عبدالله البرغش لن ينساك التاريخ

الكاتب : مشغل سياسي | المشاهدات : 2,231 | الردود : 38 | ‏20 ابريل 2009
حالة الموضوع:
مغلق
  1. مشغل سياسي

    مشغل سياسي بـترولـي مميز

    568
    0
    16
    ذكر
    kuwait
    بسم الله الرحمن الرحيم
    احب ابارك لأبناء قبيلة العجمان تزكيتهم للعدوه والحويله والطاحوس والصيفي وكما ابارك للمرشحين الاربعه وعقبال الرئيسي,لكن عندي وجهت نظر بسيطه بالنسبه للتشاوريه وللمرشحين الذين لم يحالفهم الحظ امثال النائب السابق عبدالله البرغش الذي ترك بصمه مشرفه ومواقف نفتخر بها نحن ابناء الدائره الخامسه وهو الفارس الذي عوضنا طرحه وفكره بالفارس السابق وليد الجري وارجو من قبيلة العجمان ان يعودوا به في الانتخابات القادمه لأننا بحاجه لهذا الشخص الشريف صاحب المبدا والجراءه في الطرحه وقد قرأت بأحدى المنتديات اعضاء و ناخبين يطالبون البرغش بأن ينظم الى الدائره الثالثه لكي يصوت له وهذا يدل على ان في ناس خارج القبيله وخارج الدائره تحسدنا على هذا البطل ونحن نتخلى عنه !
     
  2. باش دبلوم

    باش دبلوم بـترولـي نشيط جدا

    194
    0
    16
    انا معك بالنسبه للاخ الفاضل عبدالله البرغش لما له من مواقف تشهد له بالامانه والصدق وبصراحه دائرتى الدائرة الخامسه هى الخسرانه

    لكن ماباليد حيله الى الان وبعض الناس كل تفكيره وهمه هو نائب يخلص المعاملات لا يوجد فكر او تخطيط لما هو فى مصلحة الدائره وابناء الدائره جل هم الجميع هو المصالح الشخصيه ولذلك نجد مخرجات لنواب مصالح .

    انا لا اعمم على جميع النواب ولكن اقول اكثر القبائل فى الدائره الخامسه غالبية مخرجاتهم نواب بصامين ومعاملات..
     
  3. الفارس33

    الفارس33 بـترولـي نشيط

    68
    0
    0
    السلام عليكم حبيت اشارككم في هالموضوع وخصوصا انه بالفارس عبدالله البرغش هذا بطل من ابطال الدائرة الخامسه لن ننساه ولن ننسى مواقفه مع ان الفتره اللي قضاها بالمجلس قصيره ولاكنه كان رجل واضح وهذا مو خساره للعجمان بس هذا خساره للداءره كلهاوانا والله ثم والله مو عجمي ولاكن اقولها بصراحه هذا الرجل اللي يستاهل الصوت لو نزلتوه انتو من ضمن الاربعه والله ياخذ صوته مع احترامي للباقين وشكراااااا
     
  4. سياسي محنك

    سياسي محنك بـترولـي نشيط جدا

    يعطيك العافيه اخو ي مشغل سياسي على الموضوع وللأمانة الأخ الفاضل : عبدالله البرغش رجل فقيده على الدائرة

    الخامسة كلها وليس على قبيلة العجمان فقط , وأمثال ابوفهد يشرفنا أنهم يمثلونا في مجلس الأمة , ولكن للأختصار ,


    ( أنت تريد وانا اريد والله يفعل مايريد )
     
  5. voltaire

    voltaire بـترولـي جـديـد

    44
    0
    0
    عزيزي ممكن تذكر او تعدد لي انجازات عبدالله البرغش ؟؟

    تحاتي لك
     
  6. سياسي محنك

    سياسي محنك بـترولـي نشيط جدا

    لا اتذكر الانجازات لكن اتذكر , انه رفعت عنه الحصانه عندما قدم الأستجواب لرئيس مجلس الوزراء , وهذا عمل مقدام

    وشجاع وكان هو ومحمد هايف والمليفي من قدم الأستجواب فقط .
     
  7. عجمي

    عجمي بـترولـي جـديـد

    20
    0
    0
    يحمد ربه جاب العاشر...

    نبارك للمرشحين العجمان


    وعلى رأسهم الطاحوس


    وبالنسبة للبرغش فهو تصنيفه مثل تصنيف العبيد


    من أفشل الشخصيات التي مرت على البرلمان

    كانو يقودونه على مستوى الاحزاب خالد السلطان وشلتهم


    وكان لا يمانع وخسر قبيلته

    وكان معه من العجمان ناس منبوذين ومكروهين يمشون معه الليل والنهار


    من اقربائه لو بدلهم افضل له

    وكان له قريب صاحب القصيدة التي قتلت صاحبها ... وقتلت البرغش
     
  8. محمد المحفوظي

    محمد المحفوظي بـترولـي نشيط

    116
    0
    0
    انتم لم تعرفو البرغش من قرب...



    العجمان فقط اللذين عرفوه


    شخصية مهزوزه وضعيفه



    ولا يعرف مبدأ الخدمة والفزعه مع القريب ولا البعيد



    ولذلك العجمان قالو كلمتهم فيه وفي غيره باستبعادهم

    واطلاق رصاصة الرحمة عليهم


    فقد نساهم التاريخ
     
  9. سياسي محنك

    سياسي محنك بـترولـي نشيط جدا

    أخي الكريم محمد المحفوظي .

    يعني تبي تقنعني انه البرغش شخصية مهزوزة , لو ان البرغش شخصية مهزوزة كان ماجاب الرقم هذا كله , ولكن

    اذا كانت عندك النتايج شوف من كان الأول العام وهالسنه رقم عشرين عشان تعرف اصحاب الشخصيات المهزوزة

    الأشبة بالنعام اللي دخلوا المجلس ساكتين وطلعوا ساكتين , واعتقد انك عرفته , وعبدالله البرغش اكبر من ان

    نقيمه انا وياك اخي الكريم , رجل له ثوابت وله نهج لم تغيرة اغراءات المجلس ولاغيره , اما بالنسبة للفزعه فأتمنى

    ان لاتتكلم عنها , يعني تبي تقنعني انه خالد العدوة راعي فزعة , خالد العدوة مع احترامي له ماعنده مصداقية ,

    فاقد المصداقية ولايفي بالوعود وهذي بحد ذاتها اكبر مشكلة .

    كلمة اخيرة لك يا أخي محمد , لاتذم ناس على حساب ناس اخرين ولاتمجد من لا يستحق التمجيد , فكلها في ذمتك

    اما الله سبحانة وتعالى , فأتقي ربك في ظلم اي واحد والكلام بالأفتراء عليه .


    تقبلوا تحياتي .....
     
  10. منصور المجيبل

    منصور المجيبل بترولي خاص أعضاء الشرف

    زاملته أثناء الدراسة ونعم الأخلاق

    وخسارة للدائرة الخامسة

    رجل مواقف
     
  11. بن زريق

    بن زريق بـترولـي مميز

    804
    0
    0
    الاخ المحفوظى وان اشك انك محفوظى.انا مانى من فخظهم ولكن كلمة الحق تنقال وشتبون من رجال منع منه كل شى .الرجل مواقف والله انه شجاع انا عرفه ومن منطقته وعرضو عليه الاموال لكن الرجال رفض ..ماهو مثل !!!!!!!!!!!!!!!!!!!!!!!!!!!!...عزالله انك وفيت وكفيت..
     
  12. voltaire

    voltaire بـترولـي جـديـد

    44
    0
    0
    مع الاسف كون ان الكثير ممن مدحوا النائب لم يجاوبوا على سؤالي و هو ماذا قدم او ماذا انجز للناس

    تحياتي
     
  13. محمد المحفوظي

    محمد المحفوظي بـترولـي نشيط

    116
    0
    0

    شوف يا اخ سياسي محنك

    اكيد انك من جماعته

    احنا طلعنا نواب يشار لهم البنان

    أمثال وليد الجري والعدوة ود.محمد الحويلة وغيرهم كثير

    وخالد العدوة قصر صح بس عدل من وضعه وبعد ذلك شوف النتيجه.... فوق


    اما تهكمك على نتيجة العبيد فحنا قصينا الحق من نفسنا لأنه


    نسخة البرغش ولذلك لو نبي ننجحه نجحناه وانت تشوف


    والنواب كلهم يعرضون عليهم فلوس وغيرها... ولكن تعف انفسهم


    ولكن المشكله في الضعف الكبير في مخرجاتكم

    لان لنا تجربه سابقة ... وانت ادرى

    ولكن البرغش لا يملك موهبة النفعه ولا الحمية


    بالامس كان يدقدق علينا ومزعجنا

    وبعد ما نجح بايام بدل رقم نقاله..!!!!

    وين الفزعه

    والسكرتارية اللي معاه صالح وجاسم كانهم اعضاء عسى ما شر


    يعني لو تروح لديوانه وانت ما تعرفه تتوه بالاخوان اللي متقمصين الدور


    ولعلمك احنا اللي نجحناه في السابق وكنا منغرين فيه

    وبعد ذلك رجعناه لمكانه الاصلي وهو العاشر

    وخله يحفر هناك...!!!
     
  14. محمد المحفوظي

    محمد المحفوظي بـترولـي نشيط

    116
    0
    0
    شجاع على شنو ترى سلامتك ما في شي اجوف


    وكل اللي عرفوه ... تركوه

    واذا ما في الا انت هذي مشكلتك
     
  15. الديموقراطي

    الديموقراطي بـترولـي نشيط

    126
    0
    0


    ياعمي والله نجاح عبدالله البرغش السابق


    كان ضربة حظ ودعم جمعية احياء التراث



    وهذا اللي كسر ظهره ...


    واللي نجح بالحظ يسقط بالضربة القاضية من الطاحوس



    قال ايه عبدالله البرغش


    يحمد ربه قعد كم شهر بالمجلس...
     
  16. العنزي

    العنزي موقوف

    25
    0
    0


    خله يتوكل على الله


    مثل ما قال الاخ


    يحمد ربه انه طب المجلس


    والا هذا يحلم فيه وما يجي بالاحلام


    علاقتي فيه من ايام المدرسة


    وشخصية لا تصلح كعضو في البرلمان

    لكن يصلح لجمعية الرقه...!!!
     
  17. جابر

    جابر قــلــم بــتــرولــي أعضاء الشرف

    أنتو شتبون من الرجال ...متلاحقينه .. :mad:

    حاليا مو مرشح لقبيلته ولانازل الأنتخابات

    "اللهم أكفنى شر أصدقائى ...أما أعدائى فأنا كفيل بهم " :rolleyes:

    البرغش ...يكفيه إنه رجّأل ديّن ولاساوم على دينه ولا مبادئه مثل غيره ...

    يكفيه إنه دخل المجلس بثوب أبيض وطلع منه ماعليه شى .. ولا (ملين) مثل غيره ;)..

    اما سالفة (ينفع) و(يساعد) فلان ...مهى بيده وإن حاول ...وإن طلبها.. أكيد لها ثمن ...وإن دفع الثمن أكلتوا وجهه ...:eek:

    ناس مايرضيها شى :mad:

    على كلن ..كلها رصيد له ..يوم الحساب ..
     
  18. سياسي محنك

    سياسي محنك بـترولـي نشيط جدا

    اخي الكريم محمد المحفوظي .

    انت تقول انكم طلعتوا اعضاء يشار لهم بالبنان , نعم ولكن من , لايوجد سوا وليد الجري ( أبوخالد ) , وعلى قولتك

    من يشار له بالبنان هو صاحب الموقف ولو أن البرغش مو صاحب موقف كان مافقده العجمي وغير العجمي .

    بالنسبة للأخ محمد هادي الحويلة , شخص صاحب فزعة ونخوة لكن الأنجازات تحت قبة البرلمان ( صفر % ) .

    الأخ خالد العدوة شخص له انجازات , لكن فاقد الفزعة .

    اما ابـوخـالد وليد الجري , فهو جامع الثنتين خدمات وماصد من بني عمه وغيرها مواقف مشرفة فالمجلس ,

    اما انا مامدحت عبدالله البرغش للخدمات , نعم خدماته مقتصرة على ناس معينين , لكن مواقفه في المجلس كانت

    مشرفة وكنا قبيلة العجمان تحسد على هذا النائب .

    وفقط للعلم لك ياأخي محمد ( انا ماني من جماعته لا القريبين ولا البعيدين ) فقط للعلم , وانا رجل اقول الحق

    ولابديل عن الحق في رأيي , اما بالنسبة للأخ اللي يقول مايصلح الا في الجمعية , اقـول لك أعضائنا ليسوا اعضاء

    جمعيات , ولاقصور في اعضاء الجمعية , ولكن اعضائنا لايظهرون الا في المواقف المشرفة وقول الحق وترك

    المحسوبية .

    نأسف على الأطالة ...

    تقبلوا تحياتي .
     
  19. الفارس33

    الفارس33 بـترولـي نشيط

    68
    0
    0
    اذكرو الله كل شخص له تقديره واحترامه عند الناس وانا شخصيا اشوف ان البرغش رجل مواقف ووالله فقيده للدائره الخامسه كلها مع العلم اني ماني عجمي ولا بيني وبينه صلة قرابه ولاكن كلمة الحق تقااااااال
     
  20. حبيب البترول

    حبيب البترول بـترولـي نشيط جدا

    302
    4
    18
    للاسف مخرجات العجمان في تشاوريتهم هالمرة ليست على المستوى المطلوب منهم ولا تنسوا انكم ليس لوحدكم في الدائرة اما بالنسبة لعبدالله برغش سقوطه من الفرعي مو مقياس و لا يعيبه ولو انه نزل بدون الفرعي كان نجح لانه شفنا اداءه ومواقفه في المجلس وانا احترم العضو اللي يمثل الامة ولا يمثل قبيلته فقط , والتعصب للفخذ واضح 3 محافيظ يفوزون وهو اكبر فخذ واحد منهم عانيته للعرس والبيت الجديد 500 دينار والعجمان يعرفونه والثاني اقسم ان قانون المديونيات الصعبة لن يمر الا على جثتي ومر عليه وتعداه والثالث ما سمعنا صوته في المجلس . والحقيقة ان الحكومة نجحت في فرض المرشحين البصامة على بعض القبائل بحجة انه نائب خدمات ولكن على حساب المواقف .

    ويكفي عبدالله برغش انه احد المستجوبين الثلاث لرئيس الوزراء وهو موقف يحسب له والاخ اللي يقول انه كان ينقاد من خالد السلطان هذا تشويه للحقيقة لانه عبدالله برغش كان ضد توجهات التجمع السلفي والذي يرئسه خالد السلطان في المديونيات واستجوابات رئيس الوزراء .

    واخيرا هناك بعض الامور لا يمكن ذكرها ولكن بصمة اهل الجنوب واضحة في الفرعي واقول لعبدالله برغش كفيت ووفيت وانت خير من يمثل قبيلتك ودائرتك في المجلس ولكن تاتي الرياح بما لا تشتهي السفن.
     
جاري تحميل الصفحة...
حالة الموضوع:
مغلق

مشاركة هذه الصفحة