قصيده مهداه الى جميع اللي يقيمون الموظفين بظلم؟؟

السلام عليكم ورحمه الله وبركاته

هذا قصيده الى جميع من قيم موظفين الاوسكو بظلم خصوصا في شركه نفط الكويت والظلم اللي حاصل فيها اتمنى انها تعجبكم


الله ولا منت الريس وتقييمه /// رزقي على واحدٍ ماخاب طلابه

تقييم بعض العرب نجهل تعاليمه /// ولو ماعرفنا بنوده ربي ادرابه

الله حسيب البشر لا قلّت الشيمه /// ولابد للعبد يومٍ ياخذ حسابه

لانزاح ليل المصالح ونجلى غيمه /// وكلٍ لقى ما فعل في صفحة كتابه

العذر ما ينفعه والحسره امديمه /// والناس ما ينفعونه لو هم اصحابه

وخذت مغاتيره وزيدة مجاهيمه /// بمراح وضحه بدت مع سوده اتعابه

حسب الخطا من رصيده يدفع القيمة //// حسناته اللي جمعها راحت انهابه

ياناس ياللي تعز الدين وتقيمه /// ادعوا على الريس الظالم ومن جابه

يجيه من ينتقم للفرد ويضيمه /// ويصير عبره لغيره يوم يدرا به


وسلامتكم

 

السلام عليكم ورحمه الله وبركاته

الشكوى طال عمرك على koc لانهم هم اللي يقيمون الموظف اللي عندهم والمشكله مو ضابطك المباشر هو اللي يقيمك لا ؟؟؟؟ السوبر فايزر او التيم ليدر ؟؟ طبعا هم مايفهمون شي ولا يعرفون اي شي عن الموظف على اساس يقيمون بالتقيم اذا هم ساحبين صلاحيت التقيم من امار النوبات ... الضباط

هذا الشكوى والتوضيح لها واتمنى انك اتكون فهمت قصدي وبارك الله فيك على الاهتمام والسؤال وبارك الله فيك