الدورات الخارجية

الكاتب : pic1 | المشاهدات : 1,766 | الردود : 18 | ‏14 نوفمبر 2007
  1. pic1

    pic1 بـترولـي نشيط

    128
    0
    0
    السلام عليكم ورحمة الله وبركاتة

    حبيت اسأل الاخوة اللي لهم خبرة في شروط الدورات الخارجة
    ماهي الشروط وهل هي مفتوحة لكل الدرجات
    وهل اقدر اقدم علي دورة اذا مسؤولي المباشر ماهو راضي
    يعني قسم التدريب عندنا يرشحنا غصب
    وياليت احد من موظفين التدريب يكشف لنا الشروط
    واللي ما نعرفه عن قوانين الدورات
    لانا بصراحة ملينا من الانتظار
    ولا فيه انصاف:confused:
     
  2. next_kw

    next_kw بـترولـي جـديـد

    25
    0
    0
    اللي اعرفه ان الدورات الخارجية مفتوحة للكل ، بس لازم ترشيح من مسؤولك المباشر ويعتمدها مدير الدائرة بعدها قسم التدريب يقول بمخاطبه الجهات المنظمه لحجز مقعد لك ، بس طبعا بعد دراستها وان تكون تناسبك.


    أما ان يكون الترشيح غصب وأن قسم التدريب له دور ولالا ، والله ما ادري عن هذه ، بس تقدر تمر قسم التدريب وتشرحلهم الوضع وأعتقد انهم راح يساعدونك.
     
  3. الدردور

    الدردور بـترولـي نشيط

    56
    0
    6
    :pههههههههههههههه والله سؤالك يضحك يالغالي ,,, التدريب يرشحك غصبن عن مسؤولك ... طل ... اقول اذا تبي دورة شوف لك واسطه عند المساعد التنفيذي الجديد للشؤون الادارية ... وغير هالكلام ما يفيدك شي ... او انك تكلم رئيس النقابة الحالي لان بهالوقت الصوووووت يدورونه بالتفق ... وما استبعد يرشحونك حبا في الاستفادة من صوتك ...
     
  4. next_kw

    next_kw بـترولـي جـديـد

    25
    0
    0
    اول شي خل الرجال يحاول بالطرق العاديه مو ينطر مسؤوله يقوله تعال برشحك دورة خارجية ، خلي يتكلم يروح لمسؤوله او يمر قسم التدريب يسأل في مجال او شي يمنع انه ياخذ دروه خارجية او لا ، بعدا اذا تسكرت بوجهه يمشي بالطريق اللي انت قلته .
     
  5. pic1

    pic1 بـترولـي نشيط

    128
    0
    0
    صباح الخير
    انا طالبت من قبل مسؤولي قالي انشالله اصبر شوي وصارله سنتين يقولي والله مو ناسيك
    لكن سؤالي المهم اني سمعت ان الدورات لدرجة 13 ومافوق فقط يعني اللي يبي يروح لدورة
    ودرجتة اقل من 13 لازم استثناء من المساعد التنفيذي
    انا حبيت اعرف الشروط والقانون الترشيح اذا احد عنده فكره يفيدنا:confused:
     
  6. الدردور

    الدردور بـترولـي نشيط

    56
    0
    6
    حبيبي المعلومة اللي عندك خطأ ... الدورات مالها درجه معينة ... تقدر تروح ان شاءالله درجتك 4 ...وانا شخصيا اعرف ناس درجتهم كانت دون ال 10 (الجديدة طبعا) وراحوا مصر والبحرين والامارات ... اهم شي

    تسوي اللي قلت لك عليه أما مسؤولك فهو تيش بريش ... اذا صارلك سنتين يقولك اصبر على دورة خارجية ... أجل

    هذا بالدرجة راح يقولك انطر لين هو يصير مساعد تنفيذي ... اتعب عالواسطه يالحبيب
     
  7. العضو المنتدب

    العضو المنتدب بـترولـي نشيط جدا

    404
    0
    0
    العضو المنتدب
    قلب الحدث
    أخوي الدردور كلامك 100% ماعليه غبار وياكثر الاسامي اللي راحت من أصغر درجة ووظيفة بالشركة إلى أكبرها

    وياحليل التدريب يضحكون ليما يردون الدورة ويقولون ماتناسب الوصف الوظيفي اللي فيه

    واللي يصلح شفاطات ويجيك على بخور الريس يروح دورة تخصصية في مجال علمي بحت لا يمت له بصلة

    ما اقول إلا حسبي الله ونعم الوكيل يا شؤون إدارية
     
  8. fq8i

    fq8i بـترولـي جـديـد

    10
    0
    0
    الدورات الخارجيه ناس دون ناس

    :Dوالله معاك حق الدورات الخارجيه طايحه في بطون المهندسين ووالنظار والمدراء نبي نعرف المشغل له حق في الدورات الخارجيه ولا لا كل ما سألناهم عن الدورات قالو لدرجه 14 وما فوق نبي نعرف لنا حق فيها والا لأ والله شي يقهر:mad::mad::mad::(:(:(
     
  9. SOS_KW

    SOS_KW بـترولـي خـاص أعضاء الشرف

    2,252
    0
    0
    السلام عليكم

    بالنسبة للدورات الخارجية ليست حكرا على أي درجة .. ولكن تعتمد على مسؤولك المباشر .. ومن ثم المدير..

    ومشكلة مدرائنا انه كل دورة يقول الأولوية للمهندسين .. أما التدريب والتطوير ما عليهم الا التخطيط للدورات وليس الترشيح أو الضغط على المدير .. وللأسف في بعض الأحيان أحس انهم غشيمين في بعض الأمور مما يعقد المسائل أكثر

    وشكرا
     
  10. Lover_Q8

    Lover_Q8 بـترولـي نشيط

    141
    0
    0
    زين واذا مسؤولي ومديري ماعندهم مانع ولا حتى التدريب عنده مانع

    منو وين اعرف الدورات المتوفره واللي اقدر اخذها ؟؟
     
  11. بوعبدالعزيز.كوم

    بوعبدالعزيز.كوم بـترولـي نشيط جدا

    483
    4
    18
    طالب علم
    دولة الكويت
    وبالله بصراحة الدورات متوفرة عند التدريب وحسب المراكز التدريبية العالمية اللي اعتمدها مؤسسة البترول الكويتية
    والشركة ماتقصر بس شوف لك دورة بنفس وظيفتك وغير موجودة في Ptc أعتقدانك تقدر تروح ، الاهم موافقة الناظر ومدير الدائرة
     
  12. The^Queen

    The^Queen بـترولـي نشيط جدا

    288
    0
    0
    من سايتات شركات الترينينغ
    دش \ دشي
    وهاف ا لوك علي المتوفرواللي نناسب الكرير باث بتاعك او الموجود بحطه التدريب الخمسيه ويتناسب مع الوظيفه اللي انت فيها


    السايتات عندي شوي واحطلكم اياها
     
  13. The^Queen

    The^Queen بـترولـي نشيط جدا

    288
    0
    0
  14. Lover_Q8

    Lover_Q8 بـترولـي نشيط

    141
    0
    0
  15. The^Queen

    The^Queen بـترولـي نشيط جدا

    288
    0
    0
    بشرنا شيصير وياك
    بس علي فكره التايمننع بتاعك حده غلللللللللط
    لان اخر السنه الميزانيه خلصت
    حدك ان كثرت دبي او جده او قطر او البحرين
     
  16. Lover_Q8

    Lover_Q8 بـترولـي نشيط

    141
    0
    0
    ماعرف هالسوالف بس ومنكم نستفيد :)


    وبعدين مو تو الناس على الميزانية ؟؟

    مو لاخر شهر 3 :confused:

    خير وبركه والله اصلا انا مابي غير الدول العربية :D
     
  17. عامل

    عامل بـترولـي نشيط

    65
    0
    0
    عامل
    كويت
    كلمه بسيطه أخوي ...
    أذا حبتك عيني ما ضامك الدهر ...
    أما أسلوب الروتين والترشيح خله عنك ... لأنه بتصبر أكثر من السنتين اللي قالك عنهم مسؤولك المباشر
    تبي تدرس تبي دوره خارجيه جيب واسطه قويه تعرف كيف تأخذ لك مُرادك .

    أتمنى لك التوفيق
     
  18. SOS_KW

    SOS_KW بـترولـي خـاص أعضاء الشرف

    2,252
    0
    0
    عزيزي Lover_Q8 بالنسبة للدورات الخارجية ممكن تدخل على موقع المؤسسة .. اما الدورات الخارجية فقد اورد مواقع عديدة الأخ The^Queen
     
  19. يادنيا

    يادنيا بـترولـي مميز

    مو كأنه تغير الحال بالدورات !!!!
     
جاري تحميل الصفحة...

مشاركة هذه الصفحة