اللي قاعد يصير

الكاتب : khaled85 | المشاهدات : 232 | الردود : 2 | ‏29 ابريل 2009
  1. khaled85

    khaled85 بـترولـي نشيط

    91
    0
    0
    السلام عليكم

    يا جماعة انتوا راضيين على اللي قاعد يصير ؟؟ سب وقذف وقلة حيا وقلة احترام يعني هذا مستوى ناس اتدش المجلس واتمثل الشعب الكويتي لا وفوق هذا اللي يجذب واللي ينكر يعني مثل النائب السابق المحترم الدكتور فيصل المسلم أثار قضية الشيكات اللي لي اليوم غامضة يوم كان بالمجلس وقبل جم يوم اكتبوا بالوطن المسلم بيفجر قضية الشيكات ويقولها للوطن ويوم ثاني كاتبين المسلم يقول مافي قضية شيكات يعني انت دكتور ومثلت الشعب الكويتي وأبناء دائرتك بالمجلس هذا كلامك انا مابي اتكلم عن الدكتور فيصل المسلم لكن هذا نموذج غير هذا طبعا الكل يعرف سالفة بورمية وفوق هذا لما طلع من امن الدولة قال انا عند رايي ان الشيخ جابر المبارك لا يصلح لرئاسة مجلس الوزراء يعني عيب والله الواحد يستحي يقول ان هذا كويتي يعني مستوى التخلف وصل فينا الى هذا الحد

    هذا غير الصراخ اللي بالندوات وكل واحد يهدد وكلام بصراحة مؤسف ومخزي في نفس الوقت حتى اسلوب الحوار فقدناه اللي المفروض اول ما يتحلى فيه المرشح اهوه اسلوب الحوار عشان يوصل برامجه لأبناء الدائرة لكن الله يستر من المجلس الجاي يعني اذا ردت الوجوه كما هي انا اقول العيب في الشعب نفسه سوء الاختيار هذا اول شي ثانيا التعصب القبلي ثالثا الفلوس معروفة الرشاوي وغيرها وشراء الاصوات

    احنا عندنا الحمدلله كفاءات بالكويت ودشت المجلس لكن ناس تبني وناس تهدم والحين وقت الانتخابات قاعدين نشوف وجوه جديدة وشابة وكفاءات انا يعني اتمنى انهم ينجحون لكن اللي اشوفه انهم ابعاد عن كرسي المجلس يعني للأسف الناس ما عندهم ثقة بالغير خلاص انا اعرف فلان ارشحه اهوه وفلان يوصيه على علان وغيره وغيره

    حتى المرأة يقولك احنا نرفض دخول المرأة المجلس يعني شنو الضرر اذا دشت المرأة المجلس شنو الضرر في هالشي يعني شفنا الحمدلله وزيرات الدكتورة معصومة المبارك اول وزيرة وكانت ماشاءالله مثل ما يقولون الشخص المناسب في المكان المناسب بس البعض ما عطاها مجال واستقالت وكانت وزيرة للصحة لما استقالت والسبب ان مستشفى الجهراء احترق يعني الوزيرة شكو انا مادري في ادارة بالمستشفى وفي فريق صيانة وغيره ومسؤولين الوزيرة اتحاسب المسؤولين على التقصير

    صدقوني العيب فيناااا احنا اللي ما انعرف نختار والكل يمشي ورا مصلحته ونسكت ولا نقدر نقول الكويت أولى للأسف صار كل واحد يفكر بنفسه وبس

    أتمنى من الكل ان يحسن الاختيار ويبتعد عن التعصب القبلي وبيع الأصوات وحطوا الكويت جدام عيونكم

    اسف عالاطالة ويعطيكم العافيه
     
  2. Export_Doc's

    Export_Doc's بـترولـي خـاص أعضاء الشرف

    2,561
    0
    0
    انتفائل خير انشالله ( تفائلو بالخير تجدوه ) اللي علينه حسن الاختيار و الباجي على الله
     
  3. جابر

    جابر قــلــم بــتــرولــي أعضاء الشرف

    ويعطيك العافيه أنت بعد ..

    اولا : الدكتور فيصل من أول الأيام ..وهو يقول انه محتاج توضيح بخصوص هالمعلومات اذا كانت صحيحه أم لا ..والأستجواب ..هو مجرد طلب أستيضاح لأمور محدده محد رد عليها بوقت محدد ..يعنى مو إدانه لأحد :)

    أما إذا كان فيه بعض الجرايد تركض ورا التشويق ..او لها أهداف أخرى.. هذا مو ذنبه ..:mad:

    ثانيا : بالنسبه للدكتور ضيف الله بو رميه هذا رأيه وهو حر فيه ..اذا كان فيه مخالفه قانونيه ..البلد فيها قانون ..والا الصراخ بسيادة القانون بس لما (نطال) ناس معينيين ;)

    ثالثا : يادى التعصب القبلى ...اللى كل مشكله على رأسه .:D..أنسوا ...مخرجات التعصب القبلى ليست رعاة أغنام ..لكن دكاتره ومهندسين ومحامين ...وهذى على أعلى قمم المهن فى العالم ..وبعدين ترى فيه بعد تعصب طائفى ..وهذا ولدنا ...ماشى حييييييييييل بالبلد بس شكله منسى :D

    رابعا : المرأه ، ماعليها خلاف ..هناك من يرى دخولها المجلس زين .وهناك من يرى حفظا لكرامتها أو لشرعية فى الدين أبتعادها أفضل ..وحرية الرأى مكفوله للجميع :) أما بالنسبه للمسئوليه الضمنيه ..فالوزير أما أن يتبع الأجراءات السليمه لأيجاد المتسبب فى الأخطاء الجسيمه وإحالتها لذوى الأختصاص ..اما إذا فيه سبب يمنعه من إستخدام صلاحياته فيستقيل أحسن له ..وتصير المسئوليه لتعديل الوضع على اللى يليه :)

    خامسا : مخرجات الشعب الكويتى مافيها شى حلوه وشزينها :D...يمكن تبى شوىة (تعديل) و(تضبيط) ..لكن بتعاون الحكومه ...ومن خلال توجيهات سمو الأمير.... راح يمشى القطار بأمان أكير:)

    سادسا : الديموقراطيه ..هى ممارسه ..تنضج مع الوقت والتعلم ..وليست أختبار اذا وقفت عند سؤال مالك خلقه ..طوفته ..وقلت يمكن أنجح بدونه..:D..
     
جاري تحميل الصفحة...

مشاركة هذه الصفحة