سفرتي راح تخرب علي ؟

الكاتب : أمــل | المشاهدات : 717 | الردود : 7 | ‏6 ابريل 2009
  1. أمــل

    أمــل بـترولـي جـديـد

    3
    0
    0

    مرحبا لكل العاملين بالقطاع النفطي

    انا حديثة التخرج ,, مرت 9 اشهر على تخرجي فمادري هل اعتبر حديثه ام لا؟ طول هالوقت امور توظيفي تعطلت بسبب ورقة المعادلة التعيسة واللي تأخر التعليم العالي في اخراجها لي .

    المهم نطرت جم شهر ومالقيت اعلانات توظيف جديدة وأنا على اخر هذا الشهر راح اسافر انشالله لأمريكا .. وارجع أخير يونيو .. فهل تتوقعون ان شركات النفط راح تنزل اعلانات توظيف بفترة سفري ؟ يعني راح تطير مني فرص توظيف؟ انا فكرت وقلت راح اكون متابعه لمواقع الشركات وايضا للجرايد .. وان اغلب التسجيل ف القطاع النفطي يعتمد على ادخال البيانات في الويب سايت فمايحتاج ان اكون حاضررة , بس الخوف لما يتصلون علي .. تتوقعون ماراح تضيع انشالله على اي فرصه لي اخر 6 ؟

    أفيدونا من خبراتكم ؟
     
  2. Eng.q8

    Eng.q8 بـترولـي نشيط

    91
    0
    6
    لا انشالله ماراح يطوفج شي .....

    لسبب بسيط ان الحين قرار مجلس الوزراء وقف التوضيف والنقل والترقيه الي ...... بعد اعلان نتائج الانتخابات الي راح تكون اصلا في تاريخ 16/5/2009

    واذا بينزل اعلان توضيف بيكون شهر 7 وانتي تابعي علي قولتج في المنتدي والجرايد بعد وانشالله مايطوفج شي

    والله يوفق الجميع
     
  3. brilliant

    brilliant المـراقب الـعـام

    8,477
    0
    0
    Engineer
    Kuwait
    اول شي خلي كل اوراقج معاج وتكون مصوره سكان سوفت كوبي

    ثاني شي تابعي اي اعلان ينزل عن طريق الجرايد الكويتيه + مواقع الشركات + المنتدى

    ثالث شي اذا سجلتي عن طريق النت خلي تلفونج النقال شغال تجوال طول الفتره

    رابع شي اذا اتصلوا عليج او دزولج مسج او ايميل قوليلهم انا مسافره اقدر ااخر اختباري او مقابلتي لين ارد

    خامسا اذا رفظوا انهم ينطرون ترا تسوى انج تردين وتكملين الاجرآت مع انه ماعتقد ان فيه شي بهالفتره لكن الاجتياط واجب

    ونتمنى لج التوفيق :)
     
  4. أمــل

    أمــل بـترولـي جـديـد

    3
    0
    0
    شكرا و بارك الله فيكم.
     
  5. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    تعجبني نباهتك يا بريلنت


    ماشاء الله عليك
     
  6. brilliant

    brilliant المـراقب الـعـام

    8,477
    0
    0
    Engineer
    Kuwait
    اشكر اطرائك :)

    شهاده اعتز فيها اخوي الوسام :)
     
  7. msa

    msa بـترولـي نشيط

    شهادة تخرجج حديثة لما تكمل 3 سنين من عمر الشهادة
    يعني شهادتج باقيلها سنتين وثلاث أشهر وتصير قديمة :)
    يعني لا تخيفين راح يقبلون شهادتج
     
  8. ]printer

    ]printer بـترولـي نشيط جدا

    180
    0
    0
    accountant
    الكويت
    لسبب بسيط ان الحين قرار مجلس الوزراء وقف التوضيف والنقل والترقيه الي ...... بعد اعلان نتائج الانتخابات الي راح تكون اصلا في تاريخ 16/5/2009
    السلام عليكم ورحمة الله وبركاته
    ...........بالنسبة للاقتباس اعلاه ,, اود التنويه انه ليس هناك قرار ايقاف للترقيات او النقل الا في الوظائف الادارية العليا مدير فما فوق لكن اذا كنت مثال : من g12 الى g13ماراح توقف الترقية :) لا تحاتي واذا مديرك قاللك ماكو ترقية الاعقب مايرجع مجلس الامه اطلب منه صورة القرار الصادر بهذا الشأن...........:rolleyes:راح يتوهق!!!! فالكلام اللي مكتوب فوق من eng-q8 مو صحيح 100 %............
    وبخصوص السؤال عن التوظيف ...... التوظيف راح يبدأ في الصيف وهناك اكثر من امتحان بالاضافة الى مقابلة شخصية .تتم الاختبارات اولا بأول بعد تقديم الطلب فالموضوع يرجع لك عسى ان يكون توقيت الاختبارات والمقابلة مع وجودك في الكويت . مع تمنياتي لك بالتوفيق
     
جاري تحميل الصفحة...

مشاركة هذه الصفحة