هاليبرتون

الكاتب : MR.ZR1 | المشاهدات : 8,148 | الردود : 9 | ‏4 ابريل 2009
  1. MR.ZR1

    MR.ZR1 بـترولـي جـديـد

    43
    0
    0
    السلام عليكم

    الموضوع يا اخواني يتعلق بشركه هاليبرتون

    عندي صديق متخرج هندسه الكترونيات وقدم على شركه هاليبرتون والحين عرضوا عليه الاوفر وطبعا مايحتاج المعاش بدون دعم عماله يوصل 1175 ومع دعم العماله يوصل 1500 تقريبا والوظيفه field engineer.

    اهو سأل وفي ناس مدحت له الشركه على اساس انه راح يكتسب خبره وهي شركه عالميه وطبعا بالبدايه لازم يروح كورسات بامريكا وبعدها يرجع الكويت.. الي اهو مخليه متردد انك خلال شغلك عادي يخلونك بالحقل 5 ايام ماترجع ويعني الشغل تعب وكرف وياخذ من وقتك وطبعا حياة اجتماعيه راح تطلق عليها رصاصه الرحمه.

    انا قلت له كل شي له مقابل يعني صج يعطونك معاش حلو وقوي بس اهم ياخذون وقتك وصحتك وراح شوي تهمل جانب الاسري وخاصه اذا مفكر وناوي تتزوج راح تتعب بهالموضوع


    بالاخير ابي اسمع رايكم وخاصه لو احد يشتغل بهالشركه او شركه شلمبرجير وياريت بعد من الاخوان المشرفين يشاركونا

    ويعطيكم الف عافيه
     
  2. tenmonk

    tenmonk بـترولـي نشيط

    63
    0
    0
    ما انصح

    والله ياخوي انا اشتغلت اب هاليبيرتون فوق السنتين وابصراحه ما انصح بهلشركه صج انه سمعتها قويه بس الاداره اللي بالكويت تعبانه حيل و شلمبرجير احسن منها وانا طلعت منها ورحت وحده من شركات الكي لانه ابصراحه بالحكومه اضمن وفي استقرار وظيفي لكن عمري ما حسيت بالاستقرار اب هاليبيرتون وكل المهندسين اللي فيها يفكرون يطلعون ونصهم طلعو وانشالله ما اكون حبطتك بس هذا الواقع والناس تشتري راحتها
     
  3. naf6

    naf6 بـترولـي جـديـد

    10
    0
    0
    السلام عليكم !!

    أخوي من الأخير بقولك .....
    لا أنصح بالعمل لدى الشركات الأجنبية ..........حتى لو معاشة 1500 ولو 2000 بعد
    لآنها تعب وماتسوى بالمره والشباب اللي يشتغلون بهالشركات مو مرتاحين أبدا ً
    .....وانشاء الله ربي يعوض صاحبك بأفضل منها
     
  4. الشكوىى لله

    الشكوىى لله بـترولـي مميز

    773
    0
    16
    القطاَع النفطي الخاص
    الكويت
    وظيفه مؤقته ..
    سنه سنتين بالكثير
    لين يحصل له وظيفة راحه
     
  5. khaled85

    khaled85 بـترولـي نشيط

    91
    0
    0
    والله بخصوص هالموضوع انا اقول ان الواحد يشتغل وياخذ راتب يكفيه وما يطمع ويقول الحمدلله ويحط راسه على المخده واهوه مرتاح احسن من الكراف 24 ساعه وماشوف اهلي وربعي عشان 1500 دينار وماعندي امان وظيفي وامصيبة اني بديرتي قوله يفكر عدل والله يوفقه ويوفق الجميع
     
  6. MR.ZR1

    MR.ZR1 بـترولـي جـديـد

    43
    0
    0
    يعطيكم الف عافيه على الردود بس ياريت احد من المشرفين يتكلم في هالموضوع .
     
  7. فهد شموه

    فهد شموه المـراقب الـعـام

    2,712
    24
    38
    ذكر
    Production Engineering Mechanics
    ☀Q8 دار الفخــر والعــز☀

    أنا رأيي من رأي أخونا "الشكوىى لله"
    والله يكتب اللي فيه الخير
     
  8. البدر_66

    البدر_66 بـترولـي جـديـد

    5
    0
    0
    أنا توني مفدم عليها في معرض الوظائف مشغل حقل

    واشرحوا عن الوظيفة فيها تعب ودوام من 7 إلى 4

    وساعات اسبوع متواصل
     
  9. Mechanical Engineer

    Mechanical Engineer بـترولـي نشيط جدا

    359
    0
    0
    والله ياخوك

    كل الشركات تقريبا دوامهم كرف

    بس تكفه يداوم من 7 الى 4
    ولا يداوم شهر بشهر؟

    اكيد من 7 الى 4

    و بعدين اذا اضطروا راح يتصلون عليك عشان ترد الشغل يعني الدوام ان كول

    شوف صاحبك شنو مخطط عدل حق مستقبله و اهو يقدر يحدد وين يتجهه
     
  10. roughneck 84

    roughneck 84 بـترولـي جـديـد

    4
    0
    0
    السلام عليكم اخواتى الكرام فى الكويت العزيزة وفى كل ارجاء وطننا العربى .... انا اخوكم عادل من مصر مهندس ميكانيكا واعمل فى الحفر منذ 4 سنوات فى مصر وايضا فى ليبيا لكن حفارتنا فى ليبيا وقفت عن العمل وانا الأن منذ 6 شهور بدون عمل..ظروفى المادية غاية فى الصعوبة واحتاج الى عمل ... هل منكم من يستطيع مساعدتى وله الأجر عند الله
     
جاري تحميل الصفحة...

مشاركة هذه الصفحة