رساله الي مسؤولين المستشفي........؟

الكاتب : نفطاوي مملوح | المشاهدات : 1,339 | الردود : 15 | ‏23 ابريل 2009
  1. نفطاوي مملوح

    نفطاوي مملوح بـترولـي نشيط

    87
    1
    8
    اود ان انبه في رسالتي هذه الي كل من يعمل بالمستشفي وخصوصا المسؤولين الكبار علي قولتهم ....لماذا اهتميتم بالمقاهي والبقالات والاكسسوارات والاشياء التي ليس لها اي معني سوي انها كماليات لمصلحت ناس معينه ...لماذا لم يتم استغلال هذه الاموال الطائله الي ماهو اهم وتنفع المرضي ..وعلي سبيل المثال غرفه الطواري ليس بها سوي 3 اسره وهي صغيره للغايه علما بانالمقهي والبقاله اكبر منه بكثير اتدرون لماذا؟؟؟؟؟؟ اريد منكم الجواب....وهناك اشياء كثيره لم يهتموا بها لانها لا تدخل عليهم اي مردود مادي ...اصبحت الواجهات والديكورات والاجارات اهم من صحت موظف الشركه الذي ضحي من اجل الكويت في انتاج اغلي ثروه واهم مصدر في هذا الوطن الحبيب ...فعلا شي عجيب ...!!!!!!
     
  2. صح كلامك يا طويل العمر بس البقالة و المحلات الي داخل المستشفى يجي من واراها مردوود مادي و مالك امل يستغنون عنهم


    :)


    ومشكور علا الموضوع اخوي
     
  3. Barbarian

    Barbarian بـترولـي نشيط

    120
    0
    0
    يعطيك العافية وما تقصر...

    تخيّل رحت أبي آخذ موعد اطفال أبي بس الدكتور يكشف على الولد عشان يكتبله لائق صحياً وآخذه غرفة العمليات الصغرى عشان يطهرونه وكل هالعمليه ما تاخذ نص ساعه

    عطوني موعد بعد شهر و 10 أيام

    والله مسخره...طبعاً قمت ورحت مستشفي خاص وطهرت الولد بنفس اليوم وكان الله غفور رحيم
     
  4. الناهض

    الناهض بـترولـي خـاص

    2,144
    0
    0
    شركة نفط الكويت
    ياجماعه على حسب معلوماتي

    جميع المحلات الموجوده مردوده للنقابه مالها علاقه المستشفى بشي..
     
  5. Snuppy

    Snuppy بـترولـي نشيط

    68
    0
    0
    أناأشوف إداره المستشفى شاده حيلها قاعده تعدل فى المستشفى توسع و تكبر الأجنحه وتبنى أجنحه جديده وقسم طوارى جديد وفى مشروع تعديل الأجنحه القديمه... المسأله يبيلها صبرووقت
     
  6. Online

    Online بـترولـي نشيط جدا

    374
    0
    16
    اختلف معاك اخي العزيز
    واللة ان المقهى والمحلات
    مهمه على الاقل الواحد لما ينطر دوره
    ساعتين والا ثلاث
    يلقاله مكان يقعد فيه
    يضيع عليه الوقت
    مو قاعد عند غرفة الدكتور تقول قاعد بمحطة باص
    وياليت يحطون شاشه ديجتال بالمقهى
    يحطون فيها رقم الغرفه وكم واصل الدور
     
  7. Snuppy

    Snuppy بـترولـي نشيط

    68
    0
    0
    كلامك عدل والله فكره جان زين يسوونها:)
     
  8. hbinasri

    hbinasri بـترولـي جـديـد

    4
    0
    0
    أخصائي تغذية علاجية
    الكويت
    احنا نقول ليش ما وافقو على المستشفى الجديد...ولكن شغل الترقيع هذا ما ينفع لان الناس كل يوم عن يوم تزيد ولازم يكون عندهم بعد نظر...

    والله كريم
     
  9. سنالبرق

    سنالبرق بـترولـي جـديـد

    10
    0
    0
    كلام الناهض صح ان المردود مو للمستشفى بالعكس هذا استثمار لاشخاص برة المستشفى

    وكلام suppy ايضا صح وحقيقة ملموسة المستشفى بطور التوسعة والدليل مباني جديدة اسست وسيتم افتتحها السنة القادمة واجنحة جديدة وعيادات جديدة وارضيات ومواقف للجميع


    الامر يحتاج للصبر والسعة البال
     
  10. brilliant

    brilliant المـراقب الـعـام

    8,477
    0
    0
    Engineer
    Kuwait
    الطوراي ماتطور بس عدلوا البوابه والباقي نفسه

    المنظر الخارجي يتعدل لكن الداخلي نفسه السراير نفسها زحمه على طول عند الطواري

    عدد الدكاتره دايم قليل وساعتين على مادش على الدكتور

    الصيدليه ساعه الاربع على مايصرفلك حبتين وشراب

    الاقسام كل قسم مافيه الا 3 غرف او 4 خصوصي فقط والباقي رايح فيها

    قسم الاطفال تقول قاعد في براحه وحاطين بينهم ستاير الام ماترتاح بهالقسم اذا تنوم طفلها

    اذا تجي الصبح بدري تبي شهاده لمن يهمه الامر ماتحصل احد (هندي يوقع عنهم)

    صحيح المقهى حلو شكله لكن قهوته على طول بارده بعمره ماعطانيها حاره (واسعاره مبالغ فيها)
    هذي الامور الي نبيها تطور الامور الاساسيه


    اشكرهم على ترتيب المصافط والامور الي طوروها لكن الي نبيه تطور حقيقي الامور الداخليه الاساسيه
     
  11. زهرة التوليب

    زهرة التوليب بـترولـي خـاص

    الترقيع مرفوض

    يا يعدلون المستشفى مثل العالم والا يبنون مستشفى يديد
    لأن الحال كل ماله وللأردى

    وخاصه قسم الطواري
    الأسره تلوع الجبده ومو نظيفه

    وعددهم مو كافي
    ومافي احترام للمرضى يعني تلقا وحده يبون ينقلونها من الطوارئ الى أحد الأجنحه جدام العالم واثنين عمال رياييل يدزونها !!!
    وين السسترات واين خصوصيه واحترام المرض مخلين الأكو والماكو يطالعها

    صراحه مستشفى الأحمدي تعيس وما افكر ادخله علشان العلاج
    لأن اذا دخلته بيصير فيني ضغط من القهر لوووول
     
  12. Snuppy

    Snuppy بـترولـي نشيط

    68
    0
    0
    يا خيتى يا زهره بحياتى ما شفت رياييل يدزون وحده من الطوارى للأجنحه فى مستشفى الأحمدى متى شفتيهم أصلا اللى يدز اهمه: السسترات مع مساعداتهم :confused:
     
  13. Snuppy

    Snuppy بـترولـي نشيط

    68
    0
    0
    بالعكس قسم الطوارى بصير أكبر ... فى قسم طوارى كامل ليما الحين ما افتتح وراح ينفتح عن قريب بس ناطرين وصول السسترات والدكاتره والأسره و الأجهزه يعنى مو معقوله يفتتح القسم بنفس عدد الدكاتره والسسترات والأجهزه والأسره عطوهم فرصه المسأله تبيلها وقت وباقى الأجنحه راح يسوون لهم ترميم جناح ورا جناح وراح يبدون بالعنايه المركزه والجناح الرابع صبرو شوى ترى المدير شاد حيله والله والنعم فيه:)
     
  14. اطفائي محترق

    اطفائي محترق بـترولـي خـاص

    1,187
    0
    0
    اشب الضيان
    الشعيبه
    لو مافيه بقاله وكوفي شوب جان قلتوا شنو هالمستشفى السكه ... حتى مستشفيات الحكومه احسن منا .. فيها مقاهي وبقالات.. الا خلهم يحطون سوق مركزي بالمستشفى بعد ؟؟؟... كافي الادويه اللي ناخذها احسن من اللي برى الف مرره
     
  15. ]printer

    ]printer بـترولـي نشيط جدا

    180
    0
    0
    accountant
    الكويت
    ما قلنا عن الادويه ولا العلاج بالعكس صح كلامكم الادوية احسن بوايد من االحكومه الحكومه خانت حيلي كله ملوت الامارات والله لو ييبون مال مصر 123 احسن وافود وحدة بوحده بس هذا لو تخلص 4 قواطي Antibiotic ماتطيب
    انا اعتقد الجماعه يتكلمون عن المبنى ....ما نكابر الصج ينقال شبرات آيله للسقوط ترقيع مني وهناك نبي مبنى يديد ومسنع على احدث تكنولوجيا ويصير احسن مستشفى بالكويت شكلا وخدمه شالمشكله ؟؟؟

    انشالله يبنون مستشفي يديد عن جريب

    عندي : اقتراح ان الكويتييين بروح بالمبنى اليديد يعني للكويتييين فقط ....وهالمبنى اذا متحسفين عليه خل يخلونه حق غير الكويتييين يعالجون فيه اللي يداومون بالنفط..... يعني الكويتيين بالمبنى اليديد والاجانب المستشفى القديم
    اعتقد هذا يساعد في قانون التكويت :D
     
  16. bo-saleh

    bo-saleh بـترولـي مميز

    يجب على المسؤولين ان يغيروا مكان المستشفى ككل لانه مكانه على ماتوصله حاله طارئه الا طلعت روحه المريض من الزحمه جنب المرور والفحص الفني والهجره والاقامات والشؤون والمنطقه الصناعيه ومواقف موظفي شركة النفط ومبنى تعمير والمبنى الرئيسي للشركه والحين مبنى شؤون العاملين والمحاسبه الجديد وغيره كل هذا والمستشفى عنده

    اتمنى يبنون مستشفى بجانب الخط السريع مثل ما اقروه قبل مده وقالوا خلاص ابيبنون ووقف في يوم وليله حسبي الله على من كان السبب


    لكن المسؤولين نايمين بالعسل انا اتحداكم اذا كانوا يعانون بالمواعيد مثلنا مواعيدهم ثاني يوم اذا ماكانت ابنفس اليوم


    في امريكا ياشباب فيه لجان في المستشفيات الامريكيه تقيم مستوى المستشفى من حيث التجهيزات والمواقف والمواعيد بشكل مستمر يعني اذا حصلوا تقصير من فلان في خدمات المستشفى يقولون له مع السلامه على طول ولاتنفعه حتى واسطة اوباما رئيسهم



    اتمنى ان نتمسك بديننا الحنيف وان نأخذ منهم القوانين الصارمه التي تطبق على المسؤولين وموظفي المستشفى



    ادري كل هذا مثل الحلم لكن نتفاءل لعل وعسى يأتي بخير
     
جاري تحميل الصفحة...

مشاركة هذه الصفحة