مشكلتي مع نظام التقييم الجديد أرجو المساعدة

الكاتب : Asst. Admin | المشاهدات : 1,173 | الردود : 14 | ‏5 مايو 2009
  1. Asst. Admin

    Asst. Admin بـترولـي جـديـد

    14
    0
    0
    السلام عليكم

    اخواني وأخواتي أرجو منكم جميعا مساعدتي في هذا الموضوع لأنه قد تم ظلمي لهذه السنة في التقييم ةلا أعرف ما العمل

    مشكلتي أن مديري قيمني لهذه السنو ووضع لي +c أي 6.5% مع العلم بأني ملتزمة في الدوام الرسمي واستذاناتي محدودة ولم آخذ مرضيات مع العلم بأني أذا كنت تعبانة أخذ إجازة من رصيدي والشغل ما يتأجل حق باجر ودايما يقول اني مو قصرة بشغلي وكان كل كلام وهذي السنة الثانية ما أشوف تقييمي ولا أوق عليه وكل ما أسال جم حاطلي يقولي انزيين وطاف ولا العذر الأخير بأن لازم يسوي رليس على الباسوورد واللي يبط الجبد أكثر ان عندي موظفة في قسمي كانت من في فترة التقييم مرضيات حمل أكثر من 30 يوم وبعدين وضع وأمومة وعطوها +b ولما كلمته قالي أني مو صحيح +c معناها 6.5% بالأساس معناها 7.5% على بالة الغباء مشترك وأني ما كنت موجودة وقت التقييم للمناقشة علشان يتهرب من المسئولية طبعا ماخذيت لاحق ولا باطل ورحت حق مدير الدائرة وقلت الموضوع بالتفصيل وقالي أني مظلومة بس ما يقدر يسوي لي شي لأن التقييم ما ينسحب من السستم وانشاالله السنة الياية أكون في عين الاعتبار عنده بس ما أقنعني والسبوع الياي راح ارفع كتاب تظلم حق مدير الموارد البشرية وأشوف بس ما أدري أرفعها نقابة ولا لأ

    عفية أبي مساعدتكم وآسفة نص الكلام عامية وفصحة من القهر أن لما تكون شاغول التقييم موشي والخوف أن أنا في فترة التقييم الياي راح أكون انشاء الله في أجازة وضع وأمومة على شهر 11 وشنو راح يكون تقييمي اذا تعبي هذي السنة على ولا شي والنتيجة ظلم

    أنا موظفة في المبنى الرئيسي
     
  2. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    ان شاء الله يشوف لج الموضوع شخص مطلع على هذه الأمور

    إنتي في أي شركة بالضبط لو ممكن ؟
     
  3. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    السلام عليكم ورحمة الله وبركاته

    اختي الكريمه قدمي شكوى رسمية عند النقابه وان شاءالله يتم تعديلها لج
    واذكري جميع النقاط اللي كتبتيها في الشكوى
     
  4. Asst. Admin

    Asst. Admin بـترولـي جـديـد

    14
    0
    0
    انا في Knpc المكتب الرئيسي

    ومشكورين ماقصرتو
     
  5. زهرة التوليب

    زهرة التوليب بـترولـي خـاص

    حسبي الله عليه
    يعني اللي يشتغل ويكرف ويلتزم يظلمونه
    واللي مقزرها طبيات واستئذانات ياخذ احسن تقييم !!!

    بالله هذا شي يدش بالمخ ؟؟

    اختي لا تسكتين عن حقج وقدمي التظلم وكتبي فيه كل شي وخاصه انج مو قاعده تشوفين تقيمج ولا توقعين عليه
    لأن مو من حقه يقيمج على كيفه من غير ما تشوفين تقيمج وتوقعين عليه
    لأن توقيع الموظف وموافقته على تقيمه جزأ من قانون النظام اليديد لتقييم

    وحتى اذا الموظف بأجازه يقيمونه قبل لا يطلع أجازه او لما يرجع من اجازته
    اصلا اللي اعرفه ان التقاييم هالسنه وايد تأخرت بسبب ان المسؤول او المدير نفسه بأجازه !!!

    واذا قدمتي الشكوى وما حسيتي ان فيها انصاف قدمي شكوى لنقابة
    وان شاء الله ما يضيع حق وراه مطالب
    خلي هالمسؤول يعرف ان الله حق عشان ما يتمادا مره ثانيه ويظلم الناس
     
  6. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    نعم بالضبط كما ذكر الزميل Q8ow


    ورقة اكتبي فيها الشكوى وارسليها الى النقابة


    وان شاء الله بتصير 7 ونص



    وان شاء الله تبشرينا بتعديلها

    هذا هو الحل


    لا تحتكين معاهم ولا شيء لأن هذا كله ما ينفع
     
  7. .KNPC

    .KNPC بـترولـي نشيط

    57
    0
    0
    اللله ينصرج عليهم
     
  8. بوعبدالعزيز.كوم

    بوعبدالعزيز.كوم بـترولـي نشيط جدا

    483
    4
    18
    طالب علم
    دولة الكويت
    موضوعج بسيط جدا وما يحتاج غير ورقة وقلم وتليينه من اذانييه
    1. تشتكين عليه عند العلاقات الصناعية بالشركة
    2.‏ تسوين ايضا كتاب شكوى للنقابة
    3.‏ تسوين كتاب حق وزارة الشؤون لجنة نزاعات العمل
    4.‏ اذا في مجلس تشتتكين وتليينه لجنة العرائض والشكاوي
    5.‏ تكسرين سيارته وتبنجرين توايرها وتشبين قاز بمكتبه :)
    6.‏ حتى مديركم سوي نفس الشي فيه لانه ماعرف ياخذ حق موظفينه

    واخيرا رب العالمين ما راح يضيع حقج وراح تشوفين فيهم يووم
    القاعده الكونية تقول: اظلم تظلم وافعل ماشئت فان الديان لايموت وكما تدين تدان
     
  9. feed gas

    feed gas بـترولـي خـاص

    انتى لبسى ونطرى انشالله خير غيرج متبهدل من سنين مع سالفه التقييم السنوى وكل مره يوعدونه السنه اليايه احسن.. شدى حيلج والشده علا الله
     
  10. السراب الرحال

    السراب الرحال بـترولـي نشيط جدا

    373
    0
    0
    خلاص من السنه الجايه سوى العكس
    وانا اجزم لج انه العلاوه راح ترتفع
    شكرا
     
  11. Asst. Admin

    Asst. Admin بـترولـي جـديـد

    14
    0
    0
    مشكورين وما قصرتو وآسفة عاد الموضوع أغلبه بدليات
     
  12. سعود السبيعي

    سعود السبيعي بـترولـي نشيط جدا

    227
    0
    0
    كل موظف في الشركه عند بداية العام يتم تبليغه بالأهداف المطلوبه منه ويوقع علي أخطاره بهذه الأهداف . وعليه تنفيذ الأهداف كي يحقق علامات عاليه من % . وبعد ست شهور يوقع علي علي ماتم تحقيقه من أهداف . ونهاية العام يوقع أيضا علي تقييمه .


    حسب علمي قبل جم شهر تم تشكيل للجنه من شؤن الموظفين وألأ دارات الأخري للنظر في الشكاوي
     
  13. النـديـــــم

    النـديـــــم بـترولـي نشيط

    89
    0
    0
    ما أجـهلــه بالأمـس عـرفــتـــــه الـيـــوم

    السلام عليكم جميعا أختي العزيزه هناك آلية للتظلم والإعتراض على أي قرار يصدر ويرى فيه الموظف إستنقاص من حقه فإسمحيلي أبينها وأشرحها لكي من خلال رحلتي معاهم في أروقة القضاء ومما عرفته يجب بالأول أن تقدمين تظلم خطي مبينه أسباب التظلم للمسؤل على أن لا يكون مضى على القرار أكثر من 60 يوما وإلا سيسقط حقك بالتظلم وكأنه لم يكن ويجب أخذ صورة من كتاب التظلم موقعا من المسؤول ومختوما ما يفيد بأنه إستلم كتاب التظلم وخلال ال60 يوما إن لم يقدم لكي أسباب مقنعة أو لم تعدل هنا تلجأين الى وزارة الشئوون لتقديم الشكوى مصطحبه معكي صورة من كتاب التظلم وأتمنى لكي التوفيق
     
  14. @gmail

    @gmail بـترولـي جـديـد

    1
    0
    0
    اذكر قبل اربع سنين اشتكو مجموعة من الشباب للنقابة
    واحد منهم من الربع
    والحمدلله عدلو تقاريرهم بعد تدخل مدير الشركة او نائبة على ما اذكر
    السبب الرئيسي لعدم تعديل اي تقرير حتى لو تم بخطأ غير مقصود كما في حالات تشابة الاسماء
    اولا ان اي تعديل معناه ان مسؤول الموظف المعني قد اخطأ بالتقييم
    ثانيا ان اي تعديل يحتاج ميزانية اضافية (اكثر من 7.5)
    اقترح عليج ان تقبلين بتعويض مؤقت (البونص السنوي و خصوصا هاليومين وقته) +تعهد بتعديل نسبة السنة القادمه
    مقابل عدم متابعة الشكوى
    تنبة تأكدي فعلا من صحة المعلومات التي ذكرتيها عن زميلتك
    في الختام تقومين بالسلامة والله يجعلة من الذرية الصالحة
     
  15. زهرة التوليب

    زهرة التوليب بـترولـي خـاص

    @gmail اسمحلي اخوي انا مو معاك كلش في هالحل
    البونص اذا رضوا يعطونها كتعويض ماراح يكون مثل الزياده السنويه اللي ثابته على الراتب
    وغير جذي اذا كانت زيادتها السنوية هالسنه زينه السنه اليايه اذا ياتها زياده بنفس المستوى او اكثر يطلع لها زياده حلوه
    بس اذا سكتت على هالنسبه واهي فيها ظلم كبير مثل ما قالت الأخت يعني حتى لو عوضوها السنه اليايه اهي بالأساس انظلمت وماراح يطلع لها وايد بالتعويض

    هذا راتب مو بونص يعني على الراتب الأساسي وشي ثابت

    انا حسب ما سألت في العلاقات الصناعية تقدر تقدم شكوى حق مدير الموارد البشرية وتذكر فيها التظلم اللي صار لها وان عندها حاله في قسمها ما داومت غير شهرين واخذت 8 غير الطبات والأمومه والوضع ورد مسؤولها وغيره وغيره

    واهو بنفسه راح يرفعه للمساعد التنفيذي التابع لكم وان شاء الله يتعدل تقيمج ومسؤولج ياخذ جزاه
    وانتي تابعي الموضوع من صوبج اذا حسيتي ان الموارد البشريه قاعدين يماطلون ويطولون السالفه كتبي شكوى لنقابه
    وماراح يضيع حق وراه مطالب
     
جاري تحميل الصفحة...

مشاركة هذه الصفحة