ظاهرة بلشت قبل كم سنة

الكاتب : Q8_oil | المشاهدات : 1,866 | الردود : 15 | ‏30 مايو 2009
  1. Q8_oil

    Q8_oil بـترولـي خـاص

    1,387
    0
    0
    صبحكم الله بالخير

    شي غريب صرت أسمعه من الشباب إللي صارلهم متوظفين تقريبا سنتين او أقل

    وايد ناس أعرفهم أول ما طلع فبولهم بالنفط عطوهم طاف و الثانيين توظفوا و بعد أقل من سنة و نص إطلعوا من القطاع على قولتهم دق و المعاش مو ذاك الزود !

    يمكن عشان الوزارات جتهم زيادات 120 و 50 مادري كم مرة فصار ماكو فرق كبير بالمقارنة مع عدد ساعات العمل و المسئولية و الدرب !!

    بصراحة مادري
     
  2. brilliant

    brilliant المـراقب الـعـام

    8,477
    0
    0
    Engineer
    Kuwait
    اغلب العزوف الي يصير باسباب ماديه مو من الكرف لو كان القطاع النفطي يجذب الكوادر الكويتيه باغراءات ماديه ماصار هالعزوف وظلت الكوادر الي كانت اطور القطاع وصار الوظع احسن بكثير من الحالي

    لكن من الي يفهم بان هالاغراء البسيط مايسوى تطوير كبير وعائد اكبر من الي يخسرونه
     
  3. .KNPC

    .KNPC بـترولـي نشيط

    57
    0
    0
    انا اشوف الشباب بالقطاع النفطي وايد يتحلطمون ذياده عن اللزوم كل مزايا زينه والحمدالله واحسن من الي بالقطاع الحكومي بس لو يردون 70 أو عالاقل يقصرون مدة الدوام من 8 ساعات لي 7 ساعات ولا كل الاموره طيبه والحمدالله على كل شي
     
  4. Q8_oil

    Q8_oil بـترولـي خـاص

    1,387
    0
    0
    و الله أوافقك الراي
     
  5. مرقدوش

    مرقدوش موقوف

    20
    0
    0
    ساعات الدوام زياده عن اللزوم مالة داعي 9 ساعات من 7-3 وايييييييييييييييد الواحد يكره عمره
    التجاوزات والظلم في النفط وسالفه حبني واحبك وكل مدير علباله هذي شركة ابوه اللي يابه
    والبونصات حق نفس الناس كل سنه

    والمردود المادي حق حديثي التخرج مايسوى
    بالوزارة احسن ودوام اريح
    عالاقل ماكو حكرة نفس النفط لو كان الراتب اقل بس سايبه
     
  6. عبدالله

    عبدالله بـترولـي نشيط

    110
    0
    0
    Q8
    واللي دوامه 12 ساعه ؟؟!! عيل شسوي؟؟
     
  7. .KNPC

    .KNPC بـترولـي نشيط

    57
    0
    0
    واللله جان زين الاتحاد او النقابات يتحركون وطالبون يخلون ساعات الدوام 7 ساعات عالاقل ولا الامور الماديه والمزايا حمدالله زينه
     
  8. زهرة التوليب

    زهرة التوليب بـترولـي خـاص

    السبب واضح
    ان الحكومه رواتبهم ما تفرق على رواتبنا الىا بشي بسيط
    وغير جذي دوامهم اقل منا
    وبرمضان 4 ساعات
    وغير العرضي اللي يقدرون ياخذنه بأي وقت

    بس الحمدالله على كل حال هم النفط فيه مزايا حلوه
    مثل مشاركة النجاح وتذاكر السفر
     
  9. Q8y

    Q8y بـترولـي جـديـد

    44
    0
    0
    شعب التحلطم

    اللي مو عاجبته الوظيفة يطلع ويروح الوزارات ماكو دوام واجازات على كيف كيفك
     
  10. الدوسري

    الدوسري بـترولـي نشيط جدا

    248
    0
    0
    السلام عليكم ......

    بإختصار شديد الحمدلله ديرتنا الكويت .. موفره الوظايف الي شهادته متوسطه ودبلوم 9 شهور من معهد خاص يلقاله وضيفه وراتب مايقل عن 550 الحمدلله نعمه

    وموظفين القطاع النفطي ما اعتقد في احد صارله خدمه سنه وفوق وراتبه اقل من 1000 + تذاكر إلخ إلخ إلخ انتو عارفين

    بالعكس الشركه مو مقصره كبدلات والراتب قوي وعلى قولة المثل الي مو عاجبووش مايلزمووش ... وفي وظايف غير هالقطاع النفطي اذا مو عاجبكم ... والي يقول القطاع النفطي مايعطينا حقنا وغير هالكلام ... مو صحيح بالعكس
    دامك تقول تعب ومو معطيك حقك .. روح توظفلك باحد هالوزارات دبلوم تستلم 700 ... علشان تحس بقيمة الوظيفه الي كنت فيها


    واكبر دليل دشو منتدى التوظيف وشوفو هالعالم .. الي تبي القطاع النفطي .. واكثرهم العسااكر الي رواتبهم اقوى من المدنيين
    اتمنى محد يفهم اني ادافع عن الشركه لاكن هذا كلام الحق ومحد يزعل من الحق
     
  11. مرقدوش

    مرقدوش موقوف

    20
    0
    0
    الدوسري اسمح لي كلامك مو صحيح ولا يمت لواقع النفط بصله
    اولا:

    انا دبلوم وراتبي ماوصل 800 وصار لي اكثر من 3 سنين بالبترول

    ثانيا:
    رواتب اللي تخرجوا وياي بالبطاقة المدنية وجامعة الكويت اعلى مني بما لا يقل عن 70 دينار

    ثالثا:
    التذاكر مو كل سنه والله ومشاركة النجاح عقود الخدمات ياخذون اكثر مني انا الكويتي
    انا الاساسي لوكان 200 اخذ 400
    عقود الخدمات الهنو د والفلسطينين الراتب 500 ياخذون 1000

    اللي مستفيدين اللي متخرجين ثانوية ودشوا دورات البترول اي رواتبهم عاليه حول 1000 علا قولتك واكثرهم باوسكو بس المعهد التجاري مظلومين بالنفط
    خنكون واقعيين البترول مو احسن مكان
    واللي يقول اللي مو عاجبه يطلع
    اللي يسمعك يقول هذي مدينه الحرير والوظايف مقططة طب وتخير :confused:

    اكي الواحد يحمد ربه لكن البترول مو احسن مكان بالكويت بالعكس من اسوأ الاماكن :mad:
    كافي الواسطات ولوعة الجبد

    الحمدلله على كل حال

    كلمه وحده قلتها شبه صح ان بالوزارة دبلوم وتستلم اكثر من 750
    و بالبترول دبلوم واستلم 700 بس عالاقل بالوزارة مو كراف وتزرق والدوام راحه واستجمام

    اصلا لا قلت حق الربع انه هالكثر راتبي محد يصدقني
    حالنا حال السكرتارية اللي متخرجين من دورة النفط

    واللي مو عاجبوش مايلزموش ماتنقال للوظيفه الوظيفه حاجه لكثير من الناس وهذا مو غداء بيتنا ماعجبني مسوييين مجبوس ماعجبني رحت طلبت من برجر كنج:rolleyes:
    واخيرا وليس اخرا لا تنسى ان العمل عبادة والعبادة من الامور الواجبه
     
  12. PIANO

    PIANO بـترولـي مميز

    803
    0
    16
    عضو مجلس الشعب
    sweet KUWAIT
    تبقى أسباب العزوف فردية .. من شخص إلى آخر !

    لا أعتقد إن السبب الرئيسي هو المادّة ..

    احنا عاد لا نحسس العالم إن البترول راوتبهم نفس ناسا !!!

    مو لي هالدرجة ..

    المبالغة مرفوضة !

    والشباب أدرى بهمومهم ومشاكلهم ..

    لا داعي لأن نفتي بهموم لم نشعرها .. لأن زمن الشباب غير .. ووقت مضى شيء آخر ! كل مرحلة ولها مميزاتها وسلبياتها ..


    شكرا
     
  13. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    يا أعزاء ، نرجع لموضوع النقاش و هو سبب عزوف الشباب عن العمل بالقطاع النفطي

    قد يكون أحد الأسباب ، هو تعود بعض الشباب على الراحة في فترة قبل الوظيفة و هذا

    يجعلهم يلاقوا صعوبة في تحمل الآلات و المعدات و الجو القاسي

    و سبب آخر هو عدم تحمل تلقي الأوامر من الموظفين الأقدم و مرؤوسيهم .
     
  14. حلوه منك ياللي تقول اللي مو عاجبه خل يقدم استقاله. البترول مستقبله قوي بس الحاضر ضعيف الصراحه

    بس اعطيك مقياس واحد فقط ونقيس عليه...الدوام 8 ساعات .متى تقوم من النوم ومتى ترد البيت؟ تقوم 6 و ترد 4....ونظام وقوانين وحركات تبط الجبد.

    الموظف بالنفط ما راح يطلع لان مستقبله بالنفط احسن من الوزاره...بس هم يستحق انه يكون معاشه اعلى من معاشات الوزاره على الاقل ب200 300 دينار. خصوصاً ان هالجهه قاعده تجيب فلوس للدوله.

    والا تبي موظف الوزاره يستلم نفس موظف البترول؟ ياللي تقول اللي قدمو استقاله؟


    اما بخصوص اللي يداوم 12 ساعه..لو تحسبها انت تداوم بلشهر 15 يوم بس...ولعلمك مشغلين الحقول يتمنون دوامهم يكون مثل دوامك..وانت تدري ان دوامك حد الراحه وتلفزيون وقعده...ماله داعي تفتح عيون الناس عليك
     
  15. Failakawe

    Failakawe بـترولـي نشيط

    96
    0
    0
    والله انا اشوف اسباب العزوف اهي الرواتب .. بعدين لو تحسبونها ياجماعه موظف النفط المتزوج مثلا حاله حال اللي بالوزاره

    بس اللي بالوزاره مرتاح دوامه 4 ساعات ومو مضغوط بالشغل .. وانا اقول المعاش هني نفس هني لانه بدل الايجار مايمشي حق اللي بالنفط يعني لو معاشك بالنفط دبلوم 740 + 15 مالت الرعاية السكنية + 80 زوجية = 835
    بالوزارة لو معاشك 700 + 150 بدل ايجار + 120 زوجية = 970

    شوغوا الفرق شكثر يعني

    انا اعرف ناس متزوجين وعندهم عيال بالنفط معاشاتهم بعد الاستقطاعات ليلحين ماوصلت 900

    وين العدل ؟؟؟؟؟؟؟؟ واحد متزوج وعنده ولد وعنده بيت معاشه ماوصل 900 ؟؟؟ وماتبون فيه عزوف بعد

    مانقول الا الله كريم وان شاء الله احد يتحرك ويشوف الكادر المنقوص او يشيلون بدل السكن من ضمن الراتب ويخلونه حالنا حال الوزارات بالبدلات
     
  16. sporty196

    sporty196 بـترولـي نشيط

    105
    0
    0
    انا اعترف انه لو رجع فيني الزمن ما اختار القطاع النفطي و بالاخص العمليات و الحقول (هندسة) لانه تعب و ضغط نفسي رهيب و المقابل المادي ما يسوى .... لا احد يتفلسف و يقولي استقيل و روح الحكومة لان مالي خلق ادور واسطة ... و بعدين اللي صار له سنين بنفس المكان صعبة يهده لانه خلق لنفسه مكانة صعب يخلقها بمكان ثاني (يحتاج وقت)

    بس اللي صاير انه انا اقارن نفسي بزملائي من الدراسة و نظرائي (مهندسين) بالقطاع الخاص النفطي و الحكومة وضعهم افضل بكثير

    الحكومة = معاش اقل (بنسبة 10-40% مو اكثر في الوقت الحالي و بعد الزيادات الاخيرة و شمول البونص بمهندسي الحكومة) و لكن وقت فراغ اكثر (4 ساعات اقل باليوم) تعطيك الفرصة انك تمارس انشطة اخرى او تقضيها مع عائلتك

    الخاص = نفس الساعات و التعب و الضغط مع حوافز اكثر بكثير (في زملاء حققوا طموحاتهم من بيت او ارض )

    و بالنهاية انا اقول انه وضعي اعلى من الجيد و لله الحمد و لكن اقارن نفسي بناس افضل مني فقط (و لا اقارن نفسي بمن هم اسوأ)
     
جاري تحميل الصفحة...

مشاركة هذه الصفحة