نداء للعاملين شرفاء الامانة

الكاتب : بطرس الاصغر | المشاهدات : 1,536 | الردود : 19 | ‏6 يونيو 2009
  1. بطرس الاصغر

    بطرس الاصغر بـترولـي جـديـد

    43
    0
    0
    نيداء نيداء نيداء الي جميع العاملين في شركة نفط الكويت نسف اعضاء مجلس ادارة النقابة التابعين الي ادارة شركة نفط الكويت .
    لانهم لم يعملو اي انجاز من بداية توليهم النقابة بل انجزو لادارة الشركة و كثرة السفريات و معاملاتهم الخاصة لهم
    حيث ان قضايا العمال في مهب الريح لان اكثر شكاوي العاملين في ادراج المدراء و العلاقات الصناعية و هاذا اتفاق بين الجهتين لاهمال الشكاوي علما بانة توجد لديهم شكاوي من كذا دائرة من السنه الماضية لم يتم الرد عليها من العلاقات الصناعية الي يومنا هاذا .
    لذالك علي جميع العاملين الغيورين علي بيت العمال والمكتسبات ان يتخذون القرار الصائب لمنع اعضاء المجلس الحالي من دخول بيت العمال والتحرك لاختيار الافضل لحماية حقوق العاملين في جميع المجالات .
    علما بان المتبقي من دورة المجلس الحالي 6 شهور الله ام بلغت الله ام اشهد




    وشكرا لجميع العاملين شرفاء الامانة
     
  2. نفطاوي

    نفطاوي بـترولـي جـديـد

    14
    0
    0
    اذكر المشاكل جزاك الله خير
     
  3. بطرس الاصغر

    بطرس الاصغر بـترولـي جـديـد

    43
    0
    0
    ارجع الي الصادر في النقابة وانت تعرف الشكاوي جزاك الله خير
     
  4. naser

    naser بـترولـي نشيط

    92
    0
    0
    انا اشوف بعض الشكاوي توصل

    انا اشوف بعض الشكاوي توصل من النقابة عن طريق الغلاقات الصناعية
     
  5. AD-01

    AD-01 بـترولـي خـاص

    1,040
    2
    38
    اترك عنك سلق البيض وكلامك اللى ماخوذ خيره

    عطنا شكوى جاتهم واهملوها وحنا انحاسبهم

    وبعدين شنو هذى الشكوى اللى ما يتابعونها اهلها مع النقابة ويهملونها ؟!!

    انا سمعت بشكوى المختبر وشكوى الانتاج وشكوى الهندسه وشكوى المستشفى وشكوى الموظفين المتدربين اللى ما استلموا بدل طبيعة عمل وحتى الحفر ربعك (ما قدموا شكوى) وقامت فيهم النقابة ودعتهم لحل مشاكلهم من طرفها، والحين عندهم شكوى الموظفين الجدد اللى ما قيموهم

    اخوي انا قريب من النقابة والله يبيض وجيههم ... واذا عندك شي هاته
     
  6. المطيريkoc

    المطيريkoc بـترولـي نشيط

    60
    0
    0
    مسالخير :

    بصراحه انا توني متعين جديد واول انصدام صار مع النقابه سالفه مشاركه النجاح اللي نزلت لكل الشركات الا شركه نفط الكويت وازيدكم من الشعر بيت نزلت حق بس 4 موظفين والنقابه تدري وانا تكلمت معاهم تدرون شنو قالولي جيبلي اساميهم ؟!!! للاسف عذر اقبح من ذنب اذا يبوني اجيب الاسامي عجل شنو دورهم في تقصي المعلومه بصراحه عموم المتعينين الجدد مستائين من النقابه السالفه مو سالفه فلوس السالفه انه اشمعنا ال4 موظفين عطوهم من بد 350 موظف والله شي يحر

    ولا تدرون شنو الطامه الكبرى انه رئيس نقابه عمال الكويت يصرح بالجرايد يطالب بحقوق عمال الخفجي على نفس الموضوع ويطالب الشركه شلون مافي مساواه انه عمال الخفجي ماخذوا المشاركه وعمال الكويت بجميع الشركات اخذوا . .والله انا لو رئيس نقابه استحي اقول هالحجي لانه مافي اي مصداقيه وهالشي يدلك على ضعف النقابه


    ولكم مني جزيل الشكر
     
  7. AD-01

    AD-01 بـترولـي خـاص

    1,040
    2
    38

    علشان عين تكرم الف عين

    هم سالتهم عن موضوعكم وقالوا مافي احد من الموظفين الجدد اللي تعينوا شهر 12 اخذ مشاركة النجاح والكشف موجود في النقابة ...

    اذا عندك 4 اسامي دزهم لي على الخاص وافضل انك تسأل عن الزعبي أو الكندري أو بولافي في النقابة ..

    ولو اني متأكد انك ما راح تجيب حتى اسم واحد من الدفعه الجديده .. فلا تتعبنا معاك وتصير نفس خويك بطرس الاصغر راعي الموضوع :)
     
  8. صريع النقرور

    صريع النقرور بـترولـي نشيط جدا

    152
    0
    16
    الله ام بلغت الله ام اشهد
    ؟؟؟؟؟؟؟؟
     
  9. المطيريkoc

    المطيريkoc بـترولـي نشيط

    60
    0
    0
    صباح الخير لك اخوي العزيز:

    الظاهر انت عبالك انه في عداوه بيني وبين النقابه انا الحمدلله مالي عداوات ولا ادور العداوات بس انا متعين جديد وعلى فكره الاسامي الاربع اللي قتللك عنهم هالمعلومه قالها لي اعضاء النقابه مو من عندي جبتها ولما سالت عرفت انه احد عيال الdmdبس الظاهر نقابتنا ماتقدر عليه يمكن بينهم مصالح .

    اعيد واكرر انا مالي اي خلاف او عداوه مع احد بس انا شفت شي يحر القلب ليش احنا من بد الشركات الثانيه مهضوم حقنا ولو انت بمكاني جان مادافعت عن النقابه وبالعكس انا لو شايف تحرك منهم ملموس عالاقل لو تصريح بالجرايد قلت كثر الله خيرهم وماقصروا سووا اللي عليهم بس اشوفهم ساكتين ويقولون انشالله بناخذ حقكم وهذا وجه الضيف ماشفنا شي والله شي يحر.
    وكنت اتمنى مع احترامي وتقديري لشخصك الكريم انه اللي يدافع عن النقابه ويبرر موقفهم اي احد من اعضاء النقابه مو احد غيرهم.
    وشكرا للجميع
     
  10. AD-01

    AD-01 بـترولـي خـاص

    1,040
    2
    38
    لا يا اخوي حتى لو كنت تعاديهم عادهم محد يمنعك بس لا تكذب وتفتري عينك عينك :)


    شوف كلامك المتناقض بالمشاركتين اللي بالاحمر :

    تقول ان عندك 4 اسامي وبلغت النقابة فيهم وقالوالك النقابه عطنا اياها احنا ما انعرفهم ( هذا كلامك بمشاركتك الاولى) والحين تقول ان اللى قالك عن الاسامي الاربعه واحد من اعضاء النقابة وطلع ولد dmd والنقابة لها مصالح معاه!!! (هذا كلامك بالمشاركة الثانية) يبيلك تمرين حتى ترقيع ما تعرف ترقع :)

    انا سالت امس الشباب في النقابة وبلغتك بمشاركتي السابقة انه مافي احد من دفعة شهر 12 استلم المكافاة لا بشركتنا ولا باي شركة ثانية والكشف موجود في النقابة.

    وعلى طاري تحركهم .. مو لازم تشوفه حضرتك لانه في شباب من دفعتك جوو النقابة وقدموا شكوى لموضوع المشاركه في النجاح مع 100 توقيع والنقابة قابلت رئيس الشركه اليوم علشانهم (هذا خبر طازة لك )


    شغله ثالثه ومهمه حيل اعضاء النقابة تلقاهم في النقابة ، ما تلقاهم في المنتدى

    اكرر واقولك .. عطني اسم احد من ربعك استلم او اسم واحد في شركة ثانية استلم او اعطني اسم ولد الdmd اللى عرفت انه استلم مكافاة النجاح برسالة عالخاص ( اذا انت صاج ) وانا ابشرك ان دفعتك كلها مافيها احد يصيرله dmd;)

    بس تعجبني وانت تسوى روحك محتر ومنبطه كبدك ومتضايق من نقابتنا :D


    تعلم شغلك واحرص على الدوام ولا حق على الفلوس ... الطريق قدامك طويل
     
  11. المطيريkoc

    المطيريkoc بـترولـي نشيط

    60
    0
    0
    صباح الخير:
    انا لو ادري هذا اسلوبك جان مافتحت الموضوع ***** وتقول منبطه جبدك وداوم على قوله المثل اذا اتتك مسبتي من جاهل فتللك شهاده اني كامل
    شي ثاني كلامي مو متناقض انا قلت بالاول انه النقابه قالولي انه في 4 موظفين بس ماخذين وانا بعدين تاكدت
    ويا محامي النقابه اتحدى اي واحد بالنقابه يقولي انه مافي احد من الشركات الثانيه او 4 موظفين بالشركه ماخذين المشاركه وانا ماراح اعطيك الاسامي لما احد من النقابه يرد علي راح اعطيه الاسامي

    والنقاش معاك عقيم لانه ماراح يفيد ولايجيب نتيجه وحط ببالك الفلوس ماتعز الانسان وعلى فكره انا كنت موظف في شركه راتبها اعلى من راتبي ب600دك ولو هامتني الفلوس جان قعدت بوظيفتي السابقه بس اللي يحر انك تشوف حقك محد قادر ياخذه للك
     
  12. مهاجم صريح

    مهاجم صريح بـترولـي جـديـد

    27
    0
    0
    طولتـوا الموضوع على الفـاضي ..

    خلاصـة السـالفه أنا واحد من الناس ماراح أصوت لهالنقـابه .. معا العلم أ،ي موظف قديم ونزلي مشاركة نجاح وبينزل لي إنشالله أنسنتف ومالهم طبعاً أي جميل بالموضوع .. ولاكـن حـرام تكون هذي نقابتـنا .
     
  13. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    يا إخواني الاعزاء ،

    تحاوروا بالمنطق و الهدوء و الدليل ،
     
  14. AD-01

    AD-01 بـترولـي خـاص

    1,040
    2
    38
    الاخوة المشرفين ..


    يعطيكم العافيه على حذف هالكم مشاركه


    كلامي باختصار يا يجيب الاسماء .. يا يكرمنا بسكوته ولا يتبلى على خلق الله ( مو اكثر )
     
  15. ALQAYSER

    ALQAYSER بـترولـي نشيط جدا

    189
    0
    16
    ياشباب ماله داعي كل هالكلام (المطيري) ياليت كنت داخل عليه بالخاص ومعطيه الاسماء طبعا لو كانت عندك

    ومااعتقد احد من اعضاء النقابة يقدر يقول هالكلام وهم اكبر من هالشي مو دفاعا عنهم ولا اقولك اذكر اسم العضو

    اللي قالك هالكلام .........وشكرا تقبل كلامي بصدر رحب
     
  16. المطيريkoc

    المطيريkoc بـترولـي نشيط

    60
    0
    0
    صبحك الله بالخير:

    انا بصكر الموضوع وماراح افتحه واتمنى انه محد يلومني وانا اقسم بالله مابيني وبين احد شي وانا ماتوقعت انه الموضوع يكبر ويوصل الكلام لمرحله التجريح والسموحه من الكل اذا طلع مني كلمه من غير قصد او فهمها غلط

    وانا ماحبيت اعطيه الاسامي لانها اسامي ناس اعرفها ومابي افضح اساميها بس انا قصدي انه النقابه تتقصى المعلومه وتبحث وهم انا ربعي بشركات الثانيه ووروني المشاركه اللي نزلت برصيدهم تقريبا395د.ك بشركه نفط الخليج بالخصوص
    عالعموم السموحه من الكل واشكرك اخوي على طرحك الراقي وبالعكس انا صدر رحب واتحمل كل شي

    وبالتوفيق للكل
     
  17. بطرس الاصغر

    بطرس الاصغر بـترولـي جـديـد

    43
    0
    0
    الي البترولي النشط جدا
    انت في وادي والعالم في وادي انت واحد منهم وتدافع عنهم
    لاكن ارجع الي العلاقات الصناعية واسال عن الكتب المتاخرة وبعدين وبعدين تكلم يالحبيب
     
  18. AD-01

    AD-01 بـترولـي خـاص

    1,040
    2
    38
    اخ نيداء نيداء

    ( اتمنى تكون روحك رياضيه نفس بعض المشرفين :p )

    محد قاعد بعالم ثاني غيرك .. اكيد بدافع عنهم لاني شايف شغلهم وقاعدين يدزون كتبي للعلاقات الصناعية ويشربوني شاي ويسولفون معاي كل يوم صبح وليل اذا جيت وقعدت .. اللهم لك الحمد لا دوام ولا شي دوامي مفلتيني ومعطيني جيب بعد ادوج فيه .. جعلك تصير نفسي ;)


    نرجع لموضوعك المرح

    انا من باب اللقافة نشدت عن سالفتك وقلت للربع ان في واحد بالمنتدى دايما يكتب عن مواضيع مجموعة الحفر والفلوس وساعات العمل و البدلات وانه يستلم بدل مبيت 369 فلس يقول ان شكاويكم متكدسه وانكم متحالفين مع مادري منو علشان ماتمشي شكاوي العمال الا بمقابل من ادارة الشركة !! وكان رد الربع مافي شكاوي متأخرة واذا في شي فابواب النقابة مفتوحه لأهل الشكاوي .. فلا تألف كلام الله يرحملي والديك

    انت عندك شكوى واقفه غير شكاويك اللي تقدمها في النقابة مالت الحفر ؟؟

    احد يرفع شكوى بالنقابه يطالب الادارة بنص مليون دينار اوفر تايم ؟ لو تشتكي بمجلس الامه يقضبونك الباب الله يصلحك

    لاكن(خليتني اكتبها بدلية .. كله منك) شكاوي الناس العادية ماتعطلت والعلاقات الصناعية ماعندها شي واقف

    اذا عندك شي تعرف انه واقف دزه لي بالخاص وانا اسال الشباب بالنيابه عنك ولا تستحي افا عليك:)


    نصيحه : راجع الاملائيات بكلامك قبل ما تكتبه بالمنتدى ترا نفسيتي تعبت وانا اقرا مواضيعك :d
     
  19. نفطاوي

    نفطاوي بـترولـي جـديـد

    14
    0
    0
    يا جماعه طولو بالكم شوي الاخوان اللي يدافعون عن النقابه انتو اعضاء فيها والاخوان اللي يتشكوون المفروص ما تردون عليهم نطرو احد من النقابه يكلمك وجزاكم الله خيلا عشان المشاكل نكون بعيدين عنها وتعم الفايده على الكل
     
  20. نفطاوي

    نفطاوي بـترولـي جـديـد

    14
    0
    0
جاري تحميل الصفحة...

مشاركة هذه الصفحة