هل يتذمر المسؤول كما يتذمر العامل

والله العظيم عندناسوبرفايزر شغلته كل يوم صبح يجي حق الشفت ويتذمر ويتحلطم ماندري على شنو

 

السلام عليكم

أذا كان له حق اكيد بيطالب بحقة سواء عامل او مسؤول وهل المسؤول عايش بنعيم؟؟ والعامل أو الموظف بجحيم والعياذ بالله ؟؟؟

 

مهما كان وضعك بالشركة لازم تكون عندك مشاكل تتذمر منها إذا حتى الوزراء بالديره عندهم مشاكل شلون بمن هم ادنى منهم؟

 

شي طبيعي مايبيله كلام

 

اكيد عندهم مشاكل مثل العامل

بس اخف مننا لانه بحكم منصبه وعلاقاته اموره تكون اسهل وميسره

الا لو يبي شي فوق المعقول


اما العامل مسكين يدور واسطه عشان يطلع اجازه وواسطه عشان التقييم وواسطه عشان يستلم بلسوت وسيفتي عزكم الله


وايد اتحلطم انا مو

 

ردآ على سآلك أخوي المسؤولين بدون إستثناء تدري متى يتذمرون إذا طلعوا من الخدمة ، لأنهم وهم على رأس عملهم مايقدرون يتكلمون لأن أي كلمة محسوبة عليهم والرد يكون قاسي مثال ليش ماتستقيل مدام مو عاجبك لكن إذاطلع من الخدمة يطلع خماشير الامة كلهم ، وهذا من واقع تجربتي الشخصية لما لي علاقة مع مسؤولين سابقين ، وهذا ينطبق على الجميع مو بس الشركة الوزراء أعضاء المجلس والعموم .

 

انا اتفق معاك 1000 %

الله يكون في عون الموظفين

 

صراحه يتحلطمون وانا ما ألوومهم خصوصا التيم ليدر - ترا التيم ليدريه يكسرون الخاطر - مالهم اي شي ولا اوفر تايم مع انه احيانا يشتغلون للساعه 6 اجتماعات ما اجتماعات - غير عوار راس الموظفين ومتابعه الشغل والخطط المستقبليه والميزانيات - التيم ليدر صعبه يزرق لانه وراه منجر ودي ام دي - واخر السنه يعطونه بونص ما يتعدا 3000 -

صراحه دايم اشوفهم يتحلطمون - مساكين

الله يعين الجميع

 

الكل يتذمر مسؤل وموظف

 

المسئولين يتضمرون نعم فهم بشر ويصيبهم ما يصيب غيرهم من ظلم يقع ولكن ليس الكل منهم فهناك من له بالدائره خدم وحشم وجواسيس ويتذمر أذا اخذ موظف مو محسوب عليه ترقيه او اعمال ممتازه بالغلط وهناك من تجده ظالم يشخط وينخط بالجميع مو عاجبه أحد والعيب ليس به بل بمن أعطاه المدى ليتمادى عليه وهناك من المسئولين من يستند على الأداره العليا ودوامه الله بالخير وفوق شينه قوات عينه يقيم الموظفين وهو ما يعرف حتى اساميهم وهناك من المسئولين من يخاف الله سبحانه وتعالى ويراعي الجميع لأنه يعلم بأن المناصب لاتدوم وهؤلاء وأن وجدو فهم للأسف قله وهناك بعض المسائيل عنصريين ولديهم ميول عنصريه سواء كانت قبليه طائفيه عائليه وهم كثره للأسف لا يقيمون الموظف على عمله بل انتمائاته وهذه طامه كبرى وتناسو كل هؤلاء المسائيل بأنه سيأتي اليوم الذي تغرب شمسهم سواء بالموت أو المرض سيقال لي لماذا لم تذكر التقاعد سأرد عليه بأنه ليس موجود في قاموس بعض المسائيل فهم يعشعشون على الكراسي أكثر من خمسين سنه ويتمنى أن يصل للمئه ومنهم من عاصر الديناصورات ولكن عزائنا بالشرفاء الطيبين من المسئولين الذين يخافون الله بالموظفين وعسى الله يزيدهم ودمتم

 

الظاهر ما سمعت اغنيه والله فاضي

لعبد المجيد


عزيزي:

محد عن عمره راضي والله فاضي

 

انا عمري ما تحلطمت ولله الحمد

عشان كذه محد تجرأ وتحلطم جدامي


بس على فكره ما سمعت هالأغنيه (( ايه الحكايه ))

حلوه !!!

 

وضح لنا عن اي مسئول تتكلم!؟ في مسئولين صج وفيه مسئولين نص ونص. يعني الزبده من أي قريد- عطنا المسمى الوظيفي.

انا في نظري المسئول هو السيركيولار اببوينتيد - يعني تيم ليدر وفوق!؟ وصراحه بين بعض يتذمرون حيل لانه حالتهم كسيفه - العمال ما خللولهم شي.

اذكر مره كنت بين تيم ليدريه وقاط الاذن يعني ما ادري - سمعت واحد فيهم يتحلطم يقول شلون حليمه بولند في حفل يوم الاحمدي الرياضي 2007 يعطونها 3000 في ساعتين واحنا نكرف طول السنه ونوفر ومسئوليات وبونس واحد يعطونا وزين يوصل لل 3000 !!؟ شفتو شلون مسئولينا يتحلطون وااله قهر