لي مته ذكور فقط ؟؟؟؟؟؟؟؟؟؟؟؟؟

الكاتب : Banned | المشاهدات : 832 | الردود : 8 | ‏7 مايو 2009
  1. Banned

    Banned بـترولـي جـديـد

    1
    0
    0
    الكويت امرها عجيب
    بنات كويتيات درسو بررا وعاشو برا وصارو شرطة واثبتو كفائتهم في كل شي
    والشركة للحين تطلب ذكور حق الدبلوم
    ليش يعني ؟؟ عشان شكل البلسوت مو حلو على البنت
    انا اعرف مهندسات يلبسون بلسوت
    عشان الدبلوم يشتغل بيده هذا اذا للحين مايابو عمال مقاولين
    شدعوه عاد يشيلون براميل نفط على ظهورهم ويصدرونها سباحه
    و هم البنات يقدرون يشتغلون بيدهم
    عشان لازوم يشتغلون شفتات
    ومن قال مافي بنات يشتغلون شفتات
    كا الممرضات والهجره ووظايف وايد فيها شفتات بنات
    وهم عاشو برا ومانقلبت الدنيا
    لي مته على هالحال ؟؟ لي مته هالعقليه تسيطر على عقولنا
     
  2. Export_Doc's

    Export_Doc's بـترولـي خـاص أعضاء الشرف

    2,561
    0
    0
    ابي اتخيل بنت تشتغل شفت بالقطاع النفطي يعني اتروح ويه عمال بالليل للتوانكي مثلا وله تطلع بالبحر و يعطونها وانيت و راديو

    انت تخيل هالشي
    و تقبل مروري
     
  3. الشايب

    الشايب بـترولـي خـاص

    2,818
    0
    36
    مسؤول أد الدنيا
    في قلب المحبين
    محد زاد عدد البطاله للذكور الا البنات

    البنات سبب رئيسي في البطاله

    وين ماتروح تلقا بنت حتى في السجون تلقا بنات

    اقعدي يا مره فالبيت ولك 400 دينار

    اعيالنا يبون يتزوجون بس مالقو وظايف

    ودك بس الصحه والشؤون والتربيه بس للبنات
     
  4. dehen_3ood

    dehen_3ood بـترولـي خـاص أعضاء الشرف

    السلام عليكم ورحمة الله وبركاته

    عفواً اختي الكريمة ليش الكويت أمرها عجيب؟

    عشان بس يطلبون ذكور لحملة الدبلوم؟ صيري إنتي احسن وكملي جامعة عشان تلبسين البلسوت !!

    صحيح كلامج في بنات عندنا بشركة نفط الكويت يلبسون بلسوتات وهم مهندسات بس ما يدوامون شفتات

    قد يتطلب العمل يداومون جمعة وسبت بس مو شفت ليل !!

    قانون العمل في القطاع الأهلي (وللي يضم البترول وعمال الشركات الأهلية واصحاب الأعمال والمشروعات الخاصة من الأهالي والأجانب) يمنع تشغيل النساء ليلاً ويستثنى من ذلك دور العلاج وبعض المؤسسات اللي يصجر بشأن العمل فيها قرار من وزارة الشئون الاجتماعية والعمل وكذلك يحضر تشغيل النساء في المهن والصناعات الخطرة والمضرة بالصحة ..

    اكيد إنتي وغيرج عندكم طموح وحابين تثبتون ذاتكم ونفسكم وإنكم درستوا وتعبتوا بس مو هالشي معناته بلسوت !!

    وصدقيني بناتنا المهندسات اثبتوا جدارتهم والله يوفقهم بس بالمقابل في منهم تجمدوا في وظايفهم وفي منهم تضايقوا وفي منهم تحاربوا من الغير يعني ما استفادوا يعني صبه حقنه لبن !!

    شوفي انا بضرب لج مثال صغير في موظفه اعرفها شهادتها من كلية التكنولوجيا (كيميا)

    تدرين شنو شغلها عندنا؟ سكرتيره؟ ليش لأن مافي وظيفه تناسب تخصصها !!

    لبست بلسوت وراحت السناتر واستغلت في مجال دراستها بس كانت تجربة 3 شهور وتالي المتمة صارت مساعد اداري!! لأن طبيعي ما راح تشتغل مع جماعة المختبر بحكم شغلهم شفتات !! ومايصير اصلا تقعد بالسنتر

    إذن وين الخلل وشنو الحل؟
     
  5. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    فتحتي على نفسك جبهة حرب من كلا الطرفين


    من رجال القطاع النفطي ومن بنات القطاع النفطي


    اشلون تلبسين بلسوت وتشتغلين في شهر 7 بالصيف ما بين حرارة الجو وحرارة المعدات مثلا ؟؟

    اشلون تصعدين سلم عامودي يرتفع عن سطح الأرض 15 متر ؟؟؟


    ياليت تراجعين أنوثتج ...وتسألينها هل هالكلام صح ؟؟؟ وتردين لنا جواب سريع
     
  6. q8rix

    q8rix بترولي خاص أعضاء الشرف

    437
    0
    16
    ... انا ريال وما اتحمل هشغل الصراحه لا تعليق :p
     
  7. الشكوىى لله

    الشكوىى لله بـترولـي مميز

    773
    0
    16
    القطاَع النفطي الخاص
    الكويت

    >>>>>>>>>>>>>>>><<<<<<<<<<<<<<
     
  8. msa

    msa بـترولـي نشيط

    أي والله الشباب مو لاقين وظايف بالقطاع النفطي هالدور بنات تداوم لا بالله زادت البطاله
     
  9. brilliant

    brilliant المـراقب الـعـام

    8,477
    0
    0
    Engineer
    Kuwait
    القطاع النفطي مليئ بالبنات حملة الدبلوم (الاداري) وليس التكنيكال

    وبالعكس احلا دوام مكتب وكمبيوتر وشاي وقهوه رايحه جايه ونعمه من الله
     
جاري تحميل الصفحة...

مشاركة هذه الصفحة