موضـوع بـغاية الإهمـيه ومحتاج لمسـاعدتكم .. ورايكم ومشورتكم ..!

الكاتب : E.q8y | المشاهدات : 3,332 | الردود : 16 | ‏19 مايو 2009
  1. E.q8y

    E.q8y بـترولـي جـديـد

    9
    0
    0
    السلام عليكم ورحمة الله وبركااته ..
    شـلونكم اعضـاء المنتدى الرائع ..؟

    أخواني بـس حبيـت استـفسـر عن اكثر من شغله واتمـنى يكون الرد بكل شفافيه لأخذ الفائده .. !

    أنا الحين خريج ثنويه .. ومادري وين تخصصي .. وانا أبي القطاع النفطي .. ولقيت تخصص يجذبني من بين كل

    التخصصات .. بس مادري اذا كنت اقدر ادش فيه القطاع النفطي .. التخصص اهو الهندسه الطبيه ( هندسة الاجهزه ا

    لطبيه ) مادري اذا كان اكو فرق بينهم .. انزين اخواني .. اقدر الثى مجال بالتوظيف عندكم بالقطاع النفطي

    بمستشفى الشركه .. وهل الشغل ممتاز وهل مطلوب بشـده ورواتبهم ( الكوادر ) مرتفعه ولا لا .. وموضوع

    الترقيات .. أتمنى الافاده ..



    ومن الناحيه الثانيه .. اذا دشيت الهندسه الميكانيـكيه .. شنو التخصصات المطلوبه بالمهندس الفني .. يعني اي

    تخصص من تخصصات الهندسه الميكانيكه النادره والمطلوبه وبالذات للكويتيين ... وشلون كوادركم الحين ليلحين نازله

    ولا بيرفعونها وهل يأثر موضوع كثر المهندسين على خفض الراتب .. لان انا خايف من انه المهندسين الميكانيكيه

    يكونون على دفعتي وايد .. وذيج الساع ما القى الوظيفه اللي اطمح لها .. لان الحين من كل مكان قامو ييبون شهادة

    هندسه . ومشـكورين
    مره ثانيه واسفين على الاطاله
     
  2. E.q8y

    E.q8y بـترولـي جـديـد

    9
    0
    0
    الافاده الاستفاده ... التخصصات المرغوبه ..؟

    حبـيت استـفسـر عن .. اكثر التخصصات المرغوبه بالقطاع النفطي . يعني مهندس ميكانيك ولا بترول ولا تخصص ثاني ..

    واذا تخصص له فروع مثل الميكانيك ياريت تبينوون ايهو اكثر فرع مطلوب ونادر نوعا ما ..؟ ومشـكورين وأتمنى الافاده للكـل
     
    آخر تعديل بواسطة المشرف: ‏19 مايو 2009
  3. Eng.A

    Eng.A بـترولـي جـديـد

    44
    0
    6
    السلام عليكم

    الهندسة الطبية من التخصصات الروعة بس حسب علمي مو معروفة بالكويت عدل ولا مفهومة..

    تخصص الهندسة الميكانيكية بجامعة الكويت يعتبر تخصص نادر يعني عدد الطلبة الي يتخرجون ما يكفي سوق العمل.. حتى طلبة الميكانيكية تصرف لهم مكافآت كل كورس..

    فروع الهندسة الميكانيكية بجامعة الكويت هالثلاث:

    Thermo-Fluid Engineering, Mechanical Design, Engineering Materials and Manufacturing

    والله يوفقك
     
  4. Eng.A

    Eng.A بـترولـي جـديـد

    44
    0
    6
    بالنسبة لاستفسارك عن اكثر التخصصات المطلوبة بالنفط ما عندي فكرة الصراحة

    والكادر مادري شصار عليه..

    بس الي اعرفه ان معاشات المهندسين وحدة الي تختلف البدالات
     
  5. E.q8y

    E.q8y بـترولـي جـديـد

    9
    0
    0
    مشـكور أخـوي Eng.A اي هذي المشكله مو معروفه عدل بالكويت .. بس تتوقع لها مكان بالقطاع النفطي .. يعني بالمستشفيات التابعه لشركة النفط ..

    اما الهندسه الميكانيكيه .. شنو النوع المرغوب بشركات النفط مثل الـknpc > هل دراستها تعتمد على الفيزيا .. واي نوع فيزيا .. اذا ممكن يساعدني بهالموضوع


    بسـ اهم شــي الهندسه الطبــيه .. ممكن اشوفها بعد سنتين موجوده ولها مكان بالقطاع النفطي .. او الحين هي هي موجوده ولا لا .. اتمنى من الموظفييين بالقطاع النفطي الافاده
     
  6. Eng.A

    Eng.A بـترولـي جـديـد

    44
    0
    6

    انا اعرف شخص دارس هندسة طبية بامريكا.. اشتغل بمستشفى بس مادري وين.. اضطر ياخذ MBA لان يقول مو فاهمين تخصصي فخذا ماستر بالبزنس

    دراسة الهندسة بشكل عام بجميع التخصصات فيها فيزيا و رياضيات وايد..

    وانشالله احد ثاني يفيدك اكثر بالنسبة لاستفساراتك الثانية
     
  7. E.q8y

    E.q8y بـترولـي جـديـد

    9
    0
    0
    أخوي .. ممـكن توضـح لي أكثر موضوع صاحبك . شنو الـMBA وشـلون فاده بالبزنس .. ترى وانا اخوك ما اعرف توني داش الحيااه :)
     
  8. Eng.A

    Eng.A بـترولـي جـديـد

    44
    0
    6
    ما عليه شوي شوي تتعلم

    اهوا درس هندسة طبية برا لان الكويت مافيها هندسة طبية..رد الكويت و اشتغل بمستشفى بس الظاهر مو قاعد يمارس الي درسه او شي ما يخص الهندسة الطبية..

    فكمل ماجستير MBA الي اهيا Master of Business Administration

    سوا جذي لان هالماستر ممكن يفتح له مجالات ثانية للعمل لان مو قاعد يمارس هندسة طبية و لا احد فاهمها
     
  9. E.q8y

    E.q8y بـترولـي جـديـد

    9
    0
    0
    اها .. مشـكور أخـوي على التوضيــح .. يعني اتوكل على الله وادش هندسه ميكانيكيه ..؟ واذا دشيته ابي اشتغل بمصافي او اي شغل فني .. وانا بيني وبينك .. مناور المطيري ( بو صالح .. اهو اللي خلاني افكر بهالموضوع لان احس مرتاح بعمله من كل النواحي ومتى ما ارتحت من العمل راح تبدع فييه .. نرجع حق المحور .. ابي افضل تخصص للميكانيك .. وشاكر لك اخووي
     
  10. Eng.A

    Eng.A بـترولـي جـديـد

    44
    0
    6
    توكل على الله و تخصص ميكانك انا تخصصي هندسة صناعية بس خذيت مواد من الميكانيك.. صراحة وايد حلو و مو صعب لا يخوفونك..

    بالنسبة للتخصصات الي تندرج تحت الميكانك فتحددها عن طريق المواد الاختيارية الي تدرسها.. انت لي دشيت كلية الهندسة انشالله اسأل الدكاترة و الطلبة اكثر و انت من خلال المواد تعرف ميولك وين أكثر شي..

    والله يوفقك

     
  11. E.q8y

    E.q8y بـترولـي جـديـد

    9
    0
    0
    بـيني وبــينك .. أنـا نـأوي أخذهــا من بـره .. يعني بـعثـه مع انه نسبتي تدششني اي تخصص وتدششني الهندسه

    بالكويت .. بس عمي عندكم يقول ان اللي من بره لهم معامله خاصه لان يكونون فاهمين .. عمي مو مهندس بس

    يتوقع جذي
     
  12. Eng.A

    Eng.A بـترولـي جـديـد

    44
    0
    6

    بالعكس كلية الهندسة بجامعة الكويت very competitive و بعدين معترف فيها من ال ABET

    دكاترتنا مشالله عليهم أقوياء و مناهجنا نفس جامعات برا

    أنا متخرجة حديثا من جامعة الكويت الحمدلله كل مكان يعاملني زين و يقولون مشالله جامعة الكويت و جذي معدلج؟ لأنها معروف انها مو هينة

    بالنهاية مسأله فاهم أو مو فاهم تعتمد عالشخص أعرف خريجين الكويت مو فاهمين شالسالفة و أعرف خريجين من برا ما يعرفون كوعهم من بوعهم!!

    الشيء الوحيد الي مو زين بكليتنا فهو المبنى نفسه للأسف!!
     
  13. E.q8y

    E.q8y بـترولـي جـديـد

    9
    0
    0
    أول شي انا اسـف اني اكلمج على انج صبي .. بس مادري ما استوعبت وانتي الله يهداج ما بينتي .. المهم انا اختي بجامعة الكويت صناعي بعد وخريجه وزينه وقويه مخرجاتها بس يعني اقول دام اني دارس دارس فـ اكمل بـره احسن .. وبعد برتاح نفسيا لان هني عايش بضغطوات من بين فتره لي فتره مو متعلق بالدراسه .. بس ان شاء الله اذا نويت ورحت اني ارتاح .. ومشـكوره على تفاعلج معاي .. انزين دام انتي صناعي ..شلون معاملتج نفس باجي لمهندسين .. وشنو درجة المهندس اول ما يتوظف .. وهل رواتبهم قويه مثل الطب ولاا ضعيفه .. ومشـكوره
     
  14. Eng.A

    Eng.A بـترولـي جـديـد

    44
    0
    6
    لوول لا عادي مو مشكلة..

    خلاص عيل اذا معزم و ودك تدرس برا ليش لا.. بس اهم شي تدرس بجامعة معترف فيها من ال ABET

    اي طبعا معاملتي نفس باجي المهندسين ما نفرق عنهم بشي.. بالكويت بعض الأماكن مو فاهمة شنو هندسة صناعية خصوصا القطاع الحكومي و لأن حساب التكاليف من ضمن تخصصنا فدايما يقولون ويطلعون اشاعات انتو نفس علوم ادارية.. مادري شياب ادارية لتخصصنا كلش مالنا شغل في بعض..

    المهندس الصناعي يسمونه Joker Engineer لان يشتغلون بكل مكان بكل مجال..

    المهندس الصناعي من ناحية التوظيف حاله حال اي مهندس من تخصص ثاني الي يفرق بالمعاش حسب المكان الي يشتغلون فيه.. بس كلهم نفس الدرجة و رواتب المهندسين معروفة عالية..

    واي استفسار ثاني انا حاضرة

     
  15. E.q8y

    E.q8y بـترولـي جـديـد

    9
    0
    0

    شكـل هالموضوع بس انا وياج بس ولله انج كفيتي ووفيتي .. بس حبيت استفسر صج المهندس درجه 12 .. ابي لمن اوصل درجة 15 فيها واسطات عشان ترتفع درجتي .. ولا لا .؟ وإنـا اسف على الازعاج بس حبا للمعلومه .. ومشـكوره
     
  16. Eng.A

    Eng.A بـترولـي جـديـد

    44
    0
    6
    اي المهندس أول ما يتوظف بالقطاع النفطي على درجة 12..بس عاد لي وصلت درجة 15 فيها واسطات او لا مادري..

    الي اسمعه ان كل شي بالواسطه..حتى الترقيات :eek:

    وابد ماكو ازعاج :)
     
  17. engmajeed

    engmajeed بـترولـي جـديـد

    13
    0
    1
    منو قال صناعي جوكر
     

مشاركة هذه الصفحة