بكلريوس تربية مرفوض ؟؟؟ *_*

الكاتب : swan | المشاهدات : 1,187 | الردود : 14 | ‏2 مايو 2009
  1. swan

    swan بـترولـي جـديـد

    47
    0
    0
    السلام عليكم

    حاولت ادور عنوان غير جذي ماحصلت :\

    اخواني آنا بصراحة فعلا حابة أغير و احسن من مستواي الوظيفي

    وماني لاقية نفسي ابدا بالتربية .. للأسف اجبرت بالبداية على التخصص

    آنا خريجة جامعة الكويت كلية التربية تخصص لغة عربية يناير 2008

    توني متعينة 24 اغسطس 2008

    بس ما كنت متوقعة إني راح انحبط من هالنظام التعليمي لزبالة .. الله يعين الناس على المستوى التعليمي اللي بلاقون عيالهم فيه

    مناهج ما تغيرت من ايام دراسي يعني قاعده ادّرس اشياء آنا درستها تخيلو

    جمود مو طبيعي .. يعني بالعربي يبون روبوت مو مدرّسة

    ننفذ الاوامر كما هي

    ممنوع الابداع - الابتكار حتى لو كان في مصلحة الطالب

    مجاملات نسائية سخيفة ومرهقه


    الحين شلكم بالديباجه؟

    حابه أعرف لو بقدم ان شالله اذا فتح باب التسجيل .. حتى لو بعدين .. ننطر

    شنو الأوراق المطلوبه؟

    أو بصورة ثانية .. هل يقبلوني؟

    ما معاي غير بس شهادة البكلوريوس
    icdl
    g mat
    شهادة عادية إدارة أعمال وسكرتارية( انفوسنتر)
    والتوفل

    طبعا بقريد زين


    فرصي ضعيفه؟ ولا لازم واسطه بعد؟

    ولو حبيت اتفرغ لاستكمال الدراسة اكو مجال؟


    ادري اسألتي وايد واتقث بس تحملونييييييي بليز


    اختكم سوسو
     
  2. swan

    swan بـترولـي جـديـد

    47
    0
    0
    واي لا ليش؟؟؟؟؟

    شفيكم تخرعوني جذي محد رد

    يعني ماكو ؟؟؟

    معلش هم بروح واجرب بروحي دام محد حاب يفيدني

    تسلمون هم حبايبي :)
     
  3. كبد نمله

    كبد نمله بـترولـي جـديـد

    25
    0
    0
    الاجر عند الله يامربيه الاجيال :)
     
  4. swan

    swan بـترولـي جـديـد

    47
    0
    0
    اكيد هالشي مصبرني عزيزتي كبد نمله على التدريس بمساءوه .. وحب الناس هم مصبرني

    بس صحتي قامت تنعل لأني احاتي وايد واحب شغلي كامل وعلى اكمل وجه

    اتيي وحده عالرهاة ( الناظرة او المشرفة)وتكسر مياديفي؟ يا اختي اما ان يقولوا خيرا او يصمتون

    والله كبروني وآنا توني صغيره ( حدي مصدقه عمري)

    بس للأسف اكتشفت اني مو لاقيه نفسي بالتدريس

    حاولت اتأقلم بس لامفر راح اغير باذن الله سواء للبترول او غيره

    تسلمين عزيزتي عالوقوف على الموضوع والرد الطيب :)
     
  5. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    عزيزتي الفــاضلة أذا معـاك واسطــة قويــة وفيـها دزة كتـف كـل شـي وارد

    زمــلاء أفــاضل معـنـا شهـادة تدريس تربيــة أسلاميـة ويداوم بالحقــول

    وش جـاب التربيـة الأسلاميـة صـوب تخصص الحقــول :confused:

    أمـا حــاقـة غريبـــة بـئا :confused:

    قدمــي بالتسجيــل الجـاي والتوفيــق مـن اللـه سبحـانة
     
  6. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    السلام عليكم

    أهلا وسهلا بالأخت الكريمة سوان


    بالنسبة لأسئلتك ان شاء الله واضحة والاجابة أسهل

    ابدأئي بالتسجيل القادم ان شاء الله

    وبعدها واسطة بسيطة

    وبالنسبة للشواغر بالنسبة لتخصصك كثيرة جدا .... وجهد أقل من التربية وراتب أفضل وتشجيع

    أتمنى لي التوفيق


    القطاع النفطي بالتأكيد أفضل


    وبالنسبة للدراسة اذا تعينتي ان شاء الله صعب تكملين
     
  7. swan

    swan بـترولـي جـديـد

    47
    0
    0
    اخوي الفاضل جونم جقرم ( لساني انعقد وآنا اقرا اسمك صعب :s )

    اي والله حاجه غريبة اوي

    تسلم على الرد المريح .. يزاك الله خير ويسر امورك :)

    اخي العزيز الوسام

    سهل الله دروبك نفس ما سهلت الاجابة علي

    وان شالله راح اقدم .. ولو مكتوبلي محد راح يمنع

    على قةلة امي .. لو تجري جري الوحوش غير رزقك ماتحوش

    تسلمون حبايبي وفي ميزانكم ان شالله :)

    اختكم سوسو
     
  8. كبد نمله

    كبد نمله بـترولـي جـديـد

    25
    0
    0


    دنا تهزأت يارقاله :cool: << يعني رجاله بس بالمصري :)


    انتي تسونامي مدري وش اسمش انا كبد نمله مو نمله يعني لازم اعرف اذا النمله ذكر ولا نثيه :)

    صدق وش اسم ذكر النمله ؟ نملول هع هع

    المهم مشكور ( عزيزي سوان على الرد ) :p
     
  9. swan

    swan بـترولـي جـديـد

    47
    0
    0
    ههههههههههه

    مي سوري مي سوري اخوي كبد نمله

    سامحني العتب عالنزر :s

    يالله يسلمو باشا كبد نمله .. ها بعد شتبي؟

    مشكورين
     
  10. كبد نمله

    كبد نمله بـترولـي جـديـد

    25
    0
    0
    سوريش قبلناه << سوريش هذا اسم بطل هندي لوووووول

    يعني سوريِّج اوكي جذي << حاشه شد عضلي بحنكه < محنك هههههههههه حنجه حنجه جبح ويه سليمه تصشش << يتعلم حضري :)

    شفيني فصلت ايه دوام النايت ومايسوي :)

    يالله لاتعيدينها شوكرن عفون
     
  11. swan

    swan بـترولـي جـديـد

    47
    0
    0
    ان شالله عمي :\
     
  12. namooola

    namooola بـترولـي جـديـد



    السلام عبليكم حبيبتي اعتقد انه المتخرجين من التربيه الاساسيه مايقدرون يقدمون باى مكان غير التربيه لانه التربيه مسوي لهم احتكار ولازم وزارة التربيه تقدم كتاب استغناء عن خدماتج عشان تقدرين تروحين المكان الى تبينه وشكرااا
     
  13. swan

    swan بـترولـي جـديـد

    47
    0
    0
    مشكوررررة نمولة تسلمين

    بس آنا مو تربية أساسية .. تربية عادية جامعة الكويت محولة من علوم رياضيات سنتين

    هم مايبوني؟

    انزين ماكو حيله اقدر ادش منها؟

    يعني آخذ دورات او شي؟

    بعدين الشي الثاني آنا قدمت على دبلوم إدارة في بوكسهل

    سنتين

    وعلى ماتيي السنتين راح يكون عمري 28 .. ماراح يقبلوني النفط صح؟ ولا تنحسب خبرتي 3 سنوات بالتربية؟


    عاوزه افهم :\
     
  14. مهندس

    مهندس بـترولـي جـديـد

    2
    0
    0
    انا شهادتي دبلوم هندسة بترول استكشاف وتطوير ابي على اي قريد اتعين وجم راتبي وشنو ميزاتي
     
  15. EviaN

    EviaN بـترولـي نشيط جدا

    هههههههههههههههههههههه اول شي قاعد اشوف الحجي اللي بين كبد نمله وسوان الصراحه يضحك هههههههههههههههه واللي يضحك اكثر اللي نكه مهندس داش عرض هههههههههههههههههههههههههههههههههه
     
جاري تحميل الصفحة...

مشاركة هذه الصفحة