فازوا اهل الثالثة

الكاتب : ]printer | المشاهدات : 984 | الردود : 22 | ‏17 مايو 2009
  1. ]printer

    ]printer بـترولـي نشيط جدا

    180
    0
    0
    accountant
    الكويت
    1 روضان الروضان
    13107 22%
    2 اسيل العوضي
    11860 20%
    3 أحمد السعدون
    10969 19%
    4 فيصل العتيبي
    9295 16%

    5 صالح الملا
    9075 15%
    6 ناجي العبدالهادي
    8329 14%
    7 رولا دشتي
    7666 13%
    8 عادل الصرعاوي
    7552 13%

    9 وليد الطبطبائي
    7452 13%
    10 علي العمير
    6573 11%



    --------------------------------------------------------------------------------


    11 عبدالعزيز الشايجي
    6242 11%
    12 أحمد المليفي
    6007 10%
    13 عبدالله المعيوف
    5530 9%
    14 محمد الدلال
    5458 9%

    15 هشام البغلي
    4156 7%
    16 محمد الجويهل
    3508 6%


    17 عبدالوهاب الرومى
    2907 5%


    سجل يا تاريخ رقم 16 اللي مو عاجب الناس صار 16 الف مبروك يا الكويت وهذا دليل على وقفة الناس نع كل مايقوله الجويهل وان في ناس فعلا تؤيده وانا منهم
     
  2. جابر

    جابر قــلــم بــتــرولــي أعضاء الشرف

    يعنى أهل الثالثه ماوقفوا مع الشايجى والدلال ;)
     
  3. ]printer

    ]printer بـترولـي نشيط جدا

    180
    0
    0
    accountant
    الكويت
    اي والله اهل الثالثة مايبوووون لا الشايجي ولا الدلال كفو يالثالثة بردتوا قلبي
    ههههههههههههههههههههههي
     
  4. جابر

    جابر قــلــم بــتــرولــي أعضاء الشرف

    وإن كنت ما أشتهى العدس .لكن يظلووون بالأخير كويتييين ..ومنهم ناس أكاديميين
    و الشماته مو زينه :rolleyes:

    وأهل الثالثه قالوا كلمتهم ..وهالأثنين الدعم لهم كان زين بس موكافى ...

    حرام على أى شخص عاقل يساويهم بالخبل.. الجويهل:p
     
  5. ]printer

    ]printer بـترولـي نشيط جدا

    180
    0
    0
    accountant
    الكويت
    :rolleyes::rolleyes::rolleyes::rolleyes:كلنا اكاديميين وعندنا شهادات وانا اعتبر نفسي اكفئ من هذولي ملوت عدس
    وعلى الدائر تدور الدوائر .....................
    والشماته ردت على صاحبها
    الا اقول جابر وين التمويني ؟ ماله بينه
    :rolleyes:
    :rolleyes::rolleyes::rolleyes::rolleyes::rolleyes::rolleyes::rolleyes::rolleyes::rolleyes::rolleyes::rolleyes::rolleyes::rolleyes::rolleyes::rolleyes::rolleyes::rolleyes::rolleyes::rolleyes::rolleyes::rolleyes::rolleyes::rolleyes:
     
  6. ]printer

    ]printer بـترولـي نشيط جدا

    180
    0
    0
    accountant
    الكويت
    حرام على أى شخص عاقل يساويهم بالخبل.. الجويهل
    يعني قصدك انه 3508 كويتي اصلي شريف صوت للجويهل مو عاقلين وانت العاقل وان كلهم اللي سوووه حرام

    كاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااك


    هذا كلام كبير واصوات الناخبين ال3508 راده عليه
    اتق الله ولا تاخذك العزة بالاثم
     
  7. feed gas

    feed gas بـترولـي خـاص

    الحمدلله اثبت اهل الدائره 3 حسن اختياراتهم.... اتمنى للجميع التوفيق وان يستمر المجلس ويكمل ال 4 سنين بحول الله وقدرته..
     
  8. جابر

    جابر قــلــم بــتــرولــي أعضاء الشرف

    العن يومه الثقه الزايده :D
    ليش لا ...ممكن جدا الإنتخابات القادمه ...تكونين من ضمن المجموعه ..مادام متحمسه حييييل للدكتوره أسيل ;)

    أما التمويلى ..أكيد الغايب عذره معاه :p

    ياستى ..الف مبروك بس خفى شوى عن حملة الشماته ;)
    كلنا بالأخير كويتيين ..مهما إختلفنا بالأراء ..والمعركه الإنتخابيه أنتهت ..ومبروك للى فاز ..وهاردلك للى خسر :)
     
  9. جابر

    جابر قــلــم بــتــرولــي أعضاء الشرف

    وليييييييييييه ما أمدانى رديت ...حتى لسعتينى .;)..ماقلت حرام ..لاتفتوينى .....وماقلت أصلى وشريف ...لاتوهقينى .. :(
    ردى موجود ...قلت العاقل مايساويهم ...وهذا رأى شخصى لأن العاقل يزن الأمور من حيث المنفعه والضرر ..والجويهل ماقدم أى شى ...الا قضيه شائكه ويبى يحرق فيها أبناء بلده ..ويصنفهم ..وهذا عكس كل اللى تنادى فيه الدوله وعلى رأسها سمو الأمير والدعوه الى نبذ الفتن والدعوه الى زرع المواطنه :D

    كاااااااااااااااااااك دبل ...وكش ملك :D
     
  10. ]printer

    ]printer بـترولـي نشيط جدا

    180
    0
    0
    accountant
    الكويت

    والله محد تشمت فيني قبل الانتخابات غيركم
    العين بالعين والسن بالسن والبادي اظلم نسيتوا اللي قلتوه عني انه مخلص الحبر وانه فيوزاتي ضاربه :rolleyes:
    انا مانسيت :rolleyes:
    والتمويني ماعنده شي يقوله كافي عدس ملوته خسروا
    وهو قال اللي مو عاجبيني الصناديق بتصدع باساميهم
    كاااااااااااااااااااااااااااااااااااااااااااااااااااااك
    نصهم برا والطبطبائي التاسع
    كااااااااااااااااااااااااااااااااااااااااااااااااااااااااااااااااااااااااك
    كافي انه اسيل العوضي
    11860 صوت بنسية 20%



    ولو انا منه مادش ولا اقرب صوب طاري الانتخابات كلش لأنه نظرته ماصابات واثبت عدم فعاليته كمحلل سياسي ونظرته السياسية خايبة
    مو اهو قال ناطرني لي السبت :cool: والصناديق بتفشلني !!!!!!!!!!!!!!!!!!!!!!!!
    ماشفت انا من صناديق السبت الا كل خييييييييييييييييييييييييييييير ربي لك الحمد والشكر

    مما ذكرني قولة واحد من شباب المنتدي ( قه قها في قلب ما يفقها )
     
  11. جابر

    جابر قــلــم بــتــرولــي أعضاء الشرف

    مخلص الحبر و 110 فولت ...وإحتمال فيوزات ضاربه..هذولى مالوتى :D...
    وماقلتها الا بعد ماعفستينا ..بس ما كانت شماته ..كانت غشمره ..حتى نخفف القصف اللى أنتى مسويته :D..


    بس أفا والله ....طلعتى حقووووووده ..وأنا علبالى سوالف إنتخابات ...:eek:

    كاااااااااااااااك حمراء من قلب :(
     
  12. ]printer

    ]printer بـترولـي نشيط جدا

    180
    0
    0
    accountant
    الكويت
    انت كنت يا جابر زين وماتحب المموش ولا المعدس( عاد تصدق انا وايد احب هالاكلتين ) واهمه نعمة الله وانا اعتبر حدس نقمه فبسميهم حدس ماستاهلون نسميهم عدس العدس بقوليات وفوايده عظيمة للجسم ..
    بس مادري شعلامك مشاركاتك صارت كلها ضدي صدقني ماينفعك هالكلام تبيني اوقف وياك خلك وياي انا محامية وماراح تقدر علي
    مشاركاتك اول زينه شفيك قلبت علي مادري!!!!!!!!!!!!! لا تلتفت لكلام الناس المشككين في ارائي يا جابر
    انا اعتذر منك
    عندي شغل وايد ومسؤولي قاللي متى بتخلصين من سوالف المنتدي وتساعديني :confused::confused::confused:

    لازم اروح اخلص شغلي
    وراجعة لكم اذا الله اراد عقب صلاة العصر
    في امان الله وحفظه
     
  13. التمويلي

    التمويلي بيت التمويل الكويتي

    1,176
    0
    0


    أنا موجود مابيني وبينج الا حذفه عصى

    ومبروك فوز اسيل ورولا

    وهاردلك على الخبل جويهل
     
  14. جابر

    جابر قــلــم بــتــرولــي أعضاء الشرف

    ماصار الا كل خير ..طاح الحطب .. :D
    ...وفى أمان الله وحفظه يامحاميتنا ...ونشوفج الأنتخابات القادمه :D
     
  15. ]printer

    ]printer بـترولـي نشيط جدا

    180
    0
    0
    accountant
    الكويت

    اذا الانتخابات الياية في موعدها باذن الله راح ارشح نفسي بس اذا قبل( الله لا يقوله وتف من بؤي)
    ماقدر ارشح نفسي :rolleyes: لأني ماوصلت 30

    عاد تصدق ماعندي فلوس هالكثر عشان ارشح نفسي :confused::confused::confused:

    ففكرت و لقيت لي حل ماكو الا واروح ارز ويهي مع اللي مسوييين نفسهم دينييييين عشان يدعموني بفلوسهم لأنه شكلهم يأسو من الرجل كل ربعهم قوعوا فبيطلعون فتوى جواز ترشيح المرأة نفسها وانا بكون هالمرأة
    عاد مو تنسون تصوتون لي :p
    لووووووووووووووووووووووووووووووووول
     
  16. بن عامر

    بن عامر بـترولـي خـاص

    1,159
    0
    0
    k.o.c
    kuwait
    أسيل العوضي دكتورة و إنسانة لها فكر معين يمكن نتفق و نختلف معاها بنقاط و لكن الجويهل شنو سوى علشان هالدفاع المستميت من بعض الأخوان الشي الوحيد اللي سواه محاولة زرع فتنة بين الشعب الكويتي و الحمد لله اللي رد كيدة في نحرة و الشعب الكويتي أكبر من أن يأتي إنسان تافة مثل الجويهل يحاول يفرق بيننا و ما نفعتة فلوسة اللي قاعد يعرضها بكل مكان بدال لا يحاول يستغل فلوسة بزراعة الفتنة بين شعب الكويت خل يساعد أبوة اللي مطوف إجارات شقتة بالجليب .

    غمزة : شنو تتوقعون من واحد شعار حملتة الأنتخابية (( نبي ناكل وياهم ))
     
  17. ]printer

    ]printer بـترولـي نشيط جدا

    180
    0
    0
    accountant
    الكويت
    انا مارشحت رولا وماتهمني فازت ولا خسرت بس اهي اكيد احسن من غيرها وانا تهمني مصلحة الكويت #1 ورجاء لا تغلط على جويهل ماغلط عليك ولا انتو عادي عندكم تاخذون اثام الناس وتبون تكونون مفلسين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


    قال رسول الله صلى الله عليه وسلم : أتدرون من المفلس؟ قلنا: بلى يا رسول الله ، هو من لا درهم له ولا دينار. قال: المفلس هو من يأتي يوم القيامة بصلاة وصيام وصدقة ، فيأتي وقد ضرب هذا ، وقد شتم هذا ، وأخذ مال هذا ، فيعطى هذا من حسناته وهذا من حسناته ، فإن فنيت حسناته ، أخذ من سيئاته ، ثم طرحت على الظالم ، ثم طرح في النار .
    صدق رسول الله عليه افضل الصللاة والتسليم وعلى اله وصحبه اجمعين الى يوم الدين
     
  18. المحترف33

    المحترف33 بـترولـي مميز

    676
    0
    0
    عدد الناخبيين في الدائره الثالثه

    فوق 65000االف
    اكيد فيهم ناس عقلاء منهم الليبرالي وقال كلمته ومنهم الاسلامي

    وقال كلمته ومنهم الخبل وقال كلمته في يوم التصويت

    الله ياكثرهم البياعه عند المدارس ~~~هذي الانتخابات لابد لها مساوئ

    للاسف يتساوي الرجل الشريف مع الرجل السيء اثناء التصويت

    ويبقي لكل مرشح تاريخ ~~بعض المرشحين احرار ورموز نفتخر بهم

    وبعض المرشحين يخربطون ولا يدرون وين الله قاطهم~~

    علي سبيل المثال مرشح في الدائره الثالثه عينك عينك جايب ربع مليون

    وامام الملاْ يعرض فلوسه ويقول اللي يرشح نفسه في دائرتي اعطيه 500دينار

    باْي منطق هذا باالله عليكم ~~~علي العموم انا متوقع هذا الرقم يجيبه لان الناس تختلف في نضجها

    سنه 1996رشح واحد في خيطان اسمه صنقور ومعروف في اخباله جاب الرابع ورقم مشرف

    هذه هي الديمقراطيه ا
     
  19. الجوهرة

    الجوهرة بـترولـي خـاص أعضاء الشرف

    3,136
    1
    0
    شكرا اختي على الموضوع ومبروك للي فازوا وان شالله يكونون قد هالمسئولية والامانة

    وهارد لك للي ماحالفهم الحظ


    كنت أتمنى فوز الدكتور عبدالوهاب الرومي ولكن لم يحالفه الحظ كونه يخوض الإنتخابات لأول مرة ووقت غير كافي كي الناس تعرفه وايضا كونه داخل مستقل بصراحة خسارة للمجلس بعدم دخول هذا الرجل لأنه من الكفاءات الجيدة والنادرة
    والدليل على كلامي أقرأوا سيرته الذاتية علشان تعرفون شنو أعطى من نفسه لديرته ويكفي ماقدم من انجازات للكويت سواء في المسيرة العسكرية أو الحياة المدنية وفوق كل هلأنجازات وكل المناصب اللي ترأسها تلقاه في قمة التواضع وصاحب وجه بشوش وابتسامة دائمة تدل على شخص يحب الخير للجميع .


    والرقم اللي يابه ماشالله عليه يعتبر له فوز لأن اول مرة يرشح نفسه

    17 عبدالوهاب الرومى
    2907 5%

    الأصوات

    2907



    وان شالله يفوز ونشوفه المجلس القادم بإذن الله


    بس حرام عليك أيها النائب من غير ذكر أسماء أن تقول للجميع لكل من يسألك عن الدكتور عبدالوهاب الرومي

    ( لا ترشحون عبدالوهاب الرومي لأنه قوي ومايحتاج أصواتكم )


    بس حبيت أشكر شكر خاص لكل من صوت لدكتورنا وجزاكم الله ألف خير:)

    ما أقول غير عسى الله يطرح فيهم البركة ويوفقهم لما فيه صالح وخير دولتنا الكويت وشعبها
    وعسى الله يحفظ ديرتنا الكويت وشعبها


    آمييييييييييييييييييييييييييين
     
  20. ]printer

    ]printer بـترولـي نشيط جدا

    180
    0
    0
    accountant
    الكويت
    المرشح الرومي من افضل المرشحين في دائرتي وفعلا وبحق وتمنيت له الفوز وانشالله المرة اليايه بالتوفيق مثل ماعبدالرحمن العنجري ماحالفه الحظ المرة اللي طافت كون الناس ماتعرفه ولا تعرف انجازاته وهالمرة ماقصروا اهل الثانيه صوتوا له وطلع الخامس
    انشالله الرومي يفوز الانتخابات الياية
    نتمنى انه ماييأس بالعكس يشد حيله ويعرف الناس عن نفسه علشان المرة اليايه يكون من top 10 انشالله
    وياليته اهو والمليفي فايزين بدال 9 و10 اللي مادري شلون فازو :mad:
    شكرا الجوهرة
     

مشاركة هذه الصفحة