موضة يديدة في مستشفى شركة نفط الكويت

الكاتب : حسين اشكناني | المشاهدات : 2,279 | الردود : 15 | ‏21 ابريل 2009
  1. يعطيكم العافيه يا الربع و الله موضه يديده في مستشفي الشركة


    من المرات القلييلة الي اروح فيها مستشفى الشركة لانه اسمع من الربع انه المواعيد بعد شهر او شهرين :)

    قلت مو مشكله اروح اخذ موعد علا الاقل يعطونه بعد شهر شهرين مو مشكلة


    راظين يقولون انه ماكو مواعيد كلش مسكرين المواعيد قسم العظام بالاخص



    ماكو مواعيد و محسوبه علينه مستشفى الشركة خل يحولونها علا الصحة ابرك يمعود علا الاقل الفلوس الي تنصرف عليها من الشركة ترد الميزانيه :)




    او يدور واسطه حق موعد مستشفى


    اناشد اعضاء المنتدى او اعضاء النقابة يسعولي بواسطه مني مناك موعد راضي حتى لو بعد شهر :)




    و اسف علا الطوالة
     
  2. KOC-Q8

    KOC-Q8 بـترولـي نشيط

    64
    0
    0
    KOC
    Kuwait - KOC
    والله يا بوعلي هذي مو موضه يديه !!!
    هذا الكلام انا اقولك عنه من قبل ال 1986 مع العلم انا مواليد مستشفى الشركه !!!!
    انت تتكلم عن العظام .. وانا راح اكلمك عن العيون ... طالع عمرك انا بغيت موعد حق فحص نظر ماعطوني الا بعدها بشهر ونص .. يعني خلال هالمده النظر راح يسير بالقطاره !!!
    خلها على الله ياطويل العمر !!
    طال عمرك العظام عندنا مادري شلون قايلييين !!!
    انا عندي اصابه من شهر 1 اللي طاف وليلحين اراجع عندهم وموعارفين شفيني !!!
    كل جم يوم يطلبون اشعه يديده !!!
    الحمدلله على كل حال !!!
     
  3. ابوراشد

    ابوراشد بـترولـي نشيط جدا

    303
    2
    18
    السلام عليكم ورحمة الله وبركاته

    اخوي حسين انت متأكد من الكلام اللي قاعد تقوله؟؟؟ ماكو مواعيد؟
    يعني ماكو علاج للمريض؟ ليش مسمينه مستشفى ومبطلينه خل يسكرونه احسن
     
  4. غيوم

    غيوم بـترولـي خـاص أعضاء الشرف

    7,298
    1
    0
    كلام الأخ حسين صحيح

    كنت أرجع المستشفي من فترة و الدكتور العام حولني على دكتور العظام

    تدرون متى عطوني الموعد بعد 3 شهور اول ما قالي الموظف الاستقبال عن الموعد انصدمت

    قلت له شنو بعد 3 شهور قال اي قلت له ماكو موعد اقرب من جذي جان يقول هذا اقرب شي

    اشدعوه اذا انا موعدي بعد 3 شهور و غيري بعد شهر و غيري بعد شهرين

    أبي اعرف هالدكتور جم مريض يشوف باليوم اشدعوة يعني كل الناس مرضه بالعظام

    هذا السؤال الدكتور جم مريض يشوف باليوم ؟؟؟؟؟

    لا و عيادة العيون ادهى و أمر

    و كل العيادات مواعيدهم تمرض ما اطيب
     
  5. Export_Doc's

    Export_Doc's بـترولـي خـاص أعضاء الشرف

    2,561
    0
    0
    قط فلوسك بالشمس و اقعد بالظلال ما منهم فايده بس حق الحجي الي يضيق الخلق و ترس ادويه على الفاضي
     
  6. يوفنتوس023

    يوفنتوس023 بـترولـي نشيط جدا

    285
    0
    0
    الله كريم هذا حال جميع مستشفياتنا
     
  7. brilliant

    brilliant المـراقب الـعـام

    8,477
    0
    0
    Engineer
    Kuwait
    بعد 3 شهر يمدي العظم يصير هش او نمو خاطئ
     
  8. يعطيكم العافيه

    لو ما انقط فلوسنه بالشمس و نقعد بالذلال جان من زمان متحرولين :)
     
  9. منصور المجيبل

    منصور المجيبل بترولي خاص أعضاء الشرف

    بوعلي

    توك تدري

    نصيحه عليك بالعتيبي

    ولا روح حق جاسم بهمن

    مواعيدهم علي كيفك

    وعلاجهم افضل ومضمون بعد الإتكال علي الله
     
  10. السراب الرحال

    السراب الرحال بـترولـي نشيط جدا

    373
    0
    0
    يا جماعه والله مافى انصب من دكاترة العظام
    صارلى حادث وتكسرت من كل صوب ولما رحت قالى الدكتور الباكستانى اكتب كتاب على شان العلاج بالخارج لان عندك عمليه ولما كتبت الكتاب قال روح الرازى وجيب الورقه ان عندك عمليه ولما جبت الورقه قال خلاص ندق عليك ولما دق على يقول اللجنه رافضه لان فى دكتور زائر تقدر تجى اليوم لان الدكتور الزائر اليوم اخر يوم قلت انا عندى عمليه فى مستشفى العيون الحين داخل غرفة العمليات قال مو مشكله نص ساعه
    قلت كلم الدكتور وخله ياجل العمليه نص ساعه وانا حاضر
    ومن شهر 2 لليوم مادق ولا شفت وجهه
    وصج اللى قاله اخونا حط فلوسك بالشمس واقعد بالظلال
     
  11. باب السور

    باب السور بـترولـي جـديـد

    21
    0
    0
    كل هذا يهون عل مواعيد الاسنان ---- تجيهم عندك ألم شديد بضرسك والدكتور بكل برودة أعصاب يقولك
    هذا يبي شغل ويبي حشوه -- روح الاستقبال وخذ موعد حشوه أو عطنا رقم تلفونك وندق عليك المهم بأي طريقه يبي يكروتك ويخلص منك ---- تطلع من عندهم تروح دكتور خاص أو مستوصف يعمل الضرس بنفس الوقت ---شئ عجيب غريب ----- علما أن ما عندهم إزدحام مثل الحكومه ويشتغلون over timeبعد الظهر ويعالجون ناس من خارج القطاع النفطي يعني واسطات---
    المصيبه الحقيقيه ---هي عدم وجود ضمير وإخلاص في العمل --- إن كان أسنان أو عظام أو عيون أو جلديه كلهم نفس الطينه ----- الا من رحم ربي
    حتى أمراض النسا والولاده عالم أخر ------------ في المماطله والتطفيش حرمه عندها مرض نسائي يقولون لك خذ موعد أو روح الطوارئ والطبيب هناك يقرر إن كانت تستدعي خله يطلب طبيب أمراض النسا والولاده وإن كنت تعرف بنت من الاستقبال هانت كل أمورك ومشت بسلامه
     
  12. Snuppy

    Snuppy بـترولـي نشيط

    68
    0
    0
    يا أخوى وين ما تروح راح تلقى العيادات التخصصيه مواعيد حتى الناس اللى قاعدين عند العياده ناطرين دورهم صار لهه يمكن فتره ناطرين هالموعد وما راح يرضون أي أحد إيى ما عنده موعد ويدش قبلهم بدون موعد
     
  13. زهرة التوليب

    زهرة التوليب بـترولـي خـاص

    حسبي الله عليهم
    حاطين المستشفى عشان تزيد امراض الناس ويرتفع ضغطهم من كثر ما يتذمرون !!!

    انا صراحه الأحمدي غسلت ايدي منهم من جم سنه ولا بايعه عمري اقط نفسي بإيدهم
    اروح صاحيه ارد نفسيتي تعبانه واعصابي نااااااااااااار وضغطي مرتفع من الاستهتار والا مبالات والمواعيد البعيده
     
  14. حنان

    حنان بـترولـي خـاص

    2,196
    1
    38
    اخوي اشكناني حصلت موعد او لي الحين ؟!!
     
  15. الفارس99

    الفارس99 بـترولـي نشيط

    145
    0
    0
    مواعيد

    المواعيد في المستشفى دائما متأخرة
     
  16. SAMAR

    SAMAR بـترولـي جـديـد

    10
    0
    0
    أخوي أنا بعرف الموظفين الإستقبال شنو بينكم وبينهم ما يحطولك موعد للعظام .
    تعرف ليش مواعيد العظام صارت بعيدة .. لأن الدكاتره العام أي مريض يقول ظهري عظامي على طول تحويل دكتور عظام
    وأنتم مثل ما عارفين يمكن فيه 10 ألاف مراجع يراجع المستشفى إذا مو أكثر . ولك واحد يأخذ مود على الفاضي والمليان والإستقال مسؤول يحط مواعيد . توقع يظل فيه مواعيد .....كلهم 3 دكاتره عندنا
    لا بنفس يوم العيادة ما في أحد ياي الي ناسي والي طاب والي راح مستشفى خاص وخلص عمره والي راح الحكومة

    الغلط على المستشفى المفروض تحط عيادات أكثر وأطبة أكثر تقليل المرضى الإتصال على المرضى للتأكد من راح يجي ولا لا عشان يستفيد من الموعد مريض ثاني .
     

مشاركة هذه الصفحة