نداء نداء نداء صوتوا للأحسن

الكاتب : الجوهرة | المشاهدات : 728 | الردود : 14 | ‏12 مايو 2009
  1. الجوهرة

    الجوهرة بـترولـي خـاص أعضاء الشرف

    3,136
    1
    0
    [​IMG][​IMG][​IMG]


    [​IMG][​IMG][​IMG]

    السلام عليكم ورحمة الله وبركاته

    إخواني خواتي ،، ما بقى إلا القليل على يوم الحسم

    والصوت بيدكم أمانه

    فكروا عدل يا أهل الكويت


    أرجوكم أرجوكم أرجوكم



    أحسنوا الاختيار ، أحسنوا الاختيار ، أحسنوا الاختيار

    أنا لم أطلب الكثير إلا مصلحة البلد وخدمته وتقديم له ما نستطيع

    ما في شي فوق مصلحة الكويت ديرتنا الحبيبة أمنا اللي احضنتنا

    حضر

    بدو


    شيعه

    سنه


    كلنا عيالها .. عيال الغالية

    كلنا عيالها .. عيال الحبيبة

    كلنا عيالها .. عيال الكويت




    تكفووووون .. صوتوا للأحسن

    صوتوا للي يخاف الله ويقوم على طاعته

    صوتوا للي يتحلى بالاخلاق الحسنة و يتعامل مع الناس بطريقة رائعه

    صوتوا للي يحب ويحترم من حوله لا يستخدم اسلوب التعصب

    ويبي مصلحة ديرته الكويت .. صدقوني أحنا لو شنو نسوي ما نوفي جزاها

    أمي ديرتي الحبيبه الكويت

    أحبج

    أحبج
    أحبج
    [​IMG]

    إختكم الجوهرة
     
    آخر تعديل: ‏13 مايو 2009
  2. الشايب

    الشايب بـترولـي خـاص

    2,818
    0
    36
    مسؤول أد الدنيا
    في قلب المحبين
    العجمان

    فقط لا غير

    <-- يشغل نغمه يا محلا الفنجال

    :)
     
  3. القحطاني

    القحطاني بـترولـي خـاص أعضاء الشرف

    4,717
    0
    0
    الله يجزاج خير على الكلام الجميل

    الله يحفض الكويت من الفتن
     
  4. الشوردي

    الشوردي بـترولـي نشيط

    98
    0
    0
    كلام طيب يا الجوهره وامنا الكويت تستاهل كل خير وتستاهل من عيالها بذل الجهد وحسن الاختيار
     
  5. الجوهرة

    الجوهرة بـترولـي خـاص أعضاء الشرف

    3,136
    1
    0
  6. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    صدقتي يا الجوهرة

    كلامج عين الصح


    و عين المنطق و

    شكرا لكلامج

    الطيب
     
  7. aL- raSy

    aL- raSy إدارة المنتدى

    2,714
    0
    36
    كود:
    [SIZE="5"]تكفووووون .. صوتوا للأحسن [/SIZE]
    
    [COLOR="red"]صوتوا للي يخاف الله ويقوم على طاعته [/COLOR]
    
    [COLOR="Green"]صوتوا للي يتحلى بالاخلاق الحسنة و يتعامل مع الناس بطريقة رائعه [/COLOR]
    
    [COLOR="Blue"]صوتوا للي يحب ويحترم من حوله لا يستخدم اسلوب التعصب [/COLOR]
    
     

    صوتوا لمن يحس بأنين المواطن من عبء القروض والديون اللي هدت حيله وضيعته،
    ولا تصوتون لمن وقف ضد مصالح الشعب بإقتراحات هدفها تشتيت الافكار والوقوف ضد اسقاط الفوائد لأسباب واهيه.

    صوتوا لمن يحترم الدستور ويحترم الشعب وبيت الشعب،
    ولا تصوتون لمن يطالب بتكميم الافواه و تعليق الدستور والانقلاب عليه ثم يأتي ليرشح نفسه.

    صوتوا لمن يقف ضد الفساد والعبث بالمال العام،
    ولا تصوتوا لأصحاب المصالح والصفقات والورقه البيضاء.

    صوتوا للي سموهم مؤزمين لأنهم وقفوا ضد التخبطات الحكوميه في كل المجالات،
    ولا تصوتو للي سكتوا واكتفوا بالفرجه على هذي التخبطات بداعي التهدئه على حساب الوطن والمواطن.
     
  8. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    نصوت للافضل :) كل انتخابات يتكرر هالكلام لكن لا حياة لمن تنادي الكل يصوت لقبيلته و طائفته و اللي خدمه بواسطه يعني ما طاح الا انبطح و بالاخر نصيح و نقول ليش وضع البلد تعبان .... اي من عمايلنا :) .

    لا تيأس من وطنك هههههههههههههههههههه وايد اعجبتني هالجملة احس انها تدغدغ .
     
  9. Me2

    Me2 بـترولـي نشيط جدا

    189
    0
    0
    اممممم !!
    الاحمـــدي سيتي
    لاني احبها ماراح اصوت حق احد ..
     
  10. راعي مواجيب

    راعي مواجيب بـترولـي جـديـد

    15
    0
    0
    إلي كل كويتي أصيل وشريف بالدائرة الثالثة إنه مايعطي صوته لمحمد الجويهل لأنه ناوي علي دمار الكويتيين والتفرقه بينهم وأنا أطلب من الحضر الأصيلين إنهم يوقفونه عند حدة لأنه يتكلم بإسم الحضر
     
  11. خــالدي وربي اللـه

    خــالدي وربي اللـه بـترولـي جـديـد

    أقـــــــــــــــــــــــــــــــــــــــــــــــــــــــــــسم
    أنى راح أصوت لأمى وابوى للانهم يحبوني ولا الاعضاء مامنهم زود بندوته تشوف كلامه معسوول بس يروح قبه عبدالله السالم على قولتهم نسى من كلم ونسى من واعد ونسى ونسى هذا الشى الى نعرفه ولى صاير من غير مجاملات ونضحك على أعمارنا ونقول الاصلح والزين كل شخص قام يحلف ويجذب ويتوعد وعقب ماينجح نسى الى قدامه ولى وراه انا عن نفسى ماعتقد اكو شخص مثالى ولا فيهم قصور الباقى بس انا اقول البعض :))
    واسف على الاطاله واسف اذا بيدر منى شى او ضايقت احد بوجه نظرى


    وشكرا :)
     
  12. ابوشنب

    ابوشنب بـترولـي نـشـيط

    191
    0
    0
    سوف اسمع كلام سمو الأمير حفظه الله ورعاه واعينة علي التغيير
     
  13. ]printer

    ]printer بـترولـي نشيط جدا

    180
    0
    0
    accountant
    الكويت
    انا حضرية اصلية واطلب من الحضر الاصلييين انه يطبقون عكس الكلام اللي مكتوب فوق لأنه صوتكم امانه والجويهل يمثل كل كويتي حضري اصلي وشريف
     
  14. F-KeY

    F-KeY بـترولـي نشيط

    119
    0
    0
    ما يصير المواطن عزيز عند النواب والحكومه الا وقت الانتخابات

    كلن يقول يا دهينه لا تنكتين وبنسوي لكم ونحط لكم

    وحنا يا شادين حيلنا ونبي نختار الاصلح والانسب ونجتهد قد ما نقدر عشان نوصل

    جم عضو للمجلس

    وتالى تجي الحكومه وترشي النواب وتفسد الذمم وتختلق الازمات وتفسد المجتمع

    وتقط السالفه براس ها المواطن المغلوب على امره بكلمتها المعهوده ( هذول نوابكم الي طلعتوهم )


    لذلك احسنوا الاختيار عشان ندخل الدوامه اللامنتهيه الي كل مره

    فماكو فايده
     
  15. فرناس

    فرناس بـترولـي نشيط جدا

    183
    0
    0
    نعم يجب علينا اختيار الاحسن والاخير للناس وللوطن

    والاحسن كما في قصة نبي الله موسى عليه السلام مع شعيب هو القوي الأمين

    والاحسن كما في قصة نبي الله يوسف عليه السلام مع فرعون هو الحفيظ العليم

    فعليك بالمرشح القوي الامين الحفيظ العليم المخلص نظيف اليد والقلب واللسان
     
جاري تحميل الصفحة...

مشاركة هذه الصفحة