مصلحه المرشح ام مصلحه البلد ؟

الكاتب : Strongman-koc | المشاهدات : 279 | الردود : 5 | ‏14 ابريل 2009
  1. Strongman-koc

    Strongman-koc بـترولـي نشيط

    114
    0
    0
    السلام عليكم حبيت الصراحه اطرح موضوع ممكن اكون قديم بس حبيت اكون موجود بالمنتدى وناخذ اكثر من راي
    شنو اتلاحظون في اخر 3 مجالس امه صارت
    النواب يطالبون بمصالحم ام مصلحه البلد
    يعني على مدار اكثر من 6 سنوات ماسمعنه عن مشروع انجز والسبه النواب
    لا مستشفى لا خدمات اي ليش ؟؟!!
    بس صرنه خبره بالاستجوابات كل شهر استجواب ويعني الحين بس النواب اهم الشرفاء :confused:

    نشكر المشاركه
     
  2. A11

    A11 بـترولـي نشيط

    71
    0
    0
    وعليكم السلام ..
    مشكلة كبيره لما الشخص مايقدر يفرق بين الولاء للبلد ..وموالاة كرسى الوزاره والبشت والوزير..وموالاة البطانه الأقتصاديه ..
    قد تلتقى أحيانا المصالح الأقتصاديه للبلد مع هالحيتاااااااااان ولكن مو دايما ..

    مشكلة أكبر لما مايقدر الشخص يميز ...بين الناس اللى تدورله الخير ..والناس اللى تستغله علشان تدور الخير حق نفسها ...
    الكلام ..عااااااااااام ...:D
    برأيك يعنى ...الناس اللى رفضت تسكت وعرضت نفسها للمسائله.. وبدت تتكلم.. وكسرت مصالحها مع المتنفذين و الحيتان .. طلعوا (مو) شرفاء..أى حسبه هذى ...اذا شاعت هالأفكار ..فهذى والله وأد للخيرين فى البلد ..
    منو يقدر يمنع الحكومه تبنى مستشفى ...لو تبى ..
    منو يقدر يمنع الحكومه تبنى مدرسه أو جامعه ......لو تبى ..
    منو يقدر يمنع الحكومه ..تبنى وحدات كهربائيه ...لوتبى ...

    حبيبى ...حكومتنا قويه ..وقاعده تمنع اللى ماتبيه ...ماسمعت عن أى مشروع الحكومه فعلا ماتبيه ..ومشى غصب...وفيه من الأعضاء من هو مستعد (يعاون) الحكومه.....لو الحكومه محتاجه دعم ..:eek:
    المجلس ..مجلسنا ...وحتى لو قيل ان فيه ناس وصلت بطرق (ملتويه) ..الغالبيه فعلا يمثلوون الشعب الكويتى وعن قناعه وصلوا ...وان كان قدراتهم متفاوته ...لكن غالبيتهم ( طبعا الكلام عن غير الحزبيين) يسعوون لمصلحة الكويت حتى لو خانهم التعبير أو (دشوا) عكس السير ...
    عدم ثقتنا بالمجلس ومكوناته ...كارثه ..
    ومعناها الوحيد ..اننا نقول ..اننا مانعرف نختار ...والا مو كفو نختار ....وهذى مافيه كويتى يرضاها ..
     
  3. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    شكرا على الموضوع اخي سترونغمان ،

    بعض القوانين ممكن توقف بسبب الاعضاء ، و لكن في مشاريع توقف و السبب الحكومة إما بالدورة المستندية البطيئة

    و إما بسبب تنافس بعض المتنفذين على المشروع و بالتالي تتعطل التنمية

    و إما بسبب ترسية المشروع من مقاول (مملوك لفلان) إلى مقاول بالباطن (لعلان) إلى مقاول بطن و ظهر (فلنتان)

    إلى إلى إلى

    و بالتالي ينفذ المشروع و كأنه مولود حايشه بو صفار و فقر دم مزمن يعني المشروع تلزيق لا جودة و لا شي مجرد

    سالفة تنفيع بتنفيع ،

    بصراحة ، المشروع اللي تبيه الحكومة تسويه و تهتم فيه و بسرعة تنجزه و اللي ما تبيه تتعذر بالمجلس و النواب و الميزانية

    المجلس تم حله كم مرة و لفترات في السابق ، السؤال متى بنت الحكومة آخر مستشفى عام غير مستشفيات

    الصباح و الاميري و مبارك و العدان و الجهراء و الفروانية ؟

    و للعلم هذه المستشفيات بنيت في الثمانينات يعني قبل حوالي 24 سنة
     
  4. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    أضيف هالمشاركة لو تكرمت ،

    الخاسر الأكبر هو الوطن و المواطن

    ...........................

    المشرشح
     
  5. Strongman-koc

    Strongman-koc بـترولـي نشيط

    114
    0
    0
    اشكركم على المررو والمشاركه وهذا ان دل انما يدل على غيره المجتمع على الوطن والصراحه افهم من كلامكم ان بالنهايه لازم الشعب لكويتي اعرف يختار ومنو يختار ولازم الشعب احاسب النائب وجان زين اكون للشعب الصلاحيه في اسقاط عضويه النائب ان شكه في امره !!! بعد وصوله المجلس ودش بداله الشخص الي حصل اقل منه بجم صوت

    ثاني مره اشكركم على المشاركه
     
  6. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني

    فعلا ، المفروض بأول الجلسات و المشاريع إن الكل (الأعضاء) يصوتون على هذا الإقتراح
     
جاري تحميل الصفحة...

مشاركة هذه الصفحة