معركة المتدربين (مشغل حقل) مع الاجانب .. والرابح .!

الكاتب : Laankom | المشاهدات : 623 | الردود : 3 | ‏3 يونيو 2009
  1. Laankom

    Laankom بـترولـي جـديـد

    السلام عليكم ورحمة الله وبركاته

    جرت العاده ان الامريكان ومن على شاكلتهم في الشركه ان ياخذو راحتهم اذا الموضوع فيه فلوس ..


    زبدة الموضوع اني متدرب انجليزي الان في الاحمدي ..

    من بداية الكورسين والكل حاسب حسابه ومرتب اموره عشان يسنع اوراق استقالته من دوامه القديم ..

    او لاصار عنده ظروف ..

    هذاك قبل ..

    اللحين عموم الدوره عليهم انذارات و80% انذار ثالث ..


    في طالب بالكلاس معي .. غايب اول مره يوم واحد بس .. ثاني يوم وقعوه على انذار

    اي شذنبه يمكن فيه شي ..

    لا والمشكله ان الغياب يحسب على اثر رجعي ..


    والاجنبي اللي يوقع الطلبه على الانذارات وجهه ودر الله لايوفقه .. ويهدد ..

    قهر قسم بالله ..

    وانا من الناس اللي عليهم انذار ثالث ..

    رحنا اليوم للـ ptc عشان نبي نقابل ام تركي .. وللاسف ممنوع الدخول ومش موجوده ..

    شالحل ..

    النقابه مانبي ندخلها بالموضوع ..

    عطوني حل خايف من الفصل
     
  2. المنصور

    المنصور بـترولـي خـاص أعضاء الشرف

    اهم يعطون المتدربين مجموعة اوراق واهي عبارة عن قوانين الحضور والغياب

    والغياب ممكن انه ينشال في حاله وحده بس واهي دخولك المستشفى

    ولازم تعطيهم ورقة رسمية من المستشفى تفيد بدخولك بسبب المرض او العلاج


    اخي الكريم

    الدوام والدورة تبي إلتزام

    لأن التأخير او الغياب يأثرون على درجاتك كـ متدرب

    انسى مرحلة الدراسة (ابتدائية ، متوسطة ، ثانوية ،معهد/جامعة)
     
  3. bdr_q8

    bdr_q8 بـترولـي جـديـد

    14
    0
    0
    لاهنت على نقل الموضوع
    وحبيت ارد على الاخ
    حنا فعلن وقعنا على اوراق من ظمنها لائحت الجزاءات والعقوبات
    ولاكن الي حصل انه في بدايت الكورس الثاني بالاسبوع الاول ومثل ماكانو متعودين المنتسبين على الكورس الاول
    كان يوصل المت للغياب الى خمس ايام
    وبعد التعديل بالاسبوع الثاني كل ثلاث ساعات بأنذار واليوم الواحد فيه اربع ساعات
    وكل الامور هاذي صارت بدون علم المنتسبين ولا تم ابلاغانا من المعنيين بالامر
    وسألت احد المسؤولين مع اخوي لانكوم وقال مابلغونا الشركه عشان نبلغكم والرجال عدا الحق وماقصر الله يطول بعمره
    وانشالله وكلنا امل انه ينتج شي بما انهم اليوم وعلى كلام المسؤولين عندنا انه مساعد الموارد البشريه طلب بجتماع بعد ماسويت كتاب يشرح الوضع وجمعت انا واخوي لانكوم عدت تواقيع من الطلبه الحاصلين على انذارات
    وانشالله يتم التعديل بالوائح الجزائيه
    واتمنى انه اي شخص موجود بالمنتدى وبيده شي مايبخل على اخوانه المنتسبين لدورة مشغلي حقل
    ولكم مني جزيل الشكر
     
  4. aL- raSy

    aL- raSy إدارة المنتدى

    2,714
    0
    36

    موضوع الالتزام بالدوام هذا امر ما يختلف عليه 2 لكن للأسف هناك قوانين غير مقنعه وظالمه ومافيها اي شي يعبّر عن الالتزام في العمل...
    مثال: واحد مريض وحرارته عاليه شي طبيعي انه ما يقدر يداوم وايضا المستشفى مو اي حاله يدخلونها، شنو راح يسوي هالمتدرب.. ما اقول إلا عسى الله يعينكم
     

مشاركة هذه الصفحة