آخر اخبار توظيف الدبلوم

الكاتب : ناطر | المشاهدات : 12,989 | الردود : 214 | ‏24 مايو 2009
  1. ناطر

    ناطر بـترولـي نشيط

    93
    0
    0
    السلام عليكم و رحمة الله و بركاته
    اليوم رحت لشركةkgoc في الاحمدي و سألتهم شنو صار على توظيف الدبلوم اللي اللي قدموا آخر مره
    المهم اللي عرفته منهم انه جميع التعيينات كانت موقفه في فترة الانتخابات و الحين راح يبدأون يدقون علينا من اول شهر 6 يعني يا شباب
    ديروا بالكم تصكرون اجهزتكم من الساعه 7 الصبح و حتى 4 العصر و ترى الرقم اللي بدق عليكم راح يكون من السعوديه و ليس من الكويت
    لانه الاخوان في الكويت انتهى دورهم معانا و كانت آخر علاقتهم فينا يوم جمعونا في الباص و ودونا السعوديه
    اما نتائج اختباراتنا فهي في السعوديه و على اساسها راح يتصلون علينا
    يا شباب اللي عنده اي معلومه إضافيه اتمنى يضيفها للفائده

    *
     
  2. q8gps

    q8gps بـترولـي نشيط

    87
    0
    0
    انا اتصلت عليهم اليوم وقالولي ماعندنا خبر بشي
     
  3. ناطر

    ناطر بـترولـي نشيط

    93
    0
    0
    انا اليوم يا الحبيب كنت عندهم وبالاخص عند شخص يعتبر
    المسؤول المباشر عن تجهيز المقبلين على التوظيف
    و يعتبر حلقة الوصل بين الكويت و السعوديه
    وانا كلمت هذا الشخص face to face و اسمه صالح او
    صلاح العبيد و يشتغل في مبنى M


    فلا تحاتي مصاقيتي يا الأخو العزيز
     
  4. barry_q8

    barry_q8 بـترولـي نشيط

    84
    0
    0
    خلوا بالكم عدل لأيميلاتكم ولا تحذفون اي ايميل غريب الا بعد قراءته عشان يمكن يكون عرض توظيف ، موفقين خير ونسمع اخبار طيبه.
     
  5. aLRo7

    aLRo7 بـترولـي نشيط

    106
    0
    0
    متا تتوقعون تطلع الاسامي وهل في دوره يا شباب ولا شلون الطريقه اللي عنده علم لايبخل يا شباب
     
  6. ناطر

    ناطر بـترولـي نشيط

    93
    0
    0
    اللي قالوه لنا ايام التسجيل لنا انه لو في دوره او مافي دوره راح تستلمون راتب كامل بس بدون بدلات الشفتات لان احنا
    بعد ما داومنا شفتات و الراتب حوالي 1400 للعزوبي و 1600 للمتزوج طبعا هذي الرواتب من غير بدلات الشفتات;)

    ياليت الناس اللي دخلوا مع الدفعه اللي قبلنا يجاوبون على اسالتنا و يشرحون طريقة الدوره
     
  7. aLRo7

    aLRo7 بـترولـي نشيط

    106
    0
    0
    والله اظاهر وانا اخيك اللي قبلنا شافو 1600 دينار ونسو الانترنت بكبره
    لاتلومهم انا اذا طلع قبولي ماني داش الانترنت عشان ماعلم احد كم الراتب عن العين ~~~~~p:
     
  8. aLRo7

    aLRo7 بـترولـي نشيط

    106
    0
    0
    بعدين بخصوص الراتب والله مافهمت شي يقولون لكم ثلاث رواتب
    الراتب الاول من نفط الكويت والثاني من نفط الخليج والثالث من العمليات المشتركه
    ومافهمت شي منها والله
    حنا الحين متوظفين براتب واحد ومادري شلون نودي الفلوس شلون باجر بثلاث رواتب طفره طفر طفره ~~~~~~~~p:
     
  9. ناطر

    ناطر بـترولـي نشيط

    93
    0
    0
    محد ياخذ اقل من رزقه يا aLRo7
    انا ما ابيهم يفصلون الراتب
    كل اللي ابي اعرفه جم اقل شي ممكن نستلمه و شنو طريقة الدوام في اول الاشهر صباحي و لا على طول شفتات ولا بيدربونا حق مشروع اللي تأجل الى 2010
     
  10. aLRo7

    aLRo7 بـترولـي نشيط

    106
    0
    0
    والله يا الغالي اللي اعرفه انه نفس دورتنا هذي دش واحد اعرفه دشو شهر 8 اللي طاف وقعدو من شهر 8 لي شهر 4 دورات محليه يعني دوام صبح ودورات على الانجليزي وعلى الكمبيوتر وهل سوالف خلصو الدورات شهر 4 اللي طاف واول ماخلصو ودوهم دوره مدتها شهر في مصر
    واللي اعرفه متزوج وعنده طفلين ومعاشه تقريباً 1800 بهل حدود ماني متاكد
    ومن اول مادش ومعاشه ماشي
    والدورات كلها حلوه اللي في البدايه والدورات الخارجيه تاخذ عليها فلوس غير راتبك مثل دورت مصر خذو عليها 3500 دينار ومدتها شهر في مصر غير راتبك
    يعني بيني وبينك المعلومات اللي عندي من يطلع اسمك وانت مفارق الاقسااط~~~~~ p:
    وعسى الله يكتب اللي فيه الخير لنا كلنا انشالله
     
  11. aLRo7

    aLRo7 بـترولـي نشيط

    106
    0
    0
    طيب يا اخوي ناطر يعني ما قالولك متا بضبط ؟ ولا بس قالك في شهر سته ؟
    معقوله للحين مابين عندهم الاسامي اللي نقبلت ؟ ولا للحين مجهوله؟
     
  12. ناطر

    ناطر بـترولـي نشيط

    93
    0
    0
    Kgoc الكويت مالهم شغل بkgoc اللي في السعوديه من ناحية القبول
    الكويت توزع استمارات القبول و تجهزها حسب الشروط علشان تدزها للسعوديه
    وبعدها السعوديه يعطون موعد حق الكويت علشان يتصلون على المتقدمين و يجمعونهم في الباص اللي دازينه السعوديه للكويت
    و السعوديه تمتحن المتقدمين وتحتفظ بالنتائج لها
    وبعدين السعوديه تتصل على المقبولين لاستلام عقودهم بس من وين يستلمون عقودهم الصراحه ما عندي خبر
     
  13. ناطر

    ناطر بـترولـي نشيط

    93
    0
    0
    ايه نسيت اكمل

    صالح او صلاح العبيد الله يطمنه و يجزيه 1000 خير قالي شهر 6
    حاولت اعرف منه متى بالضبط بس قالي ما عندي تاريخ اكيد
    و سبب تاخيرنا على حسب كلامه انه المجلس انحل
     
  14. aLRo7

    aLRo7 بـترولـي نشيط

    106
    0
    0
    طيب يا اخوي ناطر انت شنو تخصصك ؟ وماتدري كم واحد انتم متقدمين من تخصصك ؟ وكم واحد يبون ؟
    انا تخصصي مصادر مياه اللي متقدمين 18 واحد بس مادري كم واحد يبون
    اذكر لما كنا نمتحن اسامي مصادر المياه لما وقعنه عليها كان عددنا تقريباً 18
     
  15. ناطر

    ناطر بـترولـي نشيط

    93
    0
    0
    الصراحه انا تخصصي هندسة بترول انتاج و تصدير
    بس ما ادري جم عددنا
    و على فكره ترى كانوا اسبوعيا ياخذون الشباب الى السعوديه فصعب تحدد عدد المتقدمين
    يا الحبيب
     
  16. aLRo7

    aLRo7 بـترولـي نشيط

    106
    0
    0
    ليش صعب انا قتلك كل تخصص له يوم يعني تخصصنا مصادر مياه كنا تقريباً 18 واحد
    وحسب علمي انتم تخصصكم تقريباً متقدمين يمكن اقل من عشره لاني اعرف واحد من اللي مقدمين معاكم
    اكثر تخصص كان عدد المكانيكا
     
  17. ناطر

    ناطر بـترولـي نشيط

    93
    0
    0
    انا مو متأكد100 بال100 انهم حاطين كل تخصص البترول في يوم واحد بس اذا كلامك صج فاحنا ما نتعدى ال 13 شخص
     
  18. aLRo7

    aLRo7 بـترولـي نشيط

    106
    0
    0
    بتوفيق انشالله
    بس اعتقد انه تخصصكم كان مقابلتكم معانا باول مقابله صارت مع الدفعه
     
  19. ناطر

    ناطر بـترولـي نشيط

    93
    0
    0
    و الله مو متاكد
    بس اللي اذكره انه الامتحان كان انجليزي و مقابله شخصيه
    و الشباب في السعوديه ما قصروا بالبوفيه و العصاير

    و على فكره يا aLRo7 ترى انا اشتغل و معاشي اكثر من 1300
    بس محتاج هذي الوظيفه لأسباب أخرى
     
  20. aLRo7

    aLRo7 بـترولـي نشيط

    106
    0
    0
    ماشالله عليك معاشك 1300 اجل كم معاشك اذا قبلوك ؟
    عندك معلومات ؟
     
جاري تحميل الصفحة...

مشاركة هذه الصفحة