والله عيب يا جمعية المهندسين !!!

الكاتب : Phox | المشاهدات : 2,578 | الردود : 36 | ‏15 نوفمبر 2007
  1. Phox

    Phox بـترولـي نشيط جدا

    400
    0
    0
    [​IMG]

    مساكم الله بالخير يا شباب ويا مهندسين

    هذا الاعلان منشور في جريده الوطن اليوم (صفحه 21 كامله) ... وطبعا السالفه المعروفه ان في شباب محسوبين على الجمعية وكانوا يفترون على المهندسين ويقولون لهم :" نبي نستأذنكم عشان نحط اساميكم في اعلان مدفوع بالجرايد عباره عن شكر من مهندسين القطاع الى رئيس الوزراء والاعلان على حساب جمعية المهندسين" والشباب على اللى كنت اشوفه -وانا معاهم- عطيناهم اسامينا وراحوا .. هالكلام قبل اكثر من شهر ..

    اليوم ... يطلع الاعلان بالشكل البايخ والمشين هذا ... مهندسين بالقطاع النفطى يشكرون الجمعيه !! وطبعا الاعلان المفروض انه مدفوع من حساب الجمعيه لان محد فينا دفع شى !!!

    الجمعيه موقفها سيء ويفشل وجدا متخاذل من الزياده العامه ... حيث اعلنت رفضها للزياده "من اولها" وهذى عينه من تصريحاتهم المشرفه ( اقرا من رفض المشروع) :



    [​IMG]

    طبعا .. الاخ/ ناجي العبدالهادي نائب رئيس الجمعيه وواحد من الشباب اللى اشكروهم بالاعلان الاول فوق !! مختصر كلامه: انى ارفض الزياده وابى كادر المهندسين وانا اللى يهمونى المهندسين وما يهمنى احد غيرهم سواء جموع العمال او اللى دون الطبقه المخمليه (المهندسين) .. والمشكله ان التصريحات هذى تسبب حرج للمهندسين في القطاع مع اخوانهم العمال .. والبركه بتصريحات الاخ !!

    المهندسين اللى استقالوا معروفين بالاسم .. وكلهم لقوا فرص عمل بالمجال الاستثمارى ... الدوام بالغترة والعقال ومن 8 ليما 1 ومعاش اكثر ... لا استقالوا عشان كادر ولا عشان نيله ... بس مشكله اللى يتاجر بالموضوع بالطريقة هذى !!


    موقف الجمعيه الاساسى معروف بالتخاذل عن الزيادة وحتى عن الكوادر في البداية ، ولو ما شافوا الاخوان المهندسين اللى بالقطاع النفطي( اللى مو محسوبين عليهم) اشلون يشتغلون بروحهم واشلون قاعده تتسهل امورهم باجراءات تطبيق الكادر واشلون تعاونوا معاهم الفتوى والتشريع وديوان الخدمة المدنية .. لو مو كل هذا التسهيلات جان ما شرفوا وتلزقوا بآخر لقمه علبوا "ساهمنا" !!

    حتى ان نقابة المؤسسة رفعت قضيه ووجهت انذار قضائى للمؤسسة بتطبيق الكوادر في القرار 27/2006 وبعدها صارت 3 جلسات بالمحكمة الاداريه (كلها تأجيل) والجلسه الاخيره بعد جم يوم للنطق بالحكم .. وليلحين نسمع ان جمعيه المهندسين (ناويه) ترفع قضيه عشان كادر المهندسين بالقطاع النفطي وتطبيق القرار 27/2006 ... خلف الله علينا لو كنا خريجين الاسكندريه جان افزعولنا بدل فزعتهم لمهندسين القطاع الخاص !!!

    ما ننكر انجاز الاخ/ عادل الخرافي بزيادة كادر المهندسين في القطاع الحكومي ... وكذلك لهم انجازات يشكرون عليها ويعلم الله انى من الناس اللى صوت لهم وانا مغمض (مع الاسف)... بس لا تحقرني و تخذلنى وعقب تقول تعالوا اشكرونى باعلان لانى سويت لكم الزيادة وانت مالك شى بالموضوع !!!

    للعلم فقط ان "لجنه مهندسين القطاع النفطي" اللى يرأسها م. ناصر العيدان واللى يعتبر من مؤسسين قائمة الميثاق (بنفط الكويت) مو مآخذه الشرعيه من جموع المهندسين في القطاع ... والاسباب معروفه مانبي نخوض فيها ( بالعربي .. تمثل روحها)

    الخلاصه .. اغلب (اذا مو كل) اللى مدونه اسمائهم في هذا الاعلان (وسهل تعرفونهم) ما يتبعون لجنه المهندسين، ولا يعرفونهم ولا حصل لنا الشرف ليلحين بمعرفتهم، لو تسألون هالمهندسين اللى منشوره اسمائهم(وانا منهم) راح يقسمون بالله العظيم انهم ما يدرون ان الاعلان راح يكون شكر بالصوره المخزيه هذى !! غصب تبون تتلزقون بالزياده وانكم ساهمتم فيها يا جمعية المهندسين ؟!! كافى شكلى بايخ وانت حاط اسمى بآخر الاعلان اشكرك !!! واخزياه

    احلى فقره بالاعلان هى الاخيره : " ونشهد امام الله والقطاع النفطي ان جمعية المهندسين الكويتيه قد وفرت لنا مالم نكن نتوقعه ... " والله عيب

    لكن ..



    ان لم تستحي فاصنع ما شأت
     
  2. الشقااوي

    الشقااوي بـترولـي نشيط جدا

    237
    0
    0
    مشكور اخوي

    لا يضيع عند الله اجر

    ولم يعد هناك احد نااااااااايم
     
  3. Engineer

    Engineer بـترولـي نشيط

    137
    0
    0
    أنا أول واحد أقول يا جمعية المهندسين خلوا المصلحة العامة فوق مصلحتكم الشخصيه وصج انهم ناس ماتستحي ولا وينهم ووين المهندسين

    الله يخلي الاسكندريه اللي طلعت أغلب هالناس ؟

    شكرا
     
  4. جابر

    جابر قــلــم بــتــرولــي أعضاء الشرف

    يعطيك العافيه يا Phox على التوضيح ... :)
    على الرغم إنى من مهندسين الخفجى ..يعنى لازياده ولا حتى كادر راح يحوشنى ..:mad:.
    لكن يهمنا طبعا نعرف أخبار إخوانا ومنو اللى قاعد يبنى لهم ويساعدهم ...:)
     
  5. rahy50

    rahy50 بـترولـي نشيط

    78
    0
    0
    بس الاعلان مو بإسمهم يا اخوي Phox يعني محد يدري بالسالفة الصجية الا الناس اللي دخلوا هني بالمنتدى وشافوا الموضوع .. اذا كان الكلام هذا صحيح (الاعلان نزل ومدفوع من جمعية المهندسين من دون علم المهندسين المذكورين بمحتوى الاعلان) .. اقترح انكم تنزلزن اعلان لتبرئة انفسكم من هذا الموقف المتناقض وعشان الناس كلها تعرف الحقيقة !
     
  6. Future man

    Future man بـترولـي نشيط جدا

    180
    0
    0
    حلووووووووه والله عيب

    جمعية المهندسين مالها شغل بالزيادة اللي صارت ولا تدخلت فيها من الأساس ولا لها علاقة

    لما يقرون زيادة المهندسين في القطاع النفطي ذيك الساعه خل يحطون لهم شكر لأنهم نظموا مع جمعية المحاسبين ندوة بهذا الخصوص وهي الكوادر الخاصة بالمهندسين والمحاسبين
     
  7. Engineer

    Engineer بـترولـي نشيط

    137
    0
    0
    جمعية المهندسين هدفها انتخابي بحث والى الأن لايوجد زيادة أو بما نسميه كادر المهندسين لذلك أقترح على شلة الاسكندريه أن يبتعدوا عن الشعارات.

    شكرا
     
  8. PetroleumENG

    PetroleumENG بـترولـي نشيط

    146
    0
    0
    Petroleum Engineer
    Kuwait
    صراحة أنا انصدمت لمن شفت اسمي معاهم!!

    أنا وقعت وعلى بالي انه اللستة اللي مع الأخ اللي ياني اتعبر عن دعم الزيادة عن طريق الجمعية فقط..

    ولكن اللي صار عبارة عن تزوير..

    بس أشوه انه اطلعو على حقيقتهم قبل لا أسجل عندهم..

    والمضحك انه بالبيان يقولون انه أعضاء الجمعية يخدمون المهندسين بعيدا عن الأحزاب السياسية.. لووووووول

    عيل هاكم هالقنبلة يالأعضاء:

    في انتخابات 2006، واحد من أعضاء جمعية المهندسين وهو دكتور بقسم هندسة البترول (جامعة الكويت)!!.. هذا الدكتور الله يسلمكم كان يدعم مرشح معين ومن تيار معين بدائرة الجابرية...
    حلو؟؟!!

    مو اهني المشكلة...

    المشكلة انه ابنفس الدائرة كان نازل زميلة ابنفس القسم وهو دكتور (مهندس ابطبيعة الحال)... وصاحبنا عضو الجمعية ما وقف مع زميلة الدكتور المهندس، ولكن وقف مع مرشح آخر على أساس حزبي بحت..

    وين دعم المهندسين؟؟؟!!

    هزلت
     
  9. brilliant

    brilliant المـراقب الـعـام

    8,477
    0
    0
    Engineer
    Kuwait
    الجمعية للاسف هالايام مواقفها متخبطه
    احد الاخوان في نقابة المؤسسة كتب ايميل يبارك فيه للموظفين والايميل كان فيه بدلية (مبرك الزيادة)
    والجمعية خذت الايميل كوبي بيس ولا كان فيه حقوق للفكرية
    اتركم مع الصوره
    _____________________________________________________


    [​IMG]
     
  10. نفطي كويتي

    نفطي كويتي بـترولـي خـاص أعضاء الشرف

    2,016
    12
    38
  11. Instrument

    Instrument بـترولـي نشيط جدا

    339
    0
    16
    Instrument
    K.O.C
    قاااال إييييييييييييييش قاااال جمعية المهندسين
     
  12. old days

    old days بـترولـي جـديـد

    44
    0
    0
    مهندس
    الكويت
    لجنة مهندسين القطاع النفطي مجرد ركوب لموجة المطالبات اللي بدأتها نقابة المؤسسه بكل حماس و كل من يدعي انه طالب فيها فهو على شاكلة هاللجنه

    (الكل) و انا اعني هالكلمه ... الكل لما شاف المطالبات وصلت مرحلة المفاوضات ركب الموجه ... ماقصروا صراحه و سرعوا بالعمليه لكن مايجوز احد يبخس حق هالنقابه النشيطه !!!

    تحياتي لنقابة المؤسسه !!
     
  13. فيصل الكندري

    فيصل الكندري نـقـابـة نـفـط الـكـويـت أعضاء الشرف

    386
    0
    0
    مهندس مشاريع
    شركة نفط الكويت
  14. hasanqasem

    hasanqasem موقوف

    159
    0
    0
    Lab Tech
    Kuwait
    أصلا جمعية المهندسين معطينهم ويه زيادة عن اللزوم , تخيلوا ان جامعة معتمدة ومعترف فيها من قبل وزارة التعليم العالي ... ايونك جمعية المهندسين يقولون لا ما نعترف بشهادة الهندسة !!!!

    اترك التعليق للاخوان
     
  15. العضو المنتدب

    العضو المنتدب بـترولـي نشيط جدا

    404
    0
    0
    العضو المنتدب
    قلب الحدث
    البيت بيت أبونااااااااا والقوم حاربوناااااااااااااا

    الزيادة زيادتناااااااااااااا شكو الجمعية بالسالفة

    اتقوا الله يا جمعية المهندسين
     
  16. المهندس

    المهندس بـترولـي خـاص

    1,305
    8
    0
    ههههههههههههههههههههههه والله انكم مشكله وما تدرون وين الله قاطكم- يا حبايبي لولا جمعية المهندسين وماطاباتهم في الكادر وفي تطبيق القرار ما جاتكم هاذي الزياده اللي المفروض تكون مقتصره على المهندسين وامحاسبين فقط - مؤسسه البترول علشان تقطع الطريق جدام جمعيه المهندسين وعلشان تتهرب من تطبيق القرار طلعت في فكره الزياده العامه لجميع عمال النفط - اللي أيدووها نقابه اتحاد البترول اللي ياتهم على طبق من ذهب - وتلقائيا وطبيعيا أيدوا الفكره وخللوها عامه ووقعوا على الزياده العامه.

    الزبده والحقيقه اللي انتم تعرفونها عدل لولا الله ولولا مطالبه الجمعيه في الكادر الهندسي ما جاتكم هاذي الزياده -

    وشكراا :)

    على فكره انا مو مسجل في الجمعيه لاني ما اعترف فيها :)
     
  17. rahy50

    rahy50 بـترولـي نشيط

    78
    0
    0

    كلام غير سليم اخوي المهندس ..
    لأان فكرة الزيادة العامة تكلف اكثر من كادر المهندسين والمحاسبين!
    شلون المؤسسة تتهرب من تطبيق الكادر عشان تقر زيادة تكلفها الدبل مرتين!
     
  18. المهندس

    المهندس بـترولـي خـاص

    1,305
    8
    0

    كلامي سليم 100% - اسمحلي اخوي - اصلن متى سمعنا عن الزياده العامه - سمعنا عنها في مارس اللي فات ولا كانت فيها اي مطالبات من النقابات او الاتحاد - واللي متابع للاحداث ولتصريحات راح يعرف هذا الشي - شوفو تصريح اقبال الغانم اللي صار في الجرايد في شهر 2 اذا مو ناسي- وللعلم فقط في نظر المؤسسه الزياده العالمه لو انها تكللف اللا انها افضل للقطاع النفطي لانها تشمل الكل ومن ضمنهم الاجانب - الهروب من القطاع النفطي اكثر شي موجود في الاجانب (هنود وفلبن) ياخذون خبره من النفط وبعدين يكملون في اي دوله خليجيه او اي شركه عالميه -

    نرجع لموضوعنا - لو تم اقرار كادر المهندسين راح يتبعها الكوادر الاتيه
    1- المحاسبين
    2- الفنيين
    3- المحققين
    4- الممرضين
    5- الاطباء

    يعني راح تندبل القيمه هذا من غير الاجانب بعد

    انا مع اخوي فوكس - اللي سووه الجمعيه غلط في غلط بس الحق ينقال انه لهم ضلع في الزياده

    وشكرا
     
  19. rahy50

    rahy50 بـترولـي نشيط

    78
    0
    0
    شكرا للتوضيح "المهندس" ..

    لكن الحين بعد الزيادة العامة هل راح تظل الجمعية عند موقفها وتطالبلنا بالكادر ؟؟؟
     
  20. Phox

    Phox بـترولـي نشيط جدا

    400
    0
    0
    اتمنى شويه احترام للناس اللى تقرا المنتدى وتتأدب معاها يا المهندس ... اذا هذى اخلاقك مع الناس خل معلوماتك لنفسك والله الغنى عنك ومنك ..

    جمعية المهندسين (اذا انت عايش معانا) ما تدرى عن القرار 27/2006 لو مو الشباب متحركين فيه وانا شخصيا اعرف الشخص اللى كان يدابج فيه عند الجمعية وطنشوه .. وحتى لما درت (من صاحبنا) ما حركت ساكن وكل تصريحاتها كانت ضد الزياده وبشكل احرج الهندسين اللى بالقطاع (انت طبعا ما اعتقد انك تنحرج لما جمعيتك تطلب بكادر وترفض الزياده بطريقة تسفهه باجي العمال !! ) .. ثانى شى القرار اللى تتكلم عنه مو للمهندسين والمحاسبين !! لجميع الكوادر في الدوله وهذا يشمل اكثر من 9 كوادر ..

    لما تقرا كلامى بالمقال عدل تعال تكلم لانك ما قريت منه شى .. او انك بمستوى تفكير بسيط اللى ما تستوعب السوالف وما تفهمها !! عموما راح تشوف بكلامي ان القرار طالع من شهر 7 سنة 2006 ( قبل سنه ونص) وليلحين يفكرون يحطون محامي !!! بالعربى .. استريح انت وجمعيتك

    اظن انك تتكلم عن نقابة المؤسسة مو جمعية المهندسين ... لان قرار الزياده صار في مارس 2007 باجتماع اقبال مع نقابة المؤسسة وبيان المؤسسة يشهد ببشارة الزياده .. وراح تلقى البشاره منشوره مع تفصيل الاجتماع بالمنتدى.

    اولا : شنو تطلع " نقابة اتحاد البترول " ؟؟؟ اول مره اسمع بشى جذى !!

    ثانيا : اذا تقصد ان اتحاد العمال والنقابات النفطيه الثانيه دشت بموضوع الزيادة تالى .. بعد مطالبة نقابة المؤسسة بتطبيق قرار الكادر واصرار الادارة على استبدال الكادر بزياده عامة .. فكلامك صحيح

    هذا كلام تافهه وما جانبه الصواب ... وما بقى الا جمعية المهندسين تطالب لنا بالكادر الهندسى بالنفط ... واتمنى اذا عندك اى ورقه مطالبه من جمعية المهندسين بخصوص الكادر او الزياده انك تقدمها ... وتكفى لا تجيب لنا اعلان بالجريده .. ترا الجمعية قامت تنشر اعلانات مطالبه بالكادر بعد ما اقعدت من النوم في 2007( وافتشلت لان الكل يطالب الا هي) !!

    موووووول عاد مادرى منو انت عشان تعترف والا ما تعترف باحد !!! هذوله ناس لهم انجازات سووها للكل -وما ننكر هالشى- لكن موقفهم سلبى جدا ومتخاذل مع القطاع النفطي .
    نصيحتى لك اختر الفاظك بدقه اكثر .. ترا التواضع شى جميل ويحبونك الناس عليه ..
    .


    كلمة اخيره لك يا مهندس ... سبق ونصحتك جدام خلق الله بمواضيع كثيره منها موضوع د. خالد الكندري اللى بمنتدى نفط الكويت .. اذا تعرف بالموضوع تكلم والا اكرمنا بسكوتك .. شى ما تدرى عنه لا تتكلم فيه ... الناس تقرا وتفهم .. واذا انت مو حاس بروحك احب احسسك واقولك انك -مع الاسف- انسان مو ثقه واخبارك كلها افتراء (الافتراء من مراتب الكذب العاليه).. وعمرك ما جبت كلام صحيح .. ومواضيعك تشهد على هالشى (لا تخلينى انقل للناس اخبارك وطعنك بذمم الناس واحتقارك لخلق الله .. والمنتدى متروس بكلامك هذا)

    ودي نعطى الناس عينه عنك الحين ... اذا كنت صادق عطنى اثبات بتصريح او خبر ان جمعية المهندسين اجتمعت مع اى بنى آدم مسئول بالقطاع النفطي و كان لها دخل بهذا الموضوع وانها سبب الزياده نفس ما تقول ..... اذا كنت صادق وانا متأكد انك "تلش" !
     
جاري تحميل الصفحة...

مشاركة هذه الصفحة