يــا جماعه فززعتكم .......... عضو جديد

الكاتب : ali5225 | المشاهدات : 2,053 | الردود : 10 | ‏26 مايو 2009
  1. ali5225

    ali5225 بـترولـي جـديـد

    12
    0
    0
    السلام عليكم ورحمة الله وبرررركاته . وشكرا شكرا لجميع العاملين بهذا المنتدى اقل ما يقال عنه أنه رائع

    يا جماعه انا كويتي معاي شهاده رابعه ثنوي علمي وسمعت انه النفط فيه وظايف

    هل يقبلوني بشهادتي الثانويه ؟ وشنو الوظيفه ؟ وكم تقريبا الراتب وشلونن الدوامات

    لأني صررراحه ما أعرف أحد بالنفط ومالي ألأ الله أونتم

    وجزاكم الله خير مقدما واتمنى أنكم تفيدووني أخووكم / علي
     
  2. الشكوىى لله

    الشكوىى لله بـترولـي مميز

    773
    0
    16
    القطاَع النفطي الخاص
    الكويت
    عليكم السلام ..

    1. كويتي
    2. ثانـوية
    3. علمي
    4. الله الله

    عـندك أدارة العقود -- مقابل مستشفى الشركة !Koc!
    التسجيل أخر 6 الجاي .. وعـندك KNPC ~
    بس أللحين عـندهم اختبارات ومقابلات للتقديم الي طَاف
    وانطر التسجيل سواءا بالجرايد او منتداناَ اهني ..

    بنسبة للوظائف على حسب .
    Security , ........الخ
    والراتبُ لا يهمك أهم شيئ راحتك
    دعم العمال = بيعطيك 450 تقريباَ او اكثر
    عاد شوف كم بيعطونك الشركة المنتسب أليها
    نقول 450 + 450 = 900 د.ك <-- كمثال لا أكثر

    بالتوفيق يالغالي
     
  3. msa

    msa بـترولـي نشيط

    ربي يوفقك إنشالله أول شي ودي أنصحك تدش جامعه الكويت للهندسة والبترول وإذا معدلك أقل دش معهد التكنولوجيا بتصص إستكشاف أو تشغيل كلهم يودونك سيده القطاع النفطي لإحدى شركات مؤسسة البترول وإذا معدلك ماييب حتى معدل معهد التكنولوجيا أو بالعربي مالك خلق تكمل عند خيارين
    يا تدش وظايف القطاع النفطي لخريجين الثانويه مثل السيكيوريتي أو الإطفاء أو مشغل حقل وماكو غيرهم على شهادة ثانيوه وراتبهم من 750 إلى 850 دينار
    أو تدش عن طريق العقود من الشركات المقاولة الي لها عقود مبرمة مع مؤسسة البترول وشركاتها وميزه الشركات المقاولة عن شركات المؤسسة أنها تمشي دعم العمالة وبما أنك ثانويه فدعم العماله ينزلك 367 غير راتب الشركه المقاوله تقريبا 450 يعني ينزلك كامل 800 وكسور وإنشالله ماكون قصرت معاك
    والسلام عليكم
     
  4. ali5225

    ali5225 بـترولـي جـديـد

    12
    0
    0
    الله يعطيكم العافيه ما قصرتوووو

    بس يا جماعه شلون نظام العمل يعني الدوام شلون والدوام مدني ولا ببدله والتوظيف على طول اتوظف بالصيف
     
  5. ali5225

    ali5225 بـترولـي جـديـد

    12
    0
    0
    يعني يا جماعه قصدي اذا تقدمت لهم بالصيف هل يوظفوني على طوول

    وبعدين المكأفأة الأمتيازات والبونص تشمل الي معاهم ثانوويه

    وشنوو احلى قطاع نفطي اي شررركه وشلون نظام الدوام ؟ وابي المعاش تقررررريبا جم والله يعطيكم العافيه
     
  6. الشكوىى لله

    الشكوىى لله بـترولـي مميز

    773
    0
    16
    القطاَع النفطي الخاص
    الكويت
    ملاحظه ..
    بخصوص التوظيف على طول
    في ناَس مقدمه صارلهاَ سنه وسنتين !
    توهاً أللحين توظفت ولا للحينهم دورات :D

    المكاَفأت والامتيازات والبونص .. <-- اكيد او اخلي الجوابُ لأخواني :eek:

    عندك الـkoc ,knpc ,kgoc وكذا وحده
    فيه نظام شفتاَت على حسب دو1مك

    مثل ماقاَل اخوي الي بالرد الي قبلـي ..
    من 750 ل850 واكرر على حسبُ دوامك ووضعهـ
    طبعناً غير الـOverTime وهل سوالـف وصدقنيَ !!
    ان الله رزقك بوظيفة حلوه بالقطاع النفطيّ أعرف انها

    ( وظيفة العمر ) ,
    وفالك التوفيق يالغالي
     
  7. msa

    msa بـترولـي نشيط

    شوف ياخوي شهادة الثانوي في حين توظيفك بالقطاع النفطي الي تتبع مؤسسة البترول يوشركاتها تشملك جميع مميزات القطاع النفطي من بونص ومشاركة نجاح وتذاكر سفر و تأمين صحي يعني حالك حال الدبلوم والبكاليريوس وبالنسبه للشركات التى توظف على شهادة الثانويه في القطاع النفطي هم شركتين فقط شركة البترول الوطنية (knbc) والوظيفة مشغل حقل وشركة خدمات القطاع النفطي (ossc) رجل أمن أو إطفائي أما باقي الشركات مثل koc وpic وkpc وغيرها ما قامت توظف شهادة الثانويه صارت دبلوم بعد الثانويه وأنت صاعد بس من الممكن توظف بهالشركات في حاله نظام العقود والمقاولات
    ملاحظه شركات مقاولات النفط لا تشملها مميزات القطاع النفطي من بونص ومشاركه نجاح وتذاكر لأنها تعتر قطاع خاص وليس قطاع نفطي ولكن ميزتها الوحيدة أنها رواتبها أقوى شسوي من رواتب القطاع النفطي لأنها تشملها دعم العمالة أما شركات القطاع النفطي لاتشملها دعم العمالة ولكن فيه دراسات للمؤسسه أنهم يحطون بعض المميزات للمقاولين كتذاكر سفر وبونص وتأمين صحي وإنشالله خير
     
  8. ali5225

    ali5225 بـترولـي جـديـد

    12
    0
    0
    والله ما قصرتووو بيض الله وجيهكم بس يا جماعه واحد يقول تشملك الأمتيازات نت تذاكر وبونص وواحد يقول لا

    وثانيا : شلون نظام العقود لأني انا ما ابي رجل أمن ولا رجل إطفاء لاكن مكتب ومكيف يا سلام هذي احصلها بنظام العقود

    وبعدين يا جماعه لو اقدم بالصيف على طوول أتووظف لو في واسطه خفيفه ؟

    ورابعا : يا عسى الي يشوف الموضوع يا عساه يعررس
     
  9. msa

    msa بـترولـي نشيط

    التوظيف بالقطاع النفطي الي بالمؤسسه مثل ماقلتلك رجل أمن وأطفائي ومشغل حقل تشملها إمتيازات المؤسسه مثل الونص والتذاكر وغيرها بس إذا بغيت إداري ومكتب على شهاده ثانويه مالك إلا نظام العقود أوكي المعاش قوي تقريبا من 800 إلى 860 وزيادتك السنويه 30 بس أنسى المميزات الي بالقطاع النفطي مثل البونص والتذاكر ومشاركة النجاح وغيرها مع أنها فيها دراسه موضوع أن المؤسسه تبي تحط بعض المميزات لنظام العقود بس ماتدري كل واحد عنده حجي يمكن ماكو ولا ميزه إلا أنه راتبك قوي
    وعلى موضوع التقديم والله هذي حتى كبار موظفين شركات النفط ما يدرون متى التقديم يقولون راح يصير التقديم ثلاث مرات بالسنه تقديم حق توظيف حديثي التخرج وتقديم حق توظيف أصحاب الخبرة وتقديم حق عقود المقاولين ومن ناحيه الواسطه ممكن تييب 1000 واسطه وماتنقبل وممكن تدش من غير واسطه الي ربك كاتبه بيصير
    رابعا على الي يشوف الموضوع عساه يعرس أنا أقول تو الناس :) لاحقييين
     
  10. KuwaitA

    KuwaitA بـترولـي نشيط جدا

    242
    0
    0
    بس ولله هم الواسطه تفيد بصراحه يعني انا سمعت ناس ماخذت قريداتها الا بواسطه
     
  11. msa

    msa بـترولـي نشيط

    يعني عاجبك هالوضع أخوي
    شوووف العالم وين وصلت أحنا لي ألحين بزمن الواسطات والمحسوبيات خربوا البلد والناس الكفاءات شيسون أهم يشتغلون ويكدون وآخر شي ماياخذون قريدات والسلاتيح الي عندهم واسطات يصعدون على ظهور هالمساكين بس إنشالله الحكومة اليديده تقضي على أصحاب الواسطات والمحسوبيات وإذا أخو بتدش واسطه عادي لأنه النفط مثل ماتفضلت صار كله واسطه بواسطه حتى إذا بتاخذ إجازه صارت بواسطه ما نقول إلا الله المستعان
     
جاري تحميل الصفحة...

مشاركة هذه الصفحة