ذكرياتي :)

الكاتب : غدير الكويت | المشاهدات : 691 | الردود : 10 | ‏22 ابريل 2009
  1. غدير الكويت

    غدير الكويت بـترولـي نشيط

    80
    0
    0
    باحثه اعلاميه
    الكويت
    اشلونكم انشالله كلكم تكونون بخير يااارب

    قاعده بروحي مادري شلي طرى علي تذكرت اشياء قمت ابتسم وحبيت تشاركوني هلابتسامه:)
    تذكرت... اول برمضان لما امي تتنقص حق ياراتنا من فطورنا وكنت انا اللي اوصل النقصه.. كل هذا عادي بس اللي مو عادي اني كنت اوصل الاكل (( بالروول)) وهذا كرمكم الله جوتي وله اربع تواير وبريك من جدام ههههه وعلى ما اوصل الاكل يكون نصه طايح بالشارع :)
    تذكرت ....ان يوم الخميس كنا ننطره نطاره لان نص دوام وننهد من المدارس امبجر:)
    تذكرت ...البرد اللذيذ ((ايس كريم ))اللي يغطونه بالكاكاو من مطعم الارنب الجائع :)
    تذكرت.. شكل البنات والاواد الي يردون من المدارس مشي وكانوا واااايد ((الحين ماقمنا نشوف هالمنظر)) :(
    تذكرت.. باخر السنه لما ننجح ابوي يودينا نحن والاطفال نشتري هدايا النجاح .. هالمكان كان عجيييييييييييب :)
    تذكرت.. ان اول كانوا امي وابوي يشترون لنا الملابس بروحهم ولما يرجعون من السووق يوزعونهم علينا واحنا طايرين من الفرحه ونبوسهم واحنا فرحانين((مو الحين اليهال ما يعجبهم العجب واصلا ما تقدر تشتريلهم ملابس على ذوقك ما يعجبهم))
    تذكرت... غرفتنا المشتركه انا واختي واشكثر اشهدت اسرارنا ودراستنا وخناقنا وضحكنا ((مو الحين كل واحد بغرفه ومو عاجب لازم سويييت))
    تذكرت ... الكتكات بوقصدير اللي يوزعونه بأول يوم دراسي بالمدارس
    تذكرت.. الصفوف اللي مافيها تكييف لوووووووول والله ماقدر اتخييل اشلون تحملنا الحر بذيج الايام :)
    تذكرت... اشكثر كنت بريئه بالروضه لما سألت المدرسه شنو تحبون تصيرون لما تكبرون وكنا نجاوب بالدوور اللي قال مهندس والي قال طبيب وانا كنت احب الفرَااشه اللي تنظف الصف مصريه وطيبه وحنونه ولين يه دوري جان اقول بصووت عالي ((فرَااااااااااااااااشه)) ههههههههه والكل ضحك علي واتذكر ابلتي تقول لا انشالله قولي بصير دكتوره هههههه وبوقتها ماعجبني كلامها بس خذيتها على قد عقلها ههههههههههه
    بس عاااد ذكرياتي ماتخلص
    ((الحياة ذكريات والذكريات حياة))
    تابعوني بالحلقات القادمه لووووووووووول
     
  2. الشايب

    الشايب بـترولـي خـاص

    2,818
    0
    36
    مسؤول أد الدنيا
    في قلب المحبين
    تتنقص واودي النقصه

    مافهمتها


    وماضي جميل وذكريات حلوه زيييييييين مثلك يكتب ذذكرياته بالمنتدى وغيرك علي المحول :)
     
  3. غدير الكويت

    غدير الكويت بـترولـي نشيط

    80
    0
    0
    باحثه اعلاميه
    الكويت
    النقصه =طعمه
    مو معقوول يالشايب مافهمتها طلعت مو شايب ههههه
     
  4. الشايب

    الشايب بـترولـي خـاص

    2,818
    0
    36
    مسؤول أد الدنيا
    في قلب المحبين
    تتنقص = تغرف


    وعلي قولة بعض الناس تنشب


    بس تتنقص ماهي بزينه تنقال لان فيها من النقص
     
  5. غدير الكويت

    غدير الكويت بـترولـي نشيط

    80
    0
    0
    باحثه اعلاميه
    الكويت
    لالالالالالالالالالالالا مو تغرف
    واليييييييييييييييييييييه يبه اذا عندك خوي حضري سأله عن معنى الكلمه تراك جبت العيد :)
     
  6. الشايب

    الشايب بـترولـي خـاص

    2,818
    0
    36
    مسؤول أد الدنيا
    في قلب المحبين
    ما عندي ربع حضر


    وش اسوي يعني اقرى موضوعك ولا افهم

    وحده من الثنتين يا تفهميني انتي النقصه ولا ما تفهميني معنى النقصه

    دام ماهي تغرف ولا تنشب اجل ماهي النقصه سؤال محير الشايب
     
  7. محمد الشيباني

    محمد الشيباني بـترولـي نشيط جدا

    306
    0
    0
    السلام عليكم

    ما شاء الله ذكريات مفرحه تخلي الواحد مو بس يبتسم يكركر من الظحك و خاصه الفراشه خخخخخ

    اخوي الشايب بفهمك معنى تتنقص يمكن تظبط معاي و تفهمها

    مثلا انت رفيجي بالمدرسه و يالفرصه ما عندك فلوس تشتري فلافل و انا شريت و انت بطه و انا ظعيف تمام و لما جيت باكل الصمونه قطعت منها لاني اشوفك بغيت تاكلني و عطيتك نص او لقمه يعني نقصت منها هذي هي سالفة اتنقص

    ان شاء الله انك فهمت
     
  8. الشايب

    الشايب بـترولـي خـاص

    2,818
    0
    36
    مسؤول أد الدنيا
    في قلب المحبين
    اهااا

    تنقص = صحين أمك وابيك ههههههههه صحين تصغير ل صحن

    والله يا الشيباني انك أتعرف مشالله عليك
     
  9. Blue angel

    Blue angel بـترولـي خـاص

    الللللله احلى شي ذكريات الطفوله و البراءه ، الزمن هذا معدووووومه فيه البراءه ، كنا نرضى بأي شي و نفرح بالشي البسيط ، ايام ما كنا انعرف فيها هموم و مشاكل الحياه ، تسلمين حبيبتي و يعطيج العافيه ناطره تكمله الذكريات :)
     
  10. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    أهم شي إنج اخذتي الأبلة على قد عقلها و طوفتي لها السالفة يا غدير :)

    حلوة السوالف و ننتظر الجزء الثاني إن شاء الله
     
  11. Q8-Dream

    Q8-Dream بـترولـي نشيط

    117
    0
    0
    حجي ترجمها بالانجليزي لاني ما فهمت شي ههههههههههههههه :)
     

مشاركة هذه الصفحة