احس انهم قصوا علينا

الكاتب : Lover_Q8 | المشاهدات : 1,110 | الردود : 16 | ‏15 نوفمبر 2007
  1. Lover_Q8

    Lover_Q8 بـترولـي نشيط

    141
    0
    0
    صبحكم الله بالخير



    شباب منو عنده فكره عن كادر الاطباء اللي اقروه اليوم وكادر الكويتية :confused:


    ودي اسوي مقارنة بينهم وبين زيادتنا !



    لاني حاس انهم قصوا علينا :mad:
     
  2. Shoomy

    Shoomy بـترولـي خـاص

    صباح الورد
    قصوا علينا بشنوا ياخوي؟؟
     
  3. Lover_Q8

    Lover_Q8 بـترولـي نشيط

    141
    0
    0
    احس ان رواتبنا لحد الحين ماتغطي حجم العمل اللي نقوم فيه !!

    حنا نكرف 8 ساعات واكثر وطبيعة عملنا غثيثه :( ونشتغل في مصدر الدخل الوحيد للدولة وذلونا على هالزيادة !

    وعطوا غيرنا (من غير الحسد لهم والله) رواتب خيالية :(
     
  4. Shoomy

    Shoomy بـترولـي خـاص

    الله كريم ياخوي
    هم الحمدلله على كل

    انا ماعندي اي فكره عن الاطباء ولا الكويتيه

    انشالله اللي يعرف اي شي يقولك

    لاتشغل بالك بهالاشياء
     
  5. Lover_Q8

    Lover_Q8 بـترولـي نشيط

    141
    0
    0
    بيني وبينج انا بالاول ماكنت مقتنع بالقطاع النفطي
    بس جابولي واسطه ودخلوني هالقطاع واشوف المهندسين بالوزارة من يوم ارتفع سعر النفط يزيدونهم مع ان دوامهم مريح وتلاقينهم ماسكين مناصب فقلت اطلع ابرك لي لان الفرق بينا وبينهم مايسوى هالتعب لحد ماقولو راح يزيدونا فقلت زين فكوني من فكرة الطلعه لاني كنت متردد (امسك مجنونك لايجيك اجن منه) وبعد مازادونا لحد الحين احس انا مظلومين :(


    شوفي جريدة الوطن وانتي تعرفين شكثروا صارت روات الاطباء والطيارين !!
     
  6. بلبل عنقريزي

    بلبل عنقريزي بـترولـي خـاص

    2,187
    0
    0
    يابعد راسي كل جهه قدمت مطالبها

    هذي الزياده اللي طالبنا فيها
    محد قص عليك ولا شي

    مطالبنا واقروها من غير نقص حتى دينار


    اهم شي اللي نبيه صار واذا بتشوف غيرك اكيد بتلقى الاحسن وبتلقى اللي انت احسن منهم

    فقول الحمدلله والخير ياي فديت خشمك
     
  7. Lover_Q8

    Lover_Q8 بـترولـي نشيط

    141
    0
    0

    الحمدلله على كل شي

    كلامك عدل ياغالي بس هذي مطالب العاملين بمؤسسة البترول (الله يعطيهم الف عافيه ماقصروا) اما الناس اللي تكرف بالحقول وبالمصانع مااعتقد ان احد طالب لهم بحقهم :(

    حسافه ليت نقابة المؤسسة ماضمونا لهم وكانت هالزيادة لهم بروحهم لانهم بصراحة يستاهلون :(
     
  8. مواطن

    مواطن بـترولـي مميز

    544
    0
    0
    يا جماعة الجدول الي منزلينه بالوطن يبين بس العلاوة التشجيعية الباجي اصلا نفس ما حنا نستلمه ...

    وين الزيادة العامة ؟؟؟الي تنزل على الدرجة ؟؟
     
  9. ابومحمد

    ابومحمد بـترولـي نشيط جدا

    196
    0
    0
    شكلها والله اعلم بس علاوة تشجيعية اما الاساسي ترى بس فتحوا الجاب......يعني انطر كم سنة لما توسل التوب :mad:
    اما الكوادر الثانية معطينهم اكثر من علاوه ومعاها الاساسي بعد (ماشاالله عليهم).
    وتبون تعرفون السبب ؟ لان نقابابتنا واتحادنا كلهم بس لا هين بكراسيهم ومسابق على التصاريح بالجرايد:mad:
    ولولا الله ثم الاخوان في نقابة مؤسسة البترول كان ماشفنا ولا مليم.
     
  10. Lover_Q8

    Lover_Q8 بـترولـي نشيط

    141
    0
    0
    سلام ياللي سعيتوا بالزياده ... سلام والقلب مافيه كافي
    عزاه يازمان النفط والرياده ... أيام ماكان المعاش وافـي
     
  11. Shoomy

    Shoomy بـترولـي خـاص

    وافي ... صح لسانك ياخوي

    الله كريم ياجماعه
     
  12. أبو طلال

    أبو طلال بـترولـي نشيط جدا

    430
    0
    0
    يا جماعه ... الزياده كان مجلس الخدمه المدنيه راصد لها في حدود الثلاثين مليون

    و بعد المفاوضات بين النقابات و المؤسسه تم الإتفاق على صيغة الزيادة الحاليه

    و التي تصل تقريبا إلى 57 مليون ... و كنا خايفين لا يردها المجلس لهذا السبب ...

    لكن الحمد لله ... شكلهم أقروها كما هي ...
     
  13. engineera

    engineera بـترولـي مميز

    626
    0
    0
    بروح ادرس طب ولا طيران سنتين وارد معاشي دبل
     
  14. rahy50

    rahy50 بـترولـي نشيط

    78
    0
    0
    ماكو جريدة ثانية نشرت هالتفاصيل غير "الوطن"! ليش ؟!

    جريدة الوطن كعادتها وهذا شي مو غريب عليها تحاول تثير الحسد والحقد بين فئات وطبقات المجتمع لما تنشر ارقام تفصيلية لرواتب الاطباء والكويتية ..!!!

    يبه زادوهم .. عليهم بألف عاااااااافية .. الحين شيفكهم من عيون الناس!
     
  15. فيصل الكندري

    فيصل الكندري نـقـابـة نـفـط الـكـويـت أعضاء الشرف

    386
    0
    0
    مهندس مشاريع
    شركة نفط الكويت
    محد قص عليك .. كل(ن) اخذ حقه وزود

    عطونا الزياده اللى طلبناها بدون نقصان ...

    وعطوا غيرنا اللي يبونه بدون نقصان ...

    علينا وعليهم بالعافيه ..

    حكومتنا مبروكه ... والله يديم عز شيوخنا :)
     
  16. brilliant

    brilliant المـراقب الـعـام

    8,477
    0
    0
    Engineer
    Kuwait
    بالعكس يالغالي ما قصوا علينا الاطباء معاشاتهم قبل اقل من المهندسين بالنفط
    تخيل معاش الدكتور اول ما يتوظف 777 دينار وهو دارس 7 سنوات طب
    ورفيجة الي درس 5 سنوات هندسة توظف ومعاشه 840 دينار وبعد سنتين 980 دينار وبعد هالسنتين يكون الدكتور توه متخرج ومعاشه 777 دينار
    لكن بعد هالزياده انصفوهم وصار الدكتور اكثر من معاش المهندس بنسبة 20% تقريبا وهالشي موجود في كل دول العالم على عكس الوظع القديم الي موجود في دولة الكويت (((فقط)))
    اما زيادة الخطوط الكويتيه ماعندي خبر كم بالظبط لكن اعتقد اقل من القطاع النفطي
     
  17. الفهد

    الفهد موقوف

    71
    0
    0
    كلامك بعض الاخوان غير صحيح........بزج الاخوان باتحاد البترول بحب الكراسي........الظاهر الصور والاخبار والاجتماعات كلها هيا اللي قام فيها الاتحدا فقط..............اما النقابات الاخرى ك البترول ونفط الكويت سكووووووووووووت لانهم تبع لشخص معروف
     
جاري تحميل الصفحة...

مشاركة هذه الصفحة