سؤال عن تشغيل مصافي

الكاتب : habeeb | المشاهدات : 795 | الردود : 7 | ‏9 ابريل 2009
  1. habeeb

    habeeb بـترولـي جـديـد

    4
    0
    0
    السلام عليكم
    انا ادرس بمهد التكنولوجيه تشغيل مصافي و يمكن انسحب و اقدم على دورت تشغيل مصافي اللي عندكم فابي اسالكم متى الدوره اليايه و هل احتاج لواصطه , لا اي grade اقدر اوصل و جم معاشه اول شي في البدايه و جم اعلى شي.

    سامحوني على كثرت الاساله و شكر
     
  2. habeeb

    habeeb بـترولـي جـديـد

    4
    0
    0
    و سؤال اخر شلون دراستهم (شنو ياخذون)
     
  3. msa

    msa بـترولـي نشيط

    أخوي لك توصل لي جريت معين بس مو قوي إنشالله باجي الشباب يفيدونك ودراستهم 3 أشهر لغه وبعدين 7 أشهر ميداني
    بس نصيحه أخو كمل التكنلوجيا وأخذ الدبلوم وبعدين كمل عليها بكلريوس لأنه غيرك توظفوا بدبلوم وتحسفوا ليش ماكملوا ولا تقول أنك بتدرس وتشتغل نفس الوقت لأنه مؤسسة البترول حطت شروط صارمة على الي بكملون دراستهم ولازم يرشحونك حق بعثه وقصة وإذا تخرجت بقولولك إنطر شاغر وحاله وبعدين ييب 600 مليووووون واسطة عشان تحصل شاغر فأقولك حوسه ما وراعا حوسه دامك بأول الطريج أحسنلك خلك على دراسك وكملها وفوقها بكلريوس ولاحق عالشقا وسلامتك
     
  4. ali_85

    ali_85 بـترولـي نشيط جدا

    419
    0
    0
    اخوي انت بالتكنلوجيا ليش تسحب وتروح الدوره غلطان ومليون غلطان اذا سويتها
    شوف وقارن بنفسك وقبل لا اتكلم تره انا خريج اول دفعه تشغيل مصافي سنه 2006
    المهم اذا تخرجت من التكنلوجيا دبلوم تشغيل مصافي راح تتوظف على قريد 9 ومعاشك جريب ال1050 دينار او زياده
    اما اذا دشيت الدوره راح تتوظف على قريد 7 معاشط 800 وشوي شفت الفرق ويبيلك جم سنه توصل 9
    ويمكن ماتوصل بسرعه بسبب ظروف او شي انا اقول اختصر الطريج وكمل بالكليه على الاقل تاخذلك شهاده تفيدك
    تتقدر تكمل عليها وتقول حق الناس عندي شهاده اذا دشيت الدوره بتتخرج وتم شهادتك ثانويه
    وهاذي نصيحتي وبالتوفيق واي شي تبي انا اخوك العود واسئلني
    بس تكفه كمل بالكلية
     
  5. Barcelona

    Barcelona بـترولـي جـديـد

    5
    0
    0
    والله يا اخوي حبيب انا اقول كمل تكنولوجيا انت جذي جذي راح اتوظف بالبترول بس التكنولوجيا شهادة وتقدر تكمل عليها بس الدورة الشهادة الي يعطونك اياها ما تقدر تكمل عليها وتوظف على قريد 7 مو 9 مثل التكنولوجيا
    والله يوفقك
     
  6. الدوسري

    الدوسري بـترولـي نشيط جدا

    248
    0
    0
    لاتطلع من التكنلوجيا ... شهادتك حلوه حيل ... وانت تدرس سنتين وتتوظف على قريد 9
    بس اذا قدمت على الدوره .. بشهادت الثانويه .. راح تتبهذل .... اول شي على ماتسجل وعلى ماتفحص وتخلص مقابله اقل شي يبيلك سنه .... مثل الدوره الي طافت قعدو سنه ونص

    ولا وفوق هذا دوره انجليزي 3 شهور او 4 ونص .. واذا سقطت تنعاد لك الانجليزي مره ... واذا مانجحت فصل .. يعني ماتظمن شي ..
    ولمن تخلص انجليزي تدش ورشه 8 شهور .. وبعد الورشه تروح المصفاه ميداني يعني عوار راس .. خلك بدراستك احسن


    واحب اقولك شي على حسب ما سمعت من هالعالم .. انه خلاص مافي دوره مشغل عن طريق الشركه كل شي عن طريق التطبيقي الحين
     
  7. mtm

    mtm بـترولـي نشيط جدا

    419
    0
    0
    خلك على التكنلوجيا

    حتى بالترقيات مستقبلا اللى عنده دبلوم يفضلونه على الثانوية

    وبالتوفيق
     
  8. mtm

    mtm بـترولـي نشيط جدا

    419
    0
    0
    وعلى القريد المجال مفتوح في العمليات لـ مشغل الحقل

    يعني القريدات بالهبل ولله الحمد
     
جاري تحميل الصفحة...

مشاركة هذه الصفحة