم اللي يابهم فلوس ديرتنا صراحه انا ماني محللتهم
    وانا ما ادري النقابه شمهنتهم بالضبط؟؟؟؟؟؟؟؟؟؟؟؟؟؟؟؟؟؟؟؟



    يعني لو مدير وعنده 6 يهال ياخذ واي قلبي الرقم ماعبر اقوله :mad:
    وانت يا درجه 8 انطر سنتين وكلها 200 خنت حيلي وماودهم يعطونك اياها بعد:mad:
    وعادي يسقط اسمك سهوا لووول لأن اسمك مو موجود بلستة السنه اللي طافت
     
  5. brilliant

    brilliant المـراقب الـعـام

    8,477
    0
    0
    Engineer
    Kuwait

    هذي قوانين وماشين عليها وناس صارلها عمر تكرف وتستاهل اكبر من هالشي ولا تقارنين ناس توهم متوظفين بناس صارلهم 20 سنه من الخدمه والكفاح وتساوين الميزات ؟!!


    يا امةً ظحكت من حسدها الامم
     
  6. Lag

    Lag بـترولـي نشيط

    94
    0
    0
    الاخ برليانت

    ليش حولت موضوع الفرق بالدرجات الى موضوع فرق بعدد سنوات الخبره

    الاخت اشتكت من التمييز في فرق الدرجات ,,مدراء وموظفين

    وانت دافعت عن الخبرات ,,, موظفين قدم وموظفين جدد

    هل معنى كلامك ان الموظف اللي خبرته 30 سنه ووظفيته اوبريتر او كونترولر او سوبرفايزر المفروض ياخذ تذاكر اكثر من المنجر اللى خبرته 17 سنه ؟؟

    ودي جوابك يكون ايي :)

    عشان اتأكد وتتأكد ان المناصب القيادية يفصلون كل القوانين على مقاسهم و القطع الزائده من الخام توزع على الموظفين

    اللهم اغننا بفضلك عمن سواك
     
  7. brilliant

    brilliant المـراقب الـعـام

    8,477
    0
    0
    Engineer
    Kuwait
    وهل يستوي الذين يعلمون والذين لا يعلمون ؟!

    من صجك تقارن واحد شهادته ثنوي بواحد جامعي ؟!

    انا اقارن سنوات الخبره في الي شهادتهم مثل بعض .. مايصير نقارن بالخبره ناس شهادتهم مختلفه !!

    الاوبريتر الي عنده خبره 10 سنوات ترا قريده ومعاشه وتذاكره اكثر من المهندس الجديد وهالشي محد يقدر يقول عنه شي ومسؤوليت الابوريتر فوق المهندس وهالشي ماننكره من مبدأ الخبره ،،، اما مقارنة الاخت قالت الي قريده تحت 11 (يعني بالعقل كم سنه خبره ؟) تقارنه بمنجر وتقارن مميزاته !!
     
  8. AlwaysAlert

    AlwaysAlert بـترولـي جـديـد

    5
    0
    0
    المشكلة والطامة الكبرى في هذول اللي حاصلين على شهادات جامعية بفلوس وكل سنة قاعدين يطلعون إجازات دراسية في قروبات ووناسة وبكالوريوس او ماجستير أية حاجة هذول شنو اللي راح تحصل من وراهم الدولة والشركة المهم إسمه جامعي ولما إتطرش واحد فيهم أي إجتماع أو مؤتمر تلقاه زي الأطرش في الزفة وحتى كلمة أو جملة مفيدة بالأنجليزي لايعرف يركبها أو يكتبها لا وبعد يطالب بتغيير وضعه أو ترقية إلى درجة أو منصب أعلى ولو أن الحصول على هذه الشهادات الرخيصة مو حرام جان طول مدة خدمتي في الشركة مسطر عشرات الشهادات بكالوريوس وماجستير ودكتوراه لا وبالبراويز الذهبية لا والناس اللي أكثرهم حاصلين على مثل هذي الشهادات ماخذين الأمر أو المهمة سياحة وفلوس وعندي قائمة بالجامعات البريطانية والأميريكية والعربية والروسية والفلبينية و الصينيةوالهندية و البلغارية والسلوفاكيةوطب وتخير من كل ديرة تبيها شنو ظل بعد لا وتقدر طول خدمتك بالشركة طال ما تحصل على مميزات وتسهيلات من المعزب تقدر تحصل على أي شهادة جامعية في خلال نص ساعة إلى 4 سنوات إن اكثرت لا وتحصل على روب جامعي مجانا علشان تصور فيه يا خريج ياجامعي(طبعا مع إحترامي الشديد هذا لا ينطبق على الخريجين الشرفاء الذين سهروا الليالي ليحصدوا على شهاداتهم بعرق جبينهم وياما أكثرهم ماشاءالله وحاصلين على مراكز ويخدمون الوطن من قلب) وهذي الكويت صل على النبي.
     
  9. المنصور

    المنصور بـترولـي خـاص أعضاء الشرف

    تمت الاجابه على استفساء صاحب الموضوع
     
جاري تحميل الصفحة...
حالة الموضوع:
مغلق

مشاركة هذه الصفحة